لجميع استفساراتكم عن دعم العماله الوطنيه

[تاجر ولكن]

طيب سؤال ثاني اختي هم عندها دبلوم وكانت تشتغل فنية بوزارة الصحة وحابة تطلع خاص وتقدم على دعم العمالة بس شغلها ماله شغل بشهادتها على اي اساس يعطونها راتب عالوظيفة ولا الشهادة وهل الراتب موحد بين الذكور و الاناث ؟؟

 

[محمد خليفه]

بسم الله الرحمن الرحيم

تسلم على الخدمه الحلوه الي تشغل بال الكثيرين

اخوي عندي رفيجي كله يسئلني ولا عندي جواب له بصراحه

اهو عنده متوسطه ويبي دعم العماله يعطونه

وجم ؟ اذا كان اعزب ولا متزوج

وهل دعم العماله يزيد مع انجاب الاولاد

واذا يبي يطلع له بيت ممكن يدفع قسطه منه

والله يجزاك الخير

 

[general]

طيب سؤال ثاني اختي هم عندها دبلوم وكانت تشتغل فنية بوزارة الصحة وحابة تطلع خاص وتقدم على دعم العمالة بس شغلها ماله شغل بشهادتها على اي اساس يعطونها راتب عالوظيفة ولا الشهادة وهل الراتب موحد بين الذكور و الاناث ؟؟

رواتب دعم العماله موحده بين الذكور والاناث(الا المتزوج من الذكور فقط) وأيضا موحده على كل الوظائف يعني مثلا اختك عندها دكتوراه بالاقتصاد وتسجل دعم عماله انها مشتغله مراسله ماكو مشكله يصرفون لها على حسب (وظيفتها الفعليه بقطاع الخاص)
وشكرا

 

[general]

بسم الله الرحمن الرحيم

تسلم على الخدمه الحلوه الي تشغل بال الكثيرين

اخوي عندي رفيجي كله يسئلني ولا عندي جواب له بصراحه

اهو عنده متوسطه ويبي دعم العماله يعطونه

وجم ؟ اذا كان اعزب ولا متزوج

وهل دعم العماله يزيد مع انجاب الاولاد

واذا يبي يطلع له بيت ممكن يدفع قسطه منه

والله يجزاك الخير

اخوي العزيز
رفيجك يقدر يسجل دعم عماله (يصير موظف فعلي) ويصرفون له المتوسط تقريبا 370 دينار (للاعزب) والمتزوج تقريبا 410 دك
اي نعم يصرفون له علاوات الاولاد (مو شغل دعم العماله هذا شغل ديوان خدمه المدنيه ينزل دايركت مع دعم العماله ) واي زيادات حكوميه تصير راح يحوشه
اما بخصوص يدفع اقساط بنك التسليف والادخار على حسب علمي وايد نواب تحركوا واعترضوا بعدم اخذ راتب دعم العماله كمحل اعتراف بس مو مشكله كفيل ثاني يكفلك وانتهى الموضوع (بس احذرك من الحين لاتاخذ على كلامي واسأل بنك التسليف لان السالفه وراها بيت وقرض 70 ألف ) بس انشالله الي قلته لك صح 90%

 

[ابو غانم]

أخوي general

يعطيك العافيه على المجهود الطيب .. انا عندي سؤال بخصوص المسرحين من شركات القطاع الخاص .. واللي يستقبلونهم حاليا بالهيكله .

أنا من ضمن اللي سرحوهم من الشركات شهر 12 اللي طاف ولكن الحمدالله توظفت بشركة أخرى شهر 4 .. يعني قعدت 4 شهور بدون وظيفه والله اعلم شلون كنت ادفع اقساطي وقروضي والعيال .. ولكن الحمدالله توظفنا وخلاص .

السؤال هل يحق لي ان أسجل ضمن المسرحين لاني تسرحت 4 شهور وهل لي تعويض أو ماشابه ذلك .. نبيك تفيدنا يالغالي

وشكرا

 

[general]

أخوي general

يعطيك العافيه على المجهود الطيب .. انا عندي سؤال بخصوص المسرحين من شركات القطاع الخاص .. واللي يستقبلونهم حاليا بالهيكله .

أنا من ضمن اللي سرحوهم من الشركات شهر 12 اللي طاف ولكن الحمدالله توظفت بشركة أخرى شهر 4 .. يعني قعدت 4 شهور بدون وظيفه والله اعلم شلون كنت ادفع اقساطي وقروضي والعيال .. ولكن الحمدالله توظفنا وخلاص .

