فيفا وما أدراك ما فيفا

[Dr-Q80]

أقسم بالله العظيم انه زين والوطنية مووووووووووووووووو محترمين

اللى بضغطة زرررر كنسلوا قيمة استقبال المكالمات من الأرضى بلحظة


لعنبوكم وينكم من زمان ... شفطتونا شفط جعل خسايركم مالها تالى

بتقولولى زين والوطنية قدموا اليوم نفس العرض بس انا اقول وينهم من زمان


والله ان فيفا تستحق اكثر من الشكر ... طبعا فيفا مو عشان سواد عيوننا ولا حبا فينا ... بس هذا مبدأ التنافس


بس انا اتكلم عن الأحتراااااااام


زين والله انها ماتحترم الشعب الكويتى واكثر مايهمها الفلس بغض النظر

عن كونها اول مشغل بالكويت

اللى المفروض تكون اهى المبادرة بكل شئ

بس طبعا شركة زين ووراها ........اللى فى بالى اللى شافط الديرة بكبرها

مو غريبة .........


مادرى شلون أعبر بس كلمة مو محترمة بمكانهااااا

صح لسانك

 

[cocacola]

يجب محاربه شركه زين و الوطنه الي باقوناخلال 15 سنه
خل نحاربهم علشان الشركه تقل ارباحهم و ينزل سعر السهم ويوصل نصف دينار
علشان يحترمون الناس لان عندهم شعار اهوه (بس ناكل) علشان تكبر بطونهم من افلوس المساكين

حتى لو فيفا خدماتهم مو زيننه خلونا نلغي اشتراك زين و الوطنيه
علشان ننتقم

 

[coooool2]

يجب محاربه شركه زين و الوطنه الي باقوناخلال 15 سنه
خل نحاربهم علشان الشركه تقل ارباحهم و ينزل سعر السهم ويوصل نصف دينار
علشان يحترمون الناس لان عندهم شعار اهوه (بس ناكل) علشان تكبر بطونهم من افلوس المساكين

حتى لو فيفا خدماتهم مو زيننه خلونا نلغي اشتراك زين و الوطنيه
علشان ننتقم

كلام سليم 100%

 

[الهاجري6]

السلام عليكم اخوان الاعضاء



الصراحة شركة فيفا ماقصرت وقدرنا نحجز ارقام بالمجان وارقام حدها قوية ومنه من يبدء 55555 وكان بالمجان


والحين العروض اللي اجبرت شركة زين والوطنية انت تعمل نفس العروض ومنه الاستقبال مجانا

من الارضي والدولي

ولاكن عروض ماراح تنتهي بس لازم شوي نركز وهو قال متحدث باسم الفيفا قال احنا مااراح ننزل ونعلم بالاسعار بس راح نعطي خدمات كثيرة وصحيح واول خدمات وهي الاتصال بعد 5 دقائق ومجانا تصير مكلمة بس بشرط تكون الخطين من شركة فيفا وكذلك مكالمة بالمجان لمدة 3 شهور ولازم بعد من خطين فيفا بس نحمدالله ان شركة سوت شغل وخلت زين تسوي عروض عي خطوطه ومنه تشتري خط 9 دنانير وفيه رصيد 9 وبعد بطاقة تعئبة تحصل مجانا بقيمة 5 دنانير او تاخذ جهاز تلفون

يعني وين العروض قبل وتدرون شركة زين ارباحه كله من دولة وحدة وهي الكويت ام دول ثانية فاتحه فيه ارباح كثيرة

والفيفا شركة الاتصالات السعودية ردت الصاع صاعين يوم نزلت زين بالسعودية بعروض قوية والحين


وصراحة انا من الناس خلاص راح اودع زين واكون مع فيفا ابرك لي
يعني انا حاجز رقم بروح مقارنة بوطنية وزين يسوي الف دنيار وطالع
لانه يبدء 5 خمسات يعني لو وطنية تبدء 5 ستات او زين يبدء 5 تسعات جم يسوي

مهم شركة فيفا تحياتي له صحيح سويت شغل بالسوق الكويتي وانا اعتبر السوق الكويتي من اقوي الاسواق العالمية في مجال الاتصالات النقالة

وتحياتي
الهاجري

 

[abubatoul]

اخوي حفار قبور :
كلام صح 100% وصدموني بهالتسعيرة مع اني دقيت عليهم ايام الحجز وسالتهم بالحرف الواحد :
لما استلم الشريحة راح تاخذون قيمة الخط او اي شي ؟؟
قالوا : ابدا .. كل شي مجاني ..
امانه ............ ومصداقية ...

