شركة أسمنت الخليج ( اسمنت خليج ) ... 2

[بوعبدالمحسن]

اعتقد وراه نزله بعد

 

[ابواللطف]

اعتقد وراه نزله بعد

مدام المدعو بو عبد المحسن يقول راح ينزل انا اقول اليوم صاعد وموعدنا بعد التداول ولا حول ولا قوة الا بالله

 

[فهد الفهود]

آنا قلت إني بعت بخسارة
ودام اني بعت بخسارة
اكيد يصعد
نقول للي صبر مبروك ..... والله يعوضني

 

[بوعبدالمحسن]

مدام المدعو بو عبد المحسن يقول راح ينزل انا اقول اليوم صاعد وموعدنا بعد التداول ولا حول ولا قوة الا بالله

هاهاهاهاها ها شلون اليوم نزل والا صعد ؟

والله اانا قلت راح ينزل توقع شخصي بناء على تداول امس والصراحه انا ودي ينزل بعد اكثر لان وودي اشتريه في القاع مانبي ندش بالطوفه نفس قبل ايام نشتري عمياني ماندري شسالفه

 

[ساره78]

هاهاهاهاها ها شلون اليوم نزل والا صعد ؟

والله اانا قلت راح ينزل توقع شخصي بناء على تداول امس والصراحه انا ودي ينزل بعد اكثر لان وودي اشتريه في القاع مانبي ندش بالطوفه نفس قبل ايام نشتري عمياني ماندري شسالفه

اخوى بو عبد المحسن ..على جم يعنى الشراء من القاع وافضل سعر للشراء ؟؟؟

 

[بوعبدالمحسن]

اختنا العظيمه ساره انتي اكبر محلل في هالمنتدى تسأليني انا العليمي ؟ انتي اللي تقولين لنا

 

[ساره78]

اخوى بو عبد المحسن مو انت قلت ودى ينزل اكثر علشان اشتريه من القاع . يعنى حاط سعر فى بالك انا بعرف جم السعر اللى فى بالك .. علشان اقولك اذا كان صحيح او لا ؟؟

.كلامك صح طبعا ..لو هبط افضل سعر شراء من القاع ..

 

[بوعبدالمحسن]

بخاطري اشوفه 110 فلس او يمها

 

[ساره78]

بخاطري اشوفه 110 فلس او يمها

حلو ..شغلك عدل 110 فلوس قاع للسهم ومؤكد تستفيد منه فى الارتداد للمضاربه ...طبعا هذا فى حال هبوط السهم اكثر ..ولكن عندك نقاط دعم قبلها احتمال الارتداد منها ايضا 118 فلس ...ونقطه 114 فلس ...ممكن الارتداد منهم ..
لو السهم واصل الهبوط وكسر وقفل تحت 110 فلس ..ابتعد عنه ولاتشترى ولاتقرب صوب السهم ...

بالتوفيق .....

 

[بوعبدالمحسن]

مشكورة اختنا العظيمه ساره

اشوه يعني فلوس الدورة اللي خذيتها ماراحات هباء منثورا

انا معاج انه السهم عنده دعم قبل 110 بس لما قلت انه بخاطري يعني ودي قاعد اتمنى بس اكيد في دعم قبل مثل ما تفضلتي لهذا السبب قلت او يمها

توقع شخصي ان السهم ماراح يوصل هالمستوى 110 الا اذا السوق اهتز بشكل سلبي هزه كبيره

اما في المنظور القريب اعتقد راح يوصل ما بين 114 و 118 ويرتد

شي وايد الكثير منا غافلين عنه وهو كميات البيع او الشراء اللي ما ندري عنها والححمدالله بعد ما اشتركت في نظام النوخذه قمت اعرف ولو جزئيا كمية الشراء شكثر على السهم اليوم وكمية البيع
وهذه اعتقد معلومة جدا مهمة لكل مضارب

تحياتي

 

[سعد7171]

يمكن تقولون عني ما افهم
يمكن بعض الاشخاص يقول عني مطبل
باذن الله باجر السهم اخضر
وان غدا لناظره لقريب

 

[ساره78]

مشكورة اختنا العظيمه ساره

اشوه يعني فلوس الدورة اللي خذيتها ماراحات هباء منثورا

انا معاج انه السهم عنده دعم قبل 110 بس لما قلت انه بخاطري يعني ودي قاعد اتمنى بس اكيد في دعم قبل مثل ما تفضلتي لهذا السبب قلت او يمها

توقع شخصي ان السهم ماراح يوصل هالمستوى 110 الا اذا السوق اهتز بشكل سلبي هزه كبيره

اما في المنظور القريب اعتقد راح يوصل ما بين 114 و 118 ويرتد

شي وايد الكثير منا غافلين عنه وهو كميات البيع او الشراء اللي ما ندري عنها والححمدالله بعد ما اشتركت في نظام النوخذه قمت اعرف ولو جزئيا كمية الشراء شكثر على السهم اليوم وكمية البيع
وهذه اعتقد معلومة جدا مهمة لكل مضارب

تحياتي

الحمدالله ..والله يزيدك من علمه ...

