شركة جيزان العقارية ش م ك مقفلة ( جيزان )

[azoz25]

بصراحه انا اتوقع ينطرون الصغار يطلعون .... ومتى يطلعون الصغار راح ترتفع يعني بأختصار شديد ماكو طلعه مادام الصغار فيه ....
وانتوا شر ايكم ......

 

[السر وينه]

السلام
يا اخوانى ويا خواتى
الكثير يسأل عن جيزان ويلوم نفسه على حبس السيوله بجيزان
1_ لو تركض ركض الوحوش غير رزقك ماتحوش
2_ السهم ( بالعربى ) فيه كسر عظم
3_ اغلب المتداولين يقومون بتغيير مراكز وهو الخروج من جيزان ومن ثمه العوده بنسبه اقل من السابق وهو الامر الحاصل
4_ توجده نسبه تم خروجها ولاترغب بالعوده للسهم الا فى حالة تحركه
5_ بيوع الاجل بجيزان موجوده بالسوق الفورى لاشخاص معدود (( ملاحظه ))
6_ انطلاقة السهم لابد منها مع الارباح المعلنه والتى تعتبر فوق الممتاز
متى تحين اللحظه هذى تعتبر فى عالم الغيب بأنتظار نشاط الملاك وهو امر معروف
__________
مثال
بعد تجميدى لسيوله بجيزان فتره طويله حانت فرصه ذهبيه اقتنية السهم بالاجل ووفر على مبلغ كبير متجمد وهذى من اجمل الفرص لدى
_______
حادثه حصلت معاى شخصيا بالسوق
شخص والله ما اعرفه وانا قاعد على الجهاز قالى ممكن تفتح على جيزان
شوفوا نصيب الشخص ( سبحان الله )
الشخص : والله ذبحتنى جيزان كل يوم تصعد 20 وتنزل 20 ماصارت فلوسى صارت وديعه
___ : شنهى المشكله يا اخى انت صبرت وايد واذا عندك جيزان ومعاتب نفسك عندى حلين يا تبيع النص وتشتغل بنص السيوله تكون بالحاله هذى اذا راتفعت جيزان مالحقة عليها عندك فيها واذا نزلت تشترى تبرد ولا تلوم نفسك
الشخص : والله يا اخوى انا فعلا صرت احلم بجيزان ترتفع بنفس ارتفاع العام من كثر مانى بانى احلامى بصعودها بس اذا بعت وين ادش الاسهم ماراح تصعد مثل صعدت جيزان لو ارتفعت
____: فيه اسهم وايد ماخذت حاصل الارتفاع وفيه اسهم مظلومه وفيه اسهم تواصل صعودها وتكسر حواجز مقاومه
الشخص : انت اى سهم داش
____: داش بجيزان وبجم سهم ثانى
الشخص: صاعدين اسهمك
____ مابين وبين بس الحمدلله بس اللى ماشى معاى ومريحنى بصعوده المعادن وراح ابيع على ال1020الثلثين والثلث الاخير بكمل فيه معاه اذا شفت بوادر الصعود يا تصيب يا تخيب بكلا الحالتين انا ربحان لانى شاريه بسعر خيالى لسعر الحالى والحمد لله
الشخص : يعنى شرايك ابيع نص اللى بجيزان وقطهم بالمعادن
___ : والله يا اخوى اهى مغامره بس شخص يملك فيها نص مليون قالى المعادن واصله الدينار وترى اهى اقولها لك مغامره وانا داش على كلام المصدر
والله يا اخوان مرنى اليوم الثانى قالى انه قط نص جيزان وشره المعادن
واليوم مرنى قلتله بعت المعادن قالى لامابعتها هذى خليفة جيزان والسعر اللى شريت فيه بعيد وايد عن 1120 وبنطر مانى بايع بكمل مع المعادن
الشخص دش على المعادن بسعر ممتاز 0واليوم سعره مطلوب بالحد الاعلى 1120 بدون عرض
شوفوا الرزق شلون اذا كان مكتوب لانسان
على فكره يمكن تتساؤلون انا ليش قلت ببيع السهم على 1020 والسهم كان تحت الدينار
لانى ذكرت بموضوع الاسهم المتوقع صعودها بان شخص يملك نص مليون فيها قالى راح توصل الدينار وهو ماقد حصل تعدت هالدينار
_____
هذه ليست دعوه للبيع او الشراء
يمكن فى حالة بيعك جيزان يشتغلون عليها الملاك وتروح عليك
وايضا ممكن تبيع وتروح اسهم ثانيه تخسر فيها
وايضا ممكن تبيع وتشترى اسهم اخرى تتوفق فيها
وايضا ممكن تطلع منها وترد تشتريها بالنازل
امور كثير حيرة البشر بجيزان
ارباح ممتازه وسهم مكانك راوح
بس الرزق ارجع واقول انه نصيب

