شركة الصفاة للإستثمار ش.م.ك مقفلة ( الصفاة ) ... 3

[1st choice]

بسكم تشاؤم ... الشركة تعتبر من افضل الشركات اللى بالسوق
وكل هالكلام راح يتغير بعد اجازة العيد
يعنى اكثر من الريال طلع وصرح انكم راح تشوفون مشاريع وارباح طيبه
وفند لكم الكثير من الاشاعات اللى طلعت عن الشركة ​

 

[UNIX]

أول كله تمدحهم ؟؟؟؟؟؟؟؟؟ !!!!!!!!!!!!!!!!!!!!!!! .

مشاء الله يوم السهم كان يطمر ويروح الدينار وغيره الكل اى والله شركه اي والله ناسها محترمين ويشتغلون واستثماراتها ناجحه ووكاله يقولون بالمخبه ..... ويوم هبد السهم للقاع بدا التناقض وتغيرر مسار الكلمه وكره السهم ههههههههه بشر سبحان الله .... بس علي فكره ان شا ءالله وبعون الله السهم بيرد لمستويات طيبه ومحترمه جدا جدا جدا ان شاء الله . ان الله مع الصابرين ان صبروا

كيفاني هذا طبع البشر هههه الله يعطيني عمي واللى مايعطيني مايهمني ههههههههههههه

الحي يقلب!!!!!!!!!!!!

بسكم تشاؤم ... الشركة تعتبر من افضل الشركات اللى بالسوق
وكل هالكلام راح يتغير بعد اجازة العيد
يعنى اكثر من الريال طلع وصرح انكم راح تشوفون مشاريع وارباح طيبه
وفند لكم الكثير من الاشاعات اللى طلعت عن الشركة ​

ليش مو كل واحد فيكم يقوم يهز طوله و يحلل البيانات المالية؟؟ كاهي موجودة.

و بطلوا شغل الحريم، احنا نتكلم وفق بيانات مالية، و محد ذم السهم و لا قلت لكم بيعوا و لا قلت لكم اشتروا،، كل اللي سويته اني اقتبست بعض الملاحظات الهامة و بالدليل القاطع. و اذا السهم بيصعد أو بينزل الله معاه أنا ما يبت طاري سعره.

 

[المرزوق]

الحريم اللى انت تجالسهم ويجالسونك واظن ماخذ منهم شغل التحذف من بعيد .... يونكس خل اسلوبك انظف من جذى وخلك مثل اللقب مالك مميز ههههههههه , وهالكلام منت مقصود فيه ليش شكيت بنفسك؟؟؟ ان الكلام موجه لك ؟؟
واللي علي راسه بطحه

 

[بونور2]

نظره للتفاؤل

اصول الشركه 341.9 م دك تتشكل من استثمارات متعدده (نشيل منهم 10 م دك معدات). الاستثمارات الغير مسعره 45.3 م دك (يعني 13% من اجمالي الاستثمار) و الشركه ابلغت عن ربح تقريبا 900 الف دينار من هذا الاستثمار

مقياس اداء مطلوبات اي شركه يحسب ب تقسيم اجمالي المطلوبات على حقوق الملكيه: بالنسبه للصفاة الناتج 0.54 و هذا ممتاز بالنسبه لشركه بمجال الاستثمار

الارباح المحققه تشكل 75% من اجمالي الارادات و هذا دليل ان الشركه غالب ارباحها تشغيليه و البورصه مو مصدر اساسي للرزق

السهم لا زال في ترند صاعد و نسبه فيبوناشي 61.8% داعمه السهم............احتمال (ما ني محلل فني) السهم انها موجه 1 و احنا في نهايت موجه 2 هذا اذا السهم ما كسر الاسعار الحاليه بقوه

كسر 450 فلس يكون في اهداف فووووق و ان شاء تحقق

 

[المرزوق]

تسلم بونور جزاك الله خير ان شاء الله

 

[UNIX]

نظره للتفاؤل

اصول الشركه 341.9 م دك تتشكل من استثمارات متعدده (نشيل منهم 10 م دك معدات). الاستثمارات الغير مسعره 45.3 م دك (يعني 13% من اجمالي الاستثمار) و الشركه ابلغت عن ربح تقريبا 900 الف دينار من هذا الاستثمار

مقياس اداء مطلوبات اي شركه يحسب ب تقسيم اجمالي المطلوبات على حقوق الملكيه: بالنسبه للصفاة الناتج 0.54 و هذا ممتاز بالنسبه لشركه بمجال الاستثمار

الارباح المحققه تشكل 75% من اجمالي الارادات و هذا دليل ان الشركه غالب ارباحها تشغيليه و البورصه مو مصدر اساسي للرزق

السهم لا زال في ترند صاعد و نسبه فيبوناشي 61.8% داعمه السهم............احتمال (ما ني محلل فني) السهم انها موجه 1 و احنا في نهايت موجه 2 هذا اذا السهم ما كسر الاسعار الحاليه بقوه

كسر 450 فلس يكون في اهداف فووووق و ان شاء تحقق

عيد قراءة البيانات المالية،، و اذا تبي تعرف مصادر دخل الشركة، المفروض تشوف قائمة الدخل و قائمة التدفقات النقدية مو المركز المالي.

