تسخين السيارة

[مضارب أون لاين]

أخوي الأستاذ المهندس ..

كلام من ذهب ونصائح ولا أروع ..

بارك الله فيك ..

 

[بوعلي2010]

السلام عليكم
للعلم انا اتبعت هالطريقه عدم تسخين السياره وعلي سياره بي ام وللاسف صار معاي عطل في ربل صباب المكينه السياره لازم تحتاج الي تسخين

يصير تطبخ الاكل بزيت بارد ؟ طبعا لا

السياره جذي تسخن الزيت عشان يكون حرق البانزين فيها مضبوط

 

[Zeen]

ومنكم نستفيد

 

[جهيمان]

يعطيك العافية

 

[العبيريد]

جزاك الله ألف خير على المعلومات
وماقصرت
وربي يزيدك من علم الدين والدنيا
أخوك العتيبي

 

[بوفواز8]

انا اقول 3 دقايق ماراح تخرب عليك مايصير لازم تاخذ نفس شوي يصير تقوم من النوم وتطلع بدون لاتغسل بالتوفيق

 

[daryq8]

بصراحه موضوع غريب

فطريا السياره ماتتسخن راح تقطع وتوقف شنو تفسير هالشي



عاد انا بالصيف اسخنها ربع ساعه يوميا وقت الفجر

 

[كويت الخير]

جزاكم الله خير على الفايده

 

[سهم فسفوري]

سمعت الكلام هذا من قبل ,,, وعن تجربه ادق سلف وامشي سيارتي تاهو 2004 بعدها الموتر طلعت علامة المكينه ,,, والموتر تغير ممشى والعزم,,, بالعربي سخن السياره لمدة دقيقتين بالحر وبالشتاء خلها خمس دقايق.

 

[بوفواز8]

الله يجزاكم كل خير

 

[مضارب أون لاين]

أنا ما أسخن السيارة .. نهائيا ..
ولكن أعتقد دقيقه قبل لا تمشي كافيه ..

 

[Hamilton]

ما سمعكم الوالد الله يطول بعمره جان لقطكم بالعقال

اذا ما يسخن السياره بالصيف ربع ساعه و بالشتا ساعه الا ربع و لا ما يحرك من عند الباب

و اللي في امه خير منا يحرك السياره قبل لا يسخناها على الجدول الموضح فوق ( ربع ساعه بالصيف و ساعه الا ربع بالشتا )

و اذا طاح على احد فينا يفضل عدم رجوعه للبيت لمدة 3 ايام تراه ناطره وري الباب بالعقال

ههههههههه هاهاهاهاهاها اضحك الله سنك
الله يطوّل بعمره ويمتعكم بحياته ,,,

 

[Hamilton]

عن نفسي

طبت بيدي : باسات و جيب اكسبلورر و وانيت شفر وحاليا جراند شيروكي

عمري ماطولت بالتسخين
دق سلف وإمش على طول اللهم بشهر 12 و 1 على المزاج
على قولتهم على ماتطلع من الفريج لي اشاره بيتكم الا انت ماشي على الهداوه وشوي شوي
ثانيا:
بالصيف عندنا الدهن تلاقيه يدوّج بالمكينه من زمااااااان هذا اذا ما احترق بسرعه بعد!

ياللللللللللللللللللللللللللللللله ... المقطع اللي انت حاطه شييييييييييييييييييييي صراحه .. مشكوووووووووووووووووور والله يرحمك يا صباح السالم

 

[Bu-Sultan]

من الاخر
تحرير السياره ما رح يضرها بشي ابدا
لكن انك تمشي من غير لا تحررها ممكن يضرها.

 

[فؤاد سعد]

خلاصة الكلام في الموضوع دا

السيارة اذا مشيت بيها بدون تسخين وملاحظتش تغير في عزم السيارة وبصوت في المكينة وحسيت انها طبيعية خلاص امشي فيها بدون تسخين

واذا لاحظت تغير ملحوظ على السيارة وبتطفي منك وهيا باردة خلاص سخنها دقيقة او دقيقتين حتى تمشي معك بالشكل الطبيعي

^_^

 

[ahmad73]

بحسب علمي أول ماتشغل السيارة تشب لمبات ومؤشرات في شاشة العداد. وبعد ثواني تطفي هاللمبات. هني تكون السيارة جاهزه للحركه. هذا بالنسبة للسيارات الجديدة.

 

[bobcat]

والله ياجماعه حنا ما اذكر سخنا الدوريات وفاجرينهم بالاستعمال ولا عمرهن اشتكن

 

[Easy Steps]

يا اخوان والله اعلم في خلط عند البعض بين اوروبا والخليج

السيارات في اوروبا يتم تعيير الثورموستات على درجة حرارة عالية نسبة لدرجات البرودة المنخفضة فالسيارة بسرعة تحتر اصلا

اما في الخليج فالتعيير مختلف يكون على درجات حرارة اقل حتى لا ترتفع الحرارة لذلك تحتاج السيارة لتسخين

لذلك مثلا معظم اللي يشتري سيارة من المانيا مثلا يلاقي مؤشر الحرارة دوم مرتفع فيظن ان هذه مشكلة معينة هي سبب الحرارة

والامر لا يتعدى تعيير الثورموستات على درجة حرارة اقل فتنتهي مشكلة الحرارة

الزبدة اللي يقول لك في الخليج ما اسخن وامشي لا يعني ان السيارة ما صار فيها شي للحين ان هذا صحيح

لابد من التسخين

 

[القوي الأمين]

السلام عليكم
حسب علمي بحثت ووجدت تبعا للخبراء أن كل السيارات الجديدة (أتوقع من سنة 2000 أو 2005 وأحدث) لا تحتاج تسخين نهائيا.
طبعا في الكويت الصيف 11 شهر في السنة، والبرد في ليل شهر واحد فقط، يعني طول السنة ما تحتاج تسخين للسيارة. يعني المفروض نبحث عن نصائح تبريد السيارة عند تشغيلها في الصيف !!!!
وا

 

[dahk22]

انا مع عدم تسخين السيارة وقت طويل