لجميع استفساراتكم عن دعم العماله الوطنيه

[Hamilton]

اولا انا حاب اشكر اخوي جنرال على المجهود الجبار اللي قاعد يبذله لخدمة اخوانه والله يجعلها في ميزان حسناته

بالنسبه ل ( الممـيز ) اذا تبي موضوعك يمشي اكتب ايميل حق اي كاتب بالصحافه وفك عمرك وبتشوف شغلكم كله ماشي

 

[general]

اخوي المميز دعم العماله ماقام به هو اجراء قانوني صحيح 100 % ولكن يشوبه بعض المغالطات
من ناحيه ان اهم اساسا موظفين بشركتكم ينزلون لهم من دعم العماله وماعليك القيام به هو اخذ شهاده راتب احد زملائك الي يشتغل في دعم العماله وترفعون دعوى ضد دعم العماله ومرفق به شهاده راتب احد من زملائكم وصدقوني القضيه ماراح تطول اكثر من جلسه .

ومن ناحيه الفتوى والتشريع هو اجراء لا بد منه والمقصود بالفتوى ليس الفتوى الشرعيه بل الفتوى القانونيه وفعلا يطول عندهم الموضوع لان كثر حالات عندهم يفتون فيها قانونيا وموقف دعم العماله ضعيف وموقفكم قوي بسبب انهم منزلين حق موظفين بشركتكم ولو كان عكس ذلك لكان موقفكم ضعيف وللعلم اذا كان فعلا هناك وجوب يلزم دعم العماله بالرجوع الى الفتوى والتشريع واهو صرف النظر عنهم وراح نزل رواتب موظفين شركتكم فهذه تصك بينهم مع بعض
وبس مثل ماقلت لك لابد اللجوء للقضاء والافضل لك تاخذ النصائح القانونيه الي راح تشمل مذكرتكم من قسم الاستشارات القانونيه وبالاخص الاخ رحالي ماراح يقصر اهو وباقي الزملاء القانونيين

ملاحظه اخيره راجع للمره الاخير مديره دعم العماله و فهمه الموضوع راح ياخذ مسلك قضائي

 

[general]

اولا انا حاب اشكر اخوي جنرال على المجهود الجبار اللي قاعد يبذله لخدمة اخوانه والله يجعلها في ميزان حسناته

بالنسبه ل ( الممـيز ) اذا تبي موضوعك يمشي اكتب ايميل حق اي كاتب بالصحافه وفك عمرك وبتشوف شغلكم كله ماشي

الاخ هاملتون انت صديق عزيز

 

[Se7T]

اخوي لوسمحت سؤال
عندي اخوي يستلم دعم عمالة وقاعد يدفع للتأمينات 49 وخرده
الحين صاحب الشركه قايله لازم تدفع اكثر حق الشركه
يعني بيطلع بحدود 70 او اقل
فأبي تفيدني جم اذا شخص يستلم من دعم العماله 310 والشركه يعطونه 135 شهري
جم لازم يدفع للتأمينات او يعطيهم عشان تكون الحسبة سليمة لأن راعي الشركه يقول ان الفلوس عليكم فإحنا بندفع بس بنعرف جم القيمة اللي لازم يدفعها الإجمالية 60 او 70 او جم بالضبط؟
ملاحظة: الزيادة اللي اقصدها زيادة اشتراك التأمينات مالت الشركه
وللعلم اهوا الوحيد اللي كويتي بالشركه

 

[general]

اخوي لوسمحت سؤال
عندي اخوي يستلم دعم عمالة وقاعد يدفع للتأمينات 49 وخرده
الحين صاحب الشركه قايله لازم تدفع اكثر حق الشركه
يعني بيطلع بحدود 70 او اقل
فأبي تفيدني جم اذا شخص يستلم من دعم العماله 310 والشركه يعطونه 135 شهري
جم لازم يدفع للتأمينات او يعطيهم عشان تكون الحسبة سليمة لأن راعي الشركه يقول ان الفلوس عليكم فإحنا بندفع بس بنعرف جم القيمة اللي لازم يدفعها الإجمالية 60 او 70 او جم بالضبط؟
ملاحظة: الزيادة اللي اقصدها زيادة اشتراك التأمينات مالت الشركه
وللعلم اهوا الوحيد اللي كويتي بالشركه

اهلا فيك يا اخوي
اشتراك قطاع الخاص في التأمينات هو 18% من الراتب الاجمالي
310 + 135 = 445 دينار يعني قسطه يوصل بحدود 80 دينار اذا ضربناها ب 18% .

