مدينة صباح الأحمد

[أعرابي]

السلام عليكم منو عنده خبر متى يبدا مشروع الدائري الثامن

للأسف أخوي ألغو مشروع الدائري الثامن

 

[كويتي2]

اخوي بوساره .. الوضع ما يفرق ومدروس بالمللي .. ال 70 ابني فيها على قدك دورين على 45 الف بس ... في اعلانات شركات بنفس هالسعر .. وشرط شي فوق المتوسط ...
ولو شاطر وتبنيها بإيدك صدقني ممكن تبنيها دورين بأقل من 40 الف بعد .

 

[أعرابي]

ابي اسالك سؤال و جاوبني عليه اين تقع العمليات المشتركة من صباح الاحمد؟ ارجو انك ما تطول في الاجابة عشان نوصل لك الصورة عدل؟

هلا بومحمد لا أخوي مادري وين لكن صاحبي يقول يمر عليها بطريقه حق الدوام .
و يا إخوان لا أحد يزعل أنا أقول وجهة نظر مو أكيده .
أنا موساكن الخفجي .
أذكر مميزات بالخفجي ليس كرها بالكويت لكن هذا واقع إقتصادي بحكم إن السوق السعودي أكبر فمهما خفضوا تجارهم الأسعار و هامش الربح هم رابحين .

 

[أعرابي]

:

للأسف أخوي ألغو مشروع الدائري الثامن

أسف أبشرك ما ألغو المشروع:d

 

[بومحمد63]

هلا بومحمد لا أخوي مادري وين لكن صاحبي يقول يمر عليها بطريقه حق الدوام .
و يا إخوان لا أحد يزعل أنا أقول وجهة نظر مو أكيده .
أنا موساكن الخفجي .
أذكر مميزات بالخفجي ليس كرها بالكويت لكن هذا واقع إقتصادي بحكم إن السوق السعودي أكبر فمهما خفضوا تجارهم الأسعار و هامش الربح هم رابحين .

1- معلش اخوي انت ردك كان فيه استهزاء واضح على مدينة صباح الاحمد و بالتالي هذا الكلام قد يثير من اخذ او رح ياخذ فيها

2- اغلب اتجاه الرياح في الكويت شمالية والعمليات المشتركة تقع جنوب و غرب صباح و بالتالي مالها تاثير في التلوث !!!!!!!!!!!!!

 

[بومحمد63]

العفو يا بو محمد

الناس تفضل الحكومة بسبب خوفها من الخدع والغش بالبنيان هذا للي يعرف في البنيان مع أحترامي للكل

فما بالك للي ما عنده خبره بالبنيان

والتعب المقاول والعامل والدرب اللي تقريبا يوميا راح تمشية بحدود سنتين رايح راد

هذا في حالة تصميم الحكومة عادي

أما اذا كان تصميم الحكومة ممتاز ومرضي جميع فئات المجتمع فأعتقد اللي عنده خبرة بالبنيان أو ما عنده خبره بالبنيان الكل راح يتجه للحكومة

الأمر اللآخر والأهم القسمية راح تاخذ القرض الأسكاني 70 ألف وقسطها 100 دينار طبعا قابلة للزيادة على حسب الراتب + قرض مو أقل 15 ألف

أما الحكومة قسطها 60 دينار + لك قرض ترميم 25 ألف لك مستقبلا

بالتوفيق للجميع​

هذا كلام كويتي2 انقله لك بالحرف الواحد لاني اتفق معه :

اخوي بوساره .. الوضع ما يفرق ومدروس بالمللي .. ال 70 ابني فيها على قدك دورين على 45 الف بس ... في اعلانات شركات بنفس هالسعر .. وشرط شي فوق المتوسط ...
ولو شاطر وتبنيها بإيدك صدقني ممكن تبنيها دورين بأقل من 40 الف بعد .

