ياأهل الدفاع

[september]

ودي أصدق ودي بس قويه قويه

مازلت أقول وراح أظل أقول

بدل الخطر حق مكتسب لكل عسكري قيمته 40 دينار

وقفوه الي ما يخافون ربهم من 2004

تبي يعطونا 100% على الأساسي

المشكله ان الكلام ما فيه مصدر معروف

المصادر ___ واحد من الربع + واحد في الوزارة + ضابط في الديوانيه

نسيب ولد عمي + رفيج ولد جيرانه

بسكم اشاعات والله شلختونا

 

[بو_مساعد]

الي يقولك سامع من مالية وزارة الدفاع جذاب لان الربع يداومون هناك وقالولي ماكو شي والي يقولك يقولك واحد من الربع هذا الخبر الي عندة اشاعة مثل باجي الاشاعات يس سالفة المقترح والجدول صحيح امية بالمية بس متى يقرونة الله واعلم

 

[fahad22]

الي يقولك سامع من مالية وزارة الدفاع جذاب لان الربع يداومون هناك وقالولي ماكو شي والي يقولك يقولك واحد من الربع هذا الخبر الي عندة اشاعة مثل باجي الاشاعات يس سالفة المقترح والجدول صحيح امية بالمية بس متى يقرونة الله واعلم

اللى يسولفلى يقولى متوقع من وزاره الماليه

 

[بو_مساعد]

والله يافهد ملينا من الاشاعات اول مرة اسمع خبر عن زيادة برواتب العسكرين ومايكتبون عنها بالجرايد

 

[السهم المجروح]

حتى الجرايد خلها عنك لاتصدق الا حسابك اذا شفت زياده فوق راتبك بالحساب معناته نزل وبس

 

[الاسمنت الابيض]

- مناقشة الاقتراحات بقانون بتعديل بعض أحكام قانون معاشات ومكافآت التقاعد للعسكريين الصادر بالمرسوم رقم 69 لسنة 1980.

يوم الاحد

المصدر :موقع مجلس الامه عنوان اعمال لجان المجلس

 

[بورصراتي]

- مناقشة الاقتراحات بقانون بتعديل بعض أحكام قانون معاشات ومكافآت التقاعد للعسكريين الصادر بالمرسوم رقم 69 لسنة 1980.

يوم الاحد

المصدر :موقع مجلس الامه عنوان اعمال لجان المجلس

هل المقصد الراتب الاساسي؟

 

[بو_مساعد]

السلام عليكم
ياجماعة عندي لكم خبر يمكن يضيق خلقوكم امس واحد من الربع يسولفلي انا قاعد مع ضابط يداوم برئاسة الاركان صاحبي اسألة عن الزيادة رد علي صاحبة الضابط وقايلة كل الي تسمعونة اشاعات مافي زيادات ولاشي بس انا في دراسة عن هالموضوع ولحد الحين ماكو شي يخص الزيادة مرفوع لمجلس الوزراء انا عندي سؤال للاخوان برئاسة الاركان لما يقرون هالاشاعات بالجرايد اخص جريدة الانباء الي نقزت العالم ليش رئاسة الاركان ماتنكر هذي الاشاعات وماتخلي الاشاعات اتزيد هذي نقطة محسوبة عليهم لان الاشاعات خطرة على مثل هذة الاجهزة الامنية مثل الجيش واتمنى هذي الجرايد الي للاسف قاعدة تزعج العسكريين بمثل هذي الاشاعات اتمنى المسؤلين والحكومة اتوقف هذي الجرايد عند حدها
وشكرا

 

[السهم المجروح]

ياخوي بومساعد ليش يوقفون الاشاعات هالاشاعات مخليه ناس مأجله معاملات التقاعد والاستقاله على امل الزياده ومن غير لا الوزاره اتعب روحها يعني في عسكر قدمو استقاله وبعدها اسحبوا اوراق الاستقاله ليش قالو الزيادة ونفس الشي التقاعد شفت خبر الاساسي وايد عسكر اسحبو اوراق التقاعد علشان زيادة الاساسي عرفت ليش ماينفون
تذكر تصريح العجران بخصوص مافي زيادات تدري جم رقيب اول استقال وجم وكيل رفع التقاعد وبعدها نزل قرار من الوكيل للرقباء الاوائل يترشحون ضباط علشان يكون عندهم امل وفوق هذا العجران خذاله كلمتين بالعظم وقالوله لاتصرح وخل الجرايد تسولف لان كل هذا من صالحهم