وحياك الله

 

[الممـيز]

الله يعطيك الف عافيه وماقصرت ياخوي الغالي وانا واحتمال باجر امر على مدير دعم العماله وكلمه بهالخصوص وعلى الله يفتهم مايقعد يعقدها مثل الباقين


شكراً

 

[كويتي محب]

السلام علييييييييييييكم ..
انا الحين عمري 19 ومقدم على دعم العماله .. وللحين انا عطالي
لكـن ان بغيت ادش جامعه او معهد ؟؟ اقدر اخذ تفرق دراسي من شغلي ويمشي لي دعم العماله ؟؟؟

 

[general]

السلام علييييييييييييكم ..
انا الحين عمري 19 ومقدم على دعم العماله .. وللحين انا عطالي
لكـن ان بغيت ادش جامعه او معهد ؟؟ اقدر اخذ تفرق دراسي من شغلي ويمشي لي دعم العماله ؟؟؟

اهلا فيك وانت بسميك المحتال
اذا كنت اقل من 25 سنه ومسجل أو راح تسجل بالجامعه او التطبيقي ماكو دعم عماله لك , ماكو تفرغ دراسي

 

[كويتي محب]

انزين هذا الغانم قاعد يوظف شباب كويتين !؟!!؟
وعلى علم انهم يدرسون ؟!!!!
يعني نحول على الغانم اضمن !؟!!

 

[وقاص]

اخوي جنرال

شلونك يا بعد هالناس كلها

ادري متعبينك ويانا

بس الي انا اشوفه بخصوص الهيكلة مالنا غير رب العالمين ثم انت فتحملنا ربي يجزاك خير عني وعن باقي الاخوان

انا شرحت لك موضوع قديم بخصوص ان شركة قفلت والموظف توهق وما يمشيله راتب من الشركة نفسها ووقفوها

وطلع عليها تراكمات مو دافعه التأمينات

والموظف مسجل بالتأمينات لما الحين

والشهر الي فات نزل راتب الهيكلة وللحين على حطته ما انسحب منه فلس

ما اعتقد حلال التصرف فيه لان بالشهر الي فات كله ماكو دوام والشركه صكرت

الحين لا طبنا ولا غدا الشر

شلون الموظف يطلع من الشركة شنو العمل

والله نفسيتنا تعبت

لا دوام ولا راتب وبروحه الواحد اقساط وعيال

ومعلق بالتأمينات وبس ينزله الهيكله

وهم الهيكله اخاف فيها شبهه وبيزاتها مو محلله حاليا بالنسبة للوضع الحالي

فياخوي يا جنرال شوف لنا حل

شلون نقدر نستقيل من الشركة

بعد تعب وعوار قلب

حصلنا مدير بشركة ثانية تابعه لهم بس بترخيص ثاني وشغل ثاني

ولما كلمناه قال صبروا وصبروا وصبروا

وواضح انه يبي ينومنا مغناطيسي

الزبده شنو الحل نبي نستقيل من الشركة

ونبي ندور لنا دوام ثاني مع العلم

لقينا لبعضنا والبعض ربي يرزقه

بس تعليقه والله مو حلوة

نروح للهيكله نكلمهم ولا بهالطريقه خربنا الامور على نفسنا

نروح للتأمينات نكلمهم

والله مو عارفين شنو الحل

وما اقول الا صبرا جميل

والف شكر لك على ردك لأني عارف انك راعيها وراح ترد على وافضالك على الراس​

 

[general]

اهلا فيك يا اخوي وقاص عزيز وغالي انت
اخوي يعني شنو هل حركه الحقيره من الشركه يبا قول لهم بس طرشوا كتاب تفنيشي او استقالتي للتأمينات ومانبي شي .
غريب امر هل شركه رابطينكم ومعلقينكم ليش وشرعا من قالك مايجوز تستلم دعم العماله ؟؟
لو تحط هل مسائل الشرعيه لأي مفتي ولو يكون اغبى الاغبياء راح يؤيد جوابي

1- قانون دعم العماله مايعترف انك مستقيل ولا متفنش دام مو مشيول اسمك من التأمينات وانت حاليا لو تروح دعم العماله وتقول لهم انا نايم بالبيت وماشتغل راح يقولون لك مو شغلنه المهم اسمك مسجل بالتأمينات خلاص يبا انت ليش محرم الفلوس الشغله حيلهم بينهم (تأمينات ودعم العماله)
2-انت الان في وضع حرج ووراك اسره وبيت واقساط والتزامات مادري شلون تفكر وتحرم الفلوس واساسا الدين الاسلامي يحلل السرقه لسد قوت الانسان فقط فما بالك انت مظلوم ومستوفي شروط دعم العماله القانونيه فضلا عن ان المسأله يمكن يكون فيها باب للنقاش حلال وحرام والدين الاسلامي يحلل السرقه لسد قوت الانسان فقط .
3- انت ماتعرف شي اسمه دفع الفاسد لأفسد منه ,,, ولدفع الضرر تجيز بعض الاحكام ,,, وللاحكام ضروره .

