شركه الخليج القابضه ......4

[ابو جراح1]

اسمع ياحبيب قلبي

اول شي انا ماعرف اعضاء مجلس الاداره ولا لي شغل فيهم وفي وعودهم ولا اطبل لسهم انا بس اقولك العاقل يعرف ان اعضاء مجلس الاداره يهمه مصلحت الشركه, ولكن اذا وعدو انها راح تدرج بالبورصه ماعتقد انهم ماراح يدرجونها واكبر دليل ان الشركه محمله بالارباح يعني بتدرج بس اهم ممكن يشوفون شي احنا مانشوفه وكل تئخيره فيها خيره , بعدين انا ما اظلل احد واحب اقولك شغله انا يمكن املك بالسهم اكثر منك بالكميات ((يا حلو)) بعدين انا كل مقرا كلامك كله تحلطم مو قصت ان الواحد مقيد بكلامه او حريه نعم حريه ,بعدين انت تنطر مني ادق علي الشركه واجي اكتب اهنيه اقولك شنو الورقه اللي ناقصه , انا بقولك اذا انت مهتم روح لشركه فوق طيران الخليج قبال الشرتون واسئلهم مو جايني اهنيه تبيني ادق واقولك , انا الحمد لله سبحانه راضي في كل شي وعسي في الامر خيره بعدين لا تقعدتمللنا من بعض الكلام اللي لا يودي ولا يجيب , وانا مابي اتجادل معاك ولا يهمني ردك عن الشركه لئنك انت لو مهتم تروح لهم مو اهنيه تحلطم
مع شديد احترامي للاخوان
تحياتي

الجدال معاك عقيم احنا قاعد ننتقد الوعود وانت تقاعد تتكلم في وادي ثاني شكلك مخدر على الاخر بالوعود يا الحلو

 

[متداول حريص]

السلام عليكم
شباب خبر اكيييييييييييييدد ترى الشركة مو معاهم باجر
كانوا معاهم وبعدين اسحبوا اوراقهم والاعذار كالعادة ان في ورقة ناقصة وان السهم مضغوط
للاسف وعود الشركة كله كذب وضللوا المساهمين
قبل 3 اسابيع كان واحد من ادرة الشركة ينقاله الرومي يقول ان في الاجتماع القادم راح ناخذ الموافقة
بس للاسف كله تضليل في تضليل

حسبي الله عليكم يالخليج القابضه, مافيكم رجل يلتزم بكلامه, وبس شاطرين بالتصريحات والمهايط وصبينا السقف ورشينا الإسمنت وخلطناه بالخلاط!!!!!!!
وين الكلام اللي قلتوه ووين العهد اللي قطعتوه على نفسكم أمام المساهمين إنكم بتدرجونها بالربع الأول!!!!!!
بدأنا كمساهمين نشك بنيتكم وبدأ يتضح لنا بأن شركة بيان كانت على حق لما كانت تقول لا توقعون إدراج من ورا مجلس الإداره هذا والأيام قاعد تثبت صحة ما كانوا يدعون به.
لاحول ولا قوة إلا بالله وحسبي الله ونعم الوكيل

 

[الوسم1]

السلام عليكم
شباب اليوم رحت للشركة علشان استلم المنحة وقابلت الاخ احمد الشمري وقعد يمدح باشركة ويقول اذا عندك فلوس زيد الكمية اللي عندك
تناقشت معاه بخصوص الادراج قلتله ليش تكسرون بالمساهمين وان اجتماع البورصة اليوم انتوا معاهم .
رد علي يقول ان الشركة تقدمت بتاريخ 1/1/2010 للادراج واخذنا الموافقة المبدئية ووعدونا باجتماعهم القادم اللي اهوا اليوم ان يكونون معاهم لكن اللي حصل على كلام الشمري ان في حوالي 13 شركة متقدمة للادراج ولجنة البورصة ما تقدر تناقش ادراجهم كلهم في نفس اليوم فخذوا 4 شركات والباجي باجتماعهم القادم واحنا معاهم . انتهى كلام الشمري

طبعا للعلم اجتماع البورصة كل شهرين
طبعا هالخبر راح يأثر سلبا على السهم والله اعلم

 

[بايعها]

انا ايضا كلمت الاخ احمد الشمري عن موضع الادراج وان الشركة تأخرت حيل وما ادرجت وكان رده ان الشركة شغالة وقاعد تعطي ارباح سنوية.!!

