*_*_* قطاع البنوك للمراقبه *_*_*

[kaifani]

ويبارك فيك يابونواف جزاك الله خير



ان شاء الله



كنت متوقع انه يروح إلى المقاومه 212
عاد الحين المقاومه 212, وقطاع البنوك تحت المقاومه, يعني السهم والقطاع مرشحين للهبوط, فصعب الحين اقولك ادخل على المقاومه
دائماُ الشراء على الدعم والبيع قبل المقاومه, وهذا شيء مايخفى عليك أخوي

ننطر يوم الأحد, واذا اكد كسر 212 بتداول طيب, يكون خير ان شاء الله وانا أول واحد داش معاك على السهم

و تلوم اللي يحبونك ؟؟؟ :d:d:d

 

[TAKE-OVER]

صباح الورد يا بو جوري
شلونك يا اخوي الغالي
ما اقدر اشوف مشاركاتك بدون لا اسلم عليك

 

[بورش]

الله يجزاك الف خير بوجوري مو مقصر مع اخوانك في المنتدى يعجز اللسان عن التعبير بالامتنان

وكما قال الامام علي بن ابي طالب عليه افضل الصلاة والسلام

صون النفس


صّن النفس واحملها على ما يزينـــها **** تعش سالماً والقول فيك جميـــــل
ولاتوليّـــن النـــــــــــــاس الا تجمــلاً **** نبا بك دهـــــر أو جفاك خليـــــل
وأن ضاق رزق اليوم فاصبر الى غــد **** عسى نكبات الدهر عنــــك تـزول
ولا خيــــــــــــــر في ودّ امرئ متلّون **** إذا الريح مالت مال حيــــث تميــل
وما أكثــــــــــــر الأخوان حين تعــدهم **** ولكنهم فـــي النائبــــــات قليــــــل

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
ونعم الاخ النصوح انت

جزاك الله خير ومشكور ياخوي, كلامك يكفيني والله
ونعم الكلام ياخوي
بارك الله فيك

الله يبيض وجهك اخوي بورش الله لايحرمك الاجر

ووجهك ياخوي, مشكور على هذي الدعوه يالغالي
بارك الله فيك وجزاك الله خير

و تلوم اللي يحبونك ؟؟؟ :d:d:d

الحمدالله يالكيفاني على كل نعمه, وهذا شرف لي ان كان واحد من مليون يحبني, فما بالك انتوا اخواني بالمنتدى
الحمدالله من قبل ومن بعد

انتوا اخواني وتستاهلون العين وراعيها

صباح الورد يا بو جوري
شلونك يا اخوي الغالي
ما اقدر اشوف مشاركاتك بدون لا اسلم عليك

يا هلا بعنوان الغلا, صباخ الغلا والورد والياسمين لإستاذي وأخوي الكبير بوطلال الغالي
انا اذا انت بخير انا بخير ياخوي, انت شلونك عساك بخير ؟؟
تشوف الجنه ياخوي وأكون رفيجك فيها ان شاء الله, عسى الله ان يجمعنا في الفردوس الأعلى ان شاء تعالى

 

[الاحرش]

وعليكم السلام ورحمة الله وبركاته
الله يسلمك يالحبيب مشكور جزاك الله خير

بالنسبه لبنك بوبيان:

السهم دعمه الحالي 335 ضعيف ومن بعدها 325, اذا كسر 325 راح يصير هذا الدعم مقاومه للسهم, انصح بالإنتباه من هذا الدعم

السهم مقاومته يوم الأحد ان شاء الله هي 345 (الترند الأخضر) اذا كسرها واكد الكسر ان شاء الله الهدف 460, ولكن الأهم هو كسر الترند الأزرق العلوي حتى نتمكن من الوصول للهدف 460. إذا الهدف الأول هو مقاومة الترند الأزرق, والهدف الثاني هو 460

الدخول طبعاُ يكون بعد كسر الترند الأخضر, والأهداف تكون ملغيه في حال ان السهم كسر الترند الأخضر مره ثانيه للأسفل

قطاع البنوك عامه تحت المقاومه 8514.7 فيرجى الإنتباه بالدخول والخروج خصوصاُ يوم الأحد, ومن بعدها ان شاء الله الأمور تبين أكثر

كيف الحال


اخوي بوووورش


شرايك في تداول اليوووم

بوبيان وين رايح

 

[بورش]

كيف الحال


اخوي بوووورش


شرايك في تداول اليوووم

بوبيان وين رايح

تداول اليوم جداُ طيب ان شاء الله
بوبيان اتوقع ان شاء الله يوصل الهدف الأول 375 باجر بإذن الله
ومن بعدها ان شاء الله اذا كسره يروح للهدف الثاني الي حددناه بالسابق

 

[حسين الشطي]

اشلونك بورش حبيبي الوطني حدي متعلق

 

[بورش]

اشلونك بورش حبيبي الوطني حدي متعلق

يا هلا بوعلي
متعلق انت شاري فوق ؟ ولا متعلق تبي تشتري ؟
المقاومه اليوم 1040, اذا صكر اليوم 1060 وكسر المقاومه بتداول طيب, ان شاء الله اشارة دخول مؤقته

 

[حسين الشطي]

عندي بس بسعر 1080 صارلي فتره ودي ابيع ومشكور

 

[Local Invetor]

