ابي اشتري سياره لولدي كمل 18 شنو نصيحتكم لي . .. اي سيارة اخذله

[q8-speed]

انصحك اخوي انك تاخذ لولدك وانا بعد ابي وحده منك شوف السياره وادعيلي واترك عنك الهوندا والموستنغ المروحات
http://www.q8car.com/newsite/cars/arabic/main.asp?WebPage=CarDetails&id=76967

 

[أبوسعد الخالدي]

فورد ماركيز
أستعماله حلو

 

[ابوشهاب]

اسمع نصيحة المجرب على قولتهم
انا جربت الموستنج موديل 2003
للامانة السياره ممتازة ومن احسن من يكون .. سياره شبابية شكلها حلو وصوتها ومن كل النواحي
المشاكل اللي بالسياره كلها مشاكل مو متعلقة بالسياره نفسها كسياره سياره المشاكل هي مثل الشبهه .. الدوريات والمخالفات اللي بتجيك
بس اذا ولدك تعرف انه ماراح يغييم السياره و و و و وتعرف انه مابيدوس السياره صدقني بتصلح له ..
والسياره صج استعمالها ماشاءالله حلو .. اقارنها باستعمال فورد فكتوريا .. ممتازة
صرف البانزين .. تصرف بس موبهذاك الصرف الكبير .. لكنها تصرف
وسياره تشيش الشباب على السرعه .. يبيلها واحد ركاده
واهم شي تنصح ولدك لايسرع

وبالتوفيق يارب ,,

 

[بو حسن22]

والله اذا تبي نصيحتي خذله كامري موديل 2009 من الوكاله انا توني ماخذلي وحده طلعت على 5500 وانا على فكره من سن ولدك الله يحفظه لك ونفس الطريقه عندي دوام بالجامعه وخذيت كامري لانها منها شبابيه وتوفر بنزين واذا على قولتك يبي الاسبورت فيه كامري سبورت وشكلها احلى من الموستنغ برايي وانت حر ونصيحه لا تستعجل خذلك فره على الوكلات والله بسهل عليكم

 

[القديم 22]

اذا الولد حبيب ومصلي اشترله سياره كاش وهي فورد فكتوريا كد ومد طبعا من الوكاله 00

دربالك تشتري اقساط 00

واذا هو طايش اشترلك ( خيزرانه ) واشترله كامري 99 ( وخل عينك حمراء ) وجهة نظر

 

[q8-speed]

http://www.q8car.com/newsite/cars/arabic/main.asp?WebPage=CarDetails&id=76967

 

[The Prince]

^^^^

غلطان يالحبيب جي تي ار مره وحده

الرجال يقولك ميزانيته بحدود ال5 الاف و الجي تي آر قيمته 29 الف !!

 

[liger79]

السلام عليكم
عسى الله يحفظه ويخليه لك ... اخوي الشباب هالأيام هابين
بالشارجر ... السته سلندر طبعا ... وسعره جيد وكفالته طويله
عندي اخوي نفس الشي العام خذه حق ولده ألتيما 4 سلندر
وألحين أخوه كمل 18 وطلع ليسن .. ونفس حالتك بالضبط
مايبي ياخذ سياره بسعر أكثر من سعر سيارة اخوه عشان لايفرق بينهم
ونصحته بالشارجر 6 سلندر
أو الوانيت الشفر السلفرادو 8 سلندر بدون دبل سعره هم جيد
والنصيحه اخوي لاتاخذ له سبورت .. لأن على على قولت الشباب
ماكو أحد عنده موستنج ما يدوس لو كان عمره اكثر من الثلاثين بعد
والله يهديه ويبلغك فيه ... اللهم آمين

 

[kuwait1]

الله يخليه لك اخذله مرسيدس clk او e240 شبابيه وعمليه والماني اخذ من موديل 2003 وانت صاعد

 

[kuwaity17]

اخوك عندك
1- دودج جارجر
2- هوندا اكورد سواء الكوبيه او السيدان (هابين فيها حيل الحين خاصة الشباب وين ماتمشي تشوف هوندا كوبيه باب واحد )
3- التيما كوبيه او سيدان
4-لومينا

 

[F_16]