يا اخ احمد اي ارباح سنوية واللي يرحم والدينك فلوسنا تجمدت اكثر من 5 سنين وانت تقولي ارباح سنوية انا لو حاطهم وديعة في اتعس بنك بالعالم ابرك لي والله مليون مره من هالشركة الدايخة .
لكن ما اقول الا حسبي الله عليكم انتم الاعضاء في مجلس الادارة او العاملين في الشركة مستفيدين منها ونحن المساهمين ماكلين هوا .

 

[الفلس]

هلا بالجميع

متضايقين من الخليج واعضائها هذا انتم اللي دعمتوها بالجمعيه العموميه وعطيتوهم توكيل وانا معاكم والحين مالكم حق حنا دعمناهم والحين الجمعيه العموميه القادمه في الطريق ونبي نشوف موقفكم مثل كلامكم ودعاكم ولا راح يتغير وتقولون لا الاعضاء والامير احسن واحد .... خلاااااص عطوا بيان توكيل الجمعيه القادمه وشوفوا الطرف الثاني شنو راح يقدم ... شفتو الطرف الاول وبان والحين شوفوا الطرف الثاني وما اتوقع ان الطرف الثاني اسوء من الاول لان شنو الفائده اللي حصلنا عليها من المجلس الحالي !!!!!

 

[الفلس]

بيــــــــــــــــــــــــان لكم التصويت

 

[الوسم1]

اعتذر عن الاخ اللي تكلمت علية وهو الرومي وبصراحة انا ما اعرفة شخصيا واعترف ان اخطأت بحقة فارجوا السموحة منه اذا وصلا الخبر

 

[المجهول66]

الاخوة الكرام السلام عليكم.

نصيحه لاتستعجلون علي الادراج في الوقت الحالي

وتري الشركه من افضل الشركات الموجوده في الساحه من حيث الاصول والارباح وكذلك المشاريع المستقبليه.وكذلك مجلس الاداره المشهود له بالعمل الجاد والطموح.
ايها الاخوة بالله عليكم اي شركه توزع ارباح علي المساهمين والعالم من الشرق والغرب يمر في ازمه ماليه.لو ان مجلس الادارة ماقام بتوزيع ارباح العام الماضي ويقدر ان يقوم بذلك وله العذر من الازمه الماليه.لكن بكل شجاعه وجديه وصدق اعلنوا عن ارباح فعليه.وهذا دليل النجاح.هذا الكلام ايها الاخوة قلته لكم وانا املك كميه كبيرة من الاسهم في هذه الشركه اللي باذن الله ستحقق مايتمناه المساهمين منها وان غدا لناظره قريب.اتركوا الكلام بدون ادله وبراهين.واعتقد تاخير الادراج من ادارة البورصه وليس من الشركه اللي مستوفيه جميع الشروط.وجزاكم الله خير

 

[J.Fahad]

والله يا بوجراح معاك حق و ما تنلام بلي تفصلت فيه!!

مجلس الادارة الحالي كان شغله الشاغل توكيل المساهمين له في الجمعية العمومية المساهمين اللي وثقوا بمجلس الادارة و وكلوهم و خذوا منهم كلمة بانهم راح يخلون المساهم تحت الصورة عند كل خطوة تقوم فيها الشركة!!
سمعنا بطلب الادراج طيب دام ان هالخبر صحيح ليش ما طلع احد اعضاء مجلس الادارة و اعلن عن تقديم الشركة لطلب الادراج و لا حضرتهم ناطرين الناس يدقدقون عليهم و يسألونهم!! الله المستعان و الله يرزقنا و يرزق عباده المسلمين.

هذي مشاركة سابقة لي ,, ما هو تصيد بالماء العكر مثل ما يقولون بقدر مو هو دليل على عدم وفاء مجلس الادارة الحالي بوعوده في آخر اجتماعاته!

صحيح إنه ممكن تكون للشركة وجهة نظر و رؤية بعيدة في موضوع الإدراج لكن هذا ما يمنع انهم يوفون بوعدهم و يخلونا احنا معشر المساهمين على اطلاع أول بأول بأخبار الشركة و موضوع الإدراج تحديداً اللي يعتبر أكثر ما يهم المساهمين ,, قدر الله و ما شاء فعل لكن السؤال اللي راح اطرحه جداً بسيط و هو هل لو كان مجلس الإدراة واضح و صريح مع المساهمين و قال انه ما راح يقدم على طلب إدراج لأي سبب كان هل كنا و كان مجلس الادارة راح يشوف ردت الفعل الحاصلة لدى المساهمين الحين!!