السؤال هل يحق لي ان أسجل ضمن المسرحين لاني تسرحت 4 شهور وهل لي تعويض أو ماشابه ذلك .. نبيك تفيدنا يالغالي

وشكرا

اهلا يا بو غانم كفو والله على حسن تدبرك للازمه الي عدت عليك ووقفت على ريلك خلاف الباجي الي استسلموا
عموما ماعتقد انك تستحق راتب 4 اشهر الي قعدت فيهم من غير راتب وشكرا

 

[arabsboy]

يعطيك العافيه اخوي الجنرال انا دزيت لك رسالة خاصة وباكتب موضوعي اهني
انا استقلت 30 - 6 من التامينات بس وما راجعت الهيكلة
المهم شهر 7 نزلولي راتب الحين هل اسمي موجود بالهيكلة ولا التامينات شالته من الهيكلة ؟
والفلوس اللي نزلت لي راتب شسوي فيها اردها ولا اصرفها ؟؟
لاني خايف من ان اسمي ما انشال من الهيكلة لاني انقبلت بعثة واخاف التعليم العالي يظنون اني موظف للحين ويلغون بعثتي ويسوون لي قصة

 

[general]

يعطيك العافيه اخوي الجنرال انا دزيت لك رسالة خاصة وباكتب موضوعي اهني
انا استقلت 30 - 6 من التامينات بس وما راجعت الهيكلة
المهم شهر 7 نزلولي راتب الحين هل اسمي موجود بالهيكلة ولا التامينات شالته من الهيكلة ؟
والفلوس اللي نزلت لي راتب شسوي فيها اردها ولا اصرفها ؟؟
لاني خايف من ان اسمي ما انشال من الهيكلة لاني انقبلت بعثة واخاف التعليم العالي يظنون اني موظف للحين ويلغون بعثتي ويسوون لي قصة

انت تعتبر مستقيل بعد يكون في علمك دعم العماله راح يستمر بحدود 3 الى 4 اشهر عشان يعرف انك مستقيل من التأمينات وطبعا اهو موقعك على ان اذا قدمت استقالتك هم يجب عليك تبلغ الدعم العماله (على كل حال مافي عليك أي مشكله قانونيه اذا اكتفيت باستقالتك من التأمينات بس بشششششرط ترجع الفلوس للدعم العماله يعني من شهر 7 وانت صاعد (الى حسب اي شهر كان اخر راتب نزلوه يعني ان صادوك شهر 11 راح ترد مال شهر 7 8 9 10 11 .
طبعا راح يطالبونك بالمبلغ وان سحبت عليهم ممكن يرفعون عليك قضيه (فلوس دوله) فليش عوار الراس روح لهم وقدم لهم كتاب استقالتك موقعه من شركتك أو انك تصرف المبالغ الى ان يي لك الكتاب الانذار وترد تدفعهم كامل (ماعتقد حزتها تقدر تدبر نفسك)

 

[كويتي ماركة]

يعطيك العافيه اخوي

انا بفتح محل بأسم زوجتي وراح اطلع لها رخصه مؤسسه

فهل يحق لها ان تاخذ دعم العماله

كونها صاحبه العمل ؟؟

 

[general]

يعطيك العافيه اخوي

انا بفتح محل بأسم زوجتي وراح اطلع لها رخصه مؤسسه

فهل يحق لها ان تاخذ دعم العماله

كونها صاحبه العمل ؟؟

بكل تأكيد نعم

 

[kingq8]

اخوي انا عندي وحده من الاهل بتشتغل بمؤسسة بتاخذ دعم عمالة ؟

ممكن اعرف جم اهى راح تااخذ شهادتها ثالثه ثانوي ؟

وشنو الاوراق المطلوبة لى التقديم على ان تااخذ دعم عمالة ومتي ينزل المبلغ ؟

 

[arabsboy]

بما اني استلم دعم العمالة هل اعتبر موظفا في جهة حكومية ؟؟
لان في بعض الشروط : ان لا يكون موظفا في أي جهة حكومية هل انا مطابق لشرط هذا ولا لا ؟

 

[general]

