&&متابعه يوميه للمؤشر السعري والوزني &&

[kuwaiti_zoom]

المؤشر السعري :::::::::

اليوم المؤشر وصل لخط القناه الصاعده كما توقنا
وبعدها حصل جني أرباح
شارت اليوم يوضح لنا القنوات السعريه للمؤشر كما هي واضحه
أما عن ترقيم المؤشر لموجات اليوت فهو أحتمال وممكن يكون صحيح
وهو ترقيم سيء جدا في حال حصل

الدعم الأول : 14331 الدعم الثاني : 14268المقاومه الأولى : 14565 المقاومه الثانيه : 13588

اليوم السعري وصل للدعم الثاني وأرتد منه

 

[ميكانيكي]

توني بحط هالرقم

عيني عليك بارده

 

[Bo Mostafa]

أعتقد إن السوق باجر راح يسعى أن يسكر الفجوة إلي مسويها قبل أيام على 14235.5
وبعدها راح يصعد إن شاء الله

 

[العتيبـــيq8]

مشكور بو عبدالله kuwaiti_zoom على المتابعه في ميزان اعمالك بارك الله فيك.

 

[kuwaiti_zoom]

توني بحط هالرقم

عيني عليك بارده

جزاك الله خير يابوفجر

أعتقد إن السوق باجر راح يسعى أن يسكر الفجوة إلي مسويها قبل أيام على 14235.5
وبعدها راح يصعد إن شاء الله

كل شيء جايز

مشكور بو عبدالله kuwaiti_zoom على المتابعه في ميزان اعمالك بارك الله فيك.

حياك الله أخوي العتيبي
مشكور على الدعاء
موفق خير أن شاءالله

 

[قاروه]

يمسيك بالخير

والله يعطيك العافيه على المتابعه الطيبه

بوعبدالله سؤال ؟

ليش مستمتع بالقتل البطيء

طالما الجميع متوقع التصحيح والمؤشر كسر ترنده الصاعد

وين بيكون هدفنا ؟

 

[الأزدي]

تأمل ,,,,,,,,

السلام عليكم ورحمة الله وبركاته

اخوي بوعبدالله بارك الله فيك وشكراً على هذا المجهود الطيب

تعجبني ولك نظره خاصه فيك وفنيات عبقري اسجل اعجابي دائماً وتقديري لك


تذكر شارت قطاع البنوك شوفه الحين :d

 

[kuwaiti_zoom]

مشكور بو عبدالله kuwaiti_zoom على المتابعه في ميزان اعمالك بارك الله فيك.

يمسيك بالخير

والله يعطيك العافيه على المتابعه الطيبه

بوعبدالله سؤال ؟

ليش مستمتع بالقتل البطيء

طالما الجميع متوقع التصحيح والمؤشر كسر ترنده الصاعد

وين بيكون هدفنا ؟

ياهلا بوعبدالعزيز
مساءك الله بالنور ...مشكور طال عمرك على الدعاء

الوزني ماشكل الوتد الصاعد ألا للتصريف وأعطاء أشاره بالنزول القريب وذكرنا هالشيء سابقا

السعري يحتاج لمتابعه يوميا لتحديد قاع النزول
الوزني أوضح في الوقت الحالي عنده أكثر من أرتداد راح أذكرها يوميا أن شاءالله
لكن قاع الوزني أو بمعنا صحيح هدف رئيسي هو 747 لكن فيه أرتداد قبله عند 782

هذا الكلام من ناحيه التحليل الفني وأكبر أثبات هذا الشارت لاحظ صعود الوزني لملامسه الخط وبعدها بدأ النزول

http://www.indexsignal.com/vb/showpost.php?p=1104471&postcount=194

موفق خير يابوعبدالعزيز أسعدني مرورك

 

[أبو عمر]

وين رايحيين الحين يا بو عبدالله .. الله يجزاك خير ؟
وهل هذا ارتداد تصريفي برأيك ؟

 

[بو سليمان]

ما شاء الله بو عبدالله و الازدي دروس و لا اروع منها

جزاكم الله خير كفيتم و وفيتم

 

[kuwaiti_zoom]

السلام عليكم ورحمة الله وبركاته

اخوي بوعبدالله بارك الله فيك وشكراً على هذا المجهود الطيب

تعجبني ولك نظره خاصه فيك وفنيات عبقري اسجل اعجابي دائماً وتقديري لك


تذكر شارت قطاع البنوك شوفه الحين :d

جزاك الله خير يابومسفر
شهاده أعتز فيها ووسام على صدري

تعرف ردي على هالشارت مايحتاج أوضحلك بعد

مشكور على المشاركه الطيبه
موفق خير أن شاءالله

 

[ميكانيكي]

بو عبدالله

في مره قريت لك موضوع بسوق الكويت

عن الاسهم القياديه وتأثيرها على وضع السوق لانها تعطيك صوره اسرع عن التغيير الي بحصل بشكل عام

يليت نشوف مثل هالموضوع مره ثانيه

ومنها هذا السهم (( بيتك ))

على شفا حفره

 

[kuwaiti_zoom]

وين رايحيين الحين يا بو عبدالله .. الله يجزاك خير ؟
وهل هذا ارتداد تصريفي برأيك ؟

حياك الله أخوي
الليله راح أحاول أحط تحليل لتحديد الأتجاه أن شاءالله

ما شاء الله بو عبدالله و الازدي دروس و لا اروع منها

جزاكم الله خير كفيتم و وفيتم

ياهلا بوسليمان
مشكور طال عمرك

بو عبدالله

في مره قريت لك موضوع بسوق الكويت

عن الاسهم القياديه وتأثيرها على وضع السوق لانها تعطيك صوره اسرع عن التغيير الي بحصل بشكل عام

يليت نشوف مثل هالموضوع مره ثانيه

ومنها هذا السهم (( بيتك ))

على شفا حفره

من عيوني يابوفجر

 

[ميكانيكي]

تسلم عيونك

 

[الأزدي]

تأمل ,,,,,,

جزاك الله خير يابو عبدالله ادري والله وانا فاهمك عدل بس طماع ابي استفيد


طيب شرايك هل تكون هناك مضاربات قويه قادمه بالسووق وانا بنظري السوق لم يعطي إشارة للخروج للحين وانا براقب شارت قطاع البنوك عدل

تعرف البنوك من الاسهم القيادية اللي لها تأثير كبير بالمؤشر العام

 

[bo fawaz]

مساء الخير جميعا"
ومسى خاص لبومسفر والساحر كويتى زووم

ابوعبدالله وابومسفر

ماتلاحضون التصريف والمضاربه الى صايره من اسبوع

الشركات القياديه فصخت والبنوك فصخوا ومافيه مجال للاستثمار

الحين وقت المضاربه وشوفت عينكم مضاربات محترفه من قبل صناع السوق

وبنسبه لاشارة الخرووج الاسبوع الى فات عطانا مؤشر السوق اشارتين سلبيات

شمعة دوجى وشمعة الرجل المشنوق والى كان المفروض السوق يصحح

بعدها لكن تم ترفيعه بطريق محترفه ومتقنه لتبيان ان السوق بخير والعكس صحيح

ناطر تعليقكم الى ماينمل

وابومسفر قطاع البنوك شوفه شلون بيصير بعد اعلان الارباح للربع الاول

 

[الأزدي]

كلامك يابو فواز على العين والرأس بارك الله فيك إضافه بسيطه .....

بعد الارتفاعات المتواصله تأتي هناك مراحل مهمه وهي الاغلاقات السلبيه مع زيادة قيمة التداول

وهذي الاغلاقات تأتي بأحترافيه لاننسى ان هناك اسهم تواصل الارتفاعات حتى الوصول لأهدافها

المتفق عليها عموماً المضاربه لازالت موجوده وهي افضل وقت للمضاربه عند هذي المستويات

اخوي بو فواز دائماً وعندهذي المستويات يأتي صانع السوق ويلفت الانتباه ليتعمد بتضليل التحليل

الفني بأن تكون الأغلاقات على شمعة الدوجي وماشبها للتصريف وصانع السوق عند هذي

المستويات يواجه صعوبه بل يجد ان صغار المتداولين يبيعون قبله ويشترون قبله وتلقاه

كل يوم يجهز خطه محكمه بهدف اصطياد الصغار .......... واحنا لهم بالمرصاد

على العموم لاننسى هناك شارت على الفاصل الاسبوعي وهو لازال ايجابي واليومي كذالك
لازال ايجابي

وعسى الله يوفقنا معاكم وشكراً

 

[Navigator]

السلام عليكم ورحمة الله

اخوي بو مسفر واخوي بو عبدالله الله يقويكم

بالنسبة للمؤشر الوزني لاحظت محاولة دعم للمؤشر اليوم وارتداده من 795 واتوقع له هدف نزول 792 من الممكن غدا بإذن الله يرتد منه ويغلق فوق مستوى 800

ولو تلاحظ اكثر 5 شركات انخفاضا اليوم تلاحظ وجود شبهه بطريقة صانع السوق وكذلك القيمة النقدية قريبه من 200 مليون موزعه على اكثر من 4500 صفقه وهذا شيء مبشر نوعا ما ويدل على الضغط المتعمد للمؤشر والا شنو رايكم

وهذا التحليل للغد والله اعلم

 

[kuwaiti_zoom]

جزاك الله خير يابو عبدالله ادري والله وانا فاهمك عدل بس طماع ابي استفيد


طيب شرايك هل تكون هناك مضاربات قويه قادمه بالسووق وانا بنظري السوق لم يعطي إشارة للخروج للحين وانا براقب شارت قطاع البنوك عدل

تعرف البنوك من الاسهم القيادية اللي لها تأثير كبير بالمؤشر العام

هلا بومسفر
الترند اللي أنت حاطه ممكن يتم الأغلاق عنده ليوم واحد كأحترام
وممكن يحصل عنه أرتداد خفيف لكن في نظري راح يتم كسره
موفق خير أن شاءالله

مساء الخير جميعا"
ومسى خاص لبومسفر والساحر كويتى زووم
ابوعبدالله وابومسفر
ماتلاحضون التصريف والمضاربه الى صايره من اسبوع
الشركات القياديه فصخت والبنوك فصخوا ومافيه مجال للاستثمار
الحين وقت المضاربه وشوفت عينكم مضاربات محترفه من قبل صناع السوق
وبنسبه لاشارة الخرووج الاسبوع الى فات عطانا مؤشر السوق اشارتين سلبيات
شمعة دوجى وشمعة الرجل المشنوق والى كان المفروض السوق يصحح
بعدها لكن تم ترفيعه بطريق محترفه ومتقنه لتبيان ان السوق بخير والعكس صحيح
ناطر تعليقكم الى ماينمل
وابومسفر قطاع البنوك شوفه شلون بيصير بعد اعلان الارباح للربع الاول

هلا بوفواز
راح أحط تحاليل لبعض الأسهم القياديه وتأثرها بالنزول
موفق خير أن شاءالله

السلام عليكم ورحمة الله

اخوي بو مسفر واخوي بو عبدالله الله يقويكم

بالنسبة للمؤشر الوزني لاحظت محاولة دعم للمؤشر اليوم وارتداده من 795 واتوقع له هدف نزول 792 من الممكن غدا بإذن الله يرتد منه ويغلق فوق مستوى 800

ولو تلاحظ اكثر 5 شركات انخفاضا اليوم تلاحظ وجود شبهه بطريقة صانع السوق وكذلك القيمة النقدية قريبه من 200 مليون موزعه على اكثر من 4500 صفقه وهذا شيء مبشر نوعا ما ويدل على الضغط المتعمد للمؤشر والا شنو رايكم

وهذا التحليل للغد والله اعلم

حياك الله أخوي أبوالنصح
مشكور على المشاركه القيمه
راح يتم متابعتها أن شاءالله لتداول باجر
موفق خير أن شاءالله

 

[kuwaiti_zoom]

السلام عليكم ورحمة الله وبركاته

اخوي بوعبدالله بارك الله فيك وشكراً على هذا المجهود الطيب

تعجبني ولك نظره خاصه فيك وفنيات عبقري اسجل اعجابي دائماً وتقديري لك


تذكر شارت قطاع البنوك شوفه الحين :d

بومسفر راح أشاركك تحليل قطاع البنوك

الشارت واضح الوتد لكن يوجد عندنا ترند صاعد تم كسر اليوم وبفجوه
يعني أن هذي أشاره من صانع السوق قبل كسