الاتصالات الكويتية (الاتصالات الثالثة) ..2

[(فزاع)]

جم توقعاتكم للتخصيص؟

بشكل متشاؤم وبشكل متفائل؟

وشكرا

كله بعلم الغيب ..
لأن ما تدري جم شخص راح يكتتب ..
عدد المكتتبين في الاكتتابات الماضيه بأحسن الاحوال كان عددهم 700 الف تقريبا ً ..
ولو نفرض جدلا ً ان زاد العلم والمعرفه بإهمية الاكتتاب في المجتمع ، مع الاخذ بعين الاعتبار الاشخاص اللي مسافرين واللي ما يبون يكتتبون ..
وانقول ان اللي راح يكتتبون اهم 800 الف ..

تقسمهم على 250 مليون سهم .. وبالآله الحاسبه راح يطلع لك رقم ..
اهو التخصيص المتوقع ..​

 

[abm]

ما فى أمل تأجل الان ........ ما يبون أحد فيها

 

[ابوعبدالرحمن 79]

ارجو الافاده

قرات اكثر من مره ان الاكتتاب راح يكون على طريقتين الاولى ب100 للاعلى والاخرى ب50 للادني بس اللي قريتيه بالجريده بخصوص المتقاعدين لاحظة ان سعر الاكتتاب للاعلى والادني هو 105 دينار وماذكرو سعر ال50 ؟
ارجو الافاده ودمتم

 

[rakan_yes]

لا اخو مافي الا شريحتين فقط لاغير
الادنى 50 دينار
والاعلى 100 دينار

اضافة علاوة اصدار 5 فلوس للسهم الواحد

تقبل تحياتي
اخوك
ابورااشد

 

[q8dream]

يا جماعه ...
استفسار لأهل الخبره...
اذا بشتري بطاقات من صديق والدنيا مالها امان بعد في هالزمان...
شلون اخذ عليه ضمان يحفظ حقي وحقه؟
كمبياله؟ سند؟ شيك؟


الي عنده خبر ينورنا يا جماعه

 

[قرقور]

أنا سامع أن شراء و بيع البطاقات حرام شرعاً ...... فتوى الدكتور محمد الطبطبائي
و الله أعلم

 

[ابوعبدالرحمن 79]

لا اخو مافي الا شريحتين فقط لاغير
الادنى 50 دينار
والاعلى 100 دينار

اضافة علاوة اصدار 5 فلوس للسهم الواحد

تقبل تحياتي
اخوك
ابورااشد

مشكور اخوي ابو راشد على التوضيح وكلامك سليم راجعة الجريده وطلع كلامك اوكي تسلم حبيبي

 

[عديل الروح]

الموظف في بنك الكويت والشرق الأوسط أبلغني اليوم

إن راح ياخذون دينارين على كل اسم في حالة الدمج بإسم الزوج أو الزوجة او احد الأبناء

كمثال

لنفرض إن الطلب المخصص لأقارب الدرجة الأولى يحتوي 11 شخص وهم الزوج والزوجة والأبناء عددهم 9

وبغيت تدمج الأسهم مثلا بإسم الزوج في طلب الإكتتاب في الخانة الأخيرة راح ياخذون منك 20 دينار على الزوجة والأبناء الـــ 9 علشان تدمجهم بإسم الزوج يعني على كل فرد دينارين

عاد ما أدري كل البنوك راح تكون نفس الشي أم كل بنك يتخذ قرار على كيفه

 

[دينار كويتى]

الموظف في بنك الكويت والشرق الأوسط يقولي اليوم

إن راح ياخذ دينارين على كل اسم في حالة الدمج بإسم الزوج أو الزوجة او احد الأبناء

كمثال

يعني اذا كان الطلب فيه اسم الزوج والزوجة والأبناء لنفرض 9 ابناء واللي هم الدرجة الأولى


وبغيت تدمج الأسهم مثلا بإسم الزوج في طلب الإكتتاب في الخانة الأخيرة من الطلب راح ياخذون منك 20 دينار على الزوجة والأبناء الـــ 9 يعني على كل فرد دينارين

عاد ما أدري كل البنوك راح تكون نفس الشي أم كل بنك يتخذ قرار على كيفه

البنك ما له حق ياخذ اى فلس زياده عن المقرر والموجود بنشرة الاكتتاب .

بعدين الدمج يتم عن طريق المقاصه انت بس تحط علامه على مربع الدمج وتكتب اسم الى تبى تدمجهم باسمه .
البنك ما له اى دور ، مجرد وسيط يستقبل منك ويرسل للمقاصه وياخذ عمولته من رسوم الاصدار .

 

[عديل الروح]

البنك ما له حق ياخذ اى فلس زياده عن المقرر والموجود بنشرة الاكتتاب .

بعدين الدمج يتم عن طريق المقاصه انت بس تحط علامه على مربع الدمج وتكتب اسم الى تبى تدمجهم باسمه .
البنك ما له اى دور ، مجرد وسيط يستقبل منك ويرسل للمقاصه وياخذ عمولته من رسوم الاصدار .

