ابي اشتري سياره لولدي كمل 18 شنو نصيحتكم لي . .. اي سيارة اخذله

[MilaNi]

اخوي اذا تبي مساعده بأسعار السيارات انا حاضر وعندي خبره بالسيارات وابشر باللي يخدمك
قولي السياره وموديلها وسعرها وانا اقولك اذا غاليه او لا وانا بالخدمه
تقبل مروري
اخوك محمد العتيبي

 

[قناص_السوق]

الله يكثر من امثالك اخوي محمد و اعلم انا من المعجبين فيك والله على ما اقوله شهيد وصدقني والله للحين مو مصكر هالصفحه بس لان قاعد استمع للقران الكريم وانشالله ان احتجتك شرتك و ما تقصر يا اخوي

 

[range2008]

السلام عليكم

بالنسبه لشباب هل وقت طبعا اللى بعمر ولدك الله يحفظه لك انشاء الله يا عنده سبوت او وانيت حق المخيمات والبر ..بس انا اشوف الاجار هم زين ..اخذ سياره اجار لمده سنه مثل الموجودين في بيت التمويل ترى شى حلو وتأمين شامل وكل شى انت ما عليك غير البانزين ..جرب منت خسران وموفق انشاءالله

 

[ابو طبوشه]

السلام عليكم
انا توني فهمت الموضوع وتوني ابو جديد بس اذا تبي النصيحه اقعد ويا ولدك وبالكلام الزين وبهدوء وفهمه انك خايف عليه وان الحديد اكل العالم عسى الله يستر عليه وطمعه بالسيارات الكشخه مثل البي ام او مرسدس لو مو جديده بس تكون حلوه مو غاليه اما السبورت ما انصحك لان الموستنج يجي ربع شاصي وعموم السبورت خربات وقوله لا توظفت اشتر اللي بخاطرك على ما يتوضف والا اهو فاهم الدنيا وشكرا

 

[قناص_السوق]

بالنسبه لشباب هل وقت طبعا اللى بعمر ولدك الله يحفظه لك انشاء الله يا عنده سبوت او وانيت حق المخيمات والبر ..بس انا اشوف الاجار هم زين ..اخذ سياره اجار لمده سنه مثل الموجودين في بيت التمويل ترى شى حلو وتأمين شامل وكل شى انت ما عليك غير البانزين ..جرب منت خسران وموفق انشاءالله

قالولي الربع اخذله افلانش تراهم ارخاص بس انا والله يا اخوك هم افضل ان يكون سياره ما تصرف بانزين حتى يوفر مصاريف بشي ينفعه و اهو يحب السيارات الاسبورت و انشالله خلاص بشوف الموستنج له بس شلونه من استعمال ؟ ؟ ؟

 

[range2008]

سلام

قالولي الربع اخذله افلانش تراهم ارخاص بس انا والله يا اخوك هم افضل ان يكون سياره ما تصرف بانزين حتى يوفر مصاريف بشي ينفعه و اهو يحب السيارات الاسبورت و انشالله خلاص بشوف الموستنج له بس شلونه من استعمال ؟ ؟ ؟

شووف طال عمرك انا عندي موستنج والسياره حلوه وايد مو عشان انا ابي ابييع اقعد ارفع فيها ...لا والله حشى بس السياره للأمانه حلوه واستعمالها وايد ناعم وقطع غيارها رخيصه اهم شى تحافظ على الزيت والفلتر غيره سلامتك وتعيش

 

[MilaNi]

الله يكثر من امثالك اخوي محمد و اعلم انا من المعجبين فيك والله على ما اقوله شهيد وصدقني والله للحين مو مصكر هالصفحه بس لان قاعد استمع للقران الكريم وانشالله ان احتجتك شرتك و ما تقصر يا اخوي

شهاده ياخوي واعتز فيها حاضرين للطيبين

 

[mesh3all]

