شركة رابطة الكويت والخليج للنقل ش.م.ك.م ( الرابطة ) .. 4

[zizo 40]

السهم كان 150 فلس والناس تقول كذب كذب والحين بيحوش 400 وهم بعد كذب ويروح للدينار وهم كذب.
يبة الرابطة شارية شاحنات باللة ماتقولى حق شنو 750 تريلة وموقع جديد بميناء عبداللة (ولا احد يقول كذب) انا شايفة بعيونى يعلها العمى اذا كنت اكذب خلف بنزين ميناء عبداللة يبة الزبدة اللى ما يلحق على القطار راح يطوفة ويقعد بمدينة الفقر.
اعتبروها تتطبيلة لانى مالك بالسهم لاكن واللة ماشريتة الا كل شى قدامى من براهين واللة يوفق انشالة الجميع

عندى صديق يشتغل فى شركة شاحنات معروفه, قال إنه الرابطه طالبه تأجير كمية شاحنات مو طبيعيه, وشركة تنظيف طالبه كميه زينه, ويقول إنه كل اللى يشتغلون فى المجال يتكلمون عن الصفقه.

للأسف طلعت من السهم من أسبوع, الله يرزق الملاك
وإنشالله هم أجيليتى تنجح بالتسويه وملاك السهمين يستفيدوا
لا تنسوا إنه الشركتين كويتيات وما نبى أحد يستفيد على حساب الثانى

 

[zizo 40]

بالتوفيق للجميع
ويرزق الجميع جميع الاسهم بدون استثناء

هذا الكلام السنع

بارك الله فيك

 

[المتمكن]

والله اني ما املك اسهم لا بالرابطه ولا بالمخازن لكن اللي انا اشوفه ان الموجودين اللي يملكون بالرابطه او المخازن الكل يطبل حق اسهمه واحنا ضعنا بالطوشه
صدقوني اذا المخازن او الرابطه خذوا العقود من امريكا نقول مبروك يكفي انهم شركات كويتيه وبالعافيه عليهم
واحنا ما نبي تحبيط سواء كان العقود للمخازن او الرابطه نبي نوضح الامور كامله حف اللي يبي يشتري اسهم المخازن او الرابطه وهذي فرصه لهم بعقلانيه من غير تطبيل واسمحولي على اللي كتبته من غير زعل وشكرا

 

[m.h.a]

لاتعليق
هل الرابطه لديها القدره الماليه والبشريه والفنيه لادارة عقود بالمليارات
انا لا اطعن بالرابطه واعترف انها شركه ليست ورقيه ولكن لكل شركه طاقه معينه
اتمنى انها تاخذ العقد يكفي انها شركه كويتيه وتستاهل
ولكن لاننجرف وراء اخبار الصحف يكفي ماجائنا من الصحف من اخبار تحت اسم صرح مصدر
انا اقدر اقولك الحين صرح لي مصدر في اجيليتي انه سوف يتم تسوية الموضوع مع اجيليتي وسوف تستمر العقود وهذا خلال اليومين القادمين

تركو الجرايد

هل المخازن كان لديها القدرة الماليه والبشرية والفنيه لادارة عقود بالمليارات
قبل لاتاخذ عقود من الجيش الأمريكي

 

[راعى الجحلا]

والله اني ما املك اسهم لا بالرابطه ولا بالمخازن لكن اللي انا اشوفه ان الموجودين اللي يملكون بالرابطه او المخازن الكل يطبل حق اسهمه واحنا ضعنا بالطوشه
صدقوني اذا المخازن او الرابطه خذوا العقود من امريكا نقول مبروك يكفي انهم شركات كويتيه وبالعافيه عليهم
واحنا ما نبي تحبيط سواء كان العقود للمخازن او الرابطه نبي نوضح الامور كامله حف اللي يبي يشتري اسهم المخازن او الرابطه وهذي فرصه لهم بعقلانيه من غير تطبيل واسمحولي على اللي كتبته من غير زعل وشكرا

بالعكس كلامك مايزعل عين العقل لاكن هذى منافسة شرسة بين الرابطة واجيليتى والدليل عمرك شفتلك (اصبى) يتطاول على عمة اكيد انة الصبى يا مجنون او (بلغ الحلم)