 

[STOCKER]

ياجيزان عندي لج جم سؤال

الســــــــــــــــــــــــــــــــلام عـــــــلـــــيـــكــــــم

شلووووووووووووووووووووووووووووووونكم شباب

يا اخوووان يا اخوااات

انا مثلكم زعلان وصاير فيني اكتئاب من هالسهم

جيزان مو معقولة الي قاعد يصير فيها

يعني كل هالمدة وماتصعد ؟

متى يبون يربحون المضاربين الكبار فيها خلونا احنا الصغار

يعني المضاربين الكبار ماراح يضاربون فيها ويصعدونها علشان يربحون ؟؟ مو معقولة ؟؟ كل هالمدة وجيزان واقفة مكانها ماتتحرك ولا تبي تتحرك ؟؟؟؟؟؟؟


ياجيزان عندي لج جم سؤال اولهم متى بتصعدين ؟؟ وصحيح مثل مايقولون بالسوق انج ماراح تتطيحين عن سعرج الي اهو 1180 ؟؟؟؟ ياجيزان خلصينا ترانا ملينا وياجيزان ترى في اسهم صعدت والناس الله يهنيها ربحت واحنا للحين نطالع وننطرج ياجيزان ترى الناس للناس

 

[خالد العتيبي]

واحد من الربع شاري في جيزان ورايح يتعالج الآن في أمريكا وكل يوم يتصل علي يسأل عن جيزان ولا أدري وشأقوله !!!

يعني الرجال مريض وراح أمرضه زيادة اذا قلت له جيزان على حاله


%%% الله كــريــم %%%

 

[المهذب جداً]

.

جيزان لن يرتفع فبل 1 ديسمبر؛ وهذا إللي صار العام اماضي!

.


​

 

[الشورى خالد]

بس شنو الحل غير الصبر

السلام عليكم معك حق وانا شاري صالرلي تقريبا 40يوم بس السهم مكانك راوح

 

[الشورى خالد]

التحليل الفني

والكلام للجميع نبي توقعات اجتهادية لجييييييييييييييييزان والرازق الله مع الشكر

 

[خوش ولد]

انا كلفني السهم 1240 وطلعت منه 1180 , فرص كثيره طافتني لكن لحقت على اسهم مثل العقاري واصول وعوضت الخساره والحمدالله , الكثير منكم يتفق معاي ان جيزان راح ترتفع ولكن متى ؟؟ اعتقد والله العالم ان اهلها ما يبون ترتفع بالفترة الحاليه ويبون يجمعون ليمو يقولون بس , واعتقد من الافضل ان الواحد يخرج من السهم ويدش في اسهم فرصتها كبيره للارتفاع مثل اصول والعقاري ووطنية عقاريه واتوقع راح يرتفعون ارتفاعات ممتازة في الفترة القادمه

والله اعلم

 

[المهذب جداً]

أصحاب سهم جيزان العقارية يمكن لهم تحقيق نسبة ربح 100% ؟

.