صح كلامك بالضبط المظلل بالاحمر ..ماراح يوصل 110 الا بحال هبوط قوى ومتواصل للسوق ..فاسمنت ليس بمنائ عن السوق او قروبه ..

ايضا السطر الثانى وصوله مابين 114 او 118 وارتداده كلام وتحليل منطقى

معلش اعتقد مايجوز انه نصف احد بالعظمه لانها لله سبحانه وتعالى ..
اتمنى لو سمحت الافضل انه تقولى ام ضارى او ساره فقط ...

موفق اخوى بو عبد المحسن كل الخير ان شاء الله ...

 

[بوعبدالمحسن]

شكرا على تعليقج الكريمة اختي ام ضاري

اما بالنسبة لكلمة العظيم / العظيمة فاعتقد مافيها شي شرعا والدليل هو

رسالة الرسول عليه الصلاة والسلام إلى النجاشي ملك الحبشه حين قاله له

في إستهلال رسالته له ( بسم الله الرحمن الرحيم· من محمد رسول الله إلى النجاشي عظيم الحبشة )
واعتقد ايضا ان الرسول حين خاطب هرقل ملك الروم وصفه بعظيم الروم )

هذه امثله من التاريخ الإسلامي القديم اما عن التاريخ المعاصر ففي دساتير كل من سلطنة عمان والبحرين
اللقب الرسمي لرأس الدولة هو جلالة السلطان المعظم و جلالة الملك المعظم ولو فيها اي شبه شرعية لما رضوا ان تكون في ألقابهم الرسمية

ومحليا لقب على المغفور له الشيخ احمد الجابر امير دولة الكويت المعظم
واستمر هذا اللقلب الرسمي مع كل الحكام الذي خلفوه حتى عهد ابنه أمير التواضع الشيخ جابر الاحمد رحمه الله الذي ازال هذه الصفه .

تحياتي

 

[nader100]

أخي الحبيب بو عبد المحسن

ليش الجدل في كلمة العظيمه

وكلنا نعرف لمن تطلق عليه هذه التسمية

وبعدبن أختي أم ضاري طلبت منك أن تسميها بإسمها وهذا الشىء يتناسب معها

وأتمنى منك إبداء رأيك الكريم بالسهم كما طلبت أختي

آمل منك طول بالك وسعة صدرك

أخوك الصغير

 

[ابواللطف]

الاخ علقم ابو مبارك في رده علي واحد من الاخوان يقول اطلع من السهم وانطره علي سعر 104 -والاخت الفاضله ام ضاري تقول كسر 110 خروج - فياليت الاخت ام ضاري تبين لنا دعومات السهم وهل كسر 110 خروج - ولا نستغنى عن تحاليل الاخوان للافاده

 

[بوعبدالمحسن]

الاخ علقم ابو مبارك في رده علي واحد من الاخوان يقول اطلع من السهم وانطره علي سعر 104 -والاخت الفاضله ام ضاري تقول كسر 110 خروج - فياليت الاخت ام ضاري تبين لنا دعومات السهم وهل كسر 110 خروج - ولا نستغنى عن تحاليل الاخوان للافاده

هااا اشوف ما ترد نزل والا ما نزل ؟ عيل انا المدعو ها ؟

 

[ابواللطف]

الي المدعو المحترم المهيب الركن ابو عبدالمحسن = مجموعته كلها نازله بسبب القضيه المرفوعه فشي طبيعي النزول و لا يحتاج الي ذكاء ومجهود منك =

 

[بوعبدالمحسن]

اي قضيه ؟ لا يكون متخرط هذا اسمنت مو اجيليتي

ثاني شي انا ما قلت اني ذكي ولا قاعد احلل انا قلت توقعاتي

 

[3lgm]

هذا والله كريم

 

[ابواللطف]

اي قضيه ؟ لا يكون متخرط هذا اسمنت مو اجيليتي

ثاني شي انا ما قلت اني ذكي ولا قاعد احلل انا قلت توقعاتي

انت باي سوق تداول 0 توقعاتك المصونه ما قالت لك ليش مجموعة الاستثمارات كلها حد ادني ومن ضمنها اسمنت الخليج - اذا فهمت طلبتك لا تكتب توقعاتك ولا امنياتك ولا احلامك= واذا ما فهمت تراك مرخوص اكتب الي تبي حتى لو تكتب عن عن اخر صرعات الخيام وتجهيزات البر:d