 

[البانوراما]

أنا مستغرب من اللي يصير بين الاعضاء سواء كان قديم أو جديد هذه شركات لاصحابها وانتم
تتزاعلون على اى شي هذا يقول اجليتي والثاني يقول الرابطه والخ.......
اللي اشوفه وهو الشي الوحيد الذي كل انسان يريده في البورصه الربح وكل واحد يبيع ويشتري
السهم اللي يبيه بس لا يطمع بالعلالي أخذ فايدتك سواء من هذى او من ذيك والرزق علي الله

 

[الاسمنت الابيض]

هل المخازن كان لديها القدرة الماليه والبشرية والفنيه لادارة عقود بالمليارات
قبل لاتاخذ عقود من الجيش الأمريكي

تعم كان لديها القدره ارجع للماضي وشوف اوضاع الشركه

 

[احمد خان]

الله بوفقكم يا ملاك الرابطة وتشوفون الحد الاعلى احب لااخيك

ماتحب لنفسك

 

[bosarhan]

السلام عليكم
أخواني عندي مداخلة بسيطة اتمنى الكل يوسع صدره
مثال:
عندك هندي غسال يغسل سيارتك اسمه كومار تعطيه كل شهر 10دنانير
وصار لك مدة طويلة وياه واهو يغسل سيارتك
وبيوم من الايام اكتشفت انه كان يسرق فلوس من سيارتك
والفلوس اكثر من 100 دينار. طبعا رحت للمخفر واشتكيت عليه وبعد التحقيق
اعترف بالبوقة وقال لك عمي أرد فلوسك بس بشرط ارد أغسل سيارتك مرة ثانية وهو محجوز بنظارة المخفر.وبالوقت هذا دش على الخط هندي ثاني
(راجو) وقال لك انا اغسل سيارتك ب7دنانير وشغلي احسن من كومار وشوف جدام عينك؟ اشراح اتسوي انت يا المعزب؟؟؟؟؟؟
العقل ايقول خل كومار يخيس بالنظارة أخرتها بيدفع لي وهو مذلول وبقوة القانون وهم بعد خسر سمعته ومحد راح ايغسل عنده وامشي شغلي مع راجو عشان ما أتأخر وبسعر اقل واكون ضربت أكثر من عصفور بحجر واحد.....
والله من وراء القصد... على فكرة لايزعل علينا كومار الحين صار مواطن منا وفينا:d

 

[jarrah_aam]

تامر حماد..


هذا الصحفي مو تكانه..


أخباره لك عليها..


لكن ما يمنع نراقب السهم..


بعدين شلون يقول ان الشركة تترقب الإعلان عن ترسية مناقصة لصالحها...

المفروض هذي عطاءات محد يعرف عنها!! ومنهم اصحاب الشركات أنفسهم


اذا تمت المناقصة مبروووك للملاك... واذا ما تمت راح تتوهق الشركة بالشاحنات والمساحات المؤجره من الدولة.. يمكن تزرعها بطاط أفضل!!

عاد بطاط وفي ميناء عبدالله ؟ بيطلع بطاط مملح

 

[shraay]

بالعكس كلامك مايزعل عين العقل لاكن هذى منافسة شرسة بين الرابطة واجيليتى والدليل عمرك شفتلك (اصبى) يتطاول على عمة اكيد انة الصبى يا مجنون او (بلغ الحلم)

بلغ الحلم اكيد وصار رجال واهله قاموا يعتمدون عليه وعمه شيب وقام يخرف بعد كل يوم طالع بتصريح

