استفسار بخصوص كمبياله

[fayoona74]

هذا نموذج ماشين عليه الحاصل انه انذار تمهيد لطلب استصدار أمر أداء

 

[Taekwondo]

السلام عليكم .. آخر المستجدات، طلعنا ورقة كشف حساب من البنك وطلع فيها اني دافع عن طريق الكي نت إلى الشركة الفلانية لكن في ملاحظة واللي اهي ان الشركة مغيره شغله بالاسم يعني مقدم العقد وجم قسط من الاقساط كانوا على اسم ومبلغ الكمبياله خذوه على اسم ثاني ، بالحاله هذي شنو الاجراء القادم يا جماعه؟ هل اقدر اطلع منو كان صاحب الشركه الاولى والشركة الثانيه؟ طبعا هذا اذا كانوا موجودين لحد الحين اصلا .. وللعلم توكلت على رب العالمين ثم وكلت واحد من الاخوان يكمل وياهم والله يسهل ويكتب اللي فيه الخير

 

[fayoona74]

دام في اثبات انك دافع ومايربطك عقد ثاني معاهم ووكلت محامي انشالله بتوصل خير لاتحاتي بس الشغلة يبيلها صبر

 

[Taekwondo]

السلام عليكم .. اخر المستجدات: تم الحصول على كشف الحساب من البنك الف الحمد لله مبين فيه اني دافع حق شركة مبلغ وقدره .. قلت ان شاء الله ادق على المحامي العصر واتابع معاه علشان اعطيه الاوراق وحبيت ابلغكم باللي حصل معاي .. وفوق هذا دقيت بنفسي على محامي الشركه اللي كانت بالكويت وقلت له يالحبيب انتوا مو طالع عليكم حكم بفسخ العقود سنة 2007 ودفع غرامه حق الشركه الأم.. قالي أيوا بس احنا عاملين استئناف .. ما شاء الله استئناف صارله سنتين هذي اخر الاخبار والله يكتب اللي فيه الخير ان شاء الله ودعواتكم يا جماعة الخير

 

[fayoona74]

دام فيه استئناف تابع معناه الحكم ماصار نهائي ضدهم ممكن يصدر لصالحهم ووضعك يختلف معاهم بعدها خبرنا شيصير معاك أول بأول وبالتوفيق

 

[Taekwondo]

السلام عليكم .. دشيت على سايت بوابة العدل الالكترونية وحطيت رقمي المدني لقيت المحامي رافع لي بحكم التوكيل اللي معاه قضية على الطرف الآخر تحت مسمى: انذارات .. حبيت اعرف شنو هالاجراء وفايدته؟ اكون شاكرلكم ان شاء الله

 

[rahaly]

السلام عليكم .. دشيت على سايت بوابة العدل الالكترونية وحطيت رقمي المدني لقيت المحامي رافع لي بحكم التوكيل اللي معاه قضية على الطرف الآخر تحت مسمى: انذارات .. حبيت اعرف شنو هالاجراء وفايدته؟ اكون شاكرلكم ان شاء الله

الجواب طال عمرك .. في مشاركتي هذه :

اخوي لا تعور راسك ولا تحاتي ...

بس صراحة اخاف مثل هالشركات نصابين ويغدرون ... ياخذون عليك حكم غيابي او امر اداء بدون علمك ... وتفوت مواعيد الطعون ..

افضل شئ ... واسهل شئ ... ويحطك ببر الامان

مدام تعرف محامي.... خليه فقط يوجه لهم انذار رسمي ... بان عقدك مفسوخ للاسباب اللي ذكرتها انت فوق...

((( واهم شئ)))

يحطلك عنوان مختار يخبرهم فيه .... لايه اعلانات او اخطارات ... لانهم يضربون اعلان اي كلام وانت ما تدري ... واذا اخطرهم محاميك رسميا بعنوانك المختار

...................... نام طال عمرك
وحط ببطنك بطيخه صيفي

شفت ؟؟؟

عملية سهلة ... تكلف طابع نص دينار ... واذا المحامي ميانة ... الانذار بلاش او بكم دينار حسب الميانه

بالتوفيق

 

[fayoona74]

رحالي شنو يعني قضية انذارات

 

[Taekwondo]

عساكم على القوة على الردود والتوضيح ومشكور طالع عمرك اخوي رحالي اختي فيونه اللي مكتوب بالضبط: سجلت القضية في دائرة انذارات في جهات خاصة تحت رقم ...............

 

[fayoona74]

بانتظار فطحل القانون رحالي يشرح لنا

 

[Taekwondo]

السلام عليكم .. ان شاء الله الكل بخير وصحه آخر المستجدات اخواني وخواتي من بعد انقطاع بخصوص موضوع الكمبياله والتايم شير: حطيت رقمي المدني بسايت وزارة العدل لقيت تحت بند القضايا المرفوعه مني البيانات التاليه:
28-5-2009 سجلت القضية في دائرة انذارات في جهات خاصة
23-6-2009 إعلان تنفيذي

لكن المفاجأة اليوم اول ما طلعت من البيت لقيت بريد واصلني من مكتب محاماة غير اللي دزلي اول مره في بداية موضوعي .. وكاتبين لي نفس الكلام ان في عليك كمبياله ومبلغ لازم تسدده حق فلانه ما اطول عليكم الحجي دقيت على المكتب القديم اللي دزلي امر الاداء اول مره قالي بالحرف الواحد: احنا مالنا شغل خلاص لأنه الطرف الثاني طلع من عندنا ومالنا اي علاقه معاك

بالحاله هذي شنو موقفي من الاعراب؟


ربي انصرنا على من ظلمنا

 

[Taekwondo]

 

[fayoona74]

