لجميع استفساراتكم عن الرخص التجاريه

[general]

السلام عليكم
اخوي وبالنسبه لاعتماد التوقيع شلون اطلعه
وياليت الله يرضى عليك تعيد شرح نقطه شهاده الرصيد بشكل ابسط (لاني ما استوعبتها)
اضرب مثال انا وياك نبي نطلع شركه وكمل الباقي الله يبارك فيك
وبيض الله وجهك على الرد والمساعده

ومبارك عليكم الشهر جميع من دخل الموضوع

وعليكم السلام
اخوي اعتماد التوقيع تطلعه من غرفه التجاره والصناعه ومن ثم تاخذ الشئون هم يصدقونه وجذي تخلصه .
وانا وياك اذا نبي نفتح شركه راح يطلبون منه راس مال عن طريق اثباتنه بشهاده رصيد صادره من البنك ان بحسابي وحسابك المبلغ الفلاني (على حسب نشاط الشركه) لنفرض 250 ألف دينار . وانا وياك ماعندنه هل مبلغ فالمندوب الي يبي يأسس الشركه لنه راح يقوم باستخراج شهاده رصيد بنكي من البنك بأسم الشركه (انا وانت) ان عندنه 250 ألف عاد شلون ؟ الاجابه تكون يا صج يسوي ايداع ويسحبه ثاني يوم (ياخذ علينه كمبياله أو وكاله خاصه محدوده الصلاحيه) يا عنده واسطه بالبنك يطلع هل شهاده بدون هل مبلغ والخ,,, عشان جذي محد يقدر يأسس شركه او مؤسسه من نفسه مرده تحتاج مندوب

 

[general]

السلام عليكم ... مساك الله بخير اتمني كتابه طريقة فتح مؤسسة انا براجع فيه ؟؟

هلا بالمطيري
عزيزي ادري انك شقردي وتحب تخدم نفسك لكن بهذي ما أأيدك (تأسس مؤسسه بروحك) لان تحتاج شهاده رصيد 50 ألف (تجاره عامه ومقاولات) ووايد امور تحتاج فيها مندوب من مكاتب تخليص المعاملات والشغله فيها طواله انا حاولت أسس مؤسسه من نفسي (كتحدي للمندوبين) دقيت على مندوب قالي أسس لك 350 دينار قلت له فارج بس
المهم اشتغلت فيها بروحي ليما وصلت الى طلبهم لشهاده رصيد توهقت واتصلت على المكتب وقلت بس ابي شهاده رصيد ب 50 ألف جان يقولي 200 دينار شنو تحسفت ان كل تعبي عشان اوفر 150 دينار (اهو كان مستعد يسويها كامله ب 350 دينار) والتعب الي فيها مو بس تسوى تقط 150 دينار تسوى تقط فيها 1500) وعاد اخر شي زهقت من المعامله وهديتها ولا حتى أسست مؤسسه ولاهم يحزنون

 

[Bu-NaNo]

السلام عليكم
في جهة حكومية طالبه منى شهادة نسبة العمالة الوطنية بالشركة. و انا ما عندي عمالة كلش فى شنو الطريقة. راجعت الشؤون قالوا لازم تشترك

 

[general]

السلام عليكم
في جهة حكومية طالبه منى شهادة نسبة العمالة الوطنية بالشركة. و انا ما عندي عمالة كلش فى شنو الطريقة. راجعت الشؤون قالوا لازم تشترك

هلا اخوي هذي يسمونها شهاده استيفاء نسبه العماله الوطنيه والهدف منها يشوفون مستوفي نسبه العماله الوطنيه المطلوبه ولالا مثال
اذا عند 25 موظف غير كويتي لازم يقابل هل عدد موظف كويتي واحد .
وبما ان انت ماعندك 25 موظف غير كويتي فماله داعي يكون عندك موظف كويتي
اول مره اسمع شي اسمه لازم تشترك (مو فاهم كلمه تشترك) الموظف الظاهر غشيم المطلوب بس تاخذ الشهاده عشان الجهه تتأكد انك ملتزم بالقانون (النسبه) ومثال اخر يعني انت عندك معامله بجهه حكوميه وعندك 30 عامل مقيم وماعندك ولا موظف كويتي جذي راح يعطونك شهاده عدم استفياء العماله الوطنيه

