الأخ Jamalll
شلونك يبا وشخبارك
واللي يرحم والديك منو اللي قاعد يحبط الشباب؟ أنا وإلا اللي يعطي فكره للمسيكين اللي ما يعرف على قولتك تحليلات خياليه ؟ يا أخي الفاضل المنخل ما يغطي الشمس , صج إني جليل شوف لكن مو عمي , شوف السهم وإحلب حسره ....يعني أنا اللحين اللي أحبطهم , مو ناقص إلا تقول أنا اللي شقيت طبقة الأوزون , أنا عندي أسهم مو شويه وكنت شاري على 440والله يعلم أنكم أثرتوا عليّ بالشراء , فليش ما تتحمل مسئوليتك أنت والشباب المحللين تبعات خسارتي وتجميد فلوسي وتعترف بخطأ تحليلاتكم وتقول حقك علينا , يعني اللي طلع معاك إنك تسكتني , ياخوي الله يهديك وبس , وبعدين لا تقولي إستثمار وغيره أنا كنت داش بناء على رؤيتكم اللي ما صارت ومش راح تصير إن السهم راح يدش بالغيم ويصير إف18 لكنه للأسف صار غواصه وقوّع بالركسه .
وبعدين ليش النقد يعورك أنت وربعك , عيل وين الديموقراطية ومبدأ الإختلاف وغيره من المبادئ اللي نتنطع فيها بالفاضيه والمليانه , أنا ما أقول إلا الله يهديك ويصلحك ويوفقك إنت والشباب .
والسلام ختام