اخوي انا عندي سياره للبيع شرط الفحص نظيفه جدا
افتح الرابط وخلي ابنك يشوفها واذا اوكي دق علي 97674574
http://www.indexsignal.com/vb/showthread.php?t=155127

 

[نواف الخالدي]

حبيبي نصيحتي اذا الولد يبي موستنج اخذله ولا اتردد موتر حلوو واستعماله احلا ولا تحرمه من شي لا يعوض الحرمان بمصايب

 

[bomalch]

عمي دام الولد ما قالك افلانش بعد عنه بانزين مصيبه بالنسبه حق شباب يدرسون وصدقني انا عندي يوكن وعند رفيجي افلانش و نشتكي من البانزين خصوصا بالعطله بس شباب وما نسمع الحجي

 

[LITERATURE]

www.q8car.com

 

[tomyboy]

السلام عليكم جميعا والله يعطيكم العافيه لكل من شارك بهالموضوع وللاخ الي يبي يشتري سياره حق اولده صدقني شنو ما شريت ما راح يوفيلك الولد حقك بتربيتك له عموما اذا كنت حاب تشتري سيارة تجمع بين السبورت والسيدان العائليه والشباب هابين فيها و6سلندر وحلوه بالشكل والمركب ما لك الى الدودج الشارجر سعره معقول وشكلها مقبول واستعمالها وهذا كلام الربع حلو وعسى الله يوفقك وتحياتي

 

[MilaNi]

السلام عليكم جميعا والله يعطيكم العافيه لكل من شارك بهالموضوع وللاخ الي يبي يشتري سياره حق اولده صدقني شنو ما شريت ما راح يوفيلك الولد حقك بتربيتك له عموما اذا كنت حاب تشتري سيارة تجمع بين السبورت والسيدان العائليه والشباب هابين فيها و6سلندر وحلوه بالشكل والمركب ما لك الى الدودج الشارجر سعره معقول وشكلها مقبول واستعمالها وهذا كلام الربع حلو وعسى الله يوفقك وتحياتي

عدل كلامك يالغالي الدودج شارجر يجمع السبورت والسيدان بس الدودج خرابات صحيح او سنه يعطيك ولكن بعدها ياساتر
ولاتنسى انها استعمال مراهق يعني بيتعبها شوي
واحد من الربع عنده دودج وتعبته صارلها سنتين وتوها تشكتي في شي بمكينتها والله العالم
بالتوفيق

 

[خسران جداً]

دايماً الولد بهالعمر يكون بأخطر مرحله بحياته..ويكون متحمس واحساس الرجوله توه حاسه والله يعينه ان طاح بأصدقاء السوء

انا قبل سبع سنين اول ما خذيت الاجازه حنيت على ابوي حنه ما لها اول ولا تالي...ابي جيب يوكن وسعره كذا وقطع غياره كذا..والوالد رافض ليش ان اللي ابيه باب واحد واهو يقول مابي اخذ باب واحد وبعدين ماينباع واتوهق فيه على الاقل اخذ بابين على شان لما تقول ما ابيه اخليه حق السايق.
وحنيت عليه والله حنه نصها يكفي..قالي اخوي الكبير اشتر الشفر مالي وانا اشتري يوكن جديد واخليك تاخذه.......قلت اوكييييي

خذيت الشفر والله ياطويل العمر رجلي مصمغه على الدوسه والحمدالله اللي ستر علي من الحوادث وكلا طاير.......بعدها بمده فكرت فيها بجديه..انا كنت طالب قلت انا الحين مصروفي كله قاعد اقطه على البانزين ليش ما اخذ سياره 4 سلندر توديني و تردني...اذا شفر قاعد يشقني شق بالبانزين شلون اليوكن؟........وقررت اشتري باسات وابوي الحمدالله رضى وخذاها لي..استخدمتها وبصراحه كانت قويه وثابته ومكيف بارد وبانزين ما تشرب..وارتحت فيها لما تخرجت من الجامعه..والحين ماخذلي لاندكروزر والحمدالله