أكثر ايرادات الشركة من البورصة.

أصول الشركة 341 مليون؟

56 مليون = وديعة

106 مليون = 64 مليون اسهم بالبورصة و 42 مليون أسهم غير مسعرة (القدرة القابضة)

87 مليون = استثمارات متاحة للبيع (ملكية الصفاة بالصفوة و قيمة القدرة القابضة الدفترية)

23 مليون = ملكية الصفاة بالصفاة العقارية حيث اصولها تدمج بالصفاة، و ملكية الصفاة بشركتين غير مدرجتين (الضاعن و المركز الطبي)

أخوي افحص جودة أصول الشركة، مع العلم انك تقدر تضخم الأصول بالسااااهل

 

[UNIX]

نسيت أقول شي،،، أنا ما ذميت بالشركة،، انا بس قاعد أقول حق أخوي بو فيصل شنو موجود بالبيانات المالية على حسب طلبه، و لا أنا ما أحلل حق المنتدى من أساسه.

أنا و ميكانيكي و ماستر ليو بطلنا نحلل، بس شغل خفايف و على حسب طلب الناس العزيزين على قلوبنا

 

[مضارب شجاع]

اخوى unix انت تعرف ان هناك دائما أشخاص لا يريدون ان يعرفون الحقيقه، وبعض المرات الحقيقه تزعل بعض الاشخاص ، لانها قد تكون حقيقة مره .

 

[kaifani]

نسيت أقول شي،،، أنا ما ذميت بالشركة،، انا بس قاعد أقول حق أخوي بو فيصل شنو موجود بالبيانات المالية على حسب طلبه، و لا أنا ما أحلل حق المنتدى من أساسه.

أنا و ميكانيكي و ماستر ليو بطلنا نحلل، بس شغل خفايف و على حسب طلب الناس العزيزين على قلوبنا

أولا عيدك مبارك , ثانيا اشفيك زعلت الله يهداك ؟؟؟ , انا كنت مستغرب لأنك أول كله تمدحها , و لعلمك أنا سمعت كلامك و طلعت من المدينة و دشيت عليها .

 

[1st choice]

ليش مو كل واحد فيكم يقوم يهز طوله و يحلل البيانات المالية؟؟ كاهي موجودة.

و بطلوا شغل الحريم، احنا نتكلم وفق بيانات مالية، و محد ذم السهم و لا قلت لكم بيعوا و لا قلت لكم اشتروا،، كل اللي سويته اني اقتبست بعض الملاحظات الهامة و بالدليل القاطع. و اذا السهم بيصعد أو بينزل الله معاه أنا ما يبت طاري سعره.

عيب عليك شغل الحريم والردح اللى انت قاعد تسويه وكل يرى الناس بعين طبعه وكل له وجهة نظر

واترك الموضوع للقائمين على المنتدى لاتخاذ اللازم ... لانى ما عندى استعداد انزل لمستوى اسلوبك واحتراما لباقى الاعضاء ​

 

[بونور2]

عيد قراءة البيانات المالية،، و اذا تبي تعرف مصادر دخل الشركة، المفروض تشوف قائمة الدخل و قائمة التدفقات النقدية مو المركز المالي.

أكثر ايرادات الشركة من البورصة.

أصول الشركة 341 مليون؟

56 مليون = وديعة

106 مليون = 64 مليون اسهم بالبورصة و 42 مليون أسهم غير مسعرة (القدرة القابضة)

87 مليون = استثمارات متاحة للبيع (ملكية الصفاة بالصفوة و قيمة القدرة القابضة الدفترية)

23 مليون = ملكية الصفاة بالصفاة العقارية حيث اصولها تدمج بالصفاة، و ملكية الصفاة بشركتين غير مدرجتين (الضاعن و المركز الطبي)

أخوي افحص جودة أصول الشركة، مع العلم انك تقدر تضخم الأصول بالسااااهل

بارك الله فيك: نعم اصول الشركه 341.9 م دك (اجمالي الموجودات)

