لجميع استفساراتكم عن الرخص التجاريه

[Boreem]

اخوي الي بمكاني راح يقول افتح شركه وطلع فرعين واحد للمصبغه وواحد للبقاله بس انا انصحك تفتح مؤسسه (انت موظف قطاع خاص ويامكانك هل شي) تأسس رخصتين مستقلين يعني رخصه لبيع مواد الغذائيه (بقاله) ورخصه للمصبغه . (مثل ماقلت للاخ بوريم التكلفه على كل رخصه 200 الى 300 وبما ان لك رخصتين يمكن يسوون لك خصم .)

والكلام موجه لك انت و بوريم تبون مندوب امين وصادق عندي رقمه تقدرون تستفسرون منه كل شي وللامانه والله شاهد علي مابيني وبين المندوب أي شي لكن فادني بوايد شغلات .
والي يبي رقمه بالخاص ادزه

بارك الله فيك ياخوي وفي ميزان حسناتك

 

[general]

ممكن توضحلي اكثر ياخوي , ليش الملف بالشؤوون ؟

اخوي لازم تفتح ملف للشركه أو المؤسسه في وزاره الشئون الاجتماعيه والعمل على حسب المحافظه عشان تتمكن من عمل اقامات للموظفين الي عندك (وطبعا هذا من شغل المندوب الي بيسوي لك كل شي)
وحياك الله

 

[المضارب السريع]

السلام عليكم
اخوي في واحد من الربع عنده رخصه شركه تجاره عامه ومقاولات يبي يعطيني الرخصه راح نسوي خروج شريك ودخول شريك هل يطلبون التجاره مني شهادة رصيد بنكيه 0 وشكرا

 

[general]

السلام عليكم
اخوي في واحد من الربع عنده رخصه شركه تجاره عامه ومقاولات يبي يعطيني الرخصه راح نسوي خروج شريك ودخول شريك هل يطلبون التجاره مني شهادة رصيد بنكيه 0 وشكرا

اخوي بعطيك حل ولا اكبر شنب يعطيك ياه
اولا نعم تحتاج شهاده رصيد وطبعا انت تحتاج الى شهاده رصيد كبير نظرا لرأس مال الشركه لكن بقولك الحل الي راح يخلي المناديب تبجي )))
خلهم شركاء وسو فقط دخول شركاء جدد (انت وواحد اخر الي تبي تدخله معاك ) وسو دخول انت 1% و الي بيدخل معاك هم فقط 1% جذي راح يحتاجون منك شهاده رصيد قد 1% الي من حصتك يعني لو الشركه راس مالها 250 ألف لازم تيب شهاده رصيد 2500 وان راس مالها 150 ألف تيب شهاده رصيد 1500 وعلى هل موال حلوووووو ؟
جذي دخلتوا شركاء وعقبها بس تسوون خروووج الشركاء يطلعون كللهم (عقد تعديل الحصص) وانت تاخذ حصتهم (ماراح يحتاجون شهاده رصيد )

ملاحظه راح تقولي شلون ادخل شريك 1% ورفيجي 1% والشركه اساسا كل الحصص 100% كاملين ركز معاي

احمد شريك قديم 40%
زيد شريك قديم 50%
عبيد شريك قديم 10%
المجموع 100%


الحين مضارب السريع يبي يدخل مع رفيجه شلون يحصل 2% (الزياده) له ولرفيجه , نقوله سو كالاتي

نسوي دخول مع عقد تعديل الحصص
مضارب السريع ييب احمد كف على عينه وياخذ منه 2% من حصته

جذي احمد يصير شريك قديم 38% (بعد ماكان 40%)
زيد شريك قديم 50%
عبيد شريك قديم 10%
مضارب السريع شريك جديد 1%
رفيج المضارب شريط جديد 1%
المجموع 100%

وعقبها يسوي لهم خرووووج ويعدل الحصص والمضارب السريع ياخذ كل الحصص 99% ورفيجه 1%

وحياك الله اشهد لي اكبر شنب يعلمك هل طريقه ؟؟؟؟ (اذا كان يعرفها)

 

[general]

