الشركه العالميه للشحن الجوي (لود اير) 2

[معشي الجن]

ياجماعه صدقوني هالتجار مومتعطلين علي فلوسنا الا لاتفوتكم الزيادة واكتتبوا ولكم طيران الجزيرة عبرة وصلت بعد الزيادة والادراج 500

ياخوي الظاهر مفلسين الجماعه ومحتاجين سيوله وانا مو مع زياده راس المال (طبعا رايي الشخصي)

 

[بو ضاري 2005]

شباب متا موعد الزياده وشنو الطلبات

 

[بونواف]

وانا معاكم شياب ضد الزياده واي موقف تتخذونه دزولي رساله على الخاص

 

[بو ضاري 2005]

شباب ماحددو موعد الزياده

 

[انطلق2]

يجماعه أنا من زمان ما دخلت على هالصفحة....في زيادة راس مال فاتتنا؟؟؟

 

[النجدي2007]

يجماعه أنا من زمان ما دخلت على هالصفحة....في زيادة راس مال فاتتنا؟؟؟

اي نعم في زيادة راس مال للشركة بس للحين ماحددو موعد الاكتتاب

 

[مضارب شجاع]

نحن ضد زيادة رأس المال
هذا من الغير المطنق ان شركه تطلب زياده فى هذه الظروف الصعبه

 

[hassankoc]

الله المستعان

 

[نوط بو 1000]

مشاهدة المرفق 114590

قاطعوا زيادة رأس المال::verymad::::verymad::::verymad::

عندي سؤال ياليت أحد يجاوبني عليه

ثاني واحد من يسار الصوره شنو يبيع..؟!

 

[المهندس حسين]

أظن والله العالم إن هذا "ناصر علي الخليفة"

مجرد تخمين

 

[نوط بو 1000]

أظن والله العالم إن هذا "ناصر علي الخليفة"

مجرد تخمين

يجوز

بس شكله حيل متعلّق و متوهق و مبين عليه محتاج الكاش..!!

 

[معشي الجن]

ياجماعه صدقوني هالتجار مومتعطلين علي فلوسنا الا لاتفوتكم الزيادة واكتتبوا ولكم طيران الجزيرة عبرة وصلت بعد الزيادة والادراج 500

يا أخي تقارن الجزيره مع هالشركه ؟ الجزيره لما ارفعت راس المال كان السوق زين ؟ وبعدين كانت شغاله ,و هذي لا حس ولا خبر ,, والسؤال,, الجمعيه العموميه بس أجتمعت لرفع راس المال بس ؟ ,,ليش ما أجتمعت عشان بيانات الشركه ؟ عشان أنعرف شنو اللي لنا واللي علينا عشان نرفع زياده راس .. واحتمال الشركه اذا نزلت بالسوق راح تروح تحت الميه فلس مثل غيرها
المهم يقللون معاش الريال بو 14,000 بالشهر,, وكل خوفي يبون يزيدون راس المال يرقعون الخساير

 

[مضارب شجاع]

لا للزيادة رأس المال
لا للنصب والاحتيال
لا للضحك على الذقون

 

[معشي الجن]

لا للزيادة رأس المال
لا للنصب والاحتيال
لا للضحك على الذقون

الكتاب مبين من عنوانه
شوف المشاركه رقم 788 وأحكم من الصوره ,, شكلهم طبعانين وبالأرياق (جنهم بعزا)

رايي الشخصي الأكتتاب مامنه فايده

 

[المهندس حسين]

القهر إن فلوسنا بيدهم يتصرفون فيها كما يشاؤون واحنا متفرجين مابيدنا شي للأسف

الله كريم

كنت أطمح أحقق ربح بس ألحين راضي لو أرد راس المال

 

[النجدي2007]

والله جني اشوفكم يالي تقاطعون زيادة راس المال , اول من يصف درو بالبنك ويكتتب انتوا ونشوووف

 

[معشي الجن]

والله جني اشوفكم يالي تقاطعون زيادة راس المال , اول من يصف درو بالبنك ويكتتب انتوا ونشوووف

مثال

اخوي طيران الوطنيه شغاله (وتخيل القاهره بس )حتى الجزيره ما يوصلون أهناك !و سهم الوطنيه ب 130 تقريبا أشحال ربعنا ,,, تكفى قارن بيناتهم

 

[بو ضاري 2005]

ابى اعرف الشباب الى فى المنتدا ويكتبون ليش مايحضر لجتماع ويناقش وين لرباح اذا فى ارباح حتا نتشجع ونزيد معهم اما خبط لزك فيها انه ولا ليش الغموض اشترى فى افلوس قيمة الزياده اى سهم ابو 30 فلس ابرك من الزياده

 

[المهندس حسين]

لو تبون تعرفون إذا الشركة شغالة اولا تكفون زوروا الموقع الرسمي للشركة وراح تعرفون لأي درجة في إهمال في هالشركة والأخوان الله يعلم شقاعد يسوون من أربع سنين

الصفحة هذه تعكس واقع الشركة المرير واحكم بنفسك
www.loadair.com

 

[نوط بو 1000]

لو تبون تعرفون إذا الشركة شغالة اولا تكفون زوروا الموقع الرسمي للشركة وراح تعرفون لأي درجة في إهمال في هالشركة والأخوان الله يعلم شقاعد يسوون من أربع سنين

الصفحة هذه تعكس واقع الشركة المرير واحكم بنفسك
www.loadair.com

خساره فيهم الدومين

يخب عليهم

بس شيهمهم كله من بيزاتنا حتي المقر عالبحر

هذا إللي يقول عندك تاكل قال لا عندك تغرم قال إي..!!