 

[abubatoul]

شباب اللي يقول انه راح يبيعة بعد سنة غلطان ...
لان ايام الحجز كان في الموقع شروط للحجز ...
منها : يمنع بيع او التنازل عن الخط
ويمنع استخدام الخط من شخص اخر غير اللي باسمه الخط ..
تأكدوا من هالكلام قبل استلام الشريحة ...

 

[خبير الاجل]

استلمت اليوم رساله من شركة زين تقول استقبل المكالمات علي موبايلك في داخل الكويت مجانا! هل تراجعت زين عن قرارها بمجانيه المكالمات من الكويت وخارجها!

 

[abubatoul]

انا قبل ساعة اخذت الشريحة ومادفعت ولافلس وقاعد الحين استخدم الرقم بلاش لمدة 3شهور

والله يا خوي ما ادري انا مارحت .. بس حسب تصريحاتهم في الجرايد وموقعهم كاتبين قيمة الشريحة 15 دينار ...
وحتى في هالصفحة انا قريت ان اكثر من واحد قال انه دفع المبلغ لكن الظاهر اللي استلموا امس كان ابلاش واليوم تغير الوضع لان في اخ كاتب ان امس استلم بدون دفع واليوم راح يستلم الثاني قالوله 15 دينار ..
وعالعموم مبروك عليك وانشاء الله تطلع الشركة مثل ما اتحب .. واحسن

 

[bo a7md]

والله يا خوي ما ادري انا مارحت .. بس حسب تصريحاتهم في الجرايد وموقعهم كاتبين قيمة الشريحة 15 دينار ...
وحتى في هالصفحة انا قريت ان اكثر من واحد قال انه دفع المبلغ لكن الظاهر اللي استلموا امس كان ابلاش واليوم تغير الوضع لان في اخ كاتب ان امس استلم بدون دفع واليوم راح يستلم الثاني قالوله 15 دينار ..
وعالعموم مبروك عليك وانشاء الله تطلع الشركة مثل ما اتحب .. واحسن

اذا تبي خطك بنظام الدفع المسبق تدفع 15دينار وتاخذ شريحه معبأه ب15دينار يعني خطك بلاش اما نظام الفواتير بدون رسوم 0 انا سائل الموظف واكدلي هالكلام0

 

[ولد البورصه]

اذا تبي خطك بنظام الدفع المسبق تدفع 15دينار وتاخذ شريحه معبأه ب15دينار يعني خطك بلاش اما نظام الفواتير بدون رسوم 0 انا سائل الموظف واكدلي هالكلام0

كلام سليم
وهذا ماحصل معاى قبل ساعه
ومادفعت ولا فلس

 

[kappa]

اتمنى ان يستمر الموضوع ..

ولا يغلق

والرجاء الالتزام بالموضوع المتعلق بشركات الاتصالات فقط

 

[دوم خسران]

طالب النائب محمد هايف وزارة المواصلات بـ «تخفيض قيمة مكالمات الهواتف الارضية، والمساهمة في الحد من استغلال العملاء ورفع قيمة المكالمات او اخذ رسوم بدون وجه حق».

