أستشارات مجانية ... بناء ترميم ديكورات داخلية وخارجية

[شراي2010]

السلام عليكم ورحمة الله وبركاته
اخوي الله يجزاك خير على اعطاءك النصائح لاخوانك
عندي سؤال وابي اجابه تقريبيه لاني ادري انك تبي التفصيل علشان تعطيني اجابه دقيقه بس ماعليه انا راضي بأجابه تقريبيه عندي قسيمه 750م بنيان قديم دورين وسرداب ابي احفر الحوش على مستوى السرداب راح يكون الحفر من جهه 5م على طول الواجهة تقريبا 30م والجهه الثانيه الحفر 7م وطول الواجهه 23م مع توسعة الدور الارضي نفس السرداب وتوسعة الدور الاول بس راح يكون اقل من الارضي والسرداب ب 2م حسب نظام البلديه وابي ابني دور ثالث كامل بنفس مساحة الدور الثاني بعد التوسعه وبسوي شقة فوق الثالث 3 غرف وصاله و2 حمام وغرفتين للخدم وابي اركب مصعد من السرداب الى الاخير وابي امدد تكييف مركزي للسرداب وكل الادوار تركيب جديد وبقط القديم مع العلم ان السرداب مافيه تكييف من الاساس وبالنسبه للتلبيس سيجما وبالنسبه لمستوى الشغل السرداب والارضي سوبر ديلوكس والادوار الباقيه يكون التشطيب وسط

اسمحلي على الاطاله وجزاك الله خير

 

[almellyarder]

حياك الله

سلام عليكم

ممكن سؤال ليش تبي تحفر 5 × 30 و 7 × 23 لعمل سردابين ؟

هل تتأكد من القواعد البيت هل يتحمل بناء دور ثالث ؟

على العموم اعطيك الاسعار التقريبية .

حفر سردابين بمساة 311 بحدود 13000 الف د.ك .

بخصوص الترميم الارضي والسرداب سعر المتر الترميم 95 د.ك للمتر .

والتكييف نوع أل جي بحدود 7500 الى 8750 الف د.ك .

والدور الثالث بحدود 85 د.ك للمتر .

التكسية الخارجية بالكامل سيجما بحدود 6500 الف د.ك .

وأسمحلي أنا موشايف الموقع و لا عندي مخطط فهذه الاسعار تقريبيا ممكن صعود وممكن نزول .


(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ) [هود-47].

إي استفسار الاتصال / 60004462

اخوك / الملياردير

 

[Super Click]

السلام عليكم

اخوي الملياردير بارك الله فيك

الاجارات هدت حيلي واستنزفتني لمدة ثمان سنوات وحبيت اضبط بيت الوالد عشان اسكن معاه انا واخوي اللي بيتزوج قريب

البيت حكومة في الصباحية مبني فيه ملحق دور واحد على شكل حرف لـ واجهة الملحق 25 × 15 متر

فكرة اخوي انه بيهدم الملحق ويعيد تأسيسه من جديد دورين بالاضافة الى غرفتين وحمام بالسطح

انا جبت مقاول اعرفه (براني) مو مكتب قال اذا بتهدم بيكلفك مبالغ .. والأفضل تفتح اطوف وتضبطه

بس قال ما ادري عن الأساسات واخاف مايتحمل دور ثاني


والموضوع الثاني: في ناس قالولي ضروري تطلع رخصة بناء من البلدية ورحت للبلدية قالوا جيبلنا ورقة من مكتب هندسي ... وانت تدري اذا المكتب بيشتغل معاي بيكلفني مبالغ كبيرة ما راح اقدر عليها .. وهذا السبب اللي خلاني اكلم المقاول (البراني)



أطلب مشورتك ورايك بالموضوعين ... ومشكور مقدماً وجزاك الله خير

 

[almellyarder]

حياك الله

سلام عليكم

بلدية الصباحية يعني متفاهمين ويساعدون الناس بس قولهم انك محتاج موافقة على بناء ملحق ( واسطة صغيرة ) !

على العموم المكتب الاستشارات الهندسية ارخص واحد بحدود 150 د.ك الى 200 د.ك . والمقاول يمكن يساعدك بالعمل التوسعة بس حاول تعطيه المخطط القديم يشيك على القواعد .
على العموم إذ بغيت مكتب استشارات راح اطرشك على كم مكتب بأذن الله راح يكلفك شئ بسيط .

اتصل على / 60004462 .

لا تنساني بالدعاء

 

[Super Click]

سلام عليكم

بلدية الصباحية يعني متفاهمين ويساعدون الناس بس قولهم انك محتاج موافقة على بناء ملحق ( واسطة صغيرة ) !

على العموم المكتب الاستشارات الهندسية ارخص واحد بحدود 150 د.ك الى 200 د.ك . والمقاول يمكن يساعدك بالعمل التوسعة بس حاول تعطيه المخطط القديم يشيك على القواعد .
على العموم إذ بغيت مكتب استشارات راح اطرشك على كم مكتب بأذن الله راح يكلفك شئ بسيط .

