loss prevention
عضو نشط
- التسجيل
- 7 نوفمبر 2007
- المشاركات
- 99
صادو5
دورة المؤشرنت للتحليل الفني
50 دينار كويتي
الله يعطيك العافيهالسلام عليكم
اتمنى من الاخون ما يخرعون العالم
السهم صحيح صعد من 52 فلس إلى 130 بدون توقف لكن شنو كان سبب الصعود بالضبط؟؟؟؟؟
لاحظت ان بعض الاخوان للاسف بدون سابق معرفة عن حركة السهم وعن السبب اللي ارتفع سعر السهم على اساسه ويخرع العالم ان السهم راح يرجع إلى الاساس اللي انطلق منه وهو تقريبا 52 فلس.
انا واحد من الناس تابعت سهم قرين قابضة من بداية نزوله في البورصة لمن كان اسم الشركة عراق قابضة وسبب متابعتي للسهم هو اني شريت كمية في الايام الاولى لنزوله في البورصة وما قدرت ابيعه الا بعد دفع المتبقي من راس المال. يعني متابعة اكثر من سنتين متتاليتين
طبعا شركة العراق القابضة مثل باقي الشركات القيمة الاسمية للسهم هي 100 فلس .. لكنه يختلف عن باقي الشركات في ان القيمة الاسمية اللي تم دفعها عند التاسيس هي 20 فلس فقط وعلى ان يتم تحصيل باقي المبلغ وهو 80 فلس المتبقية من القيمة الاسمية عند طلب مجلس ادارة الشركة
كان اول سعر له في اول يوم تداول 70 فلس وصعد بعد جم يوم إلى 120 فلس ومن بعدها السهم في نزول إلى ان وصل إلى الاسعار اللي اشار لها بعض الاخوان 44 فلس ونزل حتى لغاية 40 فلس
وبعد سنتين من التداول وعند نهاية كل سنة كانت الشركة توزع ارباح 5 فلوس لكل سهم وكانت تضيف المبلغ على راس المال. فبعد السنة الثانية اصبح المدفوع من القيمة الاسمية 30 فلس من اصل 100 فلس .. والمتبقي هو 70 فلس للوصول إلى 100 فلس وهو القيمة الاسمية لكل سهم.
فعندما وصل سعر السهم إلى 52 فلس تم عندها استدعاء باقي راس المال الغير مدفوع وهو 70 فلس لكل سهم، ولو جمعنا 70 إلى 52 راح نطلع بناتج 122 فلس.. هذا اللي كان المفروض يصير
لكن اللي صار إن بعد ما دفعت الناس 70 المطلوبة ظل سعر السهم مثل ما اهو بدون تغير 52 فلس .. يعني لو شريت السوم في نفس يوم استدعاء الباقي من راس المال بـ 52 فلس وثاني يوم دفعت زيادة 70 فلس لكل سهم يعني بالحسبة السابقة يطلع كأني شاري السهم بـ 122 فلس .. وبعد الزيادة اللي دفعتها ما تغير سعر السهم ابدا وظل 52 فلس في الحالة هذي طلعت انا خسران 70 فلس اللي دفعتهم .. وهذا كاان غير متوقع .. ومستحيل راح ابيع بخسارة 70 فلس بعد يوم من الشراء
فلذلك صار طلب على السهم بدون عروض .. لان كل الناس خسرانه ومحد يفكر يبيع ،،
فصار سعر السهم الاساسي 122 فلس وليس 44 فلس كما ذكر بعض الاخوان
انا ما امدح الشركة ولا اذمها ولكني ذكرت حقيقة مرت بها الشركة
ادري طولت عليكم بس حبيت اوضح هالنقطة علشان لا يأثر كلام الاخوان على ملاك السهم
تحياتي
السؤال الاهم
هل يحق لمحمود حيدر ان يبيع اسهم شركاته بهذه الطريقة ليوفر سيولة لتغطية قرضه من بنك الخليج ؟؟
دورة المؤشرنت للتحليل الفني
50 دينار كويتي