اغراض الشركة
القيام بكافة الانشطة الاستثمارية لصالحها ولصالح عملائها وذلك
بالاستثمار بالقطاعات المختلفة من خلال المساهمة في الشركات وادارة
المحافظ والسندات والاقراض والوساطة والاعمال المتعلقة بها داخل دولة
الكويت,

طبيعي انه يكون عند الشركه اسهم لان هذا نشاطها. الاسهم الي ذكرتها هي حصص استراتيجيه لغرض استثماري بحت ليست للمضاربات و الشركه تحقق ارباح من توزيعاتها

نزول السوق سوفه يؤثر على الارباح الغير مححقه فقط و التي تشكل 25% من لايرادات


اما بالنسبه لتضخيم الاصول بالساهل وياك حق فيها .............ولكن تضخيم الاصول يستغل لغرض تزين الميزانيه للاقراض و غباء من اي شركه تضخم اصولها من غير ما يكون في ارباح طيبه

لقياس جودة الاصول نشوف العائد على الاصول (صافي الربح\اجمالي الاصول او الموجودات) بالنسبه للصفاة العائد للستة اشهر فقط 8.5% و هذا جدا ممتاز..........طبعا الافضل قياس العائد للسنه كلها

ميزانيه الشركه للتسعة اشهر مهمه و راح توضح امور كثيره

والله اعلم

 

[UNIX]

أولا عيدك مبارك , ثانيا اشفيك زعلت الله يهداك ؟؟؟ , انا كنت مستغرب لأنك أول كله تمدحها , و لعلمك أنا سمعت كلامك و طلعت من المدينة و دشيت عليها .

أخوي أنا ما زعلت، أنا اللي قصدته مابيكم تفكرون بمشاعركم، فكروا بعقولكم. و بالعكس انا ما ذميت الشركة في أي مشاركة. انا طلبت البيانات المالية لغرض شخصي و علشان يطمئن قلبي. أخونا بو فيصل طلب مني إني أقول شنو شفت بالبيانات المالية،، فقلت له للأسف شنو موجود بالعام،، و يا كلمة ردي مكانج.

أقسم بالله العظيم أنا ما أحلل حق كل من هب و دب بس زل لساني و حللت.

و بالعكس من قال ان الصفاة سيئة، كل اللي قلته انها معتمدة على البورصة فقط.

و بالتوفيق.

 

[UNIX]

اخوى unix انت تعرف ان هناك دائما أشخاص لا يريدون ان يعرفون الحقيقه، وبعض المرات الحقيقه تزعل بعض الاشخاص ، لانها قد تكون حقيقة مره .

الله يعين ياخوي،، و تقبل الله طاعتك

 

[Q8 Stock]

الله يعين ياخوي،، و تقبل الله طاعتك

ليش تخزني ؟

 

[ميكانيكي]

يعطيك العافيه اخوي يونكس

 

[ahmad_qwt]

مشكور اخوي UNIX و اخوي بونور على التحاليل الممتازة للشركة وبارك الله فيكم وعيدكم مبارك

حاليا في اشاعات في الامارات عن ذمج القدرة القابضة و الدار الاماراتية (ارتفاع اسهمها بمقدار 3.1%) او صروح الاماراتية (ارتفاع اسهمها بمقدار 7.85%) تاريخ الارتفاعات لم تذكر بالرابط ولكن الخبر مكتوب في تاريخ 29\9\2008. الدار ارتفعت 2.05% يوم الاثنين 29\9\2008 مع تداول تقريبا 50,000,000 سهم. للاخوان المحللين - اذا تم الذمج هل راح يكون في اي تأثير على أسهم الصفاة علما بأن الصفاة تملك 10% من القدرة القابضة؟ هذا الرابط باللغة الانكليزيه (لم اجد الخبر باللغه العربيه)

http://www.ameinfo.com/170035.html

Abu Dhabi: Merger rumours push shares up

Sorouh rose by 7.85%, and Aldar by 3.1% to Dhs8.17 after also being subject to merger talks with Al Qudra Holding.

 

[UNIX]

ليش تخزني ؟

لأنك الجمال كله يا عمري

تقبل الله طاعتك بو علي و عساك من عواد الشهر الفضيل

 

[UNIX]

يعطيك العافيه اخوي يونكس

الله يعافيك يا حلو و عيدك مبارك!!!!

يالله ضبط لنا طلعه و ييب معاك بو بدر بروكر الهنا خل نقعد ويا بعض نتعشى

 

[ميكانيكي]

الله يعافيك يا حلو و عيدك مبارك!!!!

يالله ضبط لنا طلعه و ييب معاك بو بدر بروكر الهنا خل نقعد ويا بعض نتعشى

ايامك سعيده صديقي

يبيله

 

[UNIX]

ايامك سعيده صديقي

يبيله

يالله نسق الليلة أو الجابلة

: )