 

[مو طبيعي]

[size="5"]ياجماعه انه عندي وجهة نضر ارجو التمعن بها
بالنسبه للتلوث فهو موجود بكل انحاء الكويت من بعد الغزو بشكل عام وبشكل خاص ونعطي امثله منطقه مشرف ماتقدر تمر ناحيتها بسبب ريحه المجاري الله يكرمكم وماشفت احد باع بيته وطلع من مشرف بالعكس البيوت على نص مليون والبحر ايضا وجنوب السره يقولون فيها الضغط العالي وامغره فيها مصانع وصبحان فيها مصانع وسبحان الله مايتكلمون عن التلوث الا اذا صار توزيع حكومي بس انه ماسمعت احد قال منطقه المسيله اللي سعر الارض الخايسه فيها 200 الف انها قريبه على محطه مشرف وفيها تلوث على سبيل المثال ومافيها كهربا ولا خطوط تلفون وراح اتكون مزدحمه لان مداخلها ومخارجها مع منطقه القرين يعني بتزيد الزحمه و و و و و و و وكثير من الاشياء وماتسوى هالقيمه ليش لانها موتابعه للحكومه؟ صارت حلوه
بس في شي غايب عن الكثير من الناس
البعض من الناس مايبيك تستلم بيت من الحكومه بدون لاتدفع وانت مرتاح لان بهالطريقه ماراح تشتري منه ارض وماراح يستفيد من تعبك وشقاك فتلاقي يدزون هالناس اللي ماعندهم بس يعذربون مناطق الحكومه

وبالنسبه للاخ اللطيف اللي يقول الخفجي انه اقول لغايه اخر شبر من حدودنه هذي الكويت وبعيييييييييييييييييييييييييده على الخفجي بعيده كل البعد وعمرها ماراح تكون قريبه عليهم بتم ارض كويتيه وقريبه على شرق[/size]

كلامك فعلالا منطقي 100%
حتى مدينة جابر الاحمد تحت محطة التحلية اذا الهوء واقف و فيها كهوووف و شارع الجهراء ( الدائر الرابع ) راح يصبح زحمة في المستقبل و ما كو امل للتوسعة و سعد العبدالله تابعة للجهراء و هدية اذا الهواء جنووبي شرقي يشموون ريحة مصلخ الظهر و الخيراان ربما تكون تحت رحمة الله ثم المصفاه الرابعة بامستقبل و بانسبة الي الشاب اللطيف اليس يقوول الخفجي اقوووول شنو تقول عن الخيران بامستقبل منطقة سعودية
اما منطقة اشبيليااا محد قال انها دخاتها مع زحمة الجليب و صباح الناصر كلهاا بقالات و بنشر و مافيها شوارع اين باعوها كلها محد تكلم قبلها انهائيااا
هذا لو ودك اذزرب بامناطق الاخرى حاضرين

 

[قانون 8و9 2008]

شباب صدقوني انه طلبي سنه 2001 يعني من صالحي الناس ترفض ويوصلني الدور بس الانسان يكون امين وصادق مع نفسه ومع الناس

الكويت كلها طول بعرض فيها حر وغبار وتلوث بسيط ولاكن الناس تبالغ فيه انه انصح وأحث على دخول القرعه

وعلى فكره بيوت الضاحيه ماراح يثمنونها ويوزعونها علينه يعني اما انك تستلم وعيالك بعدهم يهال او انك تنطر اوهام والمثل يقول عصفور باليد افضل من 10 على الشجره

وبالنسبه للبعد ماراح تحتاج تروح الديره كل يوم يمكن كل شهرين او ثلاث مره وراح تكونون علاقات واصدقاء جدد وتبدا حيات جديده مثل اللي قبلنا

 

[بوعبدالوهاب1975]

والله يا شباب سالفه التلوث ألي تقولون عنها جذب بجذب أنا رحت هناك وسألت الحراس ألي يحرسون مكاتب المقاولين والمهندسين ردوا علي وقالوا صار لنه سنه ونصف قاعدين بالمنطقه ماشمينه ريحه والهواء نقي وماكوا أحلى منه وأنا رحت المنطقه وبطلت درايش سيارتي ودرت المنطقه ماكو ولا شي من ألي قاعدين تقولونه من تلوث وشاكر لكم .

