شركة هيتس تيليكوم القابضه (نبراس سابقا)

[kwt.to.kwt]

أخر تحديث 18/04/2008
تحولت من تعليمية إلى اتصالات
«هيتس تليكوم» زادت رأسمالها إلى 19.5 مليون دينار

كتب أحمد سليم

قال رئيس مجلس الإدارة في شركة هيتس تليكوم القابضة محمد الايوب: إن الشركة قامت بزيادة رأسمالها من 5 ملايين دينار وأعلن عن تحقيق أرباح بلغت 22 فلساً للسهم مشيراً إلى انه بعد زيادة رأس المال بمنحة 207% ليصبح 19.5 مليون دينار والارباح التي تم الإعلان عنها كانت على اساس معدل رأس المال الجديد فأصبحت 29 فلساً.واضاف الايوب على هامش انعقاد الجمعية العمومية غير العادية للشركة التي عقدت أمس ان الشركة قامت بتغيير النظام الاساسي من شركة تعليمية إلى شركة اتصالات ومن اليوم يحق لـ«هيتس تليكوم» ممارسة نشاط الاتصالات.
وحول الاستراتيجية التوسعية للشركة اوضح الايوب ان هناك فرصاً قيد الدراسة ولكن هناك فرصة سوف يتم الإعلان عنها خلال الشهر المقبل.
وحول زيادة رأسمال الشركة الجديد اشار الايوب إلى انه تم ارسالها إلى أحد البيوت الاستشارية لاقرارها والبيت الاستشاري قام بدراسة حاجات زيادة رأس المال والمبلغ الذي سنحتاجه في التوسعات المقبلة مؤكداً ان الموعد النهائي لاستلام هذه الدراسة يوم الخميس المقبل.
ونوه الايوب إلى ان الوضع الحالي في سوق الكويت للأوراق المالية غير مبشر بالخير بما انه استنفر كل طاقاته الا اذا وجد خبراً جديداً ينعش البورصة.
وأكد الايوب ان ارباح الربع الأول حتى اليوم جميعها ممتازة وخصوصاً قطاع البنوك موضحاً ان قرارات البنك المركزي بتقليل نسبة الاقراض والقروض منذ اسبوعين تقريباً لم تأخذ اثرها حتى الآن، مشيراً إلى ان القرار سيأخذ من 6 أشهر إلى عام كامل لاستبيان مفعوله فالربع الأول ليس مقياساً للارباح اليوم.

مشكور يا بوفواز وبارك الله فيك قول وفعل ما شاء الله تبارك الله ...

بس ما تدري جم الزياده وبجم بالفلوس يعني توقع .؟؟؟

واخاف يا بوفواز يقولون اكتفينا وما نبي نسوي زياده راس مال يديده .؟؟؟ يروح السهم وطي .؟؟؟

والله المستعان؟؟؟

ممكن احد يشرح لنا منو المستفيد من منحه 207%

 

[garmin]

شوف اللي تدبس اليوم باكثر من 4 مليون سهم تقريبا أو أكثر
قليل
وده يروح 480

لكن أنا أقول شنو راح يسوون معاه محافظ المدينه أنا أعتقد راح يضغطونه قد الأمكان ومحاولة اخراجه براس ماله أو خساره 5فلوس من سعر شرائه
انا أعتقد السهم ماعليه طلبات باجر شراء .
أو العكس يفتحون له الطريج وينطرونه يدعم تحت ويغرقونه بيع ويتركون السهم مبتلش فيه ..منو راح يشتري منه !! ماراده يبيعه على السوق بنفس طريقة الشراءاليوم يطق من المعروض وموراد على أحد ممكن يبيع على المعروض بأي سعر ..

أعتقد أنا قاعد أنقل لكم الصوره كما أشوفها ..

وكل واحد عقله براسه

أنا قلت وخروا عن معمعةالسهم بأسعار أكثر من -460455 باجر ..وخل نشوف شنو راح يصير .


مثل ماننصح أن السهم زين ...لما نشوف شي لازم نبلغكم فيه

وكل من يتخذ قراره

أخوكم
بوفواز

سويسرا شفت هالمشاركه والا ماشفتها


..؟؟

 

[kwt.to.kwt]

سؤال نيته شينه

مشكور

أنا ودي أسئلك بس سؤال أحسب جم مره أنا أدش أشارك الصبح علشان تقول وين الجيماز

والله ...والله يشهد ما أدري جم نسبة زيادة رأس المال لغاية الأن بالضبط

كل اللي وصلني راح تكون الزيادة بسعر 107 فلوس

100 لنبراس و7 فلوس للمدينه

انت لو متابع موضوع نبراس من بدايته لي نهايته ماسالت هالسؤال

لما يكون الوضع زين نقول زين لما يكون موزين نقول مو زين

كنت محذر من منطقه ال465 -470 وقلت مضارب دش وربع المدينه قعدوله ممكن اليوم يكون اهوا اللي باع على السهم لانه مايبييدش في معمعه زيادة رأس المال



السهم أي كان سعره وخاصه للمستثمر ماعليه خوف بأذن الله وراح تشوف تعليقات بعد التفصيخ تسر خاطرك

ماعندي معلومه متى راح يتفصخ السهم

وعلى أي سعر ناوين ربع المدينه يتفصخ ..أقصد يوم أقفاله قبل التفصيخ ..