السلام عليكم
أخواني عندي مداخلة بسيطة اتمنى الكل يوسع صدره
مثال:
عندك هندي غسال يغسل سيارتك اسمه كومار تعطيه كل شهر 10دنانير
وصار لك مدة طويلة وياه واهو يغسل سيارتك
وبيوم من الايام اكتشفت انه كان يسرق فلوس من سيارتك
والفلوس اكثر من 100 دينار. طبعا رحت للمخفر واشتكيت عليه وبعد التحقيق
اعترف بالبوقة وقال لك عمي أرد فلوسك بس بشرط ارد أغسل سيارتك مرة ثانية وهو محجوز بنظارة المخفر.وبالوقت هذا دش على الخط هندي ثاني
(راجو) وقال لك انا اغسل سيارتك ب7دنانير وشغلي احسن من كومار وشوف جدام عينك؟ اشراح اتسوي انت يا المعزب؟؟؟؟؟؟
العقل ايقول خل كومار يخيس بالنظارة أخرتها بيدفع لي وهو مذلول وبقوة القانون وهم بعد خسر سمعته ومحد راح ايغسل عنده وامشي شغلي مع راجو عشان ما أتأخر وبسعر اقل واكون ضربت أكثر من عصفور بحجر واحد.....
والله من وراء القصد... على فكرة لايزعل علينا كومار الحين صار مواطن منا وفينا:d

تحليل عجيب صراحه اكيد خل يولي كومار باللي مايحفظة

انا اليوم بغيت اشتري الرابطة بس برنامج بيتك للتداول قال لايمكنك شراء السهم مع انه من الشركات الاسلامية الا جان شالوها بعد بيانات 2009 ؟

 

[علي-2005]

السهم كان 150 فلس والناس تقول كذب كذب والحين بيحوش 400 وهم بعد كذب ويروح للدينار وهم كذب.
يبة الرابطة شارية شاحنات باللة ماتقولى حق شنو 750 تريلة وموقع جديد بميناء عبداللة (ولا احد يقول كذب) انا شايفة بعيونى يعلها العمى اذا كنت اكذب خلف بنزين ميناء عبداللة يبة الزبدة اللى ما يلحق على القطار راح يطوفة ويقعد بمدينة الفقر.
اعتبروها تتطبيلة لانى مالك بالسهم لاكن واللة ماشريتة الا كل شى قدامى من براهين واللة يوفق انشالة الجميع

كلام طيب وتسلم عيونك من العمى

 

[علي-2005]

وهذا خبر ثاني عن الرابطة غير خبر تامرحماد

الرابطة: تحرير مخصصات بعد حكم براءة من تهمة قتل جندي أميركي



عيسى عبدالسلام
علمت «القبس» من مصادر مطلعة ان شركة رابطة الكويت والخليج والنقل (الرابطة) حصلت على حكم براءة في شهر يناير الماضي من التهم الموجهة اليها والحكم الغيابي بقتل جندي اميركي في العراق خلال عام 2003 اثناء فترة تعاقدها على تنفيذ عقود مع الامم المتحدة وليس مع الجيش الاميركي.
وأوضحت مصادر مطلعة ان الشركة كانت قد اخذت مخصصات مقابل الحكم عليها غيابيا بمبلغ 5 ملايين دولار تم تحريرها وستسجل ضمن البيانات المالية لفترة الربع الاول من عام 2010، مشيرة الى ان الشركة حريصة على الرغم من صدور حكم البراءة بتعويض اهل الجندي بمبلغ 250 ألف دولار.
وعلى صعيد متصل، قالت المصادر ان الشركة تنتظر خلال الايام المقبلة الاعلان عن نتيجة ترسية عقد مع الجيش الاميركي تصل قيمته إلى ملياري دولار ولمدة 4 سنوات مقبلة، حيث تمت عملية فرز العطاءات المنافسة على هذا العقد خلال ايام الاسبوع الجاري، علما بأن ضمن الشركات المنافسة على العقد شركة اردنية ايضا.
وأضافت المصادر ان الشركة سعت خلال الفترة الماضية الى زيادة قدرتها من خلال حصولها على مليون متر مربع من المساحات التخزينية في ميناء عبدالله، وتوقيعها عقدا مع احدى وكلاء السيارات المحلية لتزويدها بالشاحنات في حال الحصول على العقد المذكور.

