الاتصالات الكويتية(الاتصالات الثالثة) ..3

[umopdn]

بصراحه مانقص منا وايد
بس يمكن جهلنا بالقانون هذا اهو اللي ضايقنا
والا احنا كلنا متوقعين ان يتم تغطيه الاكتتاب بالكامل وندري انه راح يكون اكثر من الضعف
لكن يالله الحمد لله خذوا منا حبه وعطوا اخوانا حبتين
"" الله يعين اللي شروا بطاقات"" اهم اكثر المتضررين

 

[بو مريم]

السلام عليكم

القانون واضح التساوي بالتوزيع بين بو 1000 وبو 500 هذا هوو العدل

يا جماعه لا تنسوووووووووووووووون كلنا كويتيين الله لا يفرقنا ويعز حكومتنا وديرتنا


لما يكونوون متساوين يتراوالي احسن : اولا القانون ينص علي التساوي

ثانيا : مو شئ 155 لخوانا اللي اكتتبو بــــ 500 شنووو هي طراره ؟


تحياتي

 

[q8_133]

نحن نحترم القانون .وهذا عين الصواب .

الله لهم ارزقني ورزق غيري

والحمدلله علي كل حال . انا مقطي بألف بس يلي يقرونه نعمه من رب العالمين .

بس حسد خلاص .

 

[بوالعيس بيك]

السلام عليكم

السلام عليكم

القانون واضح التساوي بالتوزيع بين بو 1000 وبو 500 هذا هوو العدل

يا جماعه لا تنسوووووووووووووووون كلنا كويتيين الله لا يفرقنا ويعز حكومتنا وديرتنا


لما يكونوون متساوين يتراوالي احسن : اولا القانون ينص علي التساوي

ثانيا : مو شئ 155 لخوانا اللي اكتتبو بــــ 500 شنووو هي طراره ؟


تحياتي

ياخوي ندري كلنا كويتيين والله يعز حكومتنا ان شالله ..بس ليش ماسوو

مع السور للوقود جذي ومع الأولي للوقود وبنك بوبيان وغيره من الشركات

شمعنه هاذي اللي بالتساوي؟
احنا مومعترضين بس نبي نفهم ليش كل شي عالمزاج؟

ياعمي حده بطيخ..

 

[حطوير]

هي ما فيها حسد فيها رؤيه بعيده
دام هم ما يبون شرائح ليش اقروها من البدايه
ليش هالتخبط
ومافيه مجال للحسد
الي اكتتب بالف والي اكتتب ب 500

ولو ان التوزيعه الي اقرت غير مرضيه 297 للالف
155 لل 500
ولكن افضل حال من التساوي لان العدل هنا انتفي
وتجي مصلحة تجار البطاقات

 

[بوالعيس بيك]

السلام عليكم

متي أصير تاجر عشان كل شي يصير لمصلحتي.

 

[rakan_yes]

الله يعين

وانا مثل ماقلت الله يستر من هالشركه

الي اول مره تصير بتاريخ الاكتتبات بالكويت

شكره محاااااااااربه
في الطرح
والاكتتاب
والتخصيص
الله يستر من الادراج وطريقى الدمج

كدينا خير
كرهونا في هالشركه

والاخ في كل غبقه يصرح

من دش هالبااب واحنا مو بخير بصرااحه


الي قال عنا

جعلهم من هالحال واردى

اعتقد تعرفوونه



اخوكم
ابورااشد

 

[(فزاع)]

ياخوي ندري كلنا كويتيين والله يعز حكومتنا ان شالله ..بس ليش ماسوو

مع السور للوقود جذي ومع الأولي للوقود وبنك بوبيان وغيره من الشركات

شمعنه هاذي اللي بالتساوي؟
احنا مومعترضين بس نبي نفهم ليش كل شي عالمزاج؟

ياعمي حده بطيخ..

لو اقروا التساوي ..
انا اول احد ارفع قضيه ..!
نشرة الاكتتاب تقول ان التوزيع يكون بنسبه .. ما اشوف كلمة تساوي ..
اللي جمد 100 دينار .. مثل اللي جمد 50 دينار لمدة شهر كامله ..؟
عيل اذا كانوا متساوين .. ليش يسون شريحتين ..؟ ​

 

[rakan_yes]

خذني معاك للمحكمه لاتنساني

اخوك
ابورااشد

 

[الطراروه]

بصراحه مانقص منا وايد
بس يمكن جهلنا بالقانون هذا اهو اللي ضايقنا
والا احنا كلنا متوقعين ان يتم تغطيه الاكتتاب بالكامل وندري انه راح يكون اكثر من الضعف
لكن يالله الحمد لله خذوا منا حبه وعطوا اخوانا حبتين
"" الله يعين اللي شروا بطاقات"" اهم اكثر المتضررين

ما نقص منك وايد لينه شريحه بو 500 اشويه ولا تعبر شي عن ابو 1000
الله يرزقنا ويرزقهم ونشوف تالي الشركه لي وين تودينا

 

[falahalajmi]

يا اخوان مساءكم الله بالخير
لا احد يستعجل على البيع
امس سمعت من مندوب احد الاقطاب انه يشتري على (1) دينار بشرط ان تكون مدموجة لشخص واحد فالخبر الحين بفلوس وبكرة بلاش وسا وافيكم باي جديد

