@@ viva v-net صفحه خاصه لمجربين انترنت فيفا @@

[sawa7]

السلام عليكم

اشرايكم بعرض فاست تلكوووو

199دك 2ميجا

ياجماعة الخير محد رد علي

وبعدين زبدة الكلام اشتراك فيفا زين ولا لا

يعني نشترك​

 

[hindkwt]

ياجماعة الخير محد رد علي

وبعدين زبدة الكلام اشتراك فيفا زين ولا لا

يعني نشترك​

شوف اخوي انا اشتركت فيفا توني صارلي يومين ومنطقتنا صباح السالم حده بطيء يعني بصراحه تحسفت اني اشتركت فيه وماشتركت بفاست تلكو 2ميجا ب200 دينار بس جربته بمناطق ثانيه عطاني 2000 اما بمنطقتنا حده 700 مرات يعطي اكثر مرات اقل يعني متقلب السرعه وماعجبني جان زين اقدر ارجعه واخذ عرض فاستلكو فانا انصحك بفاست تلكو لانه سرعته مضمونه مو نفس الفيفا متقلب حيل

 

[sawa7]

سرعة 2000 يني شنو 2 ميجا

 

[sawa7]

ياسلام على الردوووووووووووووووود

 

[Tarek21]

شوف اخوي انا اشتركت فيفا توني صارلي يومين ومنطقتنا صباح السالم حده بطيء يعني بصراحه تحسفت اني اشتركت فيه وماشتركت بفاست تلكو 2ميجا ب200 دينار بس جربته بمناطق ثانيه عطاني 2000 اما بمنطقتنا حده 700 مرات يعطي اكثر مرات اقل يعني متقلب السرعه وماعجبني جان زين اقدر ارجعه واخذ عرض فاستلكو فانا انصحك بفاست تلكو لانه سرعته مضمونه مو نفس الفيفا متقلب حيل

انا بصباح السالم (قطعة 4 )
و السرعة عندي بين 2000 و 3000 و اكثر

هذا عيب انترنت التلفون السرعة مو ثابتة و تختلف السرعة بنفس المنطقة

 

[hindkwt]

انا بصباح السالم (قطعة 4 )
و السرعة عندي بين 2000 و 3000 و اكثر

هذا عيب انترنت التلفون السرعة مو ثابتة و تختلف السرعة بنفس المنطقة

ياحظكم تبدلون بيوت ونزيدكم

 

[مجنون مها]

رحت امس العصر للمارينا وما فيه زحمة قدامي واحد بس ،،
اشتركة معاهم بالخدمة ورديت مستانس للبيت ،،
لكني انصدمت من سرعة التحميل ،،
من امس العصر لليوم وانا اجرب الداونلود ،،
اول ما احمل يعطيني 200 كيلو ويبدأ بالنزول تدريجي لغاية ما يوصل الى 10 ويثبت ،،
جربت على عدت روابط ماكو فايدة ،،
الى ان وصلت الى حالة الاحباط ،،​

انا نفس حالتك

توهقت بفيفا

نصيحه يا ناس ابعدوا عنها لين يتحسن وضعهم

 

[Tarek21]

اللي عندهم السرعة بطيئة نصيحة يدقون و يقولون لهم انه الشبكة ضعيفة عندهم
اتوقع يحلون مشكلتكم , و لما تدقون خلوا الموظف يسجل الطلب

قبل اسبوع كان في منطقة ما فيها سيرفس كلش بعد اكثر من مكالمة الحين السرفس فل

 

[hindkwt]

اللي عندهم السرعة بطيئة نصيحة يدقون و يقولون لهم انه الشبكة ضعيفة عندهم
اتوقع يحلون مشكلتكم , و لما تدقون خلوا الموظف يسجل الطلب

قبل اسبوع كان في منطقة ما فيها سيرفس كلش بعد اكثر من مكالمة الحين السرفس فل

انا دقيت عليهم وقلت لهم هالكلام قالولي احنا يايتنا وايد شكاوي على هالمشكله ومانقدر نسوي شي لازم تنطرون لان قاعدين نتطور الشبكه وحنا شركه يديده طولو بالكم علينا

هاذي حاله بالله !

 

[ستوك]

ياشباب نبي تغطية فيفا للانترنت لمناطق غرناطة أو الأندلس والصليبخات والدوحة وضواحيها شلونها لهذي المناطق زينة فيه أحد مجربها لأني ودي أعرف قبل لا أشترك ...