من 1,200 إلى 2,400 بإذن الله بصبر فلنقل سنة كاملة مكملة والهروب الكبير في فبراير 2005!


وسؤالي للذين خرجوا من جيزان: هل تستطيعون ذلك؟


الرجاء الإجابة.


.

 

[الشورى خالد]

للمهذب جدا

السلام عليكم اعرف الصبر زين بس لو سمحت سؤال هل من الممكن تكون الارباح مثل الارباح السابقة والسعر كذالك والرازق الله

 

[المهذب جداً]

.

العام وصل أعلى سعر 3,960 فلس.

أخوي: راس المال تضاعف مرتين؛

ولو كانت أرباح السنة هذي نفس أرباح العام؛

معناتها ثلث أرباح العام

لأن راس المال تضاعف مرتين!

عرفت و المهم التوزيع.

العام كان في منحة 200% و ما كان في نقدي.

السنة هذه خلنا نقول بيوصل بس 2,400.

حنا مو طماعين واجد.

بلاش من 1,200 إلى 1800

معناتها 50% من راس مالك رجعت بسنة وحدة

يعني أحسن من إنك تبنيلك عمارة ...........!!!!!!!!!!!!!!!!

:d

.

 

[الشورى خالد]

قليل من جيزان

السلام عليكم اخوى المهذب جدا نحترم رايك ولكن مع الارباح لجيزان هذه اعتقد انها قليلة وهل تفسر توقعات بالارقام والكلام للجميع والرازق الله

 

[حوت السوق]

للأفادة

http://www.indexsignal.com/vb/showthread.php?t=16384&page=1&pp=15

 

[الشورى خالد]

احد اصول جيزان

السلام عليكم سؤال لو تكرمتم بالنسبة لبيع جيزان احد اصولها غرفة التجارة والصناعة 1 متى حدث 2 ما هي الفائدة والرازق الله

 

[شراره]

لو توضح أخي الكريم تري موفاهم شي ،،، شنو قصدك بالكلام هل جيزان بايعه أحد أصولها ؟؟؟؟؟؟؟

 

[DAN1]

السلام عليكم الاخ الكريم اللي يسأل عن بيع شركة جيزان العقارية امبنى غرفة التجارة القديم .
باعت شركة جيزان العقارية أحد أصولها العقارية بمبلغ 6,25مليون دينار وهو غرفة التجارة القديم محققة ربحاً قدره 1,955 مليون أي مايعادل 49 فلس للسهم الواحد .( على رأس المال القديم )
حدث ذلك في يناير 2003 .

 

[الشورى خالد]

جيزان والرازق الله

السلام عليكم انشاء الله فيها ارباح خيالية واتوقع السهم يوصل 4دنانير واذا فيه اعتراض فاليشرح بالتفصيل الممل لان هذا الشى يعنينا والرازق الله

 

[سبع الاجل]

السلام عليكم انشاء الله فيها ارباح خيالية واتوقع السهم يوصل 4دنانير واذا فيه اعتراض فاليشرح بالتفصيل الممل لان هذا الشى يعنينا والرازق الله

انا اخالفك الراي وما اعتقد بان سهم جيزان راح يوصل الي السعر الي ذكرتة انت وهو 4 دنانير
لسبب واحد
وهو ان ارباح جيزان ليست تشغيلية
يعني ليست متكررة

 

[الادهم]

الله يرزق الجميع... بس سالفة انه يوصل 4 دنانير

هذى شيلها من راسك احتمال يوصل دينار ونص

اكثر شويه يمكن اما 4 دنانير ماعتقد بسبب ان ارباحه

غير تشغيليه ؟؟ ويازينه ان ثبت على هالمستوى هذا

 

[الشورى خالد]

يازين الحجي بالارقام لجيزان

السلام عليكم اخوي سبع الاجل وللجميع ليش ما تتوقعون وبالارقام مع جيزان وهو مجرد اجتهاد مع الشكر والرازق الله