لجميع استفساراتكم عن الرخص التجاريه

[أبو مزيد]

بارك الله فيك

 

[أم ورود]

اخوي رخصة التسوق عبر الانترنت ,,, شنو اسمها و شلون اسويها ...
لأن سمعة ان اذا بسوي دعاية و اعلان ,, لازم عندي رخصه

وجم سعر الرخصه و شروطها ,,,,؟؟؟؟؟؟؟؟؟؟؟

 

[general]

حاليا ماتحتاجين رخصه لمزاوله التجاره الالكترونيه (الانترنت)

 

[أم ورود]

السلام عليكم
شلون ما احتاج رخصه
عيل اذا يبييب بضاعه من بره يعني اشحنها شلون بدخلها المطار ,,, ماعليها مشاكل ؟؟؟؟

 

[general]

تحتاجين رخصه استيراد حتى تستوردين الشحنات من منافذ الكويت سواء بريه بحريه جويه (مطار) لكن لإنشاء موقع الكتروني لبيع البضائع لاتحتاجين الى ترخيص لان للاسف لم يتم تنظيم عمليه التجاره الالكترونيه في الكويت

 

[مسافر مع الأيام]

السلام عليكم

بوعقيل شلونك

ولد عمي عنده رخصة شركة ويبي يدخل اخوي شريك معاه بالشركة واخوي موظف بالحكومة شنو الاجراء والاوراق المطلوبه ؟؟ والسالفة هذي تطول ولا لا ؟؟؟؟؟؟​

 

[general]

بيصير دخول شريك فقط ولا دخول وخروج شريك ؟
يعني اخوك بس بيدخل ولا ان دخل بيطلع مكانه شريك سابق ؟

وجم راس مال الشركه ؟وهل هي تضامنيه ولا ذات مسئوليه محدوده ولا توصيه بسيطه
واخوك بيدخل بنسبه جم بالـ %

 

[مسافر مع الأيام]

الظاهر انها ذات مسؤلية محدودة

وهو متشارك وياه بمحل الحين بس بيدخل معاه بالرخصة على اساس دعم العمالة

وهم فعلاً شغالين بمجال الكمبيوتر

لكن الكلام الإجراءات تاخذ وقت ؟؟

والنسبة عادي مو مهم خل نقول 20%

اما رأس المال مدري وانا اخوك ​

 

[general]

اجراءاتها ماتطول . وتتراوح مابين الـ 10 الى 20 يوم .
وشوف لك مندوب (لاتسألني) يسوي لك الموضوع وقوله ابي اسوي دخول شريك .والاوراق المطلوبه
صور البطاقات المدنيه صوره عقد الايجار واخر وصل ايجار وتعبي الطلب .
والرسوم تقريبا 8 دنانير . المندوب لا ياخذ منك اكثر من 60 دينار .
بس مطلوب منك شهاده رصيد بمقدار مثلا 20% من راس مال لاشركه (تكلم مع المندوب فيه)

 

[GOoOL!]

سلام بو عقيل
لو بغيت رخصة للشغلات اللي تتعلق بالتصميم
أقصد تصميم كتب ومطبوعات ومواقع وإعلانات ومن هالأمور
شنو نوع الرخصة وشلون الواحد ممكن يطلعها وشكثر تكلف ؟
وهل المعاملات التجارية على النت لها رخصة ؟
يعني إذا بغيت تشتغل شركة استضافة مثلاً
لها رخصة هذي ولا شنو طريقتها ؟

 

[general]

سلام بو عقيل
لو بغيت رخصة للشغلات اللي تتعلق بالتصميم
أقصد تصميم كتب ومطبوعات ومواقع وإعلانات ومن هالأمور
شنو نوع الرخصة وشلون الواحد ممكن يطلعها وشكثر تكلف ؟
وهل المعاملات التجارية على النت لها رخصة ؟
يعني إذا بغيت تشتغل شركة استضافة مثلاً
لها رخصة هذي ولا شنو طريقتها ؟

اقرا صفحه 34 بالكامل

 

[SA7AB]

مرحبا جنرال شلونك لو ماعليك امر ابي رقم تلفونك او رقم المندوب عندي استفسارات وتسلم

 

[المحمدي11]

السلام عليكم
أبو عقيل
الله يوفقك
عندي شركة مؤسسة بإسم الوالد أعتقد تجارة خضار وفواكهة، بحول نشاطها إلى مشروبات ومأكولات خفيفة علماً بأن الرخصة منتهية، هل يُشترط زيادة رأس المال ، و وجود محل أم لا؟
ودمت بود

 

[general]

اخوي هي وحده من الثنتين يا شركه يا مؤسسه اي واحد فيهم ؟

وان كانت مؤسسه (رخصه فرديه) من متى منتهيه.