 

[معز الدين أيبك]

- ياشباب احنا كان لنا حلال قبل لانطلعه السعوديه فى منطقة عريفجان وقعدنا 7سنوات ولاعمرنا شمينا ريحه لاليل ولانهار والجو براد بالليل ومنطقه من أنظف المناطق هــوا فلايجى أحد يكذب علينا ويهايط وبالنسبه لحقل برقان القريب من المنطقه فهو حقل لآستخراج النفط وتصديره وليس تكريره يعنى يستخرجون النفط من الآرض فقط مافيه عمليات ولافيه ريحه ولاغازات نفس الشعيبه والفحاحيل وأم الهيمان ومن كان له عقل فليفكر .

 

[بدون مجامله]

ياشباب المنطقه راح تصير منطقه نموذجيه بكل المقاييس عيبها الوحيد البعد المكاني

 

[CENTRALBANK]

قبل ثلاث سنين خيمنا بالمنطقه... كانت في روايح كريهه من المجاري والمخلفات الصناعيه..

 

[مضارب وخسائر بل]

قبل ثلاث سنين خيمنا بالمنطقه... كانت في روايح كريهه من المجاري والمخلفات الصناعيه..

صباح الخير اخوي

شنو تقصد بالمخلفات الصناعية وموقعها وين لو سمحت ؟

 

[علي يحيي]

انا كنت متردد بالتخصيص بها لكن يوم الاحد ان شاء الله راح اتوكل على الله واخصص فيها
1999

 

[hassankoc]

600 و التسليم ان شاءالله 2013

متى اروح اقدم وتنصحني بالبيت ووين راح يكون بالضبط اقدر اعرف تقديمي 1995

 

[بوعلي74]

يا شباب انا استلمت بطاقة القرعه بس طبعا القرعه يوم الثلاثاء ان شاءالله وباجر توزيع الاحتياط، عندي سؤال اقدر اروح باجر الصبح مبجر واطلب اني ألغي الدخول للقرعه؟ وهل اقدر اني الغي الرغبه في المنطقه نهائيا؟ يعني انسحب منها بأي طريقه مثلا؟ وشكرا

 

[bu_sara]

السلام عليكم

توني جاي من صباح الأحمد

وشفت ما شاء الله الشوارع ودوارات ورصيد المبلط الأحمر والعمال شغالين على قدم وساق

كذلك شفت البيوت الحكومية قطاع a

7 بيوت جنب بعض خالص الأسود

وبعدها تقريبا 100 متر

4 بيوت جنب بعض هم خالص الأسود

بالتوفيق للجميع​

 

[مضارب وخسائر بل]

يا شباب انا استلمت بطاقة القرعه بس طبعا القرعه يوم الثلاثاء ان شاءالله وباجر توزيع الاحتياط، عندي سؤال اقدر اروح باجر الصبح مبجر واطلب اني ألغي الدخول للقرعه؟ وهل اقدر اني الغي الرغبه في المنطقه نهائيا؟ يعني انسحب منها بأي طريقه مثلا؟ وشكرا

مادام استلمت بطاقة القرعة انتهى الامر ولا يمكن إلغائها وحتى لو تخلفت عن الحضور اللجنة تختار لك الموقع حسب الافضلية

 

[q8_king1]

السلام عليكم

توني جاي من صباح الأحمد

وشفت ما شاء الله الشوارع ودوارات ورصيد المبلط الأحمر والعمال شغالين على قدم وساق

كذلك شفت البيوت الحكومية قطاع a

7 بيوت جنب بعض خالص الأسود

وبعدها تقريبا 100 متر

4 بيوت جنب بعض هم خالص الأسود

بالتوفيق للجميع​

شكرا علي الاخبار الحلوة بس يريتك مصور لنا القطاع سي الانة قريب يخلص

 

[bu_sara]

شكرا علي الاخبار الحلوة بس يريتك مصور لنا القطاع سي الانة قريب يخلص

للأسف ما صورت

القطاع سي خلصت البنية التحتة والشوارع الرئيسية بس باقي أشياء بسيطة , العقد مع الشركة ينتهى الأعمال 23 من شهر فبراير القادم

وأنا على اللي شفته أعتقد قبلها بشهر أو أكثر خالصين من كل شي

وعسالله يوفق الجميع​