وشكرا

السؤال مازال مطروح

 

[Tarek21]

السؤال مازال مطروح

بنفس الموضوع كتبت عن غرناطة السرعة توصل لي 800KB/s
اسرع مكان جربت فيه فيفا كان في غرناطة

و هذي الصورة اللي سبق حطيتها عن التجربة في غرناطة و اوصلت اكثر من جذيه بعد
بس ترى انترنت التلفون مو ثابتة السرعة يعني يمكن بيتين بينهم مسافة صغيرة تفرق السرعة

شوف احسن شي اذا عندك خط فيفا عادي جرب اشبك فيه في المكان اللي غالبا تستعمله شوف جم توصل السرعة معاك
بس ديربالك الKB بفلس يعني اشبك بسرعة سو test و افصل
او شوف قوة السيرفس بخط فيفا بالمكان اللي تبي تشبك فيه

الحين انا في صباح السالم قاعد انزل من التورنت السرعة من 300KB/s لي 500KB/s
نزلت فيلم من التورنت حجمه 700MB ب 35 دقيقة تقريبا

 

[ستوك]

بنفس الموضوع كتبت عن غرناطة السرعة توصل لي 800kb/s
اسرع مكان جربت فيه فيفا كان في غرناطة
و هذي الصورة اللي سبق حطيتها عن التجربة في غرناطة و اوصلت اكثر من جذيه بعد
بس ترى انترنت التلفون مو ثابتة السرعة يعني يمكن بيتين بينهم مسافة صغيرة تفرق السرعة
شوف احسن شي اذا عندك خط فيفا عادي جرب اشبك فيه في المكان اللي غالبا تستعمله شوف جم توصل السرعة معاك
بس ديربالك الkb بفلس يعني اشبك بسرعة سو test و افصل
او شوف قوة السيرفس بخط فيفا بالمكان اللي تبي تشبك فيه

الحين انا في صباح السالم قاعد انزل من التورنت السرعة من 300kb/s لي 500kb/s
نزلت فيلم من التورنت حجمه 700mb ب 35 دقيقة تقريبا

الله يعطيك العافيه والله كفيت ووفيت ورايتك بيضه

 

[محمد مصيلحي]

السلام عليكم ورحمة الله ، بودي أضيف هذة المعلومة المنقولة (( من عام حاكمت الحكومة الفرنسية اكبر ثلاث شركات للتيلفون المحمول وحملت كل شركة اكثر من500.000 يورو . ستتعجبو أن عرفتم السبب. وهو ان هذة الشركات لم تتنافس لخفض سعر الاشتركات)) .....وين دور الأجهزة الرقابية في كل هذة المعمعة؟؟ ، ليش مايسوون غرامات كبيرة بها الشكل علي الشركات الغير ملتزمة بعروضها وبتقديم الخدمات بطريقة ترضي المشتركين ، ليش مايسوون خط ساخن للشكاوي ضد هذة الشركات ويتم التحقيق فيها بحيادية ؟؟.. أنا أعتقد أن أول شيء لازم نعرفة هو : أشلون ناخد حقنا من هذة الشركات ولمن نلجيء في حالة حدوث مشكلة ؟؟.. ولة علي بالهم أن فلوسنا حرام .....

 

[UNIX]

و الله انا مو خايف الا من التورنت، اذا الشركات شافتكم تنزلون منه بشكل جنوني راح يحدون السرعه الى أقل من 1 ميجا مثل ما تسوي الوطنية للاتصالات.

:|

الأفلام تقدرون تشترونها بربع دينار و نص دينار. خلو الانترنت مالكم حق أشغالكم

 

[عين السيح]

انا نفس حالتك

توهقت بفيفا

نصيحه يا ناس ابعدوا عنها لين يتحسن وضعهم

والله يا اخوي امس جربت فيفا بنفس منطقتنا بديوانية الربع ،،
الداونلود من 300 الى 200 شغله تمام بس المشكلة عندي بالبيت ،،
منتظر اليوم يحلون مشكلتي والله كريم ،،​

 

[UNIX]

والله يا اخوي امس جربت فيفا بنفس منطقتنا بديوانية الربع ،،
الداونلود من 300 الى 200 شغله تمام بس المشكلة عندي بالبيت ،،
منتظر اليوم يحلون مشكلتي والله كريم ،،​

يمكن بيتكم مسلح يالغالي،،،

يعني يعتمد على المواد اللي انشئ فيها المبنى.

حاولت تنزل تحت؟ او تصعد فوق؟؟ أو حتى تقعد بالحوش و تشبك؟؟

 

[عين السيح]

يمكن بيتكم مسلح يالغالي،،،

يعني يعتمد على المواد اللي انشئ فيها المبنى.

حاولت تنزل تحت؟ او تصعد فوق؟؟ أو حتى تقعد بالحوش و تشبك؟؟

بوخالد لو مسلح انا اول واحد ابلغ عليه ،،

عندي الإيغو بنفس المكان شغلها تمام ،،
حاليا منتظر الدعم من الشركة يمكن يحلونها ،،​

 

[UNIX]

بوخالد لو مسلح انا اول واحد ابلغ عليه ،،

عندي الإيغو بنفس المكان شغلها تمام ،،
حاليا منتظر الدعم من الشركة يمكن يحلونها ،،​

و الله ودي أساعدك بس مادري شلون :|

 

[cocacola]

انا اليوم رحت حق فيفا وقلت واحد اللي يشتغلون ان الانترنت بطيئ
فقالي الشركه جديده و في ضغط على الشركه وتدري المكالمات ببلاش

 

[عين السيح]

و الله ودي أساعدك بس مادري شلون :|

رايتك بيضه يا بوخالد ما قصرت ،،
لا تشيل همي ان شاء الله اليوم تنحل ،،​