مرحبا يابوي انا حبيت اشاركك الموضوع بما اني بعمر ولدك الحين

طال عمرك انا لما جيت باخذ الليسن سألني الوالد الله يحفضه انشالله قالي تبي موتر كشخه ولا تبي موتر زين واعطيك فوقه فلوس تضبط فيه

انا فكرت بالموضوع وقلت موتر كشخه لابد منه بس سياره اعدلها لابد منها وبعدين اخذتلي سياره ألتيما 2005 وعطاني الوالد فوها 700دينار قالي روح عدلها ماخليت شي بنفسي رنجات وسي دي وشاشه وسماعاته وابواب فوق وامشي يم اللي عنده موتر ولا احس بيني وبينه فرق والحين الاغلبيه بالكويت قاعدين يعدلون سيارات يعني في افكار وطرق وخبره وفي وايد ناس يهوون هالشي هذا وانا بعطيك موقع وشوف
www.kwtdub.com

 

[F_16]

 

[nabhaan79]

السلام عليك

بصراحه أول سياره لي كانت موستنق موديل 91 كان عمري 17 سنه حدي طايش ولا أحاتي شي الوالد كان يدفع بدون لا يقولي أي شي .

يالغالي نصيحه رافق ولدك وحسسه إنه رجال البيت وإنك تبي تعتمد عليه والبيت يبي يعتمد عليه وأكيد ما يصير يودي أمه أو أي بنت من أهله بالسياره الموستنق . حتى إنت ما يصير تستخدمها وراه

وإذا كان يدرس بالجامعه بصراحه راح تشغله بالتصليح بالشويخ والتضبيط مثلك عارف موستنق يبيله سستم قزوز ودبات فل ماستر ورنقات ولد وكل هالسوالف بفلوس يعني راح يتعدى سعرها من التصليح والتضبيط.

أول طريقه أخوي شكله متدلع ويتشرط شد عليه

( علمه كل أمور دينه وفقهه بدينه وعلمه الصلاة وإخذه للمسجد وإحرص عليه تكفه وإذا تقدر زوجه )
1- خله يسوي كل معاملاته بيده من بطاقه مدنيه وغيره حتى فيزة الخدامه خله يتعلم .

2- دزه للشبره وخله يجيب ماجله البيت .

3- إخذه معاك للدواوين وخله يلبس غتره وعقال

وبعدين إسأله شنو تبي سياره الحين يا ولدي لأن اللي آنا أعرفه إن شخصيه الرجل تبين من إختياره لسيارته .

والله يوفقك ويصلح ذريتك آمين

 

[bo5@led]

هوندا أكورد باب واحد أو بابين

 

[ابوعبداللة*]

الله يوفقك في تربيت عياالك وتكوون أب صاالح ويكونون لك بررة
أسمع أخيوووووي تبي سياارة رائعة تناسب ولدك أذا هو يحب سبوورت لا تااخذلة مووستنغ
درباالك أذا تبي سياارة حلوة حلوة زد الجديد ياباني كد ومد سبورت 6 سلندر سعرهاا ماايطيح
بقووة نفس الموستنغ وصدقني سيارة ثاابتة ورخيصة .وبالتوفيق لك

 

[AL MUTAIRI]

السلام عليكم

الله يخلي لك عيالك ان شاءالله وكل من يقرأ
وعسى ربي يهديهم ويهدينا وياهم

وأخوي الأراء متضاربه
وكل شخص ينصح بالشي الي يشوفه مناسب له

وانا من رأي
أنك تقعد مع ولدك الله يخليه لك ان شاءالله
وتقوله انك الحين ماتقدر تشتري سياره كاش او أقساط بالتملك
وأنك تاخذ له سياره أجار مدة سنه
وقوله بعد السنه خذ السياره الي نفسك فيها

لأنه بيني وبينك ولدك عمره 18 سنه الله يعطيه طولة العمر
ومايعرف معني السيارات ومعني الطرق والشوارع

ومدة سنه كفيله بتعليمه معني السياره وشنو منافعها ومضارها
ويكون تعلم على السياقه بشكل أكبر وكسب خبره

وان شاءالله يكون قراره بعد سنه قرار سليم

وبالحالة هذي ماتكون خسرت الكثير

يعني لو تقيسها على قسط شهري بقيمة 120 دينار لمدة سنه 1440 دينار + مقدم بحدود 300 دينار يطلع عليك المبلغ أجمالي 1740 دينار
وسياره جديده وتأمين شامل وسيرفر مجاني