 

[الافوكاتو]

بيض الله وجهك على الرد والشرح
وعندي سؤال وادري كثرت عليك لكن استحملني
عندي رخصه مواد ديكور بحولها لرخصه بيع افلام (ما اعرف شنو اسمها)
شلون الاجراءات والرسوم والمطلوب؟
وتذكر للحين واصل فيها عند الرقم المدني

 

[general]

بيض الله وجهك على الرد والشرح
وعندي سؤال وادري كثرت عليك لكن استحملني
عندي رخصه مواد ديكور بحولها لرخصه بيع افلام (ما اعرف شنو اسمها)
شلون الاجراءات والرسوم والمطلوب؟
وتذكر للحين واصل فيها عند الرقم المدني

اخوي مافيها شي الطريقه سهله فقط تروح للتجاره وتقوم بعمل تغيير النشاط وتشوف بيع الافلام تحت اي بند (اهم يطلعون لك كشف) اعتقد تحت بند المرئيات والمسموعات شي جذي بس الافضل تراجعهم وتسوي المعامله واعتقد فيها موافقه البلديه (رازين وجهم بكل شي مادري ليش) بس الموافقه روتينيه ومافهمت عليك واصل لي البطاقه المدنيه ؟
ماله شغل بالطاقه المدنيه هذا شي وذاك شي و ولاواحد راح يعطل الاخر

 

[.:. عطر .:.]

اخوي جنيرال جزاك الله خير .. ممكن تشرح لنا انواع الرخص ؟؟

 

[general]

اخوي جنيرال جزاك الله خير .. ممكن تشرح لنا انواع الرخص ؟؟

هلا فيك اخوي عطر احنه زعلانين منك شدعوى يبا شهل قطيعه يلا ماعليه بنكون احسن منك ونوصلك , عموما التراخيص تنقسم الى قسمين

شركات (جماعيه تتكون من شريكين الى 30 شريك) .
مؤسسات (تكون فرديه ويمتلكها شخص واحد فقط ).

والشركات تنقسم الى عده اقسام :
ذات مسئوليه محدوده , تضامنيه , توصيه بسيطه , محاصه وكلها عباره عن تعريفات قانونيه فقط لاغير . واغلب الشركات تاخذ ذات المسئوليه المحدوده وقانونيا هي الافضل .
ويتبقى عندنا 3 اقسام اخرى راح ارتبها من الاقوى اطلاقا الى الاقل .
1- شركه مساهمه عامه (تطرح في اكتتاب عام وتحتاج الى مرسوم اميري) , مثل بنك بوبيان , القرين للبتروكيماويات , شركه اتصالات فيفا , الوطنيه للاتصالات , زين للاتصالات ) هذا الي حاضر في ذهني .
2- شركة قابضه تكون عباره عن الشركه الام ويكون تحت مظلتها عده شركات ارباحها تصب في حسابات الشركه الام لذلك سموها قابضه أي انها تقبض .
3- شركه مساهمه مقفله هي شركه تتكون من عده مساهمين وتاخذ الطابع شركه المساهمه العامه لكن باختلاف انها تطرح للاكتتاب بشكل مقفل (على اشخاص محددين) لكن المساهمه العامه تطرح للجمهور دون استثناء .

معظم الشركات الي في البورصه عباره عن شركات مساهمه مقفله .