اتصل على / 60004462 .

لا تنساني بالدعاء

الله يجزاك عنا كل خير

انت تقصد 150 الى 200 دينار عشان الورقة اللي اقدمها للبلدية ؟

والمشكلة المخطط القديم ماحصلته عند الوالد .. تتوقع القاه عند البلدية ؟؟

 

[almellyarder]

حياك الله

سلام عليكم

إي نعم الرخصة والمخطط .

راح تلقى بالبلدية صورة من المخطط بأذن الله .

 

[Horizon BBC]

استاذ الفاضل المليونير

بداية أود أن أشكرك على المجهود البارز والواضح لتوضيح أمور كثيرة خافية علينا خاصا بمجال البناء
إستاذي عندي إستفسار وهو هل هناك رسوم أدفعها للبلدية في حال رغبتي بهدم البيت وبناء بيت جديد وكم قيمة هذه الرسوم .

لأن احدى المكاتب الهندسية التي ستتولى تصميم هذا البيت قالو لصاحب البيت عن هذه الرسوم .

أتمنى أن أحصل على الإجابه ولك جزيل الشكر والتوفيق بإذن الله

 

[almellyarder]

حياك الله

استاذ الفاضل المليونير

بداية أود أن أشكرك على المجهود البارز والواضح لتوضيح أمور كثيرة خافية علينا خاصا بمجال البناء
إستاذي عندي إستفسار وهو هل هناك رسوم أدفعها للبلدية في حال رغبتي بهدم البيت وبناء بيت جديد وكم قيمة هذه الرسوم .

لأن احدى المكاتب الهندسية التي ستتولى تصميم هذا البيت قالو لصاحب البيت عن هذه الرسوم .

أتمنى أن أحصل على الإجابه ولك جزيل الشكر والتوفيق بإذن الله

==========================================

سلام عليكم

إي نعم في رسوم ويوجد تأمين أيضا !

الرسوم شي بسيط من 35 الى 50 دينار تقريبا بس هناك تأمين الهدام 1000 د.ك تضع تامين أمن وسلامة ويجب على صاحب البيت الاتفاق مع شركة مصنفة بالبلدية لعمل أجراءات الهدم غير الترخيص من قبل مكتب الاشراف .

(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ) [هود-47]

 

[خالد خالد]

السلام عليكم اخوى الملياردير شلونك شخبارك واللة يجزيك خير على هالمعلومات والمجهود فى خدمت الناس 0 بغيت اسال عن انواع الحديد اللى موجود بالسوق وشنو الافضل حق البناء اذا ماعندى دعم 0 وبعرف الالمونيوم شنو افضل الانواع والمقاسات وشلون اضمن انة كلامهم صحيح مايغشونى وكم سعرة جام دبل وجام عادى0 وجم سعر درب الصلبوخ وشنو انواعة وشنو الافضل وكم سعر المتر المزاييك والسيجما شامل المواد وشنو الافضل والمواصفات لو تكرمت واسف على الازعاج وجزاك اللة خير وجعلها فى موازين اعمالك وشكرا0

 

[Horizon BBC]

شكرا استاذ المليونير على المعلومات القيمة ويشهد الله إنك لم تقصر . نتمنى لك التوفيق

 

[شبابي]

السلام عليكم

الله يعطييك العافيه اخوي بوعبدالله ..

انا اتفقت مع المقاول على ان يبني دور ثالث حسب المخطط الي اتفقنا عليه ، مع غرفة وحمام في الدور الثاني مع عمل مصعد وتكملة درج البيت الي دور الثالث .. واتفقنا على المبلغ وخلصنا ,,

والحين صار زيادة في مساحة البنيان من قدام البيت بواقع 38 م2 ..

شلون احسب سعر الزيادة بالضبط ، خاصة اني ما اتفقت وياه على المتر ؟!

وللعلم الزيادة ما في اي ورقة او عقد تثبت الزيادة . يعني بوقت الشغل قررنا نزيد الزيادة ونتحاسب بالاخر ..

احتاج مشورتك ضروري .. وبارك الله فيك

واستفسار اخر / اذا بأبني مصعد ارضي واول وثاني 180 ب 170 مع غرفة المصعد بالسطح .. جم يكلفني بالضبط ؟

 

[almellyarder]

حياك الله

السلام عليكم

الله يعطييك العافيه اخوي بوعبدالله ..

انا اتفقت مع المقاول على ان يبني دور ثالث حسب المخطط الي اتفقنا عليه ، مع غرفة وحمام في الدور الثاني مع عمل مصعد وتكملة درج البيت الي دور الثالث .. واتفقنا على المبلغ وخلصنا ,,

والحين صار زيادة في مساحة البنيان من قدام البيت بواقع 38 م2 ..

شلون احسب سعر الزيادة بالضبط ، خاصة اني ما اتفقت وياه على المتر ؟!