اذكر انك كنت حاط محامي وان رحالي نصحك تسويله انذار بفسخ العقد شاللي صار من طرفك ؟؟

وبالنسبة لهم ماشوف في شي تغير الا ان محاميهم تغير وبس والقصة اهي نفسها وشكلهم يدورون في نفس الدائرة ؟؟

 

[Taekwondo]

شاكرلج مرورج اختي فيونه .. كلامج صحيح ، محامينا وجه حق المكتب الاول انذار ومثل ما انا ذاكر فوق طلع اعلان تنفيذي بتاريخ 23-6-2009 .. ومثل ما فهمت من ردج ان حتى لو يغيرون اهم المحامي اجراءنا سليم وماعليه اي اشكال ان شاء الله مشكورة مره ثانيه محاميتنا

 

[Taekwondo]

السلام عليكم .. غطيت فتره عن قسم الاستشارات القانونية ورديت مع اخر المستجدات دخلت موقع وزارة العدل وحطيت رقمي المدني طلع لي: القضايا المرفوعه مني تحمل البيانات التاليه:
30-8-2009 سجلت القضية في دائرة تجارى كلي في المحكمة الكلية
13-12-2009 جلسة المحكمة الكلية - قضية جديدة

ننطر والله يكتب اللي فيه الخير ان شاء الله بالمناسبه شنو الاجراء اللي راح يصير اخواني واخواتي هل ممكن بالجلسه المذكور تاريخها القاضي يحكم ولا شالطبخه ترى مو من اهل المحاكم كلش

 

[مودQ8]

اذا كان اصل الكمبياله عندك لاتحاتي طنشهم لانمايصير يتقدمون بامر الاداء الا باصل الكمبياله بس انا خايف ان فيه كمبياله غير هذي
اذا قدموا صوره اجحدها عند القاضي واطلب الاصل
باختصار لايحق لهم ان يطالبوا بالصوره

 

[Taekwondo]

مشكور اخوي مود

آخر المستجدات .. دشيت على القضايا المرفوعه مني طلع مثل ما انا ذاكر فوق:
30-8-2009 سجلت القضية في دائرة تجارى كلي في المحكمة الكلية

ويوم دشيت على صفحة الإعلان طلعلي:
رقم الاعلان - نوعه اصلي - رقم القضيه - قسم الاعلان المحكمه الكليه - النتيجه اعيد - تفاصيل خطأ في العنوان

شنو معنى هالكلام؟ هل الجلسه المحدد تاريخها ب 13-12-2009 راح تتم ولا لأ؟ لعدم استلام الطرف الاخر الاعلان؟

اسف اخواني واخواتي اذيتكم معاي بس حابين نستفيد من خبراتكم بهالمواضيع ورحم الله والديكم

 

[الشاهين1]

مشكور اخوي مود

آخر المستجدات .. دشيت على القضايا المرفوعه مني طلع مثل ما انا ذاكر فوق:
30-8-2009 سجلت القضية في دائرة تجارى كلي في المحكمة الكلية

ويوم دشيت على صفحة الإعلان طلعلي:
رقم الاعلان - نوعه اصلي - رقم القضيه - قسم الاعلان المحكمه الكليه - النتيجه اعيد - تفاصيل خطأ في العنوان

شنو معنى هالكلام؟ هل الجلسه المحدد تاريخها ب 13-12-2009 راح تتم ولا لأ؟ لعدم استلام الطرف الاخر الاعلان؟

اسف اخواني واخواتي اذيتكم معاي بس حابين نستفيد من خبراتكم بهالمواضيع ورحم الله والديكم

اخوي تروح لقسم الاعلان بالمحكمة وتطلب اعلان بالارشاد ويحددون لك موعد للاعلان بالارشاد ويطلع معاك مندوب الاعلان وتوديه للعنوان اللي انت تعرف الشخص يكون متواجد فيه ولازم تحضر مبجر بيوم الاعلان يعني قبل الساعه 8صباحا لان غالبية اخواننا مندوبين الاعلان مايطلعون للعناوين ويكتبون عدم الاستدلال اونقص بالبيانات اوخطأ بالعنوان واهو (مندوب الاعلان)ماتحرك من مكانه وضروري تسوي الطلب عشان مايتأجل موعد الجلسه
الله يوفقك

 

[Taekwondo]

رحم الله والديك الشاهين ، انا موكل محامي تهقى يسوي هالشي ولا لازم انا اسويها بنفسي؟ وبالنسبه حق سالفة العنوان انه خطأ اتوقع المحامي عنده خبر؟ يا كثر أسألتي بس نستفيد من خبراتكم صراحه

على فكره قبل هالمره المحامي دازلهم انذار عن طريق المحكمه وكان مكتوب بالسايت:
انذار على يد محضر والنتيجه بلغ واستلم الموظف المختص

 

[الشاهين1]

رحم الله والديك الشاهين ، انا موكل محامي تهقى يسوي هالشي ولا لازم انا اسويها بنفسي؟ وبالنسبه حق سالفة العنوان انه خطأ اتوقع المحامي عنده خبر؟ يا كثر أسألتي بس نستفيد من خبراتكم صراحه

على فكره قبل هالمره المحامي دازلهم انذار عن طريق المحكمه وكان مكتوب بالسايت:
انذار على يد محضر والنتيجه بلغ واستلم الموظف المختص

بالنسبه للانذار وضعه عادي وروتيني بمجرد ماتسوي انذار راح يوصل عن طريق البريد بعلم الوصول
والاعلان يختلف عن الانذار ودام ان عندك محامي المفروض اهوو يقوم بالشغله ويسوي طلب اعلان بالارشاد
وتقبل الله صيامك