والرخص بشكل عامه
تجاره عامه ومقاولات ( جميع الانشطه والمقاولات (البناء) )
تجاره عامه
مقاولات عامه

ومن ثم القسم الاخر
هي تحديد النشاط مثل
شركه الفلانيه للمواد الغذائيه
شركه الفلانيه للمشروبات الغازيه
الشركه الفلانيه لصناعات الالمنيوم

بس الافضل اختيار تجاره عامه عشان مايكون الواحد ملتزم بنشاط معين

اتمنى اكون فدتكم

 

[kingq8]

الله يعطيك العافية اخوي ماقصرت على الموضوع

فيه شخص خليجي سعودي يبي يطلع رخصة تجارية للتجارة العامة والمقاولات
شنو المطلوب من الشخص وجم تكلف ؟
وياليت توضح لى شنو يقدر يفتح نشاط بالرخصة للتجارة العامة والمقاولات

ومشكور

 

[منافس]

جزاك الله خير أخوي جنرال فعلا موضوع شيق
أنا موظف حكومي وعرفت من ردك على الشباب أنك تفضل مؤسسه ( طيب شلون أطلعها وأنا موظف ) هل أخليها بإسم زوجتي مثلا لأنها لاتعمل وآخذ تفويض وشنهي الطريقه المناسبه وهل لابد أحدد نوع النشاط ولا اخليه عام وضحلي أكثر
بارك الله فيك

 

[ابووووفهد]

يعطيك العافيه وعساك على القوه ومشكور على المجهود الطيب الي تقوم فيه
يااخ جنرال
ممكن بس تقولي الشروط المطلوبه كامله لاستخراج رخصة مكتب عقار مؤسسه فرديه
واذا عندك رقم مندوب تخليص تدزه لي على الخاص

 

[general]

الله يعطيك العافية اخوي ماقصرت على الموضوع

فيه شخص خليجي سعودي يبي يطلع رخصة تجارية للتجارة العامة والمقاولات
شنو المطلوب من الشخص وجم تكلف ؟
وياليت توضح لى شنو يقدر يفتح نشاط بالرخصة للتجارة العامة والمقاولات

ومشكور

اهلا اخوي
بخصوص السعودي يحتاج بالرخصه الى شريك كويتي
وتكلف بحدود الـ 1600 الى 2000 سبب غلاء الاسعار ان بيحط لك رصيد 250 الف بالبنك اما في السابق لمن التأسيس كان ب 450 دينار كان يبون لك شهاده رصيد تفيد ان حساب الشركه فيها 250 الف (مزوره) والحين تم كشف التلاعب ولازم بالفعل يسوي لك ايداع بالمبلغ
ملاحظه تجاره عامه ومقاولات رصيدها 250 الف
ثانيا سألتني شنو يقدر يفتح نشاط بالرخصه الجواب يقدر يفتح أي نشاط يحبه لان تجاره عااااامه ومقاولات الا الاشياء الصناعيه لان تحتاج رخصه من الهيئه العامه للصناعه وغير ذلك جميع الانشطه مسموحه بالتجاره العامه والمقاولات

والطلبات لتأسيس الرخصه صوره بطاقه المدنيه للشركاء + توكيل خاص فقط لتأسيس الشركه ومحدوده الصلاحيات للمندوب وشهاده تأمينات تفيد ان المدير العام للشركه غير موظف حكومي (بإمكانكم تيبون المدير من غير مايكون شريك)
وشكرا لك

 

[general]

جزاك الله خير أخوي جنرال فعلا موضوع شيق
أنا موظف حكومي وعرفت من ردك على الشباب أنك تفضل مؤسسه ( طيب شلون أطلعها وأنا موظف ) هل أخليها بإسم زوجتي مثلا لأنها لاتعمل وآخذ تفويض وشنهي الطريقه المناسبه وهل لابد أحدد نوع النشاط ولا اخليه عام وضحلي أكثر
بارك الله فيك

اهلا فيك اخوي العزيز
للاسف ليس بامكانك تأسس مؤسسه وانت موظف حكومي
ومن ناحيه زوجتك تقدر تأسس لها رخصه مؤسسه حتى لو كانت موظفه بقطاع خاص شرط لاتكون موظفه حكوميه , وجذي راح تستحق دعم العماله لانها صاحبه عمل وان كانت تستلم دعم العماله هم مايغير من الموضوع شي لان من حقها تأسس رخصه (لانها موظفه قطاع خاص) وان ماكانت موظفه هم لها الحق تأسس