نعم كلامك صحيح 100% وهذا اللي كالعادة يصير مع الاكتتابات السابقة

لكن الموظف ومدير فرع البنك نفسه أكدوا سالفة الدينارين اليوم

 

[دينار كويتى]

اذا ماتبى تجادلهم افتح حساب فى بيت التمويل واكتتب عن طريقه .

تونى مكلمهم وقالوا ما ناخذ اى فلس زياده .

 

[thug-life]

بخصوص خبر الدينارين .. صحيح و تم تأكيد المعلومه من برنامج المؤشر
و بخصوص عدد اسهم التخصيص ... لاتنسون ان الشركات ليس لها الحق بالاكتتاب و هذا شيء اجابي للافراد
و دمتم

 

[عديل الروح]

اذا ماتبى تجادلهم افتح حساب فى بيت التمويل واكتتب عن طريقه .

تونى مكلمهم وقالوا ما ناخذ اى فلس زياده .

رحم الله والديك


ومشكور يا اخوي


صج بنك الكويت والشرق الأوسط نصابين .....

 

[red1981man]

في فايدة اذا سجلت بطاقتي بروحي؟؟؟

 

[السهم المكسور]

اسئلة وياريت الله لايهينكم تعطوني اجوبتها:
اذا بكتتب عن اخواني وامي وزوجتي وعيالي يصير اروح اكتتب آنه؟ وفي طلب اكتتاب واحد؟ علما بان عندي توكيل عن امي؟

ومتى اقدر ادمج او احول اسهم ناس غير اهلي الى حسابي او محفظتي؟

وجم تنصحون اكتتب؟ ب500 او 1000 سهم؟

واسمحولي على الطواله ومشكوووورين

 

[alani60600]

شركة الاتصالات الجديده سعرها 115

شركة الاتصالات الجديده شركه مساهمه جديده
وزعة كالاتي
1- 26% تم بيعها علي شركه سعوديه

2- 24% تم اخذها للحكومه ممثله بعدة ماسساة حكوميه

3- 25% علي جميع الشعب الكويتي الغلبان

4- 25% لازال البحث عنها جاري وقد تم رصد مكافأه مجزيه
لمن يعلم اين اين ذهبة

5- رصيد المواطن 200 سهم بسعر 21 دينار

حتي تصبح 1000 سهم يدمج خمس من الابناء
كل شخص بدينارين
5×2=10 21×5+10= ( 115 )

تم تعميم خصم دينارين اجباري علي الدمج لكل
شخص داخل ورقة النموذج
مثال
انت وزوجتك وثلاثه من ابنأك يتم خصم عليك 10 دنانير

الله المستعان

 

[(فزاع)]

شركة الاتصالات الجديده شركه مساهمه جديده
وزعة كالاتي
1- 26% تم بيعها علي شركه سعوديه

2- 24% تم اخذها للحكومه ممثله بعدة ماسساة حكوميه

3- 25% علي جميع الشعب الكويتي الغلبان

4- 25% لازال البحث عنها جاري وقد تم رصد مكافأه مجزيه
لمن يعلم اين اين ذهبة
5- رصيد المواطن 200 سهم بسعر 21 دينار

حتي تصبح 1000 سهم يدمج خمس من الابناء
كل شخص بدينارين
5×2=10 21×5+10= ( 115 )

تم تعميم خصم دينارين اجباري علي الدمج لكل
شخص داخل ورقة النموذج
مثال
انت وزوجتك وثلاثه من ابنأك يتم خصم عليك 10 دنانير

الله المستعان

رآس مال الشركه 50 مليون ..
50% للمواطنين ،، اي 25 مليون دينار .. أي .. 250 مليون سهم ..​

 

[المانع]

يعنى كل شخص 200 سهم ماتسوى اكتتب ودوخ نفسى

 

[البيت الخليجي]

اسئلة وياريت الله لايهينكم تعطوني اجوبتها:
اذا بكتتب عن اخواني وامي وزوجتي وعيالي يصير اروح اكتتب آنه؟ وفي طلب اكتتاب واحد؟ علما بان عندي توكيل عن امي؟

ومتى اقدر ادمج او احول اسهم ناس غير اهلي الى حسابي او محفظتي؟

وجم تنصحون اكتتب؟ ب500 او 1000 سهم؟

واسمحولي على الطواله ومشكوووورين

نعم يصير تكتتب عنهم و تدمجهم باسمك بنفس وقت الاكتتاب ( في الطلب هناك مربع تحت تؤشر عليه بطلب الدمج) ... و بالتأكيد اكتتب ب 1000سهم

 

[ابوعبدالرحمن 79]

عندي سؤال وياليت القى اجابه له عندي اخوي مطلق زوجته وعنده ولدين يقدر يكتتب عنهم والا الحق لامهم علما بان امهم عندها حق الحظانه يعني منو اللي له الحق بالاكتتاب لهم