طبعاً قبل رد علي أحد الاخوان و لعله كان اجتهاد شخصي منه يشكر عليه رد علي بأن شنو فايدة أن تخرج الشركة و تصرح بأنها تقدمت بطلب ادراج!! الفايدة كنا راح نشوفها الحين بعد ما طلع كل الكلام السابق اللي سمعه بعض الاخوان من بعض افراد مجلس الادارة بعزم الشركة في التقدم للإدراج و صايره الرؤية ضبابية! ناس يقولون راح تدرج و بالأخير ياكلها المساهم و ينصدم قبل يوم او اثنين من اجتماع اللجنة الفنية للبورصة بعدم تقدم الخليج للإدراج!!

كل الكلام السابق هذا لوم و عتاب على مجلس الإدارة الحالي مو أكثر و تبقى الثقة موجودة في المجلس و في احمد الامير و في الرومي و بقية الاخوان انتظرنا سنوات و عطيناهم الثقة و متيقنين من وفاءهم لنا بإذن الله و بدون شك التوزيعات السابقة كانت سبب رئيسي لثقتنا فيهم , فقط الآن ننتظر تصريح بسيط من قبل مجلس الادارة يوضح لنا خطة الشركة في موضوع الإدراج و الله يكتب اللي فيه الخير لسائر عباده المسلمين.

 

[ابو جراح1]

السلام عليكم يا جماعه وكلامك كله على العين والراس بالنسبه لانتقادكم لمجلس الادراره بانه اهمل في التواصل مع المساهمين في الادراج وغيرها من امور الشركه وهذا عيب سلطنا الضوء عليه وهدفنا المعالجه وتصحيح الوضع لاستفاده للشركه والمساهمين لاكن من الجانب الاخر لانهمل دور مجلس الاداره في تحقيق النجحات للشركه وتحقيق ارباح تشغيليه في عز الازمه والدليل ان لديهم 34 مليون سيوله نقديه من غير المشاريع الحاليه ولم يوزعو ارباح نقديه بحجه الادراج وهاذا غير ارباح 2009 الي ما نعلم عنها ودنا مجلس الاداره انه يعقد جمعيه عموميه عشان نعرف الارباح والخطط المستقبليه للشركه والكلام كله استناد على الجمعيه العموميه الاخيره في اكتوبر الماضي والسهم ممتاز من حيث الملائه الماليه والارباح المحمله من 2008 اضافه الى 2009 الغير معلنه والسهم افضل من اسهم عقاريه في السوق تتداول ولو قيم السهم على اصوله الحاليه بدون ارباح 2009 كتقيم صحيح كان 240 فلس للسهم بالنسبه لقرأتي والله العالم بس ودنا ان مجلس الاداره يكون متواصل مع المساهمين بشكل اكبر

 

[ALKRM]

و الله يا بو جراح اهم شي في الموضوع المصداقية ، انا أحضر الجمعيات صاري ثلاث سنين و في كل سنه نسمع الادراج السنه اليايه و يحددون أي ربع من السنه الياية و بعدها لا حس و لا خبر، الحين صارت الازمه عذر لعدم الادراج، و اللي يقولك صبرتوا سنين ليش ما تنطرون شهر.... أنا أعطيك ثلاث شهور و لا راح تسمع شي عن الادراج.

الموضوع الثاني اللي ودي اسمع رد الجماعه اللي عندهم علاقات موثوقه بالشركة ، شركه كاب كورب .. شركه ما عندها خبره في الادراجات و ما سمعنا عنها شي في السوق ، اذا كانت الإدارة جادة في الادراج ليش ما صارت اتفاقية استشارية مع الشركات اللي عندها خبره في ادراج الشركات العقارية في السوق ؟؟؟؟

يعطيكم العافية

و لا حول و لا قوة إلا بالله

 

[قناص 44]

للتوضيح

السلام عليكم ورحمة الله وبركاته

بداية احب اتكلم على نقطتين رئيسيتين باختصار للتوضيح ولعدم سوء الفهم

اولا: الحقيقة انا استغرب من المساهين اللي اقلبوا على شركتهم بهالسرعة على الرغم من انهم مساهمين فيها وحلالهم فيها وكانوا من اشد المؤيدين لها في البداية ليش ؟؟ شنو اللي حصل ؟؟ انضحك عليكم والا فلوسكم انباقت ؟؟ والا اصحاب الشركة انحاشوا وخلوكم ؟؟؟

على الرغم من ان مافي اي خطأ وقعت فيه الشركة
اللي بقوله ان الشركة قائمة وتشغيلية ومحققة ارباح هذا مايختلف عليه اثنين وتعتبر من افضل الشركات العقارية التي لم تدرج لغاية الآن .

