تسخين السيارة

[blazer]

الله يعطيك العافية أخوي العنزي على الموضوع الطيب

بالنسبه لتجربتي مع الأمريكي والياباني
أفتكر التسخين ضروري خصوصا بالشتاء
إذا حركت قبل لاتسخن السياره يضرب المنافولت (الإكزوز)
وهالشغله صارت معاي بالنيسان كم مره والإنفوي مرتين .

 

[الدهيمي1]

السلام عليكم الله يسعد ايامكم جميعا ويجعل رمضان بركه وزود حسنات بأعمالكم نشالله كلامكم عن التسخين حلو انه ماطول ومعقول هل حجي بس في الشتاء تتوقعون هل كلام يمشي لانك لو راح تسخن السياره دقيقه تتوقع القير راح يبدل وياك انا من ناحيتي مجرب هل شي التبديل يكون اطول حتي لو انت مو مسرع يعني القير مع الوقت عليه السلام (وجهت نظري)

 

[الأرستقراطي]

سيارات ال 6 سلندر و أكثر الحديثة فوق موديل 2000 لا تحتاج الى تحمية أو تسخين ،،، أما ال 4 سلندر فبعد سنتين من الأستخدام تحتاج تسخين مدة لا تتجاوز الدقيقتين أيام الشتاء الباردة فقط ،،، بالتوفيق ،،،

 

[الموحد1]

طيب مارأيكم بتشغيل المكيف بدون تسخين يضر السياره؟

 

[athbey]

مبارك عليكم باقي الشهر اعتقد لابد من التسخين الاجانب اعتادوا عدم التسخين هالشي لانهم ناس عمليين وسريعين ودقيقين بمواعيدهم ماهو مثلنا تقرا جريده على ماتحتر السياره ومتى ماوصلت الدوام على الراحه تخيلو الشتاء عندنا مثلا مدته ست شهور كلنا راح نغير طريقتنا نمل كل يوم نسخن السياره فما بالكم طول السنه تقريبا اما انه طبيعي مااعتقد ولاهو مذكور بالكتلوج هالشي واذا بعز الشتاء جرب تشغل وبعد عشر دقايق لو تحط ايدك على خرطوش الماي ياالله تلقاها دافيه بالنسبه لي بعد تشغيل السياره تلقائي يرتفع ضغط المحرك يعني واحد ونص يبقى على هالحال وينزل خمس دقايق واحرك اذا بالشتاء والله خمس دقايق يالله تشوف السليتر على النص تحت الواحد بعداها خمس دقايق احرك اما الضرر مايبين على طول خذها عاده تشغل وتمشي بعد مده طويله طبعا يبن صوت تكتكه الصبابات اول التشغيل فيه سيارات والله ماتمشي لين تحتر النيسان بانواعه وال بي ام اذا ماتعدا الثلث المكينه ترجف تحس مو صافيه ليت تحتر عدل موكل شي قالوه الاجانب خلاص والله استعمالهم للسيارات خايس خصوصا الامريكان

 

[Hamilton]

انا راح اتكلم عن ال bmw
انا عندي بي ام وما احررها لانه الوكاله قايلين لي شغّل وحرّك ..... طبعا اشغل وانطر دقيقه بالكثير واحرّك وما ادوس عليها الا لما اشوف الحراره صارت نص ( الحراره الطبيعيه للبي ام )

 

[قلم رصاص]

سلام

السلام عليكم يا اخوان ،،،
مع احترامي للجميع الكلام مو منطقي !!! انا الشباب يسموني ملك الالماني من ال96 لي اليوم عمري ما ركبت الا الماني بي ام بورش اودي مرسيدس فولكس فاجن ما يعقل انك تسوق السيارة بدون لا تسخنها !!!! شلون على ضغط الماكينة؟؟؟ وبعدين لازم ترتفع حرارة مو بس دهن الماكينة ايضا دهن القير لان جرب تحرك بالسيارة واهيا باردة راح يطق القير طقة يشلع قلبك فيها ، في مهندس شايب كويتي يشتغل بالغانم بي ام نسيت اسمه حييييييييييل فاهم ممكن اي احد عنده بي ام ويراجع جراج الوكالة يسأله عن هالموضوع واهو راح يوضحله لا توهقون عمرك وتقولون بعدين "يا ليت اللي جرا ما كان ".

 

[عزوز الكويت]

لو الموضوع جذي جان مالقيتو ميزه تشغيل السياره عن بعد لازم تحر السياره

 

[بوشعيب]

يا جماعه

الواحد اذا ركب السياره ودق سلف على ما يعدل نفسه

وياخذ نفس ويلبس نظارته الشمسيه ويشغل الاف ام !!!!

خلاص هذي دقيقتين وحتى لو دقيقه شنو بيضر .

الصراحه انا حالتي جذي لمن بروح الدوام صباحا بداية التشغيل


وبعدها اليوم كله حتى لو السياره توقف 4 ساعات اتدق سلف وتمشي .وحتى ال30 ثانيه اعتقد تمر علي قبل لا احرك.

