شركة مجموعة خدمات الحج والعمرة ( مشاعر ) ...4

[shiko]

والله يا شيكو مشاعر طلعت ما خوش كلش!!!​

لا انتي بالذات ما تقول كده أنا وايد مرتاح لكلامك وشعارك اللي لو طبقته ماتخسر ابدا ودايما انت كاتبه
(إذا أنت لم تحفظ سهامك حارسا = ستبلعها في الحال بطن المحافظ)

 

[shiko]

صدقنى يا شيكو مشاعر حتخليك تبكى بدل الدموع دم والأيام بيننا وآدى دقنى أن قدرت تطلع بربع راس مالك .

يا راجل حرام عليك قول لا الله الا الله
انا ما تخاف علي انا بعرف اشلون استثمر ومتي ادش ومتي اخرج
والحمد لله بحاول انصح الاخوه ان ما يبيعوا بالخسارة وايضا ما في داعي للطمع لو حصل ربح بسيط زين

 

[BREMEN]

يعني قالولك بالكمية اللي تبيها و لا يحدونك بال 25% ؟!

قصدي لازم تشارك ب 25% من اسهمك و لا عادي ان شاللة 10% و اهما يدبرونها؟

هلا بالسيناتور :
بالكمية اللي انت تحددها موشرط كل ال 25 %
يعني تقدر 10 %
أهم شي مايكون أكثر من 25%
وعلى فكرة السنة اللي طافت مو الكل اشترك بزيادة رأس المال والشركة مددت المدة علشان الناس تكتتب .(وهم ما غطو المطلوب)
وآخر شي قالو لم يتم تغطية المطلوب واللي يبي يشتري أكثر من السقف المحدد (أعتقد 20% مو متذكر) يقدر ؟! وكان سعر الزيادة في ذلك الوقت 850 فلس.
وأعتقد من جذية هالسنة خلو زيادة رأس المال على 450 فلس لأن السنة اللي طافت ما غطو الاكتتاب لارتفاع السعر .

 

[بصرك]

ياخوفي يكسر500فلس مايلقون احد يكتتب بزيادة راس المال

 

[malek]

أيداع بحسابهم

ما فهمنا هل اوديلهم شيك يعني واللا شلون

اخي العزيز روح الى بيت التمويل وأودع المبلغ بالحساب اللي ذكرته لك سابقا لصالح شركة مشاعر ، وبس سلامتك .
وتقدر تخاطب شركة المقاصة - برج احمد هاتفيا أيضا .
واذا تبي معلومات أكثر أو أي شئ أكثر ذز لي على الخاص وعلى قولت صاحبنا shiko إذا تبون حاجه تاني مننا تقدر تدز على الخاص بتاعي وأنا برد عليك طوالي .

 

[TaloN]

بالنسبة للمتدوالين عن طريق البنك الوطني باستطاعتهم الاكتتاب بزيادة راس المال عن طريق تداول الوطني
بمجرد اضافة المبلغ الى رصيد التدوال و الاتصال (بالوطني تداول) على رقم 803111 والابلاغ سوف يتم لهم الاكتتاب و لكن يجب على الراغبين بالاكتتاب ... طلب الاكتتاب قبل تاريخ 20 مايو حتى يتسنى للبنك اتمام عملية الشراء

 

[kwt.to.kwt]

يا اخوان واللي يكون مسافر وقت الاكتتاب
؟؟ كيف يشارك ؟

محد رد على سؤالي
نكرر

 

[الكويت غاليه]

بصراحه رغم الخساير الا أن مستر شيكو مونسنا ببدلياته
إستمر يا شيكو لا تقطعنا ربنا يخليك

 

[Senator]

محد رد على سؤالي
نكرر

خو حول فلوس للوسيط و اهما يدبرون الموضوع

 

[shiko]

بصراحه رغم الخساير الا أن مستر شيكو مونسنا ببدلياته
إستمر يا شيكو لا تقطعنا ربنا يخليك

ماتخاف يابو خالد ماراح اجاطع ويكفي اني مونسك بالبدليات وماتخاف علي اسهمك بمشاعر ، لان اللي ماسكين السهم مو عارفين يشتغلوا عدل ، بس يبيلوا صبر .
وسلملي علي البدليات هههههههههههه

 

[kwt.to.kwt]

خو حول فلوس للوسيط و اهما يدبرون الموضوع

الوسيط مكتب شرق
ما اظن عندهم هالخدمة

 

[خبير النفط]

اخوى دق عليهم و استفسر

 

[malek]

كردي

شيكو، سؤال فقط لو سمحت

شنو جنسيتك؟؟ لأني قاعد أشوف بدليات وايد منك بس لابس اللهجه الكويتيه عندك 60%

يذكرني الحبيب بأمريكا وقت ماقدمت امتحان رخصة سوق ، أسلوبهم وطريقة الأمتحان اللي كاتبها شكله ( كردي ) يعني عراقي من الشمال .

والله أعلم

ماتدرون ان الدنيا مقلوبه ,,,,,,,,,,,

 

[صقرالبحر]

اذا السهم فوق 700 فنعم للاكتتاب
غير جذيه No

 

[kwt.to.kwt]

اخوى دق عليهم و استفسر

إن شاء الله

ومشكووووووووور

 

[BuAbdullah]

اذا السهم فوق 700 فنعم للاكتتاب
غير جذيه No

اسمحلي اخالفك الرأي
الافضل هو ان تكتتب مادام سعر الاكتتاب اقل من سعر السهم بالسوق

 

[سابر ألاغوار]

تعليقة........لكنها ليست الا دعوة ماكرة للاكتتاب بزيادة رأس المال الاسبوع القادم....حركات ولكنها للاسف من مطاوعة آخر زمن ....ما أقول الا للأسف

 

[lubr02]

اسمحلي اخالفك الرأي
الافضل هو ان تكتتب مادام سعر الاكتتاب اقل من سعر السهم بالسوق

على فكرة محسبوبه منك اسهمك قبل الاكتتاب مو لازم الا اجباري

 

[Senator]

تعليقة........لكنها ليست الا دعوة ماكرة للاكتتاب بزيادة رأس المال الاسبوع القادم....حركات ولكنها للاسف من مطاوعة آخر زمن ....ما أقول الا للأسف

صح لسانك

و على العموم محد راح يبيع الحين لأن اللي شارين طالع عليهم السهم مو اقل من 800 فلس و عليك الحسبه

و ان شاء الله يهتدون و يردونه مثل ما كان و يصير ديناري

 

[سابر ألاغوار]

صح لسانك

و على العموم محد راح يبيع الحين لأن اللي شارين طالع عليهم السهم مو اقل من 800 فلس و عليك الحسبه

و ان شاء الله يهتدون و يردونه مثل ما كان و يصير ديناري

انا عن نفسي لا للبيع لأن الشق عوووووووووووووووووود::verymad::