اخوي يعطيك العافية على هالموضوع

المندوب يطلع لي شهادة رصيد ؟؟

هلا اخوي عطر
طال عمرك احتاج بس توضح لي تبي شهاده رصيد حق شنو لان جوابي للاخ المضارب السريع كان على اساس انه شرح وضعه
اذا قصدك للشركه فتقدر تستفيد من الي كتبته حق المضارب السريع
اما ان قصدك بتأسس رخصه فرديه (مؤسسه) وتحتاج شهاده الرصيد اقولك نعم تحتاجها لكن طلبك بيكون شاذ والسبب كالاتي
الي يبي يأسس الرخصه (المندوب) المفروض اهو يسلم لك الرخصه كامله ومن البديهي بيطلع لك شهاده رصيد اما ان واجهت مندوب يقولك انا حاضر أأسس لك رخصه لكن احتاج شهاده رصيد (هذا ........... مو مندوب)
وحياك الله

 

[.:. عطر .:.]

هلا اخوي عطر
طال عمرك احتاج بس توضح لي تبي شهاده رصيد حق شنو لان جوابي للاخ المضارب السريع كان على اساس انه شرح وضعه
اذا قصدك للشركه فتقدر تستفيد من الي كتبته حق المضارب السريع
اما ان قصدك بتأسس رخصه فرديه (مؤسسه) وتحتاج شهاده الرصيد اقولك نعم تحتاجها لكن طلبك بيكون شاذ والسبب كالاتي
الي يبي يأسس الرخصه (المندوب) المفروض اهو يسلم لك الرخصه كامله ومن البديهي بيطلع لك شهاده رصيد اما ان واجهت مندوب يقولك انا حاضر أأسس لك رخصه لكن احتاج شهاده رصيد (هذا ........... مو مندوب)
وحياك الله

بارك الله فيك و يزاك الله خير .. طرشلنا رقم المندوب اللي عندك عالخاص لا هنت .

 

[Boreem]

بارك الله فيك و يزاك الله خير .. طرشلنا رقم المندوب اللي عندك عالخاص لا هنت .

انا بعد ابي رقمه ماعليك امر

 

[كحيلان العازمي]

السلام عليكم اخوي جنرال لو سمحت ممكن تخبرني بخصوص دبلجة المسلسلات الكرتونيه والبرامج الوثائقيه وتوزيعها على المحطات الفضائيه ممكن تخبرني ماهي الرخصه لها ؟

 

[general]

السلام عليكم اخوي جنرال لو سمحت ممكن تخبرني بخصوص دبلجة المسلسلات الكرتونيه والبرامج الوثائقيه وتوزيعها على المحطات الفضائيه ممكن تخبرني ماهي الرخصه لها ؟

هلا بالاخ كحيلان
بخصوص سؤالك الترجمه والدبلجه وتوزيع الافلام (بكل انواعها وثائقيه افلام منوعات اغاني والخ,,) تكون لها رخصه دعايه واعلام (مو اعلان) . طبعا بعد موافقه وزاره الاعلام
وللتأكد بامكانك الاستفسار من وزاره التجاره (الافرع) حولي جنب مجمع بيروت و منصوريه بجنب الجمعيه ومجمع الوزارات شوف ايهو اقرب لك
لكن اسمح لي على الفضول الاغلب لها تعاقدات مع شركات في لبنان والشغله صعبه مو مثل ماتتصورها ودائما لم تشوف فلم بالسينما أو تلفزيون اخر شي يكتبون مع تحيات معمل الفلاني للترجمه والدبلجه لبنان أو الاردن

 

[ابوسعود555]

لدي رخصة باسم زوجة صديق اقدر اخد اغتماد توقيع

 

[ابو فوز]

اخوى انا ابى افتح مكتب عقارى وابى اطلع رخصه ممكن تبين لى شنو نوع الرخصه المطلوبه؟؟ لانى سمعت ان فى انواع من الرخص وجم راس مالهها المطلوب اذا ماابى احط مندووب وانا ابى الشركه باسمى واسم امى وانا موظف بس امى ربه بيت هل يجوز ويكون الوقيع باسمى انا مثل ماتفضلت حضرتك وشرحت سابقا يعنى انا 99% وامى 1% فقط
ابى شنو الاوراق المطلوبه بالتفصيل منى ونا عندى وكاله من الوالده يعنى اقدر اوقع بدالها بعد

ابى الاوراق المطلوبه منى والرصيد جم لانى ماابى احط مندووب

لانى متوفر عندى الرصيد وماخذ اجازه علشان هالشغله يعنى فاضى ؟؟

ابى الاوراق شنو المطلوبه بالتفصيل؟؟؟اذا ممكن

 

[general]

