*_*_* قطاع البنوك للمراقبه *_*_*

[Q8 yes]

ياشباب ياحبايبي

نبي رايكم وتحليلكم بعد ماتم قرار استقرار المالي

يعني ياززينه ولااااااا ::verymad:: ياشينه



بخصوص البنوك

 

[hamanooosa]

يا زينة علي البنوك ويا شينة علي باقي الشركات

 

[القرم]

شباب وش صار على البنك الدولي

اجتماعه مو اليوم

وبالتوفيق للجميع انشاء الله

 

[stock sniper]

للرفع

 

[بورش]

قطاع البنوك على اليومي عنده دعم على 8257, اذا كسره راح تصير مقاومه للقطاع, القطاع عنده مقاومه على 8475 و 8514, اذا كسرهم ان شاء الله خير للقطاع

بالنسبه للإسبوعي (مرفق الشارت) القطاع تحت المقاومه, ومؤشر الستوكاستيك فوق ال 80, وبما معناه اول مايكسر ال 80 إلى تحت, قد تكون اشارة إلى البيع
ان شاء الله يكسر المقاومه ويشلع قطاع البنوك

 

[Navigator]

شقيقي شلونك ؟

بشرنا عن امورك ؟

 

[دولار$]

قطاع البنوك على اليومي عنده دعم على 8257, اذا كسره راح تصير مقاومه للقطاع, القطاع عنده مقاومه على 8475 و 8514, اذا كسرهم ان شاء الله خير للقطاع

بالنسبه للإسبوعي (مرفق الشارت) القطاع تحت المقاومه, ومؤشر الستوكاستيك فوق ال 80, وبما معناه اول مايكسر ال 80 إلى تحت, قد تكون اشارة إلى البيع
ان شاء الله يكسر المقاومه ويشلع قطاع البنوك

شقيق بوالنصح شلونك وشلون أمورك
بشرني عنك

 

[stock sniper]

بورش يعطيك العافية اشرايك بالبنك الدولي وشنهو اهدافه

 

[بورش]

شقيقي شلونك ؟

بشرنا عن امورك ؟

بخير شقيقي الحمدالله, لاهي مع الدراسه, عندي بس بحثين هالكورس الحمدالله. صج تعب, بس ولله الحمد أسهل من الكورس الي طاف
تصدق واصلتني توصيه تقولي اشتر الصناعات باجر حد أعلى, اليوم شريت الصبح حد أدنى وبعتها تكه فوق بس, وبعدها يوم علق صاحبي دق قهرني الحمدالله على كل

هذا سوق؟ شركات خسرانه معلقه, واجيليتي تعلن ارباح يومين حد أدنى

انت شلونك عساك بخير ؟؟

شقيق بوالنصح شلونك وشلون أمورك
بشرني عنك

هلا بالحبيب, انا بخير عساك بخير, انت شلونك وشالدنيا فيك ؟

 

[Navigator]

بخير الله يسلمك ويطول عمرك ويوفقك

سمعت الراقي شنو يقول ؟

يقول :

المحللين الحين يقولون لازم الشركه تحقق خساير عشان يتفاعل سهمها



هههههههههههههههههههههههه

 

[دولار$]

هلا بالحبيب, انا بخير عساك بخير, انت شلونك وشالدنيا فيك ؟

اذا انت بخير أنا بألف خير
والله يوفقك وترجع بالشهاده
وترفقها مع أي مشاركه تشارك فيها

 

[بورش]

بورش يعطيك العافية اشرايك بالبنك الدولي وشنهو اهدافه

السهم عطى اشارة دخول من تاريخ 5\3\2009 وليلحين ماعطى اشارة خروج من السهم, المقاومه القادمه ان شاء الله 212
اذا وصلها ان شاء الله بيع, واذا كسر هذي المقاومه بتداول طيب, ارجع ادخل على السهم, اما اذا ماكسرها, احتمال السهم ينزل
الدعم القادم للسهم 198, والدعم المهم حالياُ هو 190