حاول تفهمه ودخل براسه سالفة الأجار

وقوله بعد سنه يمديني جمعة لك مبلغ كافي عشان أشتري لك سياره كاش

وصدقني الشباب فيهم الخير والبركة والكلام الطيب والتفاهم يجيب وياهم نتيجه


(( والله يعز أيامنا .. << من وصل عمره 18 السياره على حسابه ))

وتقبل مني فائق الأحترام والتقدير

 

[صقرالبحر]

خوش موضوع اجتماعي


كل هالكلام اللي قلتوه ماينفع


الخلاصه

من واقع تجربه اكييييييده
اذا ماتشتري للولد السياره اللي يبيها
ويحلم فيها رح يكسر اي سياره ينجبر عليها
وعذره انك ماشريت لي السياره اللي ابيها
واحبها واحافظ عليها وهذي كرهتها وماابيها

اسال مجرب ولاتسال طبيب

 

[anonymes]

السلام عليكم

أول شيئ لازم الأب يكون دوره قائد في البيت و يكون الاخ و الصديق بنفس الوقت حق عياله بس بدون ما يفرط إب هيبته و يكون قوي شخصيه مو كل إمدللهم و يخربهم عليه (باكر إذا وعه على الدنيا و تخرج إبينصدم من الواقع) و كل ساع إيلك يبه سلفني شنه ياهل بالثنويه ما شنه ريال يشتغل.

ثاني شيئ لازم العيال يعيشون حسب إمكانيات إبوهم و ريلهم فوق راسهم إلي عاجبه عاجبه و إلى مو عاجبه بالطقاق ربك يهديه إنشاء الله

ثالث شيئ لازم تفهم الولد من تجاربك إنه المظاهر مو كل شيئ و أهم شيئ راحت البال و الربع إلي يكونون إنظاف مو إلي يقزرونه عليه عشان سيارته و إنه السياره تره لازم بين فتره و فتره إتساويلها صيانه و الصيانه بفلوس مو إبلاش

الله يرحم أيام أول
الأب يعطي ولده سياره و خلاص إذا الولد يبي السياره حياه الله و إذا مو
عاجبته يطق راسه بالطوفه احسن له

عالعموم انا اقول مثل الجماعه الكامري اقل مواصفات زينه

بس السياره الشبابيه و العمليه إتكون جيب و أي نوع جيب لأنه الجيب عباره عن جيب و ما يعيبه شيئ و هذا كان إختياري ايام الشباب

و السلام عليكم

 

[anonymes]

على طاري
انا عندي موتر سبورت تكانه و رزين و زقرتي (شبابي بس مال شباب هادي و مرتب)
و السعر لا تحاتي انا مغصوب ابيعه لأنه ما عندي ميزانيه اشتري جيب إلا بعد ما أشيل اقساط هل موتر عني

 

[BO-MUBARAK]

الله يجعلها في ميزان حسناتكم بخصوص الكامري الولد ما يبي 4 سلندر

ومصر على 6 او 8 سلندر

وهو بخاطره موستنج وانا رافض انتو شرايكم لانها سريعه وسمعت ان خرابات و غير عمليه

بس على كلامه اخذه مستعمل وما يبيه حق دوس يبيه حتى يحس ان اهو نفس اغلب الشباب وعنده سياره حلوه جدام ربعه وفيه حيل يصبر لم نلقى نظيف وعلى كلامه في 6 سلندر

الي فهمته من الولد ان يبي سياره تناسب جيله واكثر الشباب عندهم منه حتى يحس ان حاله من حال اغلب الشباب

شرايكم بكلام الولد

وفي موستنج 6 سلندر على كلامه هل صحيح ؟

الله يحفظة لك وشوف نصيحتي اخذله وانيت من الهابيين فيها الشباب منها رخيصة ومنها فايده للبيت وثالث شي انها نوعا ما آمنه للشباب احسن من الموستنج لان اي حادث فيه الله يحفظ عيالنا اعاقة والا القبر


حاول بالاقناع معاه وحسسه انك شاريه ومهتم باخياراته وبم معناه خلك بعمره وانصحه حتى لو تطلع معاه

يالله يبارك لك فيه ويصلحه ويجعله قرة عين لك ولأمه ويحف شبابنا وعيالنا