لجميع استفساراتكم عن الرخص التجاريه

[SA7AB]

اي لو ماعليك امر ابي تلفونك او تلفون المندوب وتسلم

 

[المحمدي11]

لا تحتاج الى زياده راس مال فقط بامكانك تغيير النشاط وتحتاج تجديد الرخصه بالاول (يعني تحتاج عقد ايجار ووصل ايجار) وتفتح نشاط (مأكولات خفيفه) رقزها التجاري 5426 . وتشمل (السندويشات وفطائر وحلويات و مرطبات وعصائر والدجاج المشوي) .

حاول قبل ماتبلش الاجراءات تروح التجاره تسأل هل اقدر اجدد ولالا واغلب الظن تقدر لان الرخصه توها منتهيه اما مرات لما تطوف سنين يقولون لك تم الغاء الرخصه

شكراً لتواصلك وشكراً لمعلوماتك و الله يوفقك لكل خير

 

[ابن صفير]

السلام عليكم
الله يعطيك العافيه
ابي استفسر عن الشركات المساهمه مقفله
اقدر اطلع ترخيص او موقوف
2. ابي اطلع رخصة تنظيف وادخل في مناقصات التنظيف
هل اقدر اطلع رخصه او موقوفه
والله يوفقك

 

[general]

السلام عليكم
الله يعطيك العافيه
ابي استفسر عن الشركات المساهمه مقفله
اقدر اطلع ترخيص او موقوف
2. ابي اطلع رخصة تنظيف وادخل في مناقصات التنظيف
هل اقدر اطلع رخصه او موقوفه
والله يوفقك

لا اخوي الرخصه غير موقوفه والكل يقدر يفتح شركه مساهمه مقفله لكن ليش تبيها مساهمه ؟
اذا عشان تصنفها وتدخل مناقصات مو شرط تكون مساهمه , حتى الرخصه العاديه تدخل مناقصات . حالها حال اي رخصه اخرى , وشركات المساهمه فيها دوخه وعوار راس .

 

[general]

اي لو ماعليك امر ابي تلفونك او تلفون المندوب وتسلم

اخوي انا ماقمت اوصي على مناديب لان بعض المناديب (الي اساسا ماعرفهم بس متعامل معاهم) احرجوني مع الاعضاء وطاحت براسي لذلك ماقمت ارشح مناديب , واذا تبيني بموضوع خاص تقدر ترسل لي رساله على الخاص وبرد على استفسارك بجواب شافي وكافي .امرني بس

 

[A . Abo Naser]

ماهو الفرق ..!

.

ابو عقيل الله لايهينك

ماهو الفرق بين شركة : ش م ك مقفلة

.....والفرق بين شركة : ش م ك

وهل اقدر اطلع ترخيصهم وما هي الشروط المطلوبه

حتى لو دوخة راس اذا عندك المعلومه محتاج اعرف الشروط واكون لك من الشاكرين و بيض الله وجهك

.

 

[general]

.

ابو عقيل الله لايهينك

ماهو الفرق بين شركة : ش م ك مقفلة

.....والفرق بين شركة : ش م ك

وهل اقدر اطلع ترخيصهم وما هي الشروط المطلوبه

حتى لو دوخة راس اذا عندك المعلومه محتاج اعرف الشروط واكون لك من الشاكرين و بيض الله وجهك

.

ش م ك م (مقفله) مساهمينها معروفين وعددهم واضح ومبين كل شخص فيهم مع حصته وممكن يكون فيها حتى لو 1000 شريك . اما الشركات العاديه مثل ذ م م (ذات مسئوليه محدوده) فحدهم 30 شريك والا عليهم يسوون الشركه ش م ك م (مساهمه مقفله) , وبالنسبه لتأسيسها عاديه وراس مال المطلوب 250 الف (ادنى شي ) ومافيها دوخه بالتأسيس لكن انت ملزم بعقد جمعيه عموميه في وزاره التجاره بحضور مندوب التجاره والخ,,, (يعني غصبا عليك تكون رسمي وشغل صح) بعكس باقي الرخص مثلا واحد عنده رخصه ذ م م تجاره عامه ومقاولات وقاطها بالدرج , محد يحاسبه .
ومن شروط تأسيس ش م ك م مثل باقي الاوراق المطلوبه للشركات الاخرى لكن بإضافه عمل عقد الشركه ونزوله في الجريده الرسميه (الكويت اليوم) وتختارون رئيس مجلس الاداره والاعضاء . ويطلع كشف (شخص من المحكمه) اذا كان فيه اصول غير ماديه (عقارات سيارات قسائم الخ,,,) .

