شركة المشروعات الكبري العقارية ش.م.ك.م ( جراند ) ..... 10

[دوم خسران]

جزاك الله خير وعساك على القوة



نبي واحد من الشباب اللي سأل عن بنروغلف ليش ما يوقفون الزيادة ويعطونة فلوسنا أحسن.

النفيسي وينادونه(بوفهد) كان يركز كثيرا على نجاحاته في بتر جلف وكيف رفع أصولها من 26مليون والان تساوي 400مليون بمجهوده الشخصي ودون منيه ومساعدة أي طرف
وقال عرض عليهم شراء 51%من بتروجلف ولكن بوبدر(سامي ) قال لو يعطوني دينارين ما أوافق واذا يبون 10% أو أقل لامانع لديه
وقال بأن سهم بترو جلف مظلوم جدا بهذه الاسعار الحاليه

 

[navy_q8]

النفيسي وينادونه(بوفهد) كان يركز كثيرا على نجاحاته في بتر جلف وكيف رفع أصولها من 26مليون والان تساوي 400مليون بمجهوده الشخصي ودون منيه ومساعدة أي طرف
وقال عرض عليهم شراء 51%من بتروجلف ولكن بوبدر(سامي ) قال لو يعطوني دينارين ما أوافق واذا يبون 10% أو أقل لامانع لديه
وقال بأن سهم بترو جلف مظلوم جدا بهذه الاسعار الحاليه(فعلا أنا أأيد هالكلام بأن سعر السهم جدا رخيص)

هذا الكلام مأخوذ خيره لأن غراند باعت 5 % على سعر 560 فلس وكان البترو محملا بالأرباح وحتى هذه اللحظة لم نجد هذه النسبة بإفصاحات البورصة للشركة السعودية السؤال ليش ما باعوها دينار كما يقول؟

 

[kuwait1979]

< جراند >

والله يا اخوان كلام النفيسي مايطمن
واحساسي ان السهم راح يعلن خسائر غير محققه .

لكن ان شاء الله ماتكون الخسائر ثقيله لان اذا كانت هنالك
خسائر ثقيله سوف نرى قاع جديد للسهم .

ملاحظه :

الدعم : 71 فلس .
مقاومه : 75 فلس .

.​

 

[kuwait1979]

توقعي الشخصي ان السهم راح يلعب بين
هالارقام : 71 فلس - 75 فلس .
وبعد اعلان الارباح - اذا فيه ارباح راح يرتفع السهم
او اذا اعلن خسائر راح يروح ويكسر الــ 71 فلس
ويدخل في غيابة الجب

.​

 

[qbxbx]

يوم سألنا قال هذا الامر ماطاف السودانيين قالو ابنو البنية التحتيه بالاول وبعدين تبيعون المشروع


والنفيسي يقول المشكله احنا مادفعنا من قيمة الارض الا مبلغ بسيط جدا

ونبي من يساعدنا على المشروع والامر يبيله طوله بال لادخال شركاء في المشروع وحاليا مافي


الامر صعب ( القروب كله تعبان وفعلا مافي سيوله كان اقول حق النفيسي ليش شريتو اسهم السياحية سكت شوي وماتكلم وبعدها وقال ماندري ان الوضع والسيوله بتنقص علينا وسامي البدر اهو اللي كان له توجه بشراء السياحية واظاهر العبو عليه ؟! وخسر فيها لان الشركه ماتملك اصول ولا شي

وبالنسبة لبتروجولف ما ركزت وياه في شباب اسئلون عنها واما عن المجموعة الدولية ضايعه بالطوشه :0

مشكور على التوضيح
بس عندي سؤال ثاني يقولون السيوله ما ادعموا فيها السهم يبونها حق المشاريع والحين يقول الحبيب ما ادفعوا مبلغ الارض كامل ويبون احد يساعدهم

والله كلامهم يذكرني فيه ( الافلوس عند العروس والعروس تبي اعيال ......الخ ):d:d

 

[kuwait1979]

ياجماعه ودكم يقولون بيزيدون راس مال جراند .
عشان يمولون مشاريعهم ويصير عندهم سيوله .
بس مشكله لازم يرفعون السهم فوق الــ
100 فلس

عشان تفكر الناس انها تدخل معاهم .