بو جوري شلونك

شرايك في بيتك ؟ شنو الدعم و المقاومه ؟

 

[بورش]

بو جوري شلونك

شرايك في بيتك ؟ شنو الدعم و المقاومه ؟

بخير عساك بخير ياخوي, انت شلونك ؟؟

ان شاء الله اليوم احط تحليله, الحين الساعه 5:30 الفجر عندي والداتا ينزلها اخوانا Q8Broker بومحمد بعد ساعه من الحين ان شاء الله
بس اقعد من النوم راح أحدث البيانات واحطلك تحليل بيتك, يعني الساعه 9 - 10 بليل ان شاء الله بتوقيت الكويت راح انزل التحليل

وسامحني على التأخير

 

[Local Invetor]

نوم العوافي ان شاء الله

 

[Bu Bader]

قواك الله اخوي بو جوري ....ذكرت اذا اقفال اليوم على 1060 ،اشارة دخول مؤقته......على اي سعر الدخول ..و مشكور مقدما ..

يا هلا بوعلي
متعلق انت شاري فوق ؟ ولا متعلق تبي تشتري ؟
المقاومه اليوم 1040, اذا صكر اليوم 1060 وكسر المقاومه بتداول طيب, ان شاء الله اشارة دخول مؤقته

 

[Bo Hammod]

الوطني يا جماعة تكفون شسالفته تعلقنه والله

 

[خالد 44]

الوطني يا جماعة تكفون شسالفته تعلقنه والله

لاتنسانا يابوجوري شوفلنا الوطني (بنك تعرفه وتثق به)

 

[frs]

بورش بيتك

الله يعمر لك بيتك قول امين

 

[بورش]

بو جوري شلونك

شرايك في بيتك ؟ شنو الدعم و المقاومه ؟

بالنسبه لبيتك هناك فجوه بسيطه على 1200-1220, راح يرجع السهم يصكرها, متى ؟؟ الله أعلم

الدخول على بيتك اليوم كان من 1260 عندما أكد كسر ال 1220 بقوه والحمدالله, للامانه انا شريته على 1260 وبعته 1300, لكن غلطتي انا الي مانبهت على هذي الشغله, وثاني شغله ماحب أشتري سهم وأقول عنه خوش سهم عشان (س) من الناس لايقول قاعد أطبله

السهم حالياُ ما أعطى إشارة خروج, اذا استمر السهم في إيجابيته, ان شاء الله الهدف الأول 1360, الهدف الثاني 1500, وانا أقول اذا ان شاء الله وصل 1480 الواحد يبيع ويصبر مره ثانيه, لأني اتوقع في نزول قادم للسهم بعد هذا السعر

مؤشر ال RSI وصل إلى 71, وهو إشارة إلى المبالغه في الشراء, ولكن المؤشر في ترند صاعد وليلحين ماكسر الترند, إذاُ أيضاُ المؤشر ما أعطى إشارة خروج

الدعم الحالي 1220, وضع السهم ممتاز

انا مو خايف إلا من شغله وحده تصريح وزير النحس وبس

بورش بيتك

الله يعمر لك بيتك قول امين

الله يجزيك ألف خير, تفضل تحليل بيتك فوق
والشارت تحت

 

[frs]

تسلملي والله

 

[بورش]

قواك الله اخوي بو جوري ....ذكرت اذا اقفال اليوم على 1060 ،اشارة دخول مؤقته......على اي سعر الدخول ..و مشكور مقدما ..

الوطني يا جماعة تكفون شسالفته تعلقنه والله

لاتنسانا يابوجوري شوفلنا الوطني (بنك تعرفه وتثق به)

أخواني نعم السهم كسر الترند الهابط على المدى المتوسط والهدف الأول ان شاء الله 1100, اذا كسر 1100 بتداول طيب, أقدر أقول ان شاء الله الهدف الثاني 1220

سعر الدخول اذا باجر عطاك بال 1040 خير على خير لأنه راح يكون دعم الترند الهابط, واذا كسر ال 1040 واقفل تحتها ... خروج من السهم.
اذا السوق تمام مايمنع تدخل على 1060, ولكن الإنتباه لل 1040 واجب

في النهايه انت المتحكم الأول في البيع والشراء لأنه قرارك الشخصي, وما نحن إلا اشخاص نجتهد ونخطأ ونتعلم من أخطائنا, والرزق وحده من سبحانه

 

[بورش]

نبهت بأن كسر 345 لبنك بوبيان مهمه, والحمدالله ما أن كسر 345 حتى شفناه 365
الدعم الحالي 355, المقاومه باجر 375 اذا كسرها بتداول طيب ان شاء الله نشوف 425 وهو هدف ومقاومه قويه للسهم, ومن بعدها اذا كسرها نشوف 460 فلس

سألني أحد الأخوه على الخاص, وقالي انت تقول الهدف الأول والثاني, هل معناها ان راح يوصل الأهداف أكيد, انا اقول هني وبالعام الأهداف مو شرط كلها تتحق, يعني مثلا الحين بنك بوبيان الهدف الأول 375, اذا ماكسر الترند الأزرق الهابط, اذا السهم ماراح يروح للهدف الثاني مادام لم يكسر الترند الأزرق, والشي الثاني انه اذا كسر الترند الأخضر مره ثانيه للأسفل تعتبر الأهداف ملغيه

وأسأل الله لي ولكم التوفيق

 

[المهمه]