 

[anw-exchange]

والله ماتسوى محاكم كلها فرق 20 سهم وخل بو 500 يستفيد

 

[جوكوزال]

متى تنتهي هالسالفه ويعطونا الزبده ويرجعون باجي فلوسنا ويوزعون الشهادات

 

[العتيبي 2]

يالربع والله قانون التساوي من صالح الشعب

سواء هالشركه او الشركات اللى يبون ينزلونها قريب

وتخيلوا ان عدد اسهم شركه الاتصالات 900 مليون

وشرايح الاكتتاب من 1000 الى 5000

ومافي اولويه للصغار المكتتبين شنو راح يصير

راح يا كلونا التجار لانهم راح يغطون بالحد الاعلى

وماراح يستفيد المواطن البسيط

فأحمدوا ربكم ان في ناس تدافع عندكم


ومع العلم وربي اني مغطي بشريحة 1000

 

[SAM7]

لو اقروا التساوي ..
انا اول احد ارفع قضيه ..!
نشرة الاكتتاب تقول ان التوزيع يكون بنسبه .. ما اشوف كلمة تساوي ..
اللي جمد 100 دينار .. مثل اللي جمد 50 دينار لمدة شهر كامله ..؟
عيل اذا كانوا متساوين .. ليش يسون شريحتين ..؟ ​

وأنا وياك بعد ، شنو هالفوضة ، العقد شريعة المتعاقدين وبعدين الأعضاء إذا فيهم خير خل يلغون بيع البطاقات المدنية .

 

[بوسعود66666]

اللى بيرفع قضيه انا معاكم
شنو هالمصخره هذى
انا اقوول السالفه مو حسد بس هذا ظلم وتخبط من الحكومه

 

[ابوعبدالرحمن 79]

لمن اكتتب بالحد الأدنى تم تخصيص عدد 155 سهم للبطاقة الواحدة


التخصيص 155 سهم/ مبلغ الأسهم 16.275 / الفائض في البنك 36.225

ولمن إكتتب بالحد الأعلى تم تخصيص عدد 297 سهم للبطاقة الواحدة

التخصيص 297 / مبلغ الأسهم 31.185 / الفائض في البنك 73.815


أما لمن اكتتب بأكثر من بطاقة ولمعرفة الفائض في البنك يتبع الخطوة التالية



إجمالي عدد الاسهم المخصصة (ضرب) 0.105 فلس =إجمالي مبلغ الأسهم المخصصة

ثم

إجمالي المبلغ المكتتب به (يطرح) من إجمالي مبلغ الأسهم المخصصة =

الفائض في البنك

كمثال

طلب الإكتتاب به 6 أشخاص وإجمالي المبلغ المكتتب به 630 دينار

تم تخصيص عدد 1782 سهم (ضرب) 0.105 فلس = 187.110

(وهو إجمالي مبلغ الأسهم المخصصة)

ثم

630 دينار (يطرح منها) 187.110 = 442.890

(وهو المبلغ الفائض في البنك)


وللتأكيد من أن العملية الحسابية التي قمت بها صحيحة

قم بالخطوة التالية

إجمالي مبلغ الأسهم المخصصة + المبلغ الفائض في البنك =

إجمالي المبلغ المكتتب به

كمثال

187.110 + 442.890 = 630 دينار كويتي (وهو اجمالي المبلغ اللي تم تغطيته في الطلب كما هو مبين اعلاه)


ودمتم

يعطيك العافيه اخوي بس الحسبه مالتك غلط المفروض اتحسب السهم 100. فلس الخمسه فلوس مالت اصدار مو اسهم يعني اتحسبها 100. فلس واللي اكتتب ب 52.5 اتحسبها نفس الشي يعني خذو منك 15.5 واللي سهمها 297 اتحسبها 29.7 د.ك ودمتم

 

[(فزاع)]

عدل كلامكم ..
السالفه مو سالفة عشرين ولا اربعين سهم زياده ..!

السالفه اذا كان عندك عدد اكبير من البطايق .. ومجمد الآلاف الدنانير ..
حالك مثل حال اللي جمد نصف مبلغك ..؟

طيب اذا كان حالي مثل حاله ..؟ ليش يقولون شريحتين ..؟
قانون التجاره يقول في اول بنوده ، العقد شريعة المتعاقدين ..

انتوا قلتوا جذي من البدايه ..؟
خلاص نمشي معاكم بسالفة الشرايح للنهايه .. شنو اهو لعب يهال ..؟
كل يوم لهم قرار ..

 

[falahalajmi]

الاتصالات الثالثة على دينار

ياجماعة سمعنا من مندوب احد الاقطاب انه يشتري على دينار وسا تابع الخبر واتيكم بالتفاصيل انشاء الله بس يسترط ان تكون مدموجة باسم شخص واحد

 

[بوسعود66666]

ياجماعة سمعنا من مندوب احد الاقطاب انه يشتري على دينار وسا تابع الخبر واتيكم بالتفاصيل انشاء الله بس يسترط ان تكون مدموجة باسم شخص واحد

انا اول واحد راح ابيع
وعطنا اخر الاخبار