ابو فطيرة

[q8-speed]

مساك الله بالخير ودي اربح وحبيت امسي علي عذبي71 وباقي الاخوان

 

[ودي اربح]

مساك الله بالخير ودي اربح وحبيت امسي علي عذبي71 وباقي الاخوان

هلا بالغالي

مساك الله بالنور والكرامة يا سبيد

 

[q8-speed]

هلا فيك ودي اربح مافي اخبار عن اللوحة الصفرة لضاحية بوفطيرة ؟

 

[ودي اربح]

هلا فيك ودي اربح مافي اخبار عن اللوحة الصفرة لضاحية بوفطيرة ؟

هلا بالغالي سبيد

ربعنا اللى يشتغلون في بوفطيرة حارين قربوا الحين من الانتهاء من الشوارع وللحين ما حطوا اللوحة مادري شنو اللى معجلهم

 

[ودي اربح]

عاجل : المستعجلة ترفض إشكال الحكومة بشأن 'الرهن العقاري'

عاجل
المستعجلة ترفض إشكال الحكومة بشأن 'الرهن العقاري'




20/07/2009 الآن:فالح الشامري 11:09:06 ص





رفضت المحكمة المستعجلة صباح اليوم الإشكال المقدم من الحكومة لوقف تنفيذ حكم الاستئناف الذي حصل عليه بيت التمويل الكويتي «بيتك» والبنوك التي تعمل وفقا للشريعة الإسلامية في شأن استثنائها من قانوني الرهن العقاري 8 و9 لسنة ،2008 اللذين يمنعان الجهات التمويلية من المتاجرة العقارية، والسماح لها بتمويل شراء العقارات السكنية للإفراد ويحق لبيتك حاليا تنفيذ الحكم وعلى وزارة العدل تنفيذه.

 

[naf]

اووووف اشلون طارت عنك ناااف

اكيد كنت قاعد تعدل المخطط مال قسيمتك عليكم سوالف يا اهل المسيلة

طارت وانا صج قاعد افكر........بس عاد طلعت مخطط عجيب

ودي اربح كم صارو بعد القانون.........ترا والله متهدد على البيعه ....

بس ظحكني المنظور الشامل "الصابون والرغوة"

 

[ودي اربح]

طارت وانا صج قاعد افكر........بس عاد طلعت مخطط عجيب

ودي اربح كم صارو بعد القانون.........ترا والله متهدد على البيعه ....

بس ظحكني المنظور الشامل "الصابون والرغوة"

هلا بالغالي ناف

لا يبه امسك ارضك عشان مو لك هذى حق عيالك وان شاء لاقي خير اما على سالفة الصابون تصدق اول ما دشيت الموضوع ما كنت ادري داش بسرعة وزلقت الله يسامح الصابونه :d

 

[عذبي 71]

خبر قوي ودي اربح
وبارك الله فيك عالمجهود والنقل

 

[ودي اربح]

خبر قوي ودي اربح
وبارك الله فيك عالمجهود والنقل

هلا بالغالي عذبي الحاضر الغايب اللى يدش يوم وترك شنو سالفتك لا يكون سكنت من ورانه
ويبارك فيك ان شاء الله وفي رواد موضوع ابو فطيرة السعيدة

 

[bu sale7]

عليكم سوالف اهل بو فطيره اللوحه الصفره الضاهر خاشينها بين الشجر عن العين

الله يبارك لكم فيها

 

[عذبي 71]

غالي وعزيز علي وساكن مهجتي ونبضي يغني باسمك ويقول ودي اربح ودي اربح ودي اربح
والظاهر يا بوصالح ان اللوحه الصفرة بطلوا منها صارت موضة قديمة
اتوقع ان الشركات ناويين على شي يرتقي الى مستوى المنطقة
اللوحة هالمرة مثل لوحة النتائج في الملاعب الشاشة الكبيرة ترقبوها عند اشارة القرين شارع الغوص

 

[عذبي 71]

شباب اليوم ق 2 مزخرفه وكل شوارعها وفرجانها مرسومه اي واحد يملك فيها يقدر يعرف موقع قسيمته بكل سهولة

 

[المنظور الشامل]

مراحب شباب

عذبي قطعه 5 شنو ماميش مافيه زخرفه

 

[عذبي 71]

ق5 تابعه الكويتية الاولى
الاولى حاطه ثقلها كله في ق8
نظفتها وانشأت موقع فني واداري
وبدأت بشق الشوارع
يوم السبت في تحرك بسيط في ق5 تنظيف وسيارات المساحين تتجول فقط
***
نفس الموضوع بالنسبة للمشتركة حطت ثقلها في ق2 وتحركات بسيطه في ق 3
بـ ق1 موقع الشركة المتواضع وق 4 شي بسيط
***
مساعد مدير المشروع -المشتركة- لما سألته عن الانقاض ما أكد لي ان المشتركة راح تسوي مثل الاولى ترفع انقاض الشوارع والقسايم
لانه الاولى حاسبه سعرها على وزارة الاشغال بالمتر المكعب
اما المشتركة حاسبة شغلها بالمتر المربع يعني مسطح
فتلاحظ انه الانقاض التي بالشوارع ترفعها المشتركة وتترك الانقاض التي بالقسائم
طبعا ما اكد لي راح يتركون انقاض القسائم بالمستقبل او راح يشيلونها ..

وقال: احنا مو خايفين من الانقاض اللي فوق الارض احنه خايفين من اللي تحت الارض..
انا بلعت ريجي وقلت لايكون سامعين شي ولا شايفين شي من اللي بالي بالك
اثاريه يقصد قواعد خرسانية قديمة وسراديب ومسابح ..

لفت انتباهي كما شفتو بأحد مشاهد الفيديو حمام سباحة واقع في احد الشوارع الرئيسية في ق 2 اخذ مجهود 5 ايام تكسير خرسانه وحديد وما خلص ...
مراقب الحفر يقول هذي صبة زمان الحديد والسمنت بلا احساب ..

 

[المنظور الشامل]

عذبي مشكور على المعلومات يا ميسترو

وانا عبالي الي عندي المعلومات اثاريني طلعت خرطي

 

[عذبي 71]

العفو يا كبيرنه واستاذنه انت المعلم الاول وانا تلميذك والعين ما تعلى على الحاجب

 

[بو فراس]

المنفوحي: استقبال الطلبات الأحد بعد الحصول على الارتفاعات من التنظيم والمساحة
صفر: بدء إصدار تراخيص البناء في «الصديق»​

http://alraimedia.com/Alrai/Article.aspx?id=145868

مبروكين
والفال لجيرانا اصحاب قسايم "المسيله"​

 

[ودي اربح]

عليكم سوالف اهل بو فطيره اللوحه الصفره الضاهر خاشينها بين الشجر عن العين

الله يبارك لكم فيها

هلا بالغالي بوصالح

اشلونك طال عمرك وهذي الساعة المباركة اللى تنورنا وتشرفنا بصفحة بوفطيرة

اما بخصوص اللوحة الصفرة يقولون حطوها بس غسولها بصابون وراح لونها ههههههههه لا يطوفك الصور والفيديو حف ابوفطيرة بالصفحات السابقة يا بوصالح

 

[ودي اربح]

يا جماعة السموحه

انا حذفت موضوع بيت التمويل عشان صار موضوع نجره كالعاده

 

[عذبي 71]

الف مبروك يابوفراس عالصديق والفال لمنطقتك العامرة
ودي اربح قالوها الاوليين الله يخلق ومحمد يبتلي
شكلنا بنعزل من المكان والسبب الصابونات