شركة الاتصالات المتنقلة - ش.م.ك (زين) ...8

[mishmish]

السلام عليكم يااخوان متى التوزيعه للي يبي يستلم الارباح وشكرا

 

[rahaly]

السلام عليكم

ربحية زين زينة بس لا نستعجل خل نشوف البيانات وشكثر حصة الكويت من الربحية

ورجاء للي يبي يستثمر لا ياخذ أي قرار الآن وينطر بيانات الربع الأول

اتوقع يصعد السهم هاليومين بسبب خبر الارباح لان الناس كانوا متشككين في الارباح .... اما بعدها ما يندرى

وماكو خردة عشان ننطر الربع الاول يا جعبر

 

[AboNader]

اتوقع يصعد السهم هاليومين بسبب خبر الارباح لان الناس كانوا متشككين في الارباح .... اما بعدها ما يندرى

وماكو خردة عشان ننطر الربع الاول يا جعبر

حتى لو صعد يظل سهم (شين) شين وخلك يارحالي مضارب (عنفواني) و (حديدي) يعني اضرب واهرب ان كنت مضارب وان كنت مستثمر فانطر على السهم بعدمايتفسخ

 

[enzoo]

لو سمحتو ممكن احد ينورني السهم راح يتفسخ ولا لا ؟؟؟

 

[بوحسين11]

لحد يشد حيله وايد 200 مليون دولار خسائر نتيجة فرق العملة

 

[Seven]

لحد يشد حيله وايد 200 مليون دولار خسائر نتيجة فرق العملة

اف اف اف مو خوش خبر ::verymad::

 

[rahaly]

لحد يشد حيله وايد 200 مليون دولار خسائر نتيجة فرق العملة

ياخوي منين تجيبون هالكلام !!!!!!!!!!!!!!!!!!!!!!!!!!!!!!!!!!!!!!!!!!!!!!!!!


الشركة اعلنت رسميا تحقيق 322 مليون ارباح و88 ربحية السهم وراح يوزعون 50 فلس


منين طلعت الخسارة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Del Piero]

اايدك شقيقي رحالي كلامك عدل مدل

الخبر أصدق أنباء من الكتب ... في حده الحد بين الحقيقة والكذب

 

[rahaly]

العهدة على المحلل .... تاكيد الشراء

 

[ostath]

الا ليت ال4500 تعود يوما لأخبرها ماذا فعل ال630فلسو

 

[q8_oil]

يعني الحين لو الواحد يشتري يستلم الأرباح عدل ؟

 

[mohtt]

السهم ماراح يتفسخ انا سامع لانه ماكو منحه اسهم فقط نقدي

 

[mahmuz]

يعني الحين لو الواحد يشتري يستلم الأرباح عدل ؟

عدل - اللي عنده أسهم يحقه له 50 فلس عن كل سهم حتى تاريخ انعقاد الجمعية العمومية واللي راح تكون موعدها خلال شهر مارس.

 

[BaskooT]

شباب الله لا يهينكم .. ممكن احد يعطيني نظرته للسهم ؟!!

لي وين يبي يوصل تقريبا !؟؟

 

[rahaly]

شباب الله لا يهينكم .. ممكن احد يعطيني نظرته للسهم ؟!!

لي وين يبي يوصل تقريبا !؟؟

هذا السؤال الصعب هالايام

موفق

 

[قناص2009]

اشتريت سهم زين فى 22-2 وبعته اليوم هل لى الحق فى الارباح ؟

ياجماعه اشتريت سهم زين فى 22-2 وبعته اليوم هل يحق لى ارباح ؟ وجزاكم الله خير

 

[BaskooT]

هذا السؤال الصعب هالايام

موفق

يعطيك العافيه رحالي على ردك ..

السهم صعب انك تتوقع وين راح يوصل

يصعد 810 .. وينزل 660 .. وماتدري .. هل يصعد فوق الــ 810 .. علشان تبيع ..

او تبيع على الــ 810 ؟!؟! ..

وتعقدنا مع هالحسبه هههههههههه

 

[BaskooT]

ياجماعه اشتريت سهم زين فى 22-2 وبعته اليوم هل يحق لى ارباح ؟ وجزاكم الله خير

عزيزي ..

اتوقع لازم تكون الاسهم عندك لين انعقاد الجمعية العمومية ..

بعدها يحق لك بالارباح

 

[Abu 3ali]

متى الجميعة العمومية؟

 

[نواف الدريع]

منو عنده خبر

متى الجميعة العمومية؟