تداول اليوم كان أغلبه مضاربات عنيفه
السهم أول الصبح ماكان عليه عروض ولا طلبات

كان بالامكان أفضل من ماكان ..

إذا انت خسران أنا خسران معاك

أخوك
بوفواز






والله قالها لي واحد توه على الخاص الناس تبيك لمايربح معاك خل يخسر الله يعينك

من فضلك بو فواز
هل صحيح الزيادة 200%
وكم راس مال الشركة الحالي

 

[Navigator]

بو فواز رايتك بيضه

طوف عاد

 

[garmin]

من فضلك بو فواز
هل صحيح الزيادة 200%
وكم راس مال الشركة الحالي

رأس مالها الحالي 19 مليون

والله والله والله ماادري جم بالضبط كل اللي وصلني السعر راح يكون 107 فلوس

ماعلموني يمكن خايفين أكتبها في المنتدى
من أمس ماصدت أحد من اللي أعرفهم في قروب المدينه


راح يبين أشوي ونحسبها أنشاء الله


أخوك
بوفواز

 

[قاروه]

اشوف الجيماز وقت النزول مالة حس


؟ شي مو طيب

والله بوفواز موصي على السهم من محاري ال 240 فلس

وماشاء الله السهم وصل لل 500

وكل واحد عقله براسه يعرف خلاصه


والشي ال موطيب اساءة الظن بالناس

 

[garmin]

ممكن احد يشرح لنا منو المستفيد من منحه 207%

هذي ماكانت منحه هذي كانت زيادة راس المال الأولى بنسبة 207 بسعر 105 فلوس

وخلصت وتوزعت الأسهم وقاعد تتداول في السوق

أخوك
بوفواز

 

[يوسف محمد]

الجيماز انا اثق فيك وراينك بيضه وانا توقعى للسهم شى غير طبيعى بالفتره الفادمه للاسباب التاليه 1-صانع السوق ماخذ كميات كبيره علا الاسعار 450 و490 السهم عليه زيادة راس مال لازم يرفعه

 

[برقر]

والله بوفواز موصي على السهم من محاري ال 240 فلس

وماشاء الله السهم وصل لل 500

وكل واحد عقله براسه يعرف خلاصه


والشي ال موطيب اساءة الظن بالناس

قول حكيم بحق انسان يستاهللللللللللللللللللللللللللللل

 

[garmin]

بو فواز رايتك بيضه

طوف عاد

والله مطوف

ولاتحاتي دام الواحد ضميره مرتاح

أخوك
بوفواز

 

[garmin]

الجيماز انا اثق فيك وراينك بيضه وانا توقعى للسهم شى غير طبيعى بالفتره الفادمه للاسباب التاليه 1-صانع السوق ماخذ كميات كبيره علا الاسعار 450 و490 السهم عليه زيادة راس مال لازم يرفعه

كله يعتمد على نسبة الزيادة جم

السعر معروف تقريبا 107 فلوس للسهم
نحسب النسبه والسعر وراح نعرف تقريبا جم لازم يتفصخ وعلى أي سعر


خل ينزل أعلانهم ولكل حادث حديث

أخوك
بوفواز

 

[ميكانيكي]

جزاك الله خير بو فواز

كلامه الريال واضح

الي بضارب يضارب وعلى راحته

بس المستثمر مرتااااح ان شاء الله

 

[UNIX]

سويسرا شفت هالمشاركه والا ماشفتها


..؟؟

بو فواز محد مستثمر بالصفحة هذي و نفسه طويل الا انا و انت. طول بالك.

 

[garmin]

جزاك الله خير بو فواز

كلامه الريال واضح

الي بضارب يضارب وعلى راحته

بس المستثمر مرتااااح ان شاء الله

يالحلو

اللي يبي يصرف على الناس مايكتب بأسمه وبأسم عائلته
ينخش ورى الكيبورد والشاشه بأسم مستعار ويشتغل

أنا ماعندي شي اخاف منه غير ربي

أخوك
بوفواز

 

[garmin]

بو فواز محد مستثمر بالصفحة هذي و نفسه طويل الا انا و انت. طول بالك.

ان ماشفت السهم هذا خلال سنه ديناري أنا ما أفهم

ربع المدينه مينن مو صاحين ..


أخوك
بوفواز

 

[ميكانيكي]

ان ماشفت السهم هذا خلال سنه ديناري أنا ما أفهم

ربع المدينه مينن مو صاحين ..


أخوك
بوفواز

وليييييين

هذا الي بخليني اكتتب

 

[kwt.to.kwt]

هذي ماكانت منحه هذي كانت زيادة راس المال الأولى بنسبة 207 بسعر 105 فلوس

وخلصت وتوزعت الأسهم وقاعد تتداول في السوق

أخوك
بوفواز

بو فواز لو سمحت
متى كانت الزيادة وممكن تذكر كم تفسخ السهم بعدها

 

[UNIX]

أنا ريال مجهز بيزاتي حق زيادة راس المال. جهز فلوسك بو فواز.

 

[garmin]

وليييييين

هذا الي بخليني اكتتب

تبي تكتتب لاتطالع السهم اليوم وباجر

خل ينزل أعلانهم ويكون لنا تعليق

أخوك
بوفواز

 

[ميكانيكي]

تبي تكتتب لاتطالع السهم اليوم وباجر

خل ينزل أعلانهم ويكون لنا تعليق

أخوك
بوفواز

ماشي يا باشه