.

 

[ابوعامر]

اغلاقه فوق 75 بكره بداية الخير

 

[سوق المناخ]

يوم سألنا قال هذا الامر ماطاف السودانيين قالو ابنو البنية التحتيه بالاول وبعدين تبيعون المشروع


والنفيسي يقول المشكله احنا مادفعنا من قيمة الارض الا مبلغ بسيط جدا

ونبي من يساعدنا على المشروع والامر يبيله طوله بال لادخال شركاء في المشروع وحاليا مافي


الامر صعب ( القروب كله تعبان وفعلا مافي سيوله كان اقول حق النفيسي ليش شريتو اسهم السياحية سكت شوي وماتكلم وبعدها وقال ماندري ان الوضع والسيوله بتنقص علينا وسامي البدر اهو اللي كان له توجه بشراء السياحية واظاهر العبو عليه ؟! وخسر فيها لان الشركه ماتملك اصول ولا شي

وبالنسبة لبتروجولف ما ركزت وياه في شباب اسئلون عنها واما عن المجموعة الدولية ضايعه بالطوشه :0

يعني دافعين خمسين دينار
حسبي الله عليهم ما طلعنا بزبده

 

[دوم خسران]

واحد من الموجودين سأله لماذا لا تشترون 10% لان سهمكم رخيص(((وبالعلامه قاله سهمين جراند تساوي علكة إكسترا)) قال مافي سيوله عندنا ----- ورد عليه بسؤال ثاني أين محافظكم جوابه كان ما عندنا محافظ ولانتعامل مع أحد عندنا محفظه تديرها المجموعه د وشاريه فيها أسهم بالعالي والان سعرهم طايح ؟؟؟؟؟؟؟؟؟؟؟؟؟؟؟؟؟؟؟ وقال ماتقدر تبيع هالاسهم وقال عالاقل خسارتنا تكون دفتريه ولا تكون حقيقيه ؟؟؟؟؟؟

 

[ضحية المخازن]

كان الحضور اكثر من 30 شخص وحشروا جمال النفيسي بالاسئلة اكثر من ساعتين والخلاصة اللي طلعنا منها :
1- بالنسبه لسعر السهم لايتدخلون فيه ولا يعرفون منو اللي يبيع او اللي يشتري بس يقول احتمال ان المعروض يكون من الاجل.
2- سأله احد الاخوان عن قاع السهم فأجاب بعدم علمه .
3- سألوه الا تخاف ان يتم الاستحواذ على الشركه من قبل اشخاص اخرين وخصوصا انه يتطلب 85 مليون سهم ليكون له النصيب الاكبر فأجاب محد يقدر يستحوذ ويملك هذه الكميه ولو فعل لوصل سعر السهم الي دينار.
4- لا يملكون السيولة لدعم السهم
5- سأله احد الاخوان انتم تتعمدون خسارة المساهمين والدليل عندما قمتم بنفي الخبر المنشور بالجريدة عن بيع ارض بمصر وارسلتم فاكس للبورصة الساعة 8.30 اي قبل التداول ولو كنتم لم ترسلوا الفاكس لتم توقيف السهم ويحافظ على سعره بدلا من الانهيار الحاصل.
6- سألوه عن سالفة فاطمه بنت حوحو ، فأجاب انه سمع وقرأ هذه الاشاعة ولا يعلم مدى صحتها وهذه امور شخصية لا يتدخل بها وليس لها علاقة بالسهم.
7- غير صحيح ان الشركة مفلسه وهي تملك اصول بملايين الدنانير ولو كنا فلسنا ماشاركنا بالمعرض هل استلفنا فلوس عشان نشارك.
8- سيكون هناك مؤتمر صحفي يتحدثون فيه عن مشاريع جراند خلال الاسبوع القادم بعد عودة وفدهم من الخارج.
9- سيبدأون بيع بعض المشاريع الاسبوع القادم.