السهم اذا كسر ال 230 فلس, نقدر نقول ان شاء الله راح ننتهي من الترند الهابط للسهم على المدى الطويل, ونبدأ ترند صاعد جديد, ولكن استبعدها في الظروف الحاليه, وان شاء الله يسويها ويطيب خاطرك وتشوف سهمك فوق ال 300 فلس

 

[بورش]

بخير الله يسلمك ويطول عمرك ويوفقك

سمعت الراقي شنو يقول ؟

يقول :

المحللين الحين يقولون لازم الشركه تحقق خساير عشان يتفاعل سهمها



هههههههههههههههههههههههه

اي والله هههههههههههه المجموعه الدوليه ماتعلن افلاسها عشان نشوف السهم دينار مره ثانيه
ابشرك كوستي بالمجموعه الدوليه صار 280 فلس
هانت مابقى شي واطلع

اذا انت بخير أنا بألف خير
والله يوفقك وترجع بالشهاده
وترفقها مع أي مشاركه تشارك فيها

مشكور يالحبيب, اي لازم احطها مع كل شارت عشان جونقر لايعصب علينا

 

[balakt]

واخيرا نورت الصفحه حمد لله على السلامه بو جوري
والله اني اشوف وطني وبيتك صاعدين نازلين وماقربت صوبهم ناطر رجعتك بالسلامه
وتحليلك اللي اثق فيه عن وضع البنوك وجزاك الله خير

 

[الوزني]

قواك الله يا بوش
ممكن تحليل بيتك
يالغالي

 

[stock sniper]

الله يعطيك العافية ويرزقك من اوسع ابوابه

 

[بورش]

واخيرا نورت الصفحه حمد لله على السلامه بو جوري
والله اني اشوف وطني وبيتك صاعدين نازلين وماقربت صوبهم ناطر رجعتك بالسلامه
وتحليلك اللي اثق فيه عن وضع البنوك وجزاك الله خير

الله يسلمك مشكور جزاك الله خير

الوطني اخوي دام انه ماكسر ال 1020 بتداول طيب, اذا السهم مرشح للهبوط تحت الدينار, في فرصه للمضاربه على السهم انك تطلبه 990 والبيع فوقها بتكه أو 1020, اذا كسر ال 990 في دعم 960
السهم مثل ما انت شايف بالشارت (مرفق) تحت ترند هابط, اذا كسره ان شاء الله خير للسهم
حالياُ ما انصح بالدخول على السهم لأهداف استثماريه, وانا شخصياُ مادخل على السهم حالياُ حتى للمضاربه إلى الأسبوع الياي حتى تتضح الرؤيه شوي

 

[بورش]

قواك الله يا بوش
ممكن تحليل بيتك
يالغالي

الله يقويك يابومشاري
بيتك عنده مقاومه على 1220, اذا كسرها ان شاء الله خير للسهم
السهم للأمانه تحليله مبهم, لا اشارة مبالغه في البيع ولا الشراء من ناحية الستوكاستيك

السهم انا يوميا أطلبه على 1120, عطاني قبل يومين والحمدالله اليوم بعت على 1160, اذا كسر ال 1140 واغلق تحتها يومين, اعتبرها مقاومه جديده للسهم

وضع السهم عامه, ماعطى اشارة للخروج, اذا وصل 1220 انا ابيعه, واذا كسر ال 1220 بتداول طيب اشتريه لأنه ممكن يروح 1360 - 1500, ولكن صعبه في الظروف الحاليه الي نمر فيها, ولكن اقولك مثل ماقول حق الكل, ان شاء الله يكسر ال 1220 وتشوف سهمك 1500

أخوك\
بوجوري

الله يعطيك العافية ويرزقك من اوسع ابوابه

مشكور على هالدعوه الطيبه ياخوي, بارك الله فيك وجزاك الله خير
واحنا بالخدمه ان شاء الله

 

[الوزني]

مشكور
يالغالي
بو جوري

 

[balakt]

توو ماعرفنا وين واقفين الله ينور لك دربك ويسرلك امرك
والله يجزاك عنا كل خير ويوفقك ويرزقك ويرحم والديك