وذكر ان «تخفيضات المكالمات الهاتفية التي تمت هذه الايام من جانب شركات الاتصالات يدل دلالة واضحة على تقاعس وزارة المواصلات في الفترة الماضية، حيث كان وزيرها يتحجج بأعذار، سرعان ما كشفتها شركات الاتصالات نفسها».
----------------------------------------------------------------------
----------------------------------------------------------------------
----------أين القسم الذي يقسمه الوزير بالمحافظه على أموال الشعب والذود عن مصالحه ------------الله كريم----------يمهل ولايهمل- سبحانه

 

[abubatoul]

اذا تبي خطك بنظام الدفع المسبق تدفع 15دينار وتاخذ شريحه معبأه ب15دينار يعني خطك بلاش اما نظام الفواتير بدون رسوم 0 انا سائل الموظف واكدلي هالكلام0

شكرا للمعلومة ...
انا كانت حاجز رقم ولغوه مني ..
بس اخوي حاجز خوش رقم وكانه هون وعرضه على .. بصراحة انا متردد لان اشوف ان الاسعار جدا عادية وما فيها مغريات الا اللهم بين خطوط فيفا ...
بس يبقى الفضل الاكبر لفيفا على كل المشتركين في الشركات الثلاث انها فرضت على الكل استقبال المكالمات مجانا بعد ما مصوا جيوبنا عدل مع ان كل الدول تقريبا عندهم هالخدمة من زمان ..

 

[أبومبارك2007]

اذا تبي خطك بنظام الدفع المسبق تدفع 15دينار وتاخذ شريحه معبأه ب15دينار يعني خطك بلاش اما نظام الفواتير بدون رسوم 0 انا سائل الموظف واكدلي هالكلام0

مو صحيح أخوي مع أحترامي لك أنا يوم الخميس مستلم خطي وقالولى فواتير ولازم تدفع 15 دينار وبعدين أخر الشهر نشوف جم عليك وتدفع الفرق الزائد وأحب أزيدك من الشعر بيت عندهم واحد مصري مسؤول عليهم أسمه يامصطفي أو عصام والله نسيت أسمه وكل ماسألوه عن شي قال معرفش معرفش وثلاث أرباع الموظفين اللى داخل أرض المعارض مايعرفون شنو النظام بالضبط كل واحد يعطيك إجابه

 

[AL.MOUSAWI]

اخواني الـ 15 دينار هي قيمة الكرت وبما ان الشركة جديدة فإن الكروت غير متوفرة حاليا بالبقالات والاسواق وانت تريد ان تستخدم الخط اذا تدفع قيمة الكرت 15 دينار وبعد فترة قصيرة جدا سوف تتوفر الكروت في الاسواق والبقالات والجمعيات وذلك لتوفر الموزعين .

مصدر مقرب لي في الشركة افاد ان هناك خدمة جديدة سوف تضاف لاحقا وهي ان تختار اي دولة في العالم ( دولة واحدة فقط ) وتصبح مكالمتك لها كأنها مكالمة داخلية .....يعني تكلم لندن الدقيقة 38فلس ...يا بلاش...وسلملي على البيكادللي...والطرف الأغر...

 

[chart-man]

فيفا وبس

يكفي انها راعت الزبون في بدايتها وخلت استقبال المكالمات من الخارج والداخل ببلاش وسوت شي لا زين ولا الوطنيه سووه لنا وكانو يتحججون بان هناك اشكاليه من وزارة المواصلات
فيفا وبس
يكفي انهم شغلوا خدمة الشبكة الواحده بينا وبين السعوديه بسعر المكالمه المحليه
وشركة زين اللي مبلشه في السعوديه قبل فيفا للحين تتحجج

على الرغم من ان الرقم اللي استلمته من فيفا عادي الا اني اتسائل ماذا قدمت لي زين عندما كان خطي ذهبي عندهم
و اوضح العوضي في رده عمن يتحمل كلفة المكالمة الارضية اذا كانت مجانية لمشتركي ڤيڤا قائلا : ان صاحب الهاتف الارضي يسدد اشتراكا سنويا يغطي التكلفة . و علق الدويش في معرض رده على احدى الصحافيات و هي تستفسر لماذا كان المستهلك الكويتي يدفع امواله طوال السنوات الماضية بالقول : اسئلوا الكويتيين؟ .




ودااااااااااااااااااااعا زين

 

[الفاتح]

«المواصلات» تلتقي شركات الاتصالات لإقرار تخفيض أسعار المكالمات






كتب طه أمين: اجتماع يجمع وزارة المواصلات مع شركات الاتصالات الثلاث في الكويت زين والوطنية وفيفا، هدفه «تنظيم سوق العمل، وخلق اجواء تنافسية شريفة لمصلحة المستهلك والمستثمر».