 

[ضحية المخازن]

اكثر شخص كان يلح بالاسئلة وامطر النفيسي بالاسئلة هو صاحب القميص الاحمر

 

[kuwait1979]

الصراحه بوقميص احمر شكله خسران بجراند لي الستار .
الله يعوضه ويعوضنا خير .

.

 

[holding]

يا مساهمي جراند تحلوو بالصبر تري فعايلكم تأثر نفسيا علي باقي المساهمين المهم في الشركه أنها غير مفلسه وعندها أصول والسعر مغري يعني وقت للأزمه وتنتهي علي خير .

وأحب أذكركم بالدوليه للمشروعات الاستثماريه في 97 لما كالوا بصفونها ووصل السعر ل55فلس دخلنا علي السهم بثقه وسالفه أفلاسها ما يدش الراس والي يبي الفوق يغامر المهم بعد ما وقفوا الشركه عنةالتداول ردت مره ثانيه ووصل سعرها ل850فلس .

الفرص تأتي نادرا وهذي فرصه مولنا لأكبر منا .

 

[ضحية المخازن]

والله اللي قاعد يصير ضحك على الذقون

صار لهم فتره يعرضون اكثر من 5 مليون بالحد الادني ومولاقين شرايه فشنو سووا امس اهم اشرتوا ورفعوا السهم ولما الناس دشت بدأو يقطون
والسيناريو راح يتكرر مع المجموعة

 

[frozen]

الله يعين ملاك السهم اللي قاعد يصيير مهزله

 

[BO-MUBARAK]

والله بالنسبة ل ابو قميص احمر انا اشوف انه اهو اللي خرب على الشباب كانو يتكلمون ويسئلون بهدوء وكان من الممكن الاستفاده
لكن كل ما اسئلو مثل ابومشعل مادري منو بس كان صج ممكن نطلع بنتيجه لكن كل شوي الاخ ابو قميص احمر يقطع عليه الاسئله ويخرب الاجابات ويشتت الشباب لدرجه انه بعضهم مشى للاسف

 

[kuwait1979]

شكلنا دخلنا بالنفق المظلم
اغلاق اليوم : 70 فلس .
الان لاينفع تحليل مع السهم .
الحين السهم تحت رحمة رب العالمين .

خلاص التحليل كان معانا لغاية الـــ 71 فلس .
لكن الحين مثل المريض اللي ايسوا من حالته
وشالوا عنه جميع اجهزة التنفس الصناعي بعد موافقة
ولي امره وخلوه تحت رحمة رب العالمين .


ياساتر استر ..... .

.​

 

[holding]

ليش التشائم خلوا أمل في قلوبكم لاتنسون المجموعه الدوليه كانت 90 فلس في 1997 ووصلت لفوق 880فلس .

 

[kuwait1979]

اخوي حشا والله ماهو تشاءم ... كثر ماهو واقع .
الشعيب قالها بصريح العباره ان السهم راح يتفاعل
مع المشاريع الضخمه اللي راح نعلن عنها بالمعرض
وشفت وسمعت ان ماكو الا العافيه .

ومن ناحية التحليل الفني خلاص الشارت وقف عند
الـــــ 71 فلس وقال كافي هذا حدي مع الخطوط .

وصح كلامك ان المجموعه كانت ... وصارت بس بعد 8 سنوات
انا اقدر اعطيك جم سهم بالسوق الامريكي اسعارهم بالسنتات
ويمكن باقل من شهر يصعد لي عشرة دولارات .

المشكله الثقه ياخوي وتوزيعات السهم يعني انت تتوقع سهم
قيمته 70 فلس راح يوزع ارباح ولا راح يعلن خسائر ؟

هنيه مربط الفرس - ماتشوف الاخوان شلون زعلانين ومتضايقين .

شباب اذا كلامي صح قولوا صح - واذا غلط عدلولي رجاء .
ااااااااانبطت جبددددددددددددي .

.​

 

[ابن الوليد78]

عين العقل