السلام عليكم,
ياجماعه خلكم من الكلام الفاضي وخلونا نتكلم بصراحه ومنطق إحنا كمساهمين بشركه الخليج القابضه تهمنا مصلحتنا وما تهمنا النزاعات الحاليه ما بين مجلس إدارة الخليج القابضه و شركة بيان لأن هذي أمور تحدث بينهم بالخفاء وإحنا ماندري عنها وعن تفاصيلها وأسبابها الحقيقيه. بالنسبه للي إمدحوا الشركه ومجلس إدارتها مع كامل إحترامي لهم ليش مدحتوهم لأني أحب أوضح لهم شغله إن إذا طلع كلامهم اللي بالمشاركات السابقه صح بخصوص أرباح 2008 التقديريه والغير رسميه واللي أعتقد إنها ما تعدت ال 8 ملايين دينار فهذي مصيبه وكارثه لنا كمساهمين ومعناتها إن الشركه ما راح تستوفي شروط الإدراج ولا راح تدرج لا ب 2009 ولا ب2010 لسبب بسيط وهو إن من شروط الإدراج ان تكون أرباح الشركه الصافيه لمدة عامين متتاليين يجب أن لا تقل عن 15% من مجموع رأس المال يعني 10 ملايين و نص دينار وهذا الشي مو متحقق وإذا في أحد يصححلي فليتفضل. أنا أدري إن مجلس إدارة الخليج القابضه راح يطلع لنا بالإجتماع الجاي ويقول لنا ماراح ندرج الشركه بسبب إن أرباح الشركه قلت بسبب وقوف شركه بيان ضدنا واللي بدوره أضر بمصالحنا وكنسل عقود مهمه لنا واللي المفروض تدر علينا بأرباح ومن هالكلام الفاضي وناكلها إحنا يالمساهمين ونروح فيها.اللي بقوله إنه لازم تتم محاسبه الشركه أثناء الجمعيه العموميه في حال عدم إستيفاء شروط الإدراج.