ياجماعة الخير كلنا في مركب واحد ابيكم تفتحون عيونكم وتقرون كلامي عدل لان الكلام اللي قاعد اقراه مو من صالحنا وعدم ثقة مساهميها فيها مو من مصلحة الشركة ويضرها ويضر سمعهتا وبالتالي فلوسنا تتأثر والسبب بالنهاية كلام بالمنتدى ...... نعم الكلام يأثر .

وبعدين اللي يتحسب ويقول حسبي الله ونعم الوكيل بالخليج القابضة ليش ياأخي حرام عليك .. اذا كنت انت مساهم فعلا بالشركة قول الله ينصركم ويعطيكم العافية ومنها للأعلى ..حرام عليك تتحسب عليهم ... هذولي قاعدين يشتغلون لك ولغيرك وتاركين بيتهم وعيالهم علشان يجابلون حلالك وحلال غيرك ... وللعلم ياجماعة انا لاني املك نسبة كبيرة بالشركة لي زيارات كثيرة لمقر الشركة سواء بالكويت او ازور المشاريع اللي بالبحرين واتابعهم بنفسي والله العظيم ياجماعة قاعدين يشتغلون ليل ونهار ومومقصرين وتشوف الابتسامة والتفاؤل على وجوههم لانهم عارفين انهم انجزوا وحققوا شي من لاشي ويكون بعلمكم قابلت كذا موظف كويتي بالبحرين والله تاركين بيتهم وعيالهم وأهلهم ويقعدون بالشهر والشهرين بالبحرين علشان يتابعون المشاريع
فيا أخي جزاك الله خير لاتتحسب عليهم وادعولهم بالصلاح والتوفيق

وبعدين اللي اقلبوا على شركتهم وافقدوا الثقة فيها بهالسرعة وبينوا ولاءهم لشركة ثانية هؤلاء انا واثق ومتأكد انهم ليسوا من مساهمين الخليج القابضة وهؤلاء دخلاء ويريدون نزع فتيل الفتنة بين المساهمين ولذلك اتمنى من المساهمين الحقيقيين واللي حلالهم بالخليج القابضة لايعيرونهم اي اهتمام ابدا

ثانيا بالنسبة لوعود مجلس الادارة التي تم تصريحها في الجمعية العمومية السابقة عن الادراج في الربع الاول من 2010 هذا الوعد حقيقي وتم تنفيذه وبالفعل تقدمت شركة الخليج القابضة للادراج وحصلوا على موافقة مبدئية وتحولت الملفات الى اللجنة الفنية للبت في الموضوع وكل هذه الامور تمت في شهر يناير 2010 حيث انه كان من المفروض والمحتم على لجنة البورصة انهاء هذه الاجراءات خلال شهرين فقط ولكن لجنة البورصة تأخرت في الموضوع لظروفها الخاصة فمن المنطقي بأن الخليج القابضة لم يبدر منها اي تقصير او تخاذل في وعودها ونفذت ماوعدت به وتمت جميع الاجراءات في يناير 2010
فإن كان هناك اي تقصير فهو من جهة البورصة وليس من الخليج القابضة

وبعدين موضوع ان الخليج انسحبت او عندها اوراق ناقصة هذا كلام مو صحيح ولامنطقي واللي عنده معرفة في البورصة يروح يسأله عن الخليج القابضة يقولك شنو وضعها

اللي حاصل ان البورصة ماتقدر تاخذ موضوع كل الشركات اللي تقدمت للادراج مرة واحدة لان هناك لجنة فنية واحدة فقط لدراسة الشركات الراغبة في الادراج ومن كثر الضغط عليهم قاعد ياخذون كل اربع او خمس شركات مرة وحدة


انا عندي صديق مقرب جدا من ادارة البورصة وابلغني بأن عدد الشركات التي تقدمت للادراج مع بداية 2010 تزيد عن 13 شركة والخليج القابضة من ضمنهم ولانستطيع البت في موضوعها مرة واحد فنأخذ في كل اجتماع اربع شركات ونبت في موضوع ادراجها