دير بالك على ولدك...وانا انصحك انك ماتعطيه امل انك تغير رايك...يعني اذا حس ان انت اللي يبيه بتسويه له اكيد بيصر على رغبته..بس اذا قلت له يا هذي يا هذي راح يختار وحده منهم ولاتنسى ان اذا شريتله اللي يبي اخوه يبي بعد مثله..ولما تشتريله بيقولك الاول مابي سيارتي ابي وحده ثانيه..والله يعينك

الحل بوجهة نظري:
تقوله انا مابي اشتريلك سياره مستعمله ولا سبورت كل يوم من مخفر لي مخفر ..وابيك تركب شي جديد يوديك ويجيبك وترتاح فيها مابيك من صناعيه لي صناعيه..ابيك تروح تفتر وين ما تبي وترجع مستانس وبانزينها اوكي وتستانس بمصروفك وسياره ناعمه واغلب الشباب يشترونها وتقوله انا اقدر اشتريلك موستنج بس انا بشتريلك سياره اغلى منها لان انا ابيك تستانس وأسأل مجرب..وتخيره بين الكامري او اي سياره ثانيه اربعه سلندر. وانا اقول الكامري احلى شي.

ومن تشتريها لي خمس سنين لما يخلص دراسته ويتوظف واهي احسن منها ماكو و راح يشكرك عليها...والله انا كل ما افكر بسالفة اليوكن جان طول الفتره اللي كنت اسوقه مصروفي اصب فيه بانزين

والله يعينك ان شاء الله

 

[wal3li 2]

اخذله وانيييت silverado اليديد الشارع متروووووووووس لي درجه انه الوكاله ماعندهم الحين وكل الشباااب عندهم واغلبهم كان عندهم سياييير باعوهم وشروا الوانيت لانه استخدامه قوي ومكينته قويه ويستحمل كل شي واذ تبي واحد وتبي تشوف صوره كلمني على الخااص

 

[MilaNi]

الدعوه صارة تجاره مو نصيحه
الله يستر

 

[قناص_السوق]

يا خوي ميلاني كثر الله خيرك الدوج عدل كلامك يا اخوي قالولي ما ينفع للمراهق , وبنفس الوقت انا معاك يا اخوي ابي الامان والراحه ما نبي خرابات تعيشه بقلق بالمستقبل و كل همه يصير السياره و خراباتها

و يا اخوي خسران بارك الله فيك وانا وياك اقدر اخيره بس ما ابي يحاول يوصل لهدفه باسرع وقت وياخذ السياره الي يبيعها ... ابي يرتاح باله ليما يخلص

و اذا توظف الحياة بتعلمه الظغوط . . . . .

 

[MilaNi]

ماعليه تحمل المراهق مايثبت على قرار واهم شي اخذله شي يريحه ومايخليه يكره الموتر لأن اذا كره السياره ماراح يهتم فيها
ترى السياره نفس العروسه اذا حلوه اهتم فيها واذا جيكره يبي يبعد عنها

 

[MrCoo1]

اول ما طلعت ليسن ابوي خذالي لومينا اس 2003 يديد وكاله - والحمد لله للحين السياره عندي ومن احسن ما يمكن شبابيه ونظرتها فيها وللعلم انا الحين عندي كورفت 2008 بس مرتاح للومينا اكثر - انصحك تاخذ السياره وكاله 2009 , اما بالنسبه للموستنج سمعت انه خراباتها قليله والسياره كد ومد بس سعرها اكثر من ميزانيتك

وحيااك الله

 

[العنزي1]

نصيحه ابعد عن اي سياره موستنق وخصوصاً الموستنق .. اول خطأ فيها .. انها دايماً شبهه واي دوريه توقفه على طوووووووووووووووووول .. فانصحه ان السبورت مغير يجيب المشاكل مع المصبنه الفاسده

انصحك بااكوورد الجديد باب واحد خياااااالي