اما ش م ك (من غير الميم الاخيره الي تدل على مقفله) فيعني عامه
شركه مساهمه كويتيه عامه (تطرح للإكتتاب العام) و بمرسوم اميري (يعني لاتفكر تحلم حتى) , مثل شركه فيفا بنك وربه بنك بوبيان والقرين للبتروكيماويات مثل شركه السور .

طبعا اعتبار شركات المساهمه اكثر من باقي الشركات (قلت لك لان الي يسوونها يشتغلون صح) .
نسيت تسألني عن شركه القابضه (احلاهم )

 

[A . Abo Naser]

.

مشكور على المعلومات .. مافي احد ينجح الا اذا كانت اعماله بشكل نظامي وصحيح .

اما شغل ( الخرابيط ) نهايته ضياع اموال وضياع حقوق وضياع وقت ثمين جدا

وانا ابشرك ولله الحمد والمنه شغلي صح ورسمي , ومره ثانيه شكرا

قابضه حسب معلوماتي هي شركة مساهمة عامة تحتوي على عدة شركات تابعة لإدارتها

.

 

[general]

شركه القابضه هي شركه فقط مظله لشركات تحتها يعني لو كان عندك 20 شركه مساهمه بكل شركه على حده , حزتها تفتح شركه قابضه وتجعل الشركات الـ 20 تحت مظله شركه القابضه .
يعني من اقوى كيانات الشركات . وراس مالها مليون دينار اقل شي

 

[SA7AB]

اخوي يعطيك العافيه شنو الفرق بين التضامنيه وذات مسئوليه محدوده وماهي الافضل والاخف واقعيا وعمليا للمشاريع البسيطه يعني وعندي اسئله كثيره بس ببدى معاك بدايه خفيفه وتسلم

 

[general]

اخوي يعطيك العافيه شنو الفرق بين التضامنيه وذات مسئوليه محدوده وماهي الافضل والاخف واقعيا وعمليا للمشاريع البسيطه يعني وعندي اسئله كثيره بس ببدى معاك بدايه خفيفه وتسلم

اول 5 صفحات مذكور الفروقات بين كيانات الشركه

 

[SA7AB]

يعطيك العافيه اخوي رجعت حق او خمس صفحات مالقيت اجابه صريحه لسؤالي

 

[ابوضي]

السلام عليكم اخوي حبيت تفيدني ابي اقدم على محل مصبغة في جمعية تعاونية وشلون الطريقة وسمعت انة فية مبلغ عشان ضمان للرخصة 7500 هل يتم كضمان على طول ولا بمجرد ماطلع الرخصة يردلي المبلغ واذا طلعت الرخصة باسم اخوي اقدم على المحل باسمي اواسم اخوي

 

[general]