وبالنسبه للتفويض اهي تعطيك تفويض واسمه اعتماد التوقيع المندوب الي يبي يأسس لك الرخصه تقوله اعتماد التوقيع ابيه بأسمي جذي انت مسكت عصب المؤسسه بايدك لكن الوكاله العامه مرات تحتاجها مثل للقروض والعمليات الائتمانيه والبنوك وغير ذلك تكفي الاعتماد التوقيع

خله تجاره عامه ومقاولات بدون ماتحدد نشاط معين عشان تكون حر بختيار اي نشاط تبيه بحكم رخصتك تجاره عااااااامه ومقاولات لكن ان حددت نشاط معين يجب انك تلتزم فيه

وحياك الله

 

[general]

يعطيك العافيه وعساك على القوه ومشكور على المجهود الطيب الي تقوم فيه
يااخ جنرال
ممكن بس تقولي الشروط المطلوبه كامله لاستخراج رخصة مكتب عقار مؤسسه فرديه
واذا عندك رقم مندوب تخليص تدزه لي على الخاص

اهلا بو فهد الله يقويك ويعافيك

الشروط المطلوبه لتأسيس رخصه فرديه سواء للعقار او غير ذلك فقط بطاقه المدنيه وشهاده التأمينات (لتفيد انك غير موظف حكومي فقط)
والباقي على المندوب
وبالنسبه للمندوب حاليا مسافر وبامكان اي مندوب يسويها لك
(احيانا يطلب المندوب توكيل خاص محدود الصلاحيات لتأسيس الرخصه بأسمك ) نصيحه خل صلاحيه التوكيل شهرين فقط وموظف العدل تقوله ابيها موقوته بشهرين عشان عقاب ماينتهي صلاحيه الوكاله خلاص خل الوكاله عند المندوب يشرب مايها

وحياك الله

 

[kuwait_17]

السلام عليكم

أخوي عندي شركو تجارة عامة ومقاولات ... واختي مو موظفة وهي الشريكة معاي بالشركة

وأبي أمشي لها دعم عمالة .... شلون الطريقة ؟؟ ... وعلما ان الرخصة مو مستغله ولا لها مكتب

ومشكور

 

[general]

السلام عليكم

أخوي عندي شركو تجارة عامة ومقاولات ... واختي مو موظفة وهي الشريكة معاي بالشركة

وأبي أمشي لها دعم عمالة .... شلون الطريقة ؟؟ ... وعلما ان الرخصة مو مستغله ولا لها مكتب