فلذلك

اتمنى من المساهميين ( الحقيقيين ) للخليج القابضة التأني والصبر وتقصي الحقائق وعدم الاصغاء الى ( الدخلاء ) ومن هم يريدون الفتنة،
والشد من عزم الشركة والوقوف معها وليس ضدها لانها اعطت الكثير وانا واحد من الناس حلالي كله بالخليج القابضة ولو مو واثق فيها ومن مجلس ادارتها والله العظيم ابيعها اليوم بنص سعرها بس انا شايف شي انتوا مو شايفينه واللي يقرا الارقام يعرف شنو اقصد

صبرنا هالسنين هذي مو عاجزين نصبر كم شهر وانا من وجهة نظري الخاصة كل ماتأخرنا بالفترة هذي افضل لان اغلب الشركات توها موزعة ارباح ونقدي والناس قاعد تستلم ارباحها وقاعد ينتعش السوق وتصير سيولة وكل ما تأخرنا أفضل لنا

و انا عارف ولي علاقاتي بادارة البورصة وبالخليج القابضة واقسم بالله بأن التقصير والتعطيل من ادارة البورصة ومن اجتماعات اللجنة الفنية والضغط الكبير اللي عليها وليس من الخليج القابضة لأن الخليج القابضة وفرت جميع الاوراق و الطلبات للبورصة من بداية التقديم بشهر يناير 2010

 

[kuwait_17]

السلام عيكم

انا ودي اشتري اسهم الخليج القابضة بس للأسف انا من غير المتابعين لأخبار الشركة

بعرف كم القيمة الأسمية للسهم ؟؟

وكم ارباح الشركة وتوزيعاتها خلال السنتين السابقتين ؟؟​

 

[ابو جراح1]

السلام عيكم

انا ودي اشتري اسهم الخليج القابضة بس للأسف انا من غير المتابعين لأخبار الشركة

بعرف كم القيمة الأسمية للسهم ؟؟

وكم ارباح الشركة وتوزيعاتها خلال السنتين السابقتين ؟؟​

القيمه الاسميه للسهم 100 فلس وارباح 2007 10 بالمئه منحه وارباح 2008 10 بالمئه منحه وتوفير النقدي للادراج وارباح2009 لم تعلن يعني كل سنه ارباح افضل من وديعه بالبنك او اسهم بالسوق عقاريه ورقيه ولو يقيم السهم بالمشاريع الحاليه من شركه متخصصه كان شفت 236 فلس للسهم على حسب كلام شخص يعمل في شركه هرميس الي تقيم الشركات والان الطلب 60 والعرض 61 والكميات فوق 500 الف فيه شركه عارضه 60

 

[الفلس]

وبعدين اللي اقلبوا على شركتهم وافقدوا الثقة فيها بهالسرعة وبينوا ولاءهم لشركة ثانية هؤلاء انا واثق ومتأكد انهم ليسوا من مساهمين الخليج القابضة وهؤلاء دخلاء ويريدون نزع فتيل الفتنة بين المساهمين ولذلك اتمنى من المساهمين الحقيقيين واللي حلالهم بالخليج القابضة لايعيرونهم اي اهتمام ابدا

غريبه يجب احترام راي الاخرين ؟؟
وانت ليس مجبور على رايي ولا انا مجبور على رايك ؟؟

واذا مشكك اني ما املك في الشركه قدام الاعضاء يجب الواحد عند كلمته كم تقدر عدد الاسهم اللي تقدر تشتريها مني وانا حاضر ؟؟

 

[الفلس]

محد فكر ليش الخليج القابضه غيرت رايها بالتوزيعات كانت 10 نقدي و 10 منحه ويوم طلعه مشكلة بيان صارت بس منحه ليش ؟؟؟؟؟؟؟؟


اخوي التجار عايشين ولاهم رادين عليك نهائيا

صفقات ومعاشات والبونص السنوي وغيره كثير

اقول

عليكم

ببيان وبس

 

[قناص 44]

غريبه يجب احترام راي الاخرين ؟؟
وانت ليس مجبور على رايي ولا انا مجبور على رايك ؟؟

واذا مشكك اني ما املك في الشركه قدام الاعضاء يجب الواحد عند كلمته كم تقدر عدد الاسهم اللي تقدر تشتريها مني وانا حاضر ؟؟