لدي رخصة باسم زوجة صديق اقدر اخد اغتماد توقيع

اي نعم تصير انت المفوض باعتماد التوقيع بس تروحون وزاره الشئون الاجتماعيه والعمل اذا محافظه حولي تروح حولي صاير بمدرسه مقابل برج البغلي شارع تونس
واذا الملف بالعاصمه تروح مجمع بهبهاني الي بشرق

 

[general]

اخوى انا ابى افتح مكتب عقارى وابى اطلع رخصه ممكن تبين لى شنو نوع الرخصه المطلوبه؟؟ لانى سمعت ان فى انواع من الرخص وجم راس مالهها المطلوب اذا ماابى احط مندووب وانا ابى الشركه باسمى واسم امى وانا موظف بس امى ربه بيت هل يجوز ويكون الوقيع باسمى انا مثل ماتفضلت حضرتك وشرحت سابقا يعنى انا 99% وامى 1% فقط
ابى شنو الاوراق المطلوبه بالتفصيل منى ونا عندى وكاله من الوالده يعنى اقدر اوقع بدالها بعد

ابى الاوراق المطلوبه منى والرصيد جم لانى ماابى احط مندووب

لانى متوفر عندى الرصيد وماخذ اجازه علشان هالشغله يعنى فاضى ؟؟

ابى الاوراق شنو المطلوبه بالتفصيل؟؟؟اذا ممكن

اخوي الرخصه الي انت بتسويها هذي صارت شركه (اكثر من شخص) والشركات تأسيسها سالفتها سالفه فياريت تأسس رخصه مؤسسه فرديه (بأسم الوالده أو اسمك شرط ماتكون موظف حكومي) الشركه لها ميزانيات وتجديد كل شوي ومحضر اجتماع فماتسوى عليك خذ مؤسسه تاريخ صلاحيتها لغايه 4 سنوات وتجدد (بالك مرتاح)
وانا ادري انك شقردي وفاضي وماتبي تحط مندوب بس اقولك شغله انا الي اهو انا ماقدر أأسس رخصه لانها طويله وفي مليون كتاب ومليون مراجعه فأحسن لك تاخذ مندوب وعلى فكره السعر مو غالي 200 الى 300 دينار صدقني اني بوفر عليك كثر ماقدر بس انسى موضوع انك تأسس رخصه لنفسك .
الاوراق المطلبوه للشركه
شهاده التأمينات للوالده (عشان تصير مديره ) وانت المفوض
صوره بطاقتك انت و الوالده فقط لااكثر
وصل الايجار وعقد الايجار (المندوب يسويه لك المفروض هم عندهم مكاتب وكل شي ) ليش اقولك قطها على المندوب لان انت لو بروحك تبي تأجر مكتب بو شهر عشان التفتيش اقل مكتب اليوم 150 دينار هذا اذا اذا حصلته
فالمندوب تلقاه عنده 20 معامله ويقزرها على مكتب واحد ويحلله
نصيحتي الاولى والاخير خل مندوب يسويها لك وانا على فكره ماعندي مكتب تخليص معاملات ولا حتى ابي اعطيك مندوب وبامكانك تتصل على مكاتب التخليص بالجرايد وتخلص معاهم (هذا يثبت ان نصيحتي لك صادقه)
والرخصه بتكون مثل ماقلت
بيع وشراء وتأجير والدلاله على العقارات
شركه أو مؤسسه ابو فوز العقاريه

ملاحظه خل المندوب يشرح لك المؤسسه وخذ نصيحته

 

[Boreem]

سلام عليكم

خوي العزيز مادزيتلنا الرقم

 

[kwtgirl99]

الله يعطيك العافية و يجزاك الله كل خير على الفايدة

 

[ساحل الليل]

مشكوور اخوي general على الرد
ممكن ترسل لنا لو سمحت رقم المندوب

 

[ابو فوز]

مشكوور اخوي general على الرد
ممكن ترسل لنا لو سمحت رقم المندوب

ممكن تلفون المندوب لو سمحت
وشاكرين لك

 

[general]

ممكن تلفون المندوب لو سمحت
وشاكرين لك

تم الرد بالخاص

 

[.:. عطر .:.]

للرفع لتعم الفائدة .. والله المفروض يتم التثبيت .

 

[general]

للرفع لتعم الفائدة .. والله المفروض يتم التثبيت .

من ذوقك والله يا اخ عطر