المصدر جريدة القبس الكويتية

http://www.alqabas.com.kw/Article.aspx?id=595008&date=14042010

 

[بو ضاري 2005]

ليش ماتقول رفع السعر لكى تاخذ قرض من احد لبنوك المحليه مثل ممكن تاخذ من بنك برقان واحد الشروط رفع قيمة لصول انا اقول مثل

 

[بو ضاري 2005]

ارفع السعر لجل اعطيق قرض والله اعلم

 

[سهمك اخضر]

ياجماعه الخير انا مجدد عقود لشركه الرابطه 196 ناقله انا مجددها

وكلمت المسئول بشركه قال احنا قاعدين نجدد العقود حاليا"


احنا استانت باي وجاهزين لاي عقد ينعرض علينا وسالته عن كلام

الجرايد قال للحين ماكو شي بس ارد اقولك جاينا قرار للجاهزيه

 

[عبدالعظيم1]

هل المخازن كان لديها القدرة الماليه والبشرية والفنيه لادارة عقود بالمليارات
قبل لاتاخذ عقود من الجيش الأمريكي

وضع الرابطه الحالي من حيث القدرة الفنية والبشرية أفضل بكثير من وضع المخازن قبل لاتاخذ عقود من الجيش الأمريكي . ولولا علم الامريكان بوجود من يقوم بدور أجلتي في المنطقة في الوقت الحالي لما تم تصعيد الاشكال لان القضية قديمة وموضع خلاف بين الطرفيين من سنة 2005 .

 

["عابر سبيل"]

ياجماعه الخير انا مجدد عقود لشركه الرابطه 196 ناقله انا مجددها

وكلمت المسئول بشركه قال احنا قاعدين نجدد العقود حاليا"


احنا استانت باي وجاهزين لاي عقد ينعرض علينا وسالته عن كلام

الجرايد قال للحين ماكو شي بس ارد اقولك جاينا قرار للجاهزيه

صبحك بالخير

شكلك بالمرور

( صاااادوه )

 

[albostan]

لاتعليق
هل الرابطه لديها القدره الماليه والبشريه والفنيه لادارة عقود بالمليارات
انا لا اطعن بالرابطه واعترف انها شركه ليست ورقيه ولكن لكل شركه طاقه معينه
اتمنى انها تاخذ العقد يكفي انها شركه كويتيه وتستاهل
ولكن لاننجرف وراء اخبار الصحف يكفي ماجائنا من الصحف من اخبار تحت اسم صرح مصدر
انا اقدر اقولك الحين صرح لي مصدر في اجيليتي انه سوف يتم تسوية الموضوع مع اجيليتي وسوف تستمر العقود وهذا خلال اليومين القادمين

تركو الجرايد

خلاص يا جماعه تقبلوا الواقع أجليتي قبل العقود الأمريكيه شنو كانت قدرتها كل صغير يكبر وإذا كانت مو مقتدره ما تسمحلها أمريكا أصلا الدخول بالمناقصه تابعوا السوق والتحاليل وتركوا عنكم الربربه والنجره

 

[albostan]

السلام عليكم
أخواني عندي مداخلة بسيطة اتمنى الكل يوسع صدره
مثال:
عندك هندي غسال يغسل سيارتك اسمه كومار تعطيه كل شهر 10دنانير
وصار لك مدة طويلة وياه واهو يغسل سيارتك
وبيوم من الايام اكتشفت انه كان يسرق فلوس من سيارتك
والفلوس اكثر من 100 دينار. طبعا رحت للمخفر واشتكيت عليه وبعد التحقيق
اعترف بالبوقة وقال لك عمي أرد فلوسك بس بشرط ارد أغسل سيارتك مرة ثانية وهو محجوز بنظارة المخفر.وبالوقت هذا دش على الخط هندي ثاني
(راجو) وقال لك انا اغسل سيارتك ب7دنانير وشغلي احسن من كومار وشوف جدام عينك؟ اشراح اتسوي انت يا المعزب؟؟؟؟؟؟
العقل ايقول خل كومار يخيس بالنظارة أخرتها بيدفع لي وهو مذلول وبقوة القانون وهم بعد خسر سمعته ومحد راح ايغسل عنده وامشي شغلي مع راجو عشان ما أتأخر وبسعر اقل واكون ضربت أكثر من عصفور بحجر واحد.....
والله من وراء القصد... على فكرة لايزعل علينا كومار الحين صار مواطن منا وفينا:d

عاد إتصدق بعد شوي بروح أغسل سيارتي بنفسي آخ يا كومار وينك