احترام الراي والرأي الآخر مكفولة
انا تكلمت بشكل عام ولم أذكر أحد بالاسم

ومادام انت رديت على الفقرة هذي بالذات اذاً انت أثبت لي وبينت للناس انك انت المقصود واثبت بأن ولاءك لشركة أخرى فلذلك أرجو احترام مشاعر المساهمين والحفاظ على مساهمتنا بالشركة وعدم فرض رأي خاص فيك على باقي المساهمين وعدم التحريض بشي سلبي على مساهمتنا بالشركة



واذا الخليج القابضة مو عاجبتك بيع اسهمك فيها وروح اشتر في شركتك اللي انت موالي لها

ارجو ان ينتهي النقاش الى هذا الحد فقط

 

[الوسم1]

اخوي قناص44
انا واحد من الناس اللي شنيت هجوم على الشركة
لان الخبر الي وصلني انهم اسحبوا طلبهم الى الاجتماع القادم
وكلنا كنا متوقعين ان الشركة معاهم بالاجتماع الي صار امس وهذا كلام الشركة الى قبل الاجتماع بأسبوع تقريبا وبصراحة انصدمنا قبل الاجتماع بيوم انهم مو معاهم
والصراحة العتب عليك ليش ما بلغتنا ان الشركة مو معاهم واتوقع ان كان عندك خبر بالشغلة على اساس انك عندك كمية كبيرة وعلى علاقة مع الشركة ومتابع اخبارهم اول بأول
وانا كلمتك يوم الاحد بالمنتدى وقلت الاخبار كلها طيبة وما طريت موضوع الادراج وان الشركة مو معاهم
على العموم انا عن نفسي عندي قناعة تامة ان الشركة وضعها ممتاز وانشالله الاجتماع القادم تكون معاهم وانشالله يكون التأخير من ادارة البورصة مو من الشركة
المشكلة ان اجتماع البورصة يكون كل شهرين على ما اظن
واذا عندك خبر عن موعد الاجتماع للبورصة ياليت تبلغنا اول بأول
وبالنهاية شاكرلك على التوضيح وسامحونا على الاطالة

 

[الفلس]

اولا : انا رديت لانك معلق على مشاركتي وكلامك واضح مو ذكاء ؟

ثانيا : الاخ العزيز يدافع بشكل مميت ويقول :


ان الشركه قدمت اوراقها من شهر يناير وان اوراقها كامله وان التاخير من ادارة البورصه ؟؟؟؟؟

سؤال يا الحبيب : هل قدموا ميزانية 2009 ؟؟؟؟؟؟؟؟؟؟


وين الاوراق اللي كامله ؟؟؟

وانت وكل الناس واقل شخص معرفه يدري ان اذا كان التقديم بالسنه الجديده لازم تكون السنه الماليه السابقه من ضمن التقديم


وشكرااااااااااااااااااااااا

 

[قناص 44]

اخوي العزيز الوسم 1

اولا الشركة ماصرحت وقالت انها بتكون مع اجتماع البورصة اللي فات هذا علشان أحد يعاتبها ويزعل عليها
وانا للحين اذكر تصريحها بالحرف الواحد قالت هدفنا الاساسي بالفترة الحالية هو الانتهاء من اجراءات الادراج
وفعلا الجماعة ماقصروا سووا اللي عليهم والباقي على اللجنة الفنية وظروفها

وثانيا يااستاذي الكريم الاخبار اللي توصلكم تأكدوا من مصدرها وصحتها لان يااخوي الوسم انت عارف في ناس قاعد تحفر من تحت لي تحت وشغالين ليل ونهار اشاعات على الخليج القابضة وماادري ليش وشنو هدفهم

مافي شي اسمه اسحبت الاوراق لان انت بعد ماتقدم اوراقك وبعد مايدرسونها خلاص انت دشيت بالخط الاحمر ومايحقلك تتراجع الا في حالة ان البورصة ترفض طلبك - ولو قلت بنسحب البورصة بتعلن بأنه تم رفض طلب الشركة الفلانية

فهمت ياخوي

وبعدين على فكرة في معلومة نسيت لا اقولها ترى علاقة الخليج القابضة بادارة البورصة طيبة جدا وهذا كلام يتدارج على لسان موظفين البورصة وهذا شي مهم جدا من ناحية العلاقة بين البورصة والشركة وهذا شي يساعد على تسهيل الامور وعدم تعقيدها

وانشالله اول بأول راح ابلغك عن موعد الاجتماع القادم للبورصة باذن الله

اسأل الله العلي القدير ان يسهل الامور

ومن ارادنا بخير يوفقه الى كل خير
ومن ارادنا بسوء يشغله بنفسه ويجعل كيده في نحره