إخوي amr
بارك الله فيك وما عندي شخصياً شك في نواياك إذا كنت الشخص اللي في بالي لكن شالمطلوب من المساهمين يبيعون بخسارة ؟؟ واللي يشتري ساذج وما يفهم واللا يبي ياخذ فيهم أجر ؟؟
إنت قلت بارك الله فيك إن في عدم اتفاق على مستقبل السوق بين متشائم ومتفائل ليش تحدنا على التشاؤم ؟؟ تدري اشمعنا خسارة 70% من مجرد تنبؤات بالنسبة للإنسان البسيط اللي حاط أمله في استثمار مستقبلي لأولاده ؟ تبيه يبيع وبعدين عطنا البديل بارك الله فيك
الشركة بتفلس !! تعلم الغيب ؟؟ في محللين يقولون عقب هالأزمة في نمو اقتصادي شتقول عنهم ما يفهمون ؟؟ إنت أحسن من محللين global
إخوي بنتفاءل بالله والشركة يمكن تكون خسرانه في في الوقت الحالي لكن عندها أصول محتفظة بقيمتها تتكلمون عن العقار ببريطانيا وجنكم تتكلمون عن العقار ب بوفطيرة !!
تكفون عطوا الخباز خبزه
إللي ما يبي يشتري لا يخرع اللي شرى وخلصثاني شي نكرر وللمرة المليون محنا خياليين إحنا واقعيين ندري السهم ما راح يندرج بسعر يتجاوز 180 فلس لكن اللي يستثمر على المدى البعيد أو المتوسط يهمه أداء الشركة عقب سنوات ولا يهمه سعر سوق الجت أو سعر الإدراج
في واحد كان يسوي دعاية حق شركة وتنبأ لها بمستقبل باهر هالشخص يعتبر خبير وله برنامج في الإذاعة الكلام قبل سنتين والشركة اللي تنبأ لها بالإزدهار سعر سهمها ألحين ما يتجاوز 160 فلس .. التنبؤات اللي مو على أساس تحليل مالي مبني على أرقام واقعية من الشركة نفسها قابل للخطأ أكثر من قابليته للصح
اللي يحث الناس على البيع خل يحث اللي يشتري بعد ويحذره من الشراء
إللي عنده حقائق تفيد بأن الشركة راح تفلس يعرض الوثائق والدراست اللي عنده واللي قاعد يكت فال ويقرا الودع يوفر على نفسه ويرتاح ولا يأمن دعوة اللي بيبيع بخسارة ألحين ويكتشف عقب أشهر أو حتى سنوات إنه اتخذ القرار الخطأ
استخرنا واستشرنا قبل الشراء واتكلنا على الله الرزاق من تبينا نثق فيه رب العباد الرزاق والا عبد من عباده عنده نظرة تشاؤمية ؟؟إخواني اللي ما يبي يشتري لا يحد الناس على البيع بخسارة إلا إذا وفر لهم البديل المضمون
واتقوا الله في البسطاء من الناس
=============
اخي بارك الله فيك انا ماقلت بان الشركه بتفلس منو قال ؟؟؟؟؟؟؟
انا اقول كل شركه بالعالم معرضه للافلاس
مو اقصد هالسهم
وقلت في موضوع سابق بان قد يرجع سعر الشركه الى سعر الاكتتاب بعد جم سنه
انا ما قول ان الشركه بتفلس الا من خبر و انقل الخبر فقد !!!!
انا اتكلم عن جميع مواضيعي
================
التحليل المالي ووضع الشركه المالي فقط استفيد منه
التنبئ بالمستقبل
ولكن هناك شي جدا مهم محط خطيين تحته
========================
اذا كنت متابع الى استثمارات الشركه واصاب القطاع نزول كبير في وجود اسباب معنه هذا جدا مهم تستنتج المستقبل
مثال
===
شركه وضعها المالي جدا ممتاز و في نمو وتعمل في العقار و لنفرض في الولايات المتحده ومتوقع لها النمو في المستقبل
وصارت ازمه الرهن العقاري
بييييييييع على طول لا تقولي تحليل مالي
لان بعد سنه راح تنهار و تشوف الارباح انقلبت الى خسار
ولكن انا لما شريت هالشركه توقعت بان النمو يستمر خصوصا ان اخر 3 سنوات كان نمو
ولكن تغير الامر
====================
دائما اسمع من الكثير و مستقربين من تحليلي و في رسائل
شلون عرفت ؟؟؟
هل هذا صدفه ؟؟
طبعا لا
لان الصدفه تحدث مره واحد ابحث عن مواضيعي وانت تعرف
و الله اتمنى ان السهم يرتفع ولكن انا اعمل بالاسباب و اقول من خلال تحليل
=================================
كلمه مهم
يا اخواني هذا منتدى نقول الحقيقه و اللي نراه و لا نجامل لان بالاخير مراح نوصل الى نتائج جيده هذا الاستثمار
ونفرض عندما حللنا السهم يوم كان فوق 80 فلس
و احد من الاخوان اقتنع بتحليلي و باع و هذا قراراه حده
لان التحليل قد يخطأ و انا او كنت اجزم بان السهم يصل الى هدفي لقلت يا ناس بيعوا
ولكن انا احلل و عندي اهداف يمكن اخطأ و يصعد السهم و هذا جائز
ماله شغل عضوا شاري او عضو يبيع
المفروض العضو يشوف التحاليل و يبنى قراراته سوى تحليلي او تحليل اي عضو ( وكل شي جائز في الاسواق ))
شكرا للجميع و الله يوفقكم