 

[الاسمنت الابيض]

ياجماعه الموضوع مرفوع من مجلس الوزراء إلى مجلس الأمه لتعديل نص الماده لأنه زيادة الراتب الأساسي تحتاج قانون اللي راح يحصل تعديل الماده إلى ان تعديل الراتب الأساسي يكون بمرسوم وليس قانون وتذكروا كلامي وشوفوا موقع مجلس الأمه جهة رسميه وهكم من الجرائد

 

[بو_مساعد]

يالاسمنت الابيض معلومتك واحد من ربعك قايلك اياها ولا انت قاريها بموقع مجلس الامة

 

[بورصراتي]

مكتوبه هم انا قريتها


بو مساعد ليش متشائم :d خلاص مبروك مقدما خل الناس تقول قالي فلان وقالي فلان

انا اقولك مبروك :d

 

[بورصراتي]

حق بومساعد لحد يشوف غيرة وينضلنا

http://www.majlesalommah.net/clt/default.asp


لجنة الشؤون المالية والاقتصادية
وقت الانعقاد : سيكون الاجتماع بعد انتهاء اجتماع اللجنة المشتركة من لجنة شؤون المرأة والأسرة ولجنة الشؤون المالية والاقتصادية
الموضوعات التي ستنظرها اللجنة :

1- مناقشة قانون بتعديل بعض أحكام قانون التأمينات الاجتماعية والمحال إلى اللجنة بتاريخ 25-10-2007م.
2- مناقشة الاقتراحات بقوانين المقدمة من السادة الأعضاء بتعديل بعض أحكام قانون التأمينات الاجتماعية الصادرة بالأمر الأميري رقم 61 لسنة 1976.
3- مناقشة الاقتراحات بقانون بتعديل بعض أحكام قانون معاشات ومكافآت التقاعد للعسكريين الصادر بالمرسوم رقم 69 لسنة 1980.

 

[بورصراتي]

حق بومساعد لحد يشوف غيرة وينضلنا

http://www.majlesalommah.net/clt/default.asp


لجنة الشؤون المالية والاقتصادية
وقت الانعقاد : سيكون الاجتماع بعد انتهاء اجتماع اللجنة المشتركة من لجنة شؤون المرأة والأسرة ولجنة الشؤون المالية والاقتصادية
الموضوعات التي ستنظرها اللجنة :

1- مناقشة قانون بتعديل بعض أحكام قانون التأمينات الاجتماعية والمحال إلى اللجنة بتاريخ 25-10-2007م.
2- مناقشة الاقتراحات بقوانين المقدمة من السادة الأعضاء بتعديل بعض أحكام قانون التأمينات الاجتماعية الصادرة بالأمر الأميري رقم 61 لسنة 1976.
3- مناقشة الاقتراحات بقانون بتعديل بعض أحكام قانون معاشات ومكافآت التقاعد للعسكريين الصادر بالمرسوم رقم 69 لسنة 1980.

على ما اظن انه هالقانون حق التقاعد فقط مو الراتب الاساسي .

 

[بورصراتي]

اخوي أسمنت أبيض اذا كنت تقصد مناقشة الراتب الأساسي لازم يناقشون قانون 23/1968 على ما اعتقد

 

[september]

يا شباب المقصود

المعاشات ... تعديل السقف الأعلى لراتب المتقاعد وهذي فقط للقيادات

المكافآت ... مكافأة نهاية الخدمة وهذي من صالح الكل الي هي رواتب

سنة ونصف للعشرين ...... وسنتين للخمسة وعشرين

 

[بو_مساعد]

اول شي مشكور يالبورصراتي ومثل ماقلت انت انا هذا القانون خاص بالمتقاعدين وليس الراتب الاساسي

 

[coolman3]

اخبار عجيبة اليوم واحد في الدوام يقول التطبيق 1- 8 يبداء الصرف في بدل خطر وتعديل الراتب الاساسي ونقول لاخونا في الدفاع مبروكين مقدما اذا صدق الخبر

 

[السهم المجروح]

اختصروا على روحكم ونطرو شهر ٤ الياي بدال كل شهرين

 

[بو_مساعد]

بسكم اشاعات واحد قالي واحد قالي انا أأيد كلام اخوي السهم المجروح انكم تختصرون ونطرو شهر 4 الياي وشكلها هالاشاعات مدروسة علشان الناس اتوقف استقالاتها والشباب يسجلون بالجهات العسكرية على امل الزيادة
وشكرا