شركة منشآت العقارية ( منشآت ) ...2

[Aljoman]

كان "المال" و "ساحل" الأكثر إنخفاضاً خلال الأسبوع الماضي المنتهي في 09/05/2013 بمعدل 16% لكل منهما تلاهما "منشآت" بمعدل 12% وللتفاصيل على الرابط ​

 

[daimond]

شنو تتوقعوع للسهم

 

[daimond]

شدعوه وين المحللين

 

[صقر2010]

أعرض لنفسك .. وأطلب لنفسك
يالذييييب

الكل خلا الاوامر لك

خاف ربك بحلال الناس .. والكل يدخل معاك

 

[بوشيخة]

السهم جيد واستثماراتها ممتازه (مكه والمدينه)
سعر السهم مرتبط بالمضاربين وسمعت ان احد المضاربين الكبار خرج من السهم وهذا السبب الرئيسي لنزول السهم

 

[صقر2010]

شهالمضارب ٥ايام ادنى

ليش هالسهم ماله ملاك وصانع سهم لدعمه؟؟!!!

 

[نواخذة الكويت]

الشرها على مجلس ادارة الشركة اللي اتخلي مضارب غير سوي يلعب بالسهم وهم يشوفون وما سكت مجلس الأدارة الا ان راعي النصيفة سالم
ما انقول ما نبي المضاربه وما نقدر نمنعها من السوق لانهاا من اساس أسواق المال بالعالم كله ( مضاربه + اشاعه + أخبار = بورصة )
لاكن في مضاربه فيهاا احترافية ... يا أخي صرف كميتك على 230 220 240 وهم سهمك ما خسر قيمته السوقية لاكن اترنه رن ليم 168 فلس
الله يعوض الناس اللي شروا فوق ال200 بصراحة دشيتوا مع مضارب خالي من الأخلاق
في نهاية رأيي ما أقوول الا الله يرزكم يا ملاك منشآت وسامحوني على الأطالة
أخوكم / بويوسف

 

[habibo]

السلام عليكم يااخواني حبيت بس اشاركم الراي بخصوص المنشات ان الدعم الاول هو 144 والدعم الثاني 110 هذا حسب اجتهادي المتواضع والله اوفق الجميع

 

[بوشعيب]

الشرها على مجلس ادارة الشركة اللي اتخلي مضارب غير سوي يلعب بالسهم وهم يشوفون وما سكت مجلس الأدارة الا ان راعي النصيفة سالم
ما انقول ما نبي المضاربه وما نقدر نمنعها من السوق لانهاا من اساس أسواق المال بالعالم كله ( مضاربه + اشاعه + أخبار = بورصة )
لاكن في مضاربه فيهاا احترافية ... يا أخي صرف كميتك على 230 220 240 وهم سهمك ما خسر قيمته السوقية لاكن اترنه رن ليم 168 فلس
الله يعوض الناس اللي شروا فوق ال200 بصراحة دشيتوا مع مضارب خالي من الأخلاق
في نهاية رأيي ما أقوول الا الله يرزكم يا ملاك منشآت وسامحوني على الأطالة
أخوكم / بويوسف

صحيح كلامك الله يعين ملاك السهم ..على هذا المضارب ...

الظاهر يبي بروحه يضارب بالسهم ..يستخدم طريقة العصاره ..يعني اي مضارب يدخل في السهم لازم يخسر ما يقدر يبيع فوق ..

ويبدوا من طريقته لا يعرف للتحليل الفني طريق ...

يعني مصاص دماء يبي اقل سعر للسهم علشان يجمع فيه..

هذا السهم مهم بالنسبه له ..

لو تذكرون سابقا كان هناك خلاف بين مضاربين صكوك وع عقاريه ومنشآت مع مدير محفظه ..!! ليش ؟؟؟

لان مضارب منشآت ما يبي يطلع من السهم وما يبي يغير موقعه.. متمسك بالسهم ..مجلب فيه ..يبدوا والله اعلم اختلفوا في نقطة نزول السهم بهذا الشكل الجنوني ..

 

[الطير القطامي]

دعومات السهم في حال لم يرتد في الغد
160 _156_144
وان شاءالله فرصة ارتداد بالغد جيده

 

[بوشيخة]

أتوقع أرباح الربع قويه وراح تؤثر في مسار السهم
وغدا إعلان منشآت و صكوك

 

[نواخذة الكويت]

دعومات السهم في حال لم يرتد في الغد
160 _156_144
وان شاءالله فرصة ارتداد بالغد جيده

اناا معااك اتوقع ارتداده للسهم باجر بعد ما خسر الناس واللي قط ولي تكبد ابخساره
وبعد ما المضارب صرف كميته عليهم شككله بررد السهم بس هم نرجع ونقوول ( مضاربه قذره ) من ( أ )

 

[صقر2010]

اللي يبي السهم
لايستعجل
يطلبه بالحد الادنى بس ويطول باله وراح يعطيه

 

[صقر2010]

لوتعلقه اسبوع
يمكن نثق فيك .. وندخل معاك

الحين اصعد وانزل بروحك

 

[صقر2010]

ترقبوا


الحد الادنى

 

[صقر2010]

يلا اخلص
طولتها
أنظرك ع ال١٦٠

توني رفعت امري

 

[بوشيخة]

صخه لما الحين ما اعلنو؟؟؟

 

[albederi]

مبرووووووك




14:55:46 بلغ ربح (منشات) 1,6 مليون د.ك لل3 أشهر المنتهية في31-03-2013
يعلن سوق الكويت للأوراق المالية بان شركة منشات للمشاريع العقارية (منشات) افادت ان مجلس الادارة قد اجتمع يوم الاربعاء الموافق 15-05-2013 واعتمد البيانات المالية المرحليه للشركة للفترات المنتهيه في 31-3-2013
وفقا لما يلي :‏

نتائج اعمال الشركة :-‏
البند ال3 أشهر المنتهية في 31-03-13 ال3 أشهر المنتهية في 31-03-12
الربح(خسارة)(د.ك) 1,685,087 910,997
ربحيةالسهم (فلس كويتي) 5 3
اجمالي الموجودات المتداولة 49,089,250 33,238,795
اجمالي الموجودات 220,204,189 201,715,746 ‏
اجمالي المطلوبات المتداولة 169,548,384 159,978,905
اجمالي المطلوبات 176,690,985 175,432,131
اجمالي حقوق المساهمين 39,199,304 26,657,423


بلغ اجمالي الايرادات من التعاملات مع الاطراف ذات الصلة مبلغ 610,156 د.ك
بلغ اجمالي المصروفات من التعاملات مع الاطراف ذات الصلة مبلغ 0 د.ك

 

[نواخذة الكويت]

مبروووووووووك ومنها للأعلى يا رب
والله العظيم اني ما أملك بالسهم بس جدااا متعاطف مع اللي شروا بالغالي
والله يرزقكم يا ملاك السهم تحياتي لكم

 

[نصوح]

مبروووووكين ،،،،،، والله يعوض صبركم
فعلا تم تنزيل السهم بشكل قاسي 30% من أخر
سعر وصله ،،،،،،
أرباح ممتازة وزيادة ممتازة بحقوق المساهمين
عقبال 300 فلس أن شاء الله