اخوي انا عندي وحده من الاهل بتشتغل بمؤسسة بتاخذ دعم عمالة ؟

ممكن اعرف جم اهى راح تااخذ شهادتها ثالثه ثانوي ؟

وشنو الاوراق المطلوبة لى التقديم على ان تااخذ دعم عمالة ومتي ينزل المبلغ ؟

اخوي العزيز ماكو فرق بين التوظيف في الشركه أو المؤسسه (لاستحقاق راتب دعم العماله) .
الخطوات شوي متعبه لكن بالنهايه تاخذ البنت حقها بذكر الخطوات بدون تفاصيل لان التفاصيل طويله وتضيعك .
1- يتم تسجيل المؤسسه في التأمينات الاجتماعيه .
2- يتم عمل عقد العمل بين المؤسسه والموظف و املاء اشعار التأمينات (بدايه خدمه ) والانتظار 10 ايام لحين يتم تسجيل الموظف والمؤسسه في اجهزه التأمينات رسميا .
3- الذهاب الى دعم العماله الوطنيه واخذ ورقه الطلبات من عندهم , ومذكور فيه تقريبا 12 طلب (بسيط) وعند اخذك لورقه الطلبات فورا و .اخذ موعد (بنفس اللحظه الي انت رايح تاخذ ورقه الطلبات) لتقديم طلباتهم يا عن طريق موقع الالكتروني لدعم العماله او الهاتف وتختار في كلا الحالتين العلاوه الاجتماعيه . يطلع لك موعد بعد شهر أو اقل (تكون جهزت ورقه الطلبات كلها)
4- الانتظار حوالي 30 الى 60 يوم (حد اقصى) لينزل الراتب وبأثر رجعي ايضا .
5- نتمنى لك التوفيق
ملاحظه البنت تعتبر شهادتها متوسطه (لانها ماخلصت الثانويه وتعتبر متوسط حتى لو باقي لها يوم واحد وتتخرج بالثانويه .
وراتب المتوسط بضبط بين 360 الى 370 )

 

[general]

بما اني استلم دعم العمالة هل اعتبر موظفا في جهة حكومية ؟؟
لان في بعض الشروط : ان لا يكون موظفا في أي جهة حكومية هل انا مطابق لشرط هذا ولا لا ؟

مافهمت على سؤالك نهائيا لكن بعطيك اكثر من اجابه عشان ماترد تسأل مره ثانيه

اولا اذا كنت موظف في دعم العماله (تشتغل عندهم) تعتبر موظف حكومي .
ثانيا اذا كنت موظف بقطاع خاص وتستحق راتب دعم العماله فأنت تعتبر موظف في قطاع خاص لا حكومي .
ثالثا اذا كنت موظف حكومي (يعني تشتغل في دعم العماله و الوزارات والهيئات الحكوميه والخ ...) فأنت مايصير تسجل بدعم العماله .
وشكرا

 

[وقاص]

يا اخي والله انك عسسسسل

متحمل الاسإلة وترد باسلوب ذرب

ووافي بعد

ربي يرزقك ويزيدك من خيره

ملاحظة راتب دعم العماله للشهاده المتوسطة

361 دينار بالضبط يا غالي

 

[general]

يا اخي والله انك عسسسسل

متحمل الاسإلة وترد باسلوب ذرب

ووافي بعد

ربي يرزقك ويزيدك من خيره

ملاحظة راتب دعم العماله للشهاده المتوسطة

361 دينار بالضبط يا غالي

هلا اخوي وقاص مشكور على المعلومه الاكيده ومحد ذرب غيرك وكون واثق من هل شيء

 

[ابو محمد2]

جينرال جعل اللي جابك للجنه ياخوك اانافي شركه ما فيها الا انا هالشركه وصاحبها دايم وهو صاكها يا خوك اخاف يصيدوني راعيها هو اللي قال توظف عندي ما له خلق يلم فلوسه من زباينه وانا اللي امر واخذ المحصول كل شهر يسلمني 200 دينار بس المشكله المكتب مروح ومصكوك

 

[ابو محمد2]

والله تبي تزعلني يا جينيرال ليه ما ترد علي فيه تفتيش ولا من زمان خلوه رد جعل اللي جابك للجنه

 

[general]

والله تبي تزعلني يا جينيرال ليه ما ترد علي فيه تفتيش ولا من زمان خلوه رد جعل اللي جابك للجنه

هلا بو محمد ماعليه اذا انا مزعلك فأقولك انا الي مزعلني النت كله فاصل والله افكر فيكم
جواب سؤالك على حسب الي فهمته , اقولك دعم العماله مرات يروحون تفتيش ومرات يتكيسلون بس بكل الحالات اذا انت طالع والمكتب مصكر ووقفوا راتبك بامكانك ترد عليهم بكتاب عذرك يوم الغياب ومافي شي اسمه ان صادوك خلاص بلاك ليست بس بكل الحالات تقدر تتكتب كتابك عذرك مذكور فيه و يرجعون لك الراتب فورا .
بس اذا الكره زادت عن حدها ممكني رفضون كتاب اعذارك .
على العموم الافضل تداوم وشكرا

 

[كويتي محب]

قواك الله يالجنرال وبميزان حسناتك
الحين انا مكمل اوراقي كلهم سواء من الشركة الي انا شغال فيها ومن التامينات وكله الي طالبينه
لكن توني اقرى لك رد تقول لـما بتروح لهم لازم تاخذ موعد ؟؟؟؟؟؟؟؟؟؟
انا ماخذيت موعد لكن اوراقي كاملين