واخوي انا ببيعها والي بيوقف عضويتي خل توقف لكن مارضى انت وامثالك تتوهقون وتقصرون على انفسكم وبيوتكم عشان اشياء واهيه يا اخي انت لمن تروح دعم العماله يقولون لك تعال استوفي الشروط القانونيه ولا الشرعيه ؟؟؟
باجر روح لهم قول لهم ترا انا استوفيت الشروط الشرعيه لكن القانونيه ما اسوفيتها شوف يعطونك دينار ؟؟

ايه قرائنيه نازله تعتب على الرسول صلى الله عليه وسلم (لم تحرم ما احل الله لك)
انت منو عشان ياي تحرم ؟؟

بالنهايه يا اخوان الي عنده تعليق ما يؤيدني لا يكتبه وليحتفظ علومه وفتوايه في بطنه احسن له
واسمح لي شديت معاك بالكلام لكن منرفزني وكل هذا عشان مصلحتك قاعد اقول

 

[اندرتيكر]

السلام عليكم يااخوي جنرال شخبارك
اخوي جنرال انا حاليا موظف في شركه بسيطه بالقطاع الخاص
وبعد فتره ابي احول على شركة كبيره
بس احول واخلص بعدها بشهر ارجع حق شركتي البسيطه
فممكن اعرف الاجرائات والطريقه وهل يصير خلال شهر ارجع للشركه اللي كنت اشتغل فيها
للعلم ان عمري اقل من 25 سنه وانا غير طالب

 

[general]

السلام عليكم يااخوي جنرال شخبارك
اخوي جنرال انا حاليا موظف في شركه بسيطه بالقطاع الخاص
وبعد فتره ابي احول على شركة كبيره
بس احول واخلص بعدها بشهر ارجع حق شركتي البسيطه
فممكن اعرف الاجرائات والطريقه وهل يصير خلال شهر ارجع للشركه اللي كنت اشتغل فيها
للعلم ان عمري اقل من 25 سنه وانا غير طالب

يحق لك تغير 20 شركه خلال 20 يوم
بس ليش هل حركه ماتسوى تتعطل بدعم العماله صحيح ان راتبك ماراح يوقف لو فتره تغييرك من شركه الى اخرى كانت خلال ايام لكن افترض لو تعطلت بشغله وراتبك وقف ؟
بس ان كانت المسأله ضروريه بالنسبه لك فالاجابه نعم تقدر وبكل يسر وسهوله وللعلم طلبات دعم العماله راح تكون قليله فقط اوراق تحويل
لان المستجد اهو الي فيها مليون ورقه

 

[اندرتيكر]

يحق لك تغير 20 شركه خلال 20 يوم
بس ليش هل حركه ماتسوى تتعطل بدعم العماله صحيح ان راتبك ماراح يوقف لو فتره تغييرك من شركه الى اخرى كانت خلال ايام لكن افترض لو تعطلت بشغله وراتبك وقف ؟
بس ان كانت المسأله ضروريه بالنسبه لك فالاجابه نعم تقدر وبكل يسر وسهوله وللعلم طلبات دعم العماله راح تكون قليله فقط اوراق تحويل
لان المستجد اهو الي فيها مليون ورقه

مشكور والله يالاصيل يا بو عقيل على ردك ومساعدتك
بو عقيل زين شلون على التامينات اذا بغير من شركه لشركه
يبون اوراق والا عادي

 

[general]

مشكور والله يالاصيل يا بو عقيل على ردك ومساعدتك
بو عقيل زين شلون على التامينات اذا بغير من شركه لشركه
يبون اوراق والا عادي