واوضح وكيل الوزارة عبدالمحسن المزيدي لـ «الوطن»، ان «الاجتماع يتناول تخفيض اسعار المكالمات ومزايا جديدة»، لافتا الى ان هناك «اهتماما كبيرا بتنفيذ مشروع انشاء هيئة الاتصالات الذي سيعرض على جدول مجلس الامة في مارس المقبل».

وقال المزيدي ان «تخفيضات الاتصالات الحالية ماهي الا حصيلة اجتماعات عقدها وزير المواصلات عبدالرحمن الغنيم مع شركات الاتصالات على مدى شهرين».


وزارة المواصلات تبي تنظم العمل ؟؟؟؟؟؟؟؟؟؟؟؟؟؟؟؟؟

شنو الهدف توحيد الاسعار واللعب على الخدمات المتشابهة

الحين ماتضبط معاكم يازين عليكم قروض مليارية والمنافس الجديد توه شباب

وزارة المواصلات بدال ماتنزل الاسعار تبي توحدها بين الشركات لا حول ولا قوة الى بالله

 

[baselko]

استلمت اليوم رساله من شركة زين تقول استقبل المكالمات علي موبايلك في داخل الكويت مجانا! هل تراجعت زين عن قرارها بمجانيه المكالمات من الكويت وخارجها!

صحيح كلامك انا بعد وصلت لي نفس الرساله

 

[ربحت]

أنا اقول طلعي منها يامواصلات

عقب ماخليتي القرعه ترعه وكانت الوزاره تشوف شركات الاتصالات تنهش وتاكل فلوس البشر توها الحين وزارة المواصلات تصحى وتبى تنظم الاسعار..؟؟!!!!!


انا اقول روحو كملو نومتكم بالعسل,,,ونقول بصوت واحد نعم لحرق الاسعار "وعاشت فيفا "

 

[شاطى الراحة]

الله يهديك مشاركتك غريبة
من الحين لمدة ثلاث شهور الاتصال من خط فيفا لفيفا اخر مجان
وبعد ثلاث شهور اول خمس دقايق يحسب عليك وبعدها الدقايق مجانية

الاعلانات تارسة الكويت
وحتى عجايزنا اللي ما يعرفون يقرون ولا يكتبون عارفين هالشي

ودق عليهم وشوف

والله المفروض نكالا بالحرامية شين والوطنية اللي ما يستحون مصوا دم الكويتيين مص الله لا يوفقهم
جونا رجال مملكة الخير السعودية وجانا الخير معاهم

شين قبل فترة كانت المكالمات بين كل الدول اللي توجد فيها زين بالتعرفة المحلية للدوله الاااااااااااااااا الكويت ويقولون العيب مو مننا من وزارة المواصلاة

والحين فيفا اول ما اشتغلت اعلنت ان الخطوط بين الكويت والسعودية بالتعرفة المحلية

حولوا يا شباب
تجارنا وسخين وما يستاهلون وطماعين وحسودين
الله لا يوفقهم

كلام عين العقل والمنطق انا بصراحة اشك فى كل من يمتدح

زين والوطنية 000فيفا يكفيها فخرا انها الغت اظطهاد الشركات للمكالمة
الارضية واستقبال المكالمات الدولية ويكفيها فخرا انها تخليك تستقبل جميع مكالماتك مجانا وتتصل على اى مبايل من تيلفون بيتك او مكتبك يرد عليك
فورا الله يعزها ويلعن زين ستين الف مرة 000000000000

الله يهديك مشاركتك غريبة !! ما ادري الاخ شنو تقصد بمشاركتي غريبة انت متابع لكل مشاركتي ؟؟

كلام عين العقل والمنطق انا بصراحة اشك فى كل من يمتدح !!

ماادري هم الاخ يشك اني جاسوس او عميل حق الوطنية او زين كلهم حراميه !! بس كنت اقصد في كلامي حق اللي يفهم ان فيفا قاعدة تضحك على الشعب الكويتي بل الاعلانات
( لا رسوم بعد اليوم ) وين هل الكلام ؟؟ من الواقع ؟