 

[المحمدي11]

اخوي هي وحده من الثنتين يا شركه يا مؤسسه اي واحد فيهم ؟

وان كانت مؤسسه (رخصه فرديه) من متى منتهيه.

الله يجزاك خير
مؤسسة

ممكن من سنتين

الله يسلمك

 

[GOoOL!]

اقرا صفحه 34 بالكامل

بو عقيل أنا قريت الصفحة
بس ملاحظ إن أغلب الشركات السعودية لها رخصة
مادري شنو نوعها بس عندهم رخص
والشغل ممكن يمشي بدون الرخصة
بس البعض يثق باللي يمثل شركة أو مؤسسة
أكثر من الأفراد .. ويصير فيها ضمان لحقوقهم أو شي من هالقبيل

إذا بغيت رخصة قريبة من هالمجال شنو ؟
وهل منها أقدر أعطي للموظفين من دعم العمالة ؟

 

[general]

مرحبا جنرال شلونك لو ماعليك امر ابي رقم تلفونك او رقم المندوب عندي استفسارات وتسلم

تفضل استفسر مره ومرتين وعشر

 

[general]

السلام عليكم
أبو عقيل
الله يوفقك
عندي شركة مؤسسة بإسم الوالد أعتقد تجارة خضار وفواكهة، بحول نشاطها إلى مشروبات ومأكولات خفيفة علماً بأن الرخصة منتهية، هل يُشترط زيادة رأس المال ، و وجود محل أم لا؟
ودمت بود

لا تحتاج الى زياده راس مال فقط بامكانك تغيير النشاط وتحتاج تجديد الرخصه بالاول (يعني تحتاج عقد ايجار ووصل ايجار) وتفتح نشاط (مأكولات خفيفه) رقزها التجاري 5426 . وتشمل (السندويشات وفطائر وحلويات و مرطبات وعصائر والدجاج المشوي) .

حاول قبل ماتبلش الاجراءات تروح التجاره تسأل هل اقدر اجدد ولالا واغلب الظن تقدر لان الرخصه توها منتهيه اما مرات لما تطوف سنين يقولون لك تم الغاء الرخصه

 

[general]

بو عقيل أنا قريت الصفحة
بس ملاحظ إن أغلب الشركات السعودية لها رخصة
مادري شنو نوعها بس عندهم رخص
والشغل ممكن يمشي بدون الرخصة
بس البعض يثق باللي يمثل شركة أو مؤسسة
أكثر من الأفراد .. ويصير فيها ضمان لحقوقهم أو شي من هالقبيل

إذا بغيت رخصة قريبة من هالمجال شنو ؟
وهل منها أقدر أعطي للموظفين من دعم العمالة ؟

الرخصه الي تحتاجها هي (دعايه واعلان) و رمز التجاره 5709 و راس مالها 10 الاف دينار وتشمل (نشر و توزيع وانتجا فني مسرحي ودعايه واعلان) بدون ادوات مكتبيه وقرطاسيه .

تبي تسوي موقع الكتروني ماتحتاج بس دام تبي تلزقها بشركتك غصب كيفك عشان تصير معتبر اكثر ..
بالنسبه لدعم العماله حتى لو ترعى غنم هم تستحق دعم عماله للموظفين

 

[GOoOL!]

الرخصه الي تحتاجها هي (دعايه واعلان) و رمز التجاره 5709 و راس مالها 10 الاف دينار وتشمل (نشر و توزيع وانتجا فني مسرحي ودعايه واعلان) بدون ادوات مكتبيه وقرطاسيه .

تبي تسوي موقع الكتروني ماتحتاج بس دام تبي تلزقها بشركتك غصب كيفك عشان تصير معتبر اكثر ..
بالنسبه لدعم العماله حتى لو ترعى غنم هم تستحق دعم عماله للموظفين

ما قصرت بو عقيل
من قراءتي للموضوع شفتك تتكلم ع مندوبين
ما راح أقولك عطني بس ودي أسئلك ع هالرخصة
جم ياخذ المندوب وشكثر تطوّل ؟