تروح تاخذ نموذج 103 من التأمينات وتعبي البيانات انك مستقيل ومعلوماتك وتخلي المفوض بالتوقيع لدى الشركه يوقع تحت وعقبها تاخذه للتأمينات دور الثالث (قسم البريد) وتعطيهم ياه ويعبون لك النواقص . وعقب اسبوع اسمك ينشال كمؤمن عليه
وعقبها هم تاخذ نموذج 103 من التأمينات تروح تعبي البيانات بشركتك الجديده وايضا المفوض بالتوقيع يوقع عليها انك اشتغلت عندهم بس هل مره باضافه ورقه او شهاده من الشركه للتأمينات انك توظفت بتاريخ الفلاني وراتب الفلاني وهم توديه دور 3 قسم البريد عقب اسبوع يستجل اسمك كمؤمن عليه على الشركه الجديده وعقبها تروح لدعم العماله
وشكرا لك

ادري انك ضعت بس سهالات

 

[وقاص]

اخوي جنرال والله قريت ردك على طول سحبت البيزات

والله ضاقت وربنا يستر

على راسي والله جنرال وقول الي تقوله واعرف ان كل الي تقوله لأنك تحبنا بالله عز و جل

بس العمل شنو اذا الشركة مطنشة

تكفه شنو الدبرة ...؟

 

[general]

زين دام انك سحبت فلوس خل نتفق بالخاص وين نتواعد وتعطيني منهم 20 دينار حق المشوره
ثانيا هدد مدير الشركه تهديد قانوني انك راح تلجا للقضاء وصحيفه الدعوى راح تتضمن مطالبات ماديه ايضا بان الشركه غير راضيه بازاله اسمك من التأمينات مما سبب لك في اضرار نفسيه وماديه حيث كان لك رغبه في تسجيل اسمك بالديوان للحصول على الوظيفه الحكوميه لكن سياسه الشركه اللامباليه كانت العائق الوحيد حيث لم يقوموا بارسال كتاب انهاء خدماتي للتأمينات مما جعل الديوان يرفض جميع محاولاتي للتسجيل نظرا لارتباط شبكه الالكترونيه بين الديوان والتأمينات ومبدئيا اطالب بتعويض مادي من الشركه
قول هل كلام للمدير وراح يخق وان ماكو فايده حزتها ترفع دعوى رسميه وياريتك تستشير الاخ رحالي في قسم الاستشارات القانونيه

 

[وقاص]

يا بعد راسي

علم وراح يتم بعون الله

ذخر يا بو عقيل

 

[أبومحمد_9]

السلام عليكم استاذ جنرال
عندي الاهل كانوا مسجلين باب خامس باسمهم رخصة
وصار لنا سبع سنوات ندفع اشتراكات
وقبل اربعة ايام حولتهم باب ثالث
ووظفتهم بشركة
كم تتوقع فترة التسجيل
علما أنها مسجلة من قبل والمسألة تحويل....
ثانيا معاملة ضم مدة الخدمة السبع سنوات الى الباب الثالث سهلة او تتأخر؟؟
ولك جزيل الشكر

 

[general]

السلام عليكم استاذ جنرال
عندي الاهل كانوا مسجلين باب خامس باسمهم رخصة
وصار لنا سبع سنوات ندفع اشتراكات
وقبل اربعة ايام حولتهم باب ثالث
ووظفتهم بشركة
كم تتوقع فترة التسجيل
من تودي اشعار ابتداء الخدمه للتأمينات تطول اسبوع الى 10 ايام حتى يتسجلون على الشركه الجديده
علما أنها مسجلة من قبل والمسألة تحويل....
ثانيا معاملة ضم مدة الخدمة السبع سنوات الى الباب الثالث سهلة او تتأخر؟؟
تنضم اوتوماتيكيا من غير ماتسوي اي شي لان السنوات تراكميه
ومن خسران شي ان سألتهم
ولك جزيل الشكر

وثانيا تروح دعم العماله تطلب منهم ورقه الطلبات من شركه الى اخرى والاوراق المطلوبه بسيطه لان اعيد واكرر التحويل سهل مو نفس اول مره مليون ورقه
والعاده ماينقطع الراتب الا بعد جم شهر وبما انك راح تحولهم فورا ماتطول بالايام فاعتقد ان الدعم راح يمشي عادي بس بعد جم شهر تشوف نزلوا في احد الاشهر راتب ناقص ولا تعب روحك تروح لهم لان راح يقولون لك فتره الانقطاع الي من الشركه القديمه الى الشركه الجديده اخذت كم يوم من غير وظيفه وقطعنه عن باثر رجعي

ولتوضيح اكثر
مثلا انت قدمت استقالتك
21-5-2009
وتوظفت من جديد بتاريخ 26-5-2009
دعم العماله راح يخصم بعد جم شهر راتب الايام
22 و 23 و 24 و 25