أفضل وحدات التكييف في الكويت ؟

[هورنت]

اولا مبروك ان شاء الله

شوف انا عندي بيتين , وواحد منهم فيه نظام شقق , والوحدات جربتها من يمين ومن شمال

بس بصراحة وبدون مبالغة مثل جنرال ماشفت !! شيء فوق الممتاز

اعقلها وتوكل واخذ جنرال

الخيار الثاني ارجح لك هيتاشي

وحط في بالك هالمثل ( البخيل يدفع مرتين ) !! وان شاء الله منت بخيل بس "مثل" علشان تأخذ الاجود والاحسن

وموفق خير

 

[Faris]

اشكركم اخوانى ...

ولكن اخوي الجنرال الجديد مضروب على كلام بعض الناس وندموا إنهم شروها !

مدرى اذا لك خبره فـ الجنرال بارك الله فيك وين ألاقى الاجود بينهم ؟

 

[سلطان الخليج]

هيتااااشى وبس

 

[اللمبى]

للعلم هيتاشى الحاليه الكمبريسر كورى مو اصلى

افضل سانيو شغاله عندى 13 سنه وماشاء الله كفاله سبع سنوات كمبريسر
والله اعلم

 

[saud101]

ميتسوبيشي
يقولون له اسمين بالسوق ميتسوبيشي اليكتريك و ميتسوبيشي داتا وماادري اي هو الافضل والاصلي

نفس السؤال وصناعتها شنو

 

[قلم حر]

السلام عليكم
اخوكم خلال الفترة القريبة راح يتزوج
ابي نصيحتكم بوحدات التكييف السبلت
الماركات كثيرة والواحد يحتار بصراحة
باناسونيك - توشيبا - جينيرال - كاريير - فوجي - ال جي
المطلوب الهدوء + البرودة القااارسة + تحمل حرارة الكويت ( يعني لي وللزمن )
وشكرا جزيلا

الف الف مبروك

ال جي حائزه على الجائزه الاولى للتكييف للثمان سنوات الماضيه

 

[حمود الفشقه]

أولآ مبروووووك وبالرفاه والبنين
جربت جنرال القديمه وسانيو القديمه وال جي وهيتاشي
و الـ panasonic أيضآ

بالمرتبه الأولى الـ panasonic
الثانيه الـ هيتاشي
البقيه أقل منهم.

 

[الموحد1]

ميتسوبيشي تغيرت الحين صناعتها تايوان ذبحني يخر ماي فتحت التصريف صغيره مره

 

[الحريه وطن]

ياجماعه لقيت هيونداي 4طن اللي توقف جنها براده منو جرب الهيونداي؟

كما لقيت ميتسوبيشي 3 طن سعرها غالي 450دك

 

[الحريه وطن]

ماني متاكد متسوبيشي ولا هيتاشي ب450دك

لقيت توشيبا ب280دك
وجنرال 270دك

 

[away1979]

مبروك ان شاءالله مقدما
بكل صراحة متسوبيشي موطبيعية
من كل النواحي التوزيع التبريد الصوت وادعيلي

 

[sjl71]

مبروك اول شي

اخوي متسوبيشي انا مركب

مكيف قمه

1- التبريد
2- تقسيم الهواء
3- نقاوة هواء
4- رموت سهل الكبير وصغير يعرفله
وسأل صاحب محل تثق فيه راح يمدح الوحده

 

[الحريه وطن]

كم سعرها الميتسوبيشي

 

[فاهييه]

؟؟؟

 

[الصاحب الاول]

منو وكيل سانيو بالكويت ورقم تلفونه ماعليكم امر

وكيله العمر طال عمرك

انا بغيت اركب سانيو ورحت لهم بس مالقيت سانيو الياباني

اللي عندهم كله تجميع الصين

كل اللي بالسوق صيني اللحين ماعدا جنرال وتوشيبا تجميع تايلند والثاني تجميع انونيسيا

بس انا عندي سانيو الياباني القديم

ماشاء الله عليه وتبارك الرحمن

 

[فاهييه]

؟؟؟

 

[الاحمـد]

ما شاء الله الموضوع صارله 3 سنوات او 4 تقريبا


الرجال عيل تبارك الرحمن وللحين تنصحونه عالمكيفات..!!!!!!!!!

ههههههههههههههه

 

[dr_chart]

شباب ابي رايكم باشتري وحدات لتوسعه عندي بالبيت .....افضل الوحدات من حيث السعر والجوده شنو تنصحون فيه...............ارفع..

 

[Maxima]

شباب ابي رايكم باشتري وحدات لتوسعه عندي بالبيت .....افضل الوحدات من حيث السعر والجوده شنو تنصحون فيه...............ارفع..

حسب تجربتي عليك بثنتين
اولاً ( او جنرال ) وكيله شركة الاتحاد التجاريه دير بالك في اسامي تقليد جنرال اليكترك وغيرها خلك على او جنرال OGeneral

ثانياً هيتاشي
ولا تدور غيرهم

 

[Nagooshy]

شباب ابي رايكم باشتري وحدات لتوسعه عندي بالبيت .....افضل الوحدات من حيث السعر والجوده شنو تنصحون فيه...............ارفع..