فضل
عضو مميز
البارحه كنت معزوم على عشاء عند جارى .
ف كشخت على سنغت عشره ، ورشيت من قرشة عطر
تونى شاريه ، غالى بس ريحته حلوه .
رحت العشا و لاحظت إن الحضور كثيف حبتين
يعنى أكثر من المعدل الطبيعى لعزايم جارى
المهم طحنا له سوالف وضحك وغشمره
بس البارحه اكتشفت إن فينى خصله حلوه
هااااا ، ادرى راح تقولون شنو هالخصله يا ترى
الله يسلمكم اكتشفت انى صرت محبوب من ناس واجد
لان واحد اول ما شافنى سلم على ولمنى بقوه يعنى
نفس سلام الافغانيين بحرارة
و فيه واحد ثانى يذكرنى بموقف قديم مضحك صار لى وياه
وانا أضحك < مع انى مو ذاكر الموقف >
وواحد ثالث ما اعرفه يقول لى ياخى انت فيك عرق محبه
كأنى اعرفك من سنين مو توه الحين
بس اللى خلانى استغرب إن كل واحد فيهم
اخر كلامه < تكفى لا تخلينا بالايام الجايه >
وانا اقول أبشر ، بس مو فاهم شنو راح يصير بالايام الجايه
يا ترى معاهم هوشه
او مباراه ويبونى العب معاهم
بس انا اقول الظاهر العطر الجديد دوخهم وأثر عليهم
ف كشخت على سنغت عشره ، ورشيت من قرشة عطر
تونى شاريه ، غالى بس ريحته حلوه .
رحت العشا و لاحظت إن الحضور كثيف حبتين
يعنى أكثر من المعدل الطبيعى لعزايم جارى
المهم طحنا له سوالف وضحك وغشمره
بس البارحه اكتشفت إن فينى خصله حلوه
هااااا ، ادرى راح تقولون شنو هالخصله يا ترى
الله يسلمكم اكتشفت انى صرت محبوب من ناس واجد
لان واحد اول ما شافنى سلم على ولمنى بقوه يعنى
نفس سلام الافغانيين بحرارة
و فيه واحد ثانى يذكرنى بموقف قديم مضحك صار لى وياه
وانا أضحك < مع انى مو ذاكر الموقف >
وواحد ثالث ما اعرفه يقول لى ياخى انت فيك عرق محبه
كأنى اعرفك من سنين مو توه الحين
بس اللى خلانى استغرب إن كل واحد فيهم
اخر كلامه < تكفى لا تخلينا بالايام الجايه >
وانا اقول أبشر ، بس مو فاهم شنو راح يصير بالايام الجايه
يا ترى معاهم هوشه
او مباراه ويبونى العب معاهم
بس انا اقول الظاهر العطر الجديد دوخهم وأثر عليهم