وللعلم الزيادة ما في اي ورقة او عقد تثبت الزيادة . يعني بوقت الشغل قررنا نزيد الزيادة ونتحاسب بالاخر ..

احتاج مشورتك ضروري .. وبارك الله فيك

واستفسار اخر / اذا بأبني مصعد ارضي واول وثاني 180 ب 170 مع غرفة المصعد بالسطح .. جم يكلفني بالضبط ؟

==========================================

سلام عليكم

جعله الله بيت مبارك بأذن الله .

المسألة كلها سهلة تحسب مسطحات البناء وتقسم قيمة المبلغ على البناء بدون المصعد !

بيت المصعد يكلف من 1500 الى 1750 د.ك .
اما المصعد حسب نوعه وتقريبا بالسوق من 2700 د.ك الى 3000 د.ك .

 

[شبابي]

==========================================

سلام عليكم

جعله الله بيت مبارك بأذن الله .

المسألة كلها سهلة تحسب مسطحات البناء وتقسم قيمة المبلغ على البناء بدون المصعد !

بيت المصعد يكلف من 1500 الى 1750 د.ك .
اما المصعد حسب نوعه وتقريبا بالسوق من 2700 د.ك الى 3000 د.ك .

الله يبارك فيك ..

احسب مسطح البناء من غير الزيادة ؟! علشان اطلع بالضبط جم حاسب المتر ؟!

وبعدين اذا طلعت قيمة المتر بالضبط ،، اضربها ب المساحة الجديدة 38 م2 الي عندي ؟!

 

[almellyarder]

حياك الله

الله يبارك فيك ..

احسب مسطح البناء من غير الزيادة ؟! علشان اطلع بالضبط جم حاسب المتر ؟!

وبعدين اذا طلعت قيمة المتر بالضبط ،، اضربها ب المساحة الجديدة 38 م2 الي عندي ؟!

==========================================

سلام عليكم
إي نعم وخليك ذيب

 

[خالد خالد]

السلام عليكم اخوى الملياردير شلونك شخبارك واللة يجزيك خير على هالمعلومات والمجهود فى خدمت الناس 0 بغيت اسال عن انواع الحديد اللى موجود بالسوق وشنو الافضل حق البناء اذا ماعندى دعم 0 وبعرف الالمونيوم شنو افضل الانواع والمقاسات وشلون اضمن انة كلامهم صحيح مايغشونى وكم سعرة جام دبل وجام عادى0 وجم سعر درب الصلبوخ وشنو انواعة وشنو الافضل وكم سعر المتر المزاييك والسيجما شامل المواد وشنو الافضل والمواصفات لو تكرمت واسف على الازعاج وجزاك اللة خير وجعلها فى موازين اعمالك وشكرا0

السلام عليكم اخوى الملياردير الل يعطيك العافية

 

[almellyarder]

حياك الله

السلام عليكم اخوى الملياردير الل يعطيك العافية

==========================================
سلام عليكم

حديد تركي / كويتي / سعودي / قطري ..... الخ .

كلهم نفس الغرض .وأسعارهم مابين 172 الى 175 .
الالمنيوم أطلب 1.8 ملي يعني 2 ملي يسمى بالسوق المحلي .
السعر مع دبل جام و2 ملي يتراوح مابين 28 الى 30 د.ك .
الصلبوخ في سعودي واماراتي وفي من ايران الافضل الاماراتي وبعدها السعودي سعر الشاحنة تحمل 19.19 متر 170 د.ك .
المزاييك سعرة من 3.2501 د.ك الى 3.500 د.ك للمتر المربع .

السيجما كذا نوع والسعر مابين 5.250 الى 5.500 د.ك .

 

[شبابي]

==========================================

سلام عليكم
إي نعم وخليك ذيب

ابشر

بس انت قلت المصعد يكلف بناءه 1500 -1750 ؟!

المواد كانت علي ,, جم يكون من غير مواد ؟!

 

[almellyarder]

حياك الله

ابشر

بس انت قلت المصعد يكلف بناءه 1500 -1750 ؟!

المواد كانت علي ,, جم يكون من غير مواد ؟!

==========================================
سلام عليكم


يا شيخ بيت المصعد يكلفك مع المواد من 1500 الى 1750 د.ك .

 

[simple23]

سلام اخوي
بيت اسألك انا ابي اعرف كم التكلفه
اذا بغيت ابني بيت مساحته 600 متر
بس انا ابي ابني النص لانه البيت بطن وظهر وبخلي النص الثاني لما توفر الميزانيه
ثلاث ادوار ونص

 

[almellyarder]

حياك الله

سلام اخوي
بيت اسألك انا ابي اعرف كم التكلفه
اذا بغيت ابني بيت مساحته 600 متر
بس انا ابي ابني النص لانه البيت بطن وظهر وبخلي النص الثاني لما توفر الميزانيه
ثلاث ادوار ونص

==========================================
سلام عليكم


مسطحات البناء لمساحة 600 = 1260 .
نص المساحة 630 متر تقريبا بتشطيب ديلوكس عادي = 53000 الف د.ك .