يعطيك العافيه اخوي رجعت حق او خمس صفحات مالقيت اجابه صريحه لسؤالي

الشركه الذات مسئوليه محدوده ان في حاله الخساره يتحمل الشركاء كل منهم الخساره بمقدار حصته في راس المال .
مثال انا وانت واخوج شركاء وكل واحد فينا نصيبه 3000 دينار وراس مال الشركه 9000 دينار ولاسمح الله واجهنا خساره كبيره وصرنا مديونيين بمئات الالاف من الدنانير حزتها حنا ملزومين فقط بدفع 9000 دينار تجاه خساراتنه (لان قلنا حق العالم بأنا ذات مسئوليه محدوده) وجذي كل واحد يدفع من الخساره قد نصيبه الي اهو 3000 . وباقي المديونيه تطيح .
وشيء اخر لو فلسنا وحتى ماعندنا 9000 دينار ندفعها للي يطالبونها الاف الدنانير هم القضاء ماينظر ولا يحجز ولا يقدر ياخذ او يوصل للاموال الشخصيه الي عندنا . (اموالنا الشخصيه تعتبر كيان مستقل عن الشركه)
بالكويتي لو كل واحد عنده برصيده مليون دينار وشركتنا فلست وماعندنا ندفع (محد يقدر يقول عندكم كل واحد ملييون)

اما التضامنيه لو راس مالنا 9000 دينار وواجهنا خساره ندفع الخساير فلس فلس ولو خسارتنا بالملايين وينحجز على فلوسك الشخصيه وحتى دشداشتك ياخذونها .

 

[general]

السلام عليكم اخوي حبيت تفيدني ابي اقدم على محل مصبغة في جمعية تعاونية وشلون الطريقة وسمعت انة فية مبلغ عشان ضمان للرخصة 7500 هل يتم كضمان على طول ولا بمجرد ماطلع الرخصة يردلي المبلغ واذا طلعت الرخصة باسم اخوي اقدم على المحل باسمي اواسم اخوي

في حاله تبي تطلع رخصه فرديه (مؤسسه) يجب عليك تقديم شهاده رصيد من البنك موجه لوزاره التجاره بإن عندك بحسابك 7500 دينار (حتى لو يوم ينحجز) بس قانونيا المفروض تمتلك هل مبلغ عشان مشروعك (بينك وبين نفسك تحتاج فعلا لهل راس مال) اما لو تبي شركه ذات مسئوليه محدوده وفيها شركاء ينحجز راس المال 15 الى 20 يوم .

نصيحه افتح شركه ذات مسئوليه محدوده انت حصتك 99% واخوك 1% (اذا هو ماله شيء) او بكيفك تحدد النسبه . واذا اثنينكم موظفين دوله لازم تحطون مدير يتولى الاداره بعقد التأسيس (غير موظف حكومي) يعني الوالد الوالده اختك الخ,,,,
والمفوض بالتوقيع تكون انت (في اعتماد التوقيع)

 

[am7]

مشكور طال عمرك

انا متقاعد و ابي رخصة محل ملابس نسائية و كمالياتها و ملابس أطفال
شنو الاجرءات
افضل انا اطلعها ولا مكتب يطلعها لي

كم تكلف
لها مدة صلاحية و تنتهي ؟
كم عماله أقدر اجيب بالمحل بهالرخصه ؟



بارك الله فيك

 

[ابوعامر]

بارك الله فيك يابوعقيل على جهودك ياغالي

 

[ابوضي]

بوعقيل الله يجزاك خير شلون اطلع رخصتين باسم الوالدة رخصة مصبغة ورخصة خدمة الطالب وكم تكلف

 

[general]

مشكور طال عمرك

انا متقاعد و ابي رخصة محل ملابس نسائية و كمالياتها و ملابس أطفال
شنو الاجرءات

راس مالها 15 الف دينار
افضل انا اطلعها ولا مكتب يطلعها لي
ماتوقع تقدر تطلعها بروحك من الألف الى الياء
كم تكلف
600 الى 800 بالكامل
لها مدة صلاحية و تنتهي ؟
شركه سنتين واذا رخصه فرديه 4 سنوات . طبعا كلهم قابل للتجديد
كم عماله أقدر اجيب بالمحل بهالرخصه ؟
الشئون يطلع تفتيش موقع العمل ويقدر لك على حسب الحاجه وبعد فتره تقدر تطلب بعد بموجب كتاب موجه لهم يبين حاجتك




بارك الله فيك

حياك الله

 

[general]

بارك الله فيك يابوعقيل على جهودك ياغالي

دايما منور المواضيع يا بوعامر العزيز