ما شاء الله الشباب حدهم مستعيلين

 

[انوفستي]

عشت بامريكا سنتين منطقة جبلية الثلج ينزل مرات بارتفاع مترين علشان تطلع من البيت لازم تفتح لك طريق بالشبل لازم تشيله كل يوم علشان لا يصير يابس ويمسك بعضه طول عيشتي هناك ما شفت احد بهاالثلج يسخن السيارة كله دق سلف وامش وصيفهم مثل شتانا ومن يومها تعلمت منهم وهني بالكويت الحرارة 55 والناس تسخن السيارة

 

[Roffy]

السلام عليكم
مشاء الله موضوع علمي جميل

لطالما نا كنت ابحث عن مثل هذا الموضوع... الان وجدتة
انا تناتقشت مع اصحابي.. في هذا الشأن
قلت لهم. ان السيارة اذا شغلتها تستهلك العداد فا ليش تشغلها 30 دقيقة او اكثر وهي بمكانها
بدل متخليها 30 دقيقة ممكن تمشي فيها 30 كيلو وتخلص مشوارك
بدل مايروح علي الزيت+البنزين+العداد

وايضا فكرت . أن على الشركات ,., تشغيل العداد.. حتي عند كون السيارة واقفة
لنعلم كم استهلكت الميكينة تشغيلً


عموماً موضوع علمي جميل
ونصيحة للي يشغلون سياراتهم 20/30 ثانية فقط
لايناصحون الي توة شاري سيارة او الي مايقتنع لانهم ماراح يصدقوكم

لول سلام

 

[Roffy]

عشت بامريكا سنتين منطقة جبلية الثلج ينزل مرات بارتفاع مترين علشان تطلع من البيت لازم تفتح لك طريق بالشبل لازم تشيله كل يوم علشان لا يصير يابس ويمسك بعضه طول عيشتي هناك ما شفت احد بهاالثلج يسخن السيارة كله دق سلف وامش وصيفهم مثل شتانا ومن يومها تعلمت منهم وهني بالكويت الحرارة 55 والناس تسخن السيارة

ههههههههههه
اي والله صدقت الحرارة 55 والناس تسخن

انا مادري السيارة شلون تستحمل.. زين ماتنفجر

 

[سـعـود]

من واقع تجربة بقيادة عدة سيارات لمدة عشرين عام
سابقا السيارات كانت تحتاج تسخين
اما السيارات الحديثة لا تحتاج اكثر من دقيقة سواء في الشتاء او الصيف
وفكرة التسخين مو عشان يوصل الزيت هذي فكرة خاطئة الغالبية يقع فيها
والصحيح هو استعادة لزوجة الزيت الطبيعية
اما اذا قلنا عن اللامان والامريكان هم ايضا ما يغيرون الزيت فقط يزيدونة
ولا يسخنون المحرك بسبب القانون

 

[p4p]

الله يعطيكم العافيه على هالموضوع الطيب و اعتقد ان السياره بالصيف خصوصا بالكويت شغل واقعد مدة من 10 الى 15 ثانيه ودق سلف

وبالشتاء يفضل من 2 الى 3 دقايق ودق سلف

واما كلام اخوي nasser2009 عن السيارة لما تكون ماشيه مسافه طويله وعلى سرعه بعد

كلامه عدل لازم تاخذلك وقت على مايطلع الكربون من المكينه من دقيقه الى دقيقتين وشكرا

 

[مضــارب أسـهم]

مشكور ويعطيك العافية

 

[الاشعث2]

اعتقد دقيقتين افضل شي لتسخين السياره

 

[متوازن]

انصح الجميع ... بتسخين السياره قبل الانطلاق ... والكلام قصير ... وبالعقل والمنطق تجد انك الافضل دائما .. اي سياره بتشغلها وهي بارده اصلا... تجده تفتف .. وماتمشي ... عاد هذا كلام بالله عليك .. اخاف المعلومات التي اخذتها من الموقع الاجنبي ... مضروب او خارج الخدم .. او اصحابه مدينها عالي مزاج ...!!

وشكرا للجميع

 

[kwaity1978]

السلام عليكم

هذا الكلام سامعه من اكثر من شخص بالمواد الميكانيكيه
سواء ايام الصناعي بالثانويه وماده ميكانيكا سيارات او الكليه وايضا سمعته من قبل شخص مستظيفينه بالراديو

المهم الكلام
1- السياره لاتحتاج تسخين خاصتا الموديلات الحديثه
2- حينما تمشي بالسياره اول التشغيل امشي بسرعه لا تتعدى ال 70 كم

وسلامتكم

 

[بني هاجر]

السلام عليكم

والله ياشباب انا سمعت ان المانيا مسوين ميزات والي اعرفه ان البي ام فيها تسخين داخلي اوتوماتيكي يشتغل كل فتره حتى يحافظ على سخونة الزيت وعشان كذا يمشون عليها باي وقت من غير تسخين ولو تلاحظون ان فترة التسخين سريعه تفرق عن السيارات اليابانية والامريكية انا عندي لاندكروزر فترة التسخين بالبرد من دقة السلف 6 دقايق اما البي ام عند اخوي انصدم منها ماطول اكثر من دقيقه ونص الا مرتفعه طبيعي واكتشفت ان ميزات داخلية

وبعدين تسخين السيارة ضروري لان اذا تمشون عليها واهي باردة مع الوقت تكسر شغلات بالمكينه وتخرب واول شي يخرب (التكايات ) الي توصل زيت راح يطلعلها صوت ثم صوت كرنك ومع السلامه

وفي شباب اشوفهم دايم بعد التقحيص او سرعه عالية من يصفط على طول يطفي السياره هذا اكبر غلط لان اول شي احتمال يصير كسر براس المكينه من قوه الضغط وثانيا تسبب تهريب بالزيت

وانا اقول الله يبعد الشر ويكتبلنا الخير والبركة

 

[weld.q8]

ياجماعه ليش عيل الحين بعض سيارات تقدر اتشغلهم عن بعد؟؟؟؟؟؟؟؟؟؟؟؟؟؟؟ لابد تشغل السياره شويه .....كل واحد اجرب سياره اذا بارده تلاقيها ثقيله وحتى تغيير القير مو طبيعي ااما اذا محتره تمشي طبيعيه.