ومشكور

طال عمرك طلبك يكلفك 200 دينار بس بعطيك ياه ببلاش لان الغالي يرخص لك
عزيزي اول شي تروح التأمينات تطلب منهم اوراق لتسجيل شركه , الموظفه راح تعطيك ظرف في وايد اوراق عبهم كثر الي تعرفه وان كنت انت مفوض بالتوقيع وقع على كل الاوراق وعقبها ودهم التأمينات تروح للموظفه تاخذ الاوراق واهي تكمل النواقص عنك (على حسب مزاجها قول لها يرحم لي والدينج ساعديني ) تقولك انطر 10 ايام وعقبها شركتك تتسجل بالتأمينات وتحصل على رقم تسجيل حق شركتك يعني رقم هويه .
عقبها قول لها ابي اشعار 103 (حق تسجيل الموظفه) حط الراتب الي بتعطيه انت مقابل خدمات اختك وعطها راتب شويه عشان الاشتراكات ماتطلع وايد عليك وعط الورقه للتأمينات هم اهم يعبون لك النواقص .
عقبها تنطر اسبوع وتتصل 114 وتسألهم هل تم تسجيل الموظفه (اختك) ولالا ان قالوا تسجلت روح لهم مره ثانيه اطلب منه شهاده لمن يهمه الامر (عاديه)
وتطير دعم العماله وتطلب منهم ورقه الطلبات تجهز الطلبات بالحرف الواحد وانت هناك دق على الرقم الالي مالهم ودخل رقم المدني واختار العلاوه الاجتماعيه ويقولك موعد لاختك بالضبط (مو اقل من 20 يوم ) وكل مايجهز طلب حط علامه صح ومن ضم الطلبات شهاده التأمينات تفيد ان الموظفه(اختك) مسجله عندهم ( الي مسبقا مفترض انك تكون يايبها )
وتعطيهم بس اتوقع راح يردونك كم مره لسبب غلط بصيغه الكتابه او نقص الاوراق بس عادي بسيطه و رد لهم وقول لهم انا وصل موعدي لكن طلباتي نقصت والحين كملتها (عشان مو تاخذ دور ثاني بعد 20 يوم لاتطلع من دعم العماله الا وانت مقنعهم ان حرام تاخذ موعد ثاني )
ويعطونك وصل يصرفون معاش لاختك عقب شهر ونص بأثر رجعي وخلي بالك سدد اشتراكات اخواختك ك بالتأمينات عشان لايتراكم

جذي تعبتني بالشرح بس تستاهل والكلام الي كتبته لك المندوب ماياخذ اقل من 200 او 250 دينار لكن انا ييت لك من منطلق انك بتوظف اختك وتشجع العماله الوطنيه
وشاكر لك

 

[.:. عطر .:.]

هلا فيك اخوي عطر احنه زعلانين منك شدعوى يبا شهل قطيعه يلا ماعليه بنكون احسن منك ونوصلك , عموما التراخيص تنقسم الى قسمين

شركات (جماعيه تتكون من شريكين الى 30 شريك) .
مؤسسات (تكون فرديه ويمتلكها شخص واحد فقط ).

والشركات تنقسم الى عده اقسام :
ذات مسئوليه محدوده , تضامنيه , توصيه بسيطه , محاصه وكلها عباره عن تعريفات قانونيه فقط لاغير . واغلب الشركات تاخذ ذات المسئوليه المحدوده وقانونيا هي الافضل .
ويتبقى عندنا 3 اقسام اخرى راح ارتبها من الاقوى اطلاقا الى الاقل .
1- شركه مساهمه عامه (تطرح في اكتتاب عام وتحتاج الى مرسوم اميري) , مثل بنك بوبيان , القرين للبتروكيماويات , شركه اتصالات فيفا , الوطنيه للاتصالات , زين للاتصالات ) هذا الي حاضر في ذهني .
2- شركة قابضه تكون عباره عن الشركه الام ويكون تحت مظلتها عده شركات ارباحها تصب في حسابات الشركه الام لذلك سموها قابضه أي انها تقبض .
3- شركه مساهمه مقفله هي شركه تتكون من عده مساهمين وتاخذ الطابع شركه المساهمه العامه لكن باختلاف انها تطرح للاكتتاب بشكل مقفل (على اشخاص محددين) لكن المساهمه العامه تطرح للجمهور دون استثناء .

معظم الشركات الي في البورصه عباره عن شركات مساهمه مقفله .

والرخص بشكل عامه
تجاره عامه ومقاولات ( جميع الانشطه والمقاولات (البناء) )
تجاره عامه
مقاولات عامه

ومن ثم القسم الاخر
هي تحديد النشاط مثل
شركه الفلانيه للمواد الغذائيه
شركه الفلانيه للمشروبات الغازيه
الشركه الفلانيه لصناعات الالمنيوم

بس الافضل اختيار تجاره عامه عشان مايكون الواحد ملتزم بنشاط معين

اتمنى اكون فدتكم

الفـ الفـ الفـ الفـ الفـ شكر

جزاك الله خير .. و الله ما لقيت شي اشكر به الا الدعاء ...

و احنا موجودين ما لنا عنى عن هالقسم الطيب و هالوجوه السفرة .​

 

[kuwait_17]

طال عمرك طلبك يكلفك 200 دينار بس بعطيك ياه ببلاش لان الغالي يرخص لك
عزيزي اول شي تروح التأمينات تطلب منهم اوراق لتسجيل شركه , الموظفه راح تعطيك ظرف في وايد اوراق عبهم كثر الي تعرفه وان كنت انت مفوض بالتوقيع وقع على كل الاوراق وعقبها ودهم التأمينات تروح للموظفه تاخذ الاوراق واهي تكمل النواقص عنك (على حسب مزاجها قول لها يرحم لي والدينج ساعديني ) تقولك انطر 10 ايام وعقبها شركتك تتسجل بالتأمينات وتحصل على رقم تسجيل حق شركتك يعني رقم هويه .
عقبها قول لها ابي اشعار 103 (حق تسجيل الموظفه) حط الراتب الي بتعطيه انت مقابل خدمات اختك وعطها راتب شويه عشان الاشتراكات ماتطلع وايد عليك وعط الورقه للتأمينات هم اهم يعبون لك النواقص .
عقبها تنطر اسبوع وتتصل 114 وتسألهم هل تم تسجيل الموظفه (اختك) ولالا ان قالوا تسجلت روح لهم مره ثانيه اطلب منه شهاده لمن يهمه الامر (عاديه)
وتطير دعم العماله وتطلب منهم ورقه الطلبات تجهز الطلبات بالحرف الواحد وانت هناك دق على الرقم الالي مالهم ودخل رقم المدني واختار العلاوه الاجتماعيه ويقولك موعد لاختك بالضبط (مو اقل من 20 يوم ) وكل مايجهز طلب حط علامه صح ومن ضم الطلبات شهاده التأمينات تفيد ان الموظفه(اختك) مسجله عندهم ( الي مسبقا مفترض انك تكون يايبها )
وتعطيهم بس اتوقع راح يردونك كم مره لسبب غلط بصيغه الكتابه او نقص الاوراق بس عادي بسيطه و رد لهم وقول لهم انا وصل موعدي لكن طلباتي نقصت والحين كملتها (عشان مو تاخذ دور ثاني بعد 20 يوم لاتطلع من دعم العماله الا وانت مقنعهم ان حرام تاخذ موعد ثاني )
ويعطونك وصل يصرفون معاش لاختك عقب شهر ونص بأثر رجعي وخلي بالك سدد اشتراكات اخواختك ك بالتأمينات عشان لايتراكم

جذي تعبتني بالشرح بس تستاهل والكلام الي كتبته لك المندوب ماياخذ اقل من 200 او 250 دينار لكن انا ييت لك من منطلق انك بتوظف اختك وتشجع العماله الوطنيه
وشاكر لك

والله احرجتني ,,, وماكنت أعتقد ان الأجابه طويله هالكثر


لكن الله يرحم والديك ويغفر لهم ,,, ويجزاك خير ويرزقك من حلاله

 

[general]

نحب نخدم الطيبين

 

[حسين السلمان]

اخوي جنرال الله يعطيك الف عافيه يعجز اللسان عن شكرك والله للي تقدمه للناس

اخوي اذا واحد غير كويتي (بدون) وحاب يفتح مقهى (شيشه) وما عنده احد يحط الرخصه بسمه ، سؤالي
1- اذا ياخذ رخصه للايجار حسب ما اسمع (عقد استثمار للرخصه) شنو راح يحفظ حقه؟
2- وجم ايجار الرخصه اذا عندك معلومه؟
3- الاقامات هل راح ياخذ فلوس على كل اقامه؟ يعني هل راح يكون في التزامات ماليه غير مبلغ التأجير؟
4- وياريت اذا تعرف احد يأجر هالرخصه اكون شاكر لك ؟

اسمحلي اخوي ترى الريال كلش غشيم بهالسوالف ولا تبخل عليه بالنصيحه