شركة زين للاتصالات (زين)

[fhfh]

أذا تمت البيعة فلوسك تستلمها خلال اربع شهور

 

[بو عمر77]

زين أنباعت وأنتهى الامر ، لابعد العيد ولا قبله وكله اللي صار في الايام السابقة تمثيل في تمثيل وأنا ذكرت في مشاركة سابقة بأن صفقة زين لن تشمل صغار المستثمرين ، الدليل على كلامي بأن الصفقة تمت هو التداول الضعيف أمس واليوم على سهم زين وهذا المسج اللي ذكره الاخ جعبر هو آخر حيله من الاستثمارات الوطنية للناس ، آخر الكلام أسمعوا دعاية زين عن العيد في التلفزيون لتعرفوا المغزى منها .

ولاحول ولا قوة إلا بالله

 

[Cha3bar]

واصلتني رسالة فيها تصريح لناصر الخرافي بخصوص صغار المساهمين من زين وإشتراكهم في الصفقة .. ما راح أكتب التصريح إلي وصلني لأني مو متأكد من المصدر

إذا في واحد ثاني واصله ويقدر يأكده يحطه

ورئيس مجلس إدارة شركة bsnl يؤكد بعدم إتخاذ قرار المشاركة في تحالف فافازي حتى الآن

 

[بو عمر77]

زين أنباعت وأنتهى الامر ، لابعد العيد ولا قبله وكله اللي صار في الايام السابقة تمثيل في تمثيل وأنا ذكرت في مشاركة سابقة بأن صفقة زين لن تشمل صغار المستثمرين ، الدليل على كلامي بأن الصفقة تمت هو التداول الضعيف أمس واليوم على سهم زين وهذا المسج اللي ذكره الاخ جعبر هو آخر حيله من الاستثمارات الوطنية للناس ، آخر الكلام أسمعوا دعاية زين عن العيد في التلفزيون لتعرفوا المغزى منها .

ولاحول ولا قوة إلا بالله

الاخوان الكرام لاتلتفتوا للاشاعات والكلام المبتور هنا وهناك الصفقة تمت ، ونصيحة الاتجاه الان للشركات التابعة لمجموعة الخير أو حتى الاحتفاظ بزين للحصول على الارباح نهاية العام ، صغار المستثمرين لهم الله والصفقة لن تشملهم .

 

[الشمقمق]

^^^^

عمي شلون اقدروا يدبرون ال 46% ؟؟؟


الله يعوض علينا

 

[wal3li 2]

واصلتني رسالة فيها تصريح لناصر الخرافي بخصوص صغار المساهمين من زين وإشتراكهم في الصفقة .. ما راح أكتب التصريح إلي وصلني لأني مو متأكد من المصدر

إذا في واحد ثاني واصله ويقدر يأكده يحطه

ورئيس مجلس إدارة شركة bsnl يؤكد بعدم إتخاذ قرار المشاركة في تحالف فافازي حتى الآن

300000
97.5%

 

[الشمقمق]

300000
97.5%

شنو يعني ؟؟؟؟؟

 

[رحنا ملح]

قصدك هالمسج

ناصر الخرافي:
ادخال جميع مساهمين زين الذين يملكون 300 الف سهم ومادونفي صفقة البيع وهم يمثلون 97.5% من عدد المساهمين

هذا المسج وصلني
والله اعلم من حقيقته

 

[بو سجي]

الحمدلله ان ابو التجار ناصر الخرافي الله يطول ابعمره فكر بصغار المساهمين أول شي -و راح اكملون فتح محافظ بعد العيد - امس امكلمهم و قالولي هالكلام

جذي مواقف الرجال يا بو مرزوق-

والله لو كان صاحب الصفقه اي مجموعه ثانيه في البورصه

انسوا ان يدخلونا معاهم الصفقه او حتى يتذكرون شي اسمه صغار المستثمرين

شكراااااااااااااااااااااااااااااااااا يااااا أبو صغاااااار المستثمرين

 

[بابك]

المشتري للحين ينفي
واعلان الخير يقول الاجراءات التحضيرية لاتعني اتمام البيعة
وخوش صيدة 4 شهور اللي يبيع كرت احمر برة الصفقة
يعني الريال شال الضغط عن السهم وجمد 19500مساهم ما يعرضون اسهمهم بالسوق لمدة اربع شهور علشان يلعب بالسهم على كيفه ومحد يضايق صانع السوق
لا خوش فكر بالصغار

 

[قلوب]

امنا بالله الصفقه ما تشمل اللي شري عقب الصفقه بس الحين السهم بيصعد ولا شنو والله خسرت وايد وما شريت سيارة حق البيت واللي خسرته قيمة السيارة

 

[عبدالرحمن الحبا]

بسم الله الرحمن الرحيم
يا جماعة هذا خبر جميع المعطيات تؤكده ... والأيام القادمة راح تأكد كلامي ... توجد أطراف خفية في صفقة زين ... وجميع المؤشرات تؤكد أن شركة الإتصـالات الإماراتيـة هـي المرشـح القوي لإتمام الصفقة ... حيث أن الشركة الإماراتية لديها توجه لتغطية أكبر قدر من أفريقيا وشبه الجزيرة بالإضافة إلى العراق ... وهي من الشركات المتواجدة في مصر وتخطوا خطا ثابتة ومدروسة لتستقطب أكبر عدد من شرائح المجتمع هناك ... والذي ساهم في بيع الشركة هو الضعوط الكبيرة من أحد كبار البنوك على أحد كبار الملاك لتسديد قروض صرفت لمشاريع أخرى .... وهناك بقية عن توقعات حركة السهم ......

:: أعوذ بالله من الشيطان الرجيم ... أستغفر الله الذي لا إله إلا هو وأتوب إليه :: 3مرات

 

[Cha3bar]

بسم الله الرحمن الرحيم
يا جماعة هذا خبر جميع المعطيات تؤكده ... والأيام القادمة راح تأكد كلامي ... توجد أطراف خفية في صفقة زين ... وجميع المؤشرات تؤكد أن شركة الإتصـالات الإماراتيـة هـي المرشـح القوي لإتمام الصفقة ... حيث أن الشركة الإماراتية لديها توجه لتغطية أكبر قدر من أفريقيا وشبه الجزيرة بالإضافة إلى العراق ... وهي من الشركات المتواجدة في مصر وتخطوا خطا ثابتة ومدروسة لتستقطب أكبر عدد من شرائح المجتمع هناك ... والذي ساهم في بيع الشركة هو الضعوط الكبيرة من أحد كبار البنوك على أحد كبار الملاك لتسديد قروض صرفت لمشاريع أخرى .... وهناك بقية عن توقعات حركة السهم ......

:: أعوذ بالله من الشيطان الرجيم ... أستغفر الله الذي لا إله إلا هو وأتوب إليه :: 3مرات

السلام عليكم

أختلف معاك أخوي عبدالرحمن، أولا إتصالات الإمارات نفت إهتمامها بزين الأم وحتى أصول زين في أفريقيا، ثانيا في عائق ذكرته بالسابق أن هناك تداخل كبير بين أفرع زين وأفرع إتصالات الإمارات وأغلب الهيئات والحكومات في هذه الأسواق المتداخلة لن تسمح بمثل هذه الصفقة على سبيل المثال السعودية لن تسمح أن تمتلك الإمارات رخصتين تشغيل في السعودية موبايلي وزين السعودية في حال ما إذا شرت إتصالات الإمارات على كلامك زين

 

[لا للبورصة]

امنا بالله الصفقه ما تشمل اللي شري عقب الصفقه بس الحين السهم بيصعد ولا شنو والله خسرت وايد وما شريت سيارة حق البيت واللي خسرته قيمة السيارة

الله يعوض عليك

 

[stocker1]

لا أخوي mab السالفة واضحة ما في إتفاق رسمي "حتى الآن" بين فافازي والشركات الهندية، وهذا ما أكده رئيس فافازي، وقال إن راح يدور غيرهم إذا ما إنضموا للتحالف

: ندرس الانضمام الى تحالف صفقة زين.. لكننا لم نقرر بعد



نيودلهي ـ رويترز: ذكر رئيس مجلس ادارة شركة بهارات سانشار نيجام ليميتد (بي إس إن إل) الهندية ان الشركة لاتزال تدرس فكرة الانضمام الى تحالف لشراء 46 في المائة من أسهم شركة زين. وصرح كولديب غويال في حديث هاتفي لوكالة رويترز قائلا: «مازلنا ندرس الأمر». واضاف: «شركة فافازي صغيرة، لكن إذا كان لديها علاقة مع ملاّك زين، فإن الأمر سيكون لمصلحتها».
واشار الى أنه الشركة لم تتخذ قرارا حتى الآن، وأنها أولا سوف تقرر، ومن ثم سترجع الى وزارة الاتصالات الهندية لأخذ موافقتها.
يذكر ان لدى الشركة 6 مليارات دولار احتياطيات نقدية وتحتاج لموافقة الحكومة على اي صفقة ضخمة.

 

[بسنا عذاريب]

نشكر شركة الاستثمارات الوطنية ( صج انج وطنية)

هالتصريح ريحنا جد - نشكر اهتمام الاب ناصر الخرافي على هالصفقة اللي اتشرف
و نشكره مرة ثانيا على اهتمامه فينا احنا صغار المستثمرين

دام هذي اعمالك و نواياك : احنا معااااااااااك يا بو مرزوووووووق

 

[kwfd]

كنت اتوقع

كنت اتوقع ان شركة اتصالات الاماراتية هي اللي راح تدخل بالصفقة بس لأن ربعنا يحبون يدودهون العالم صغار وكبار دخلوا في طريق اعوج وصفقة ماصخة ماعرفنا مثلها لا بالكويت ولا غيرها والا المفروض يتم أعلان الصفقة ومن ثم يرتفع السهم الى دينارين خلال اسبوع اكثر او اقل خلالها اللي يبي يبيع او يشتري بكيفه هنيه الكلام الصح
اما كلام ان التحالف لازم يدرس اوضاع الشركة والقانون النافي للجهالة وهذا غير ان التحالف متماسك وألا لا وواحد يبي ينسحب وشركة يقولون عنها صغيره ومايبون انها تدش معاهم
هذا كله كلام سخيف ويخلي الواحد يحس انه يستثمر فلوسه في سهم شركة يعرف بكم شرا سعر السهم لكن مستحيل يعرف بكم راح يبيع بسبب قانون التدوده وليس قانون النافي للجهالة
وسلم لي على صغار المستثمرين

 

[رحنا ملح]

الريال بدخل مايفوق 19 الف مساهم صغير ومستمر مع المقاصه بالتنفيذ

بس اشتبون اكثر من جذيه !!!!!!!

صفوا النيه ياشباب لحد اشكك بالنيات
وشغال فتح محافظ مسكين
صبروا
وطبيعي السهم بينزل بعد اعلان الصفقه !!!!!!
نسيتوا الوطنيه للاتصالات اشصار فيها

انا متفائل جدا
تفائلووووووووووووووا ))))))

 

[kwfd]

كنت ابي ادش

كنت ابي ادش بشقا عمري يوم كان السهم بدينار و600 لكن الحمد لله اني مادشيت والله يرزق الجميع متفائلين او متشائمين بعدين صفقة نفس جذي تلوع الجبد وتنرفز
مثل هالصفقات تحسسك انك داش صالة قمار والعياذ بالله مو بورصة فيها اعلان صفقات صنعه واعلان ارباح او خساير وعليها تقرر تشتري او تبيع
وعلى قولتهم اللي بالجدر يطلعه المقلى اذا ماعندك ملاس
المقلى مال تهف فيه راس اللي خلا الصفقة تخلي الناس مدودهين

 

[kwfd]

هذا اذا كانت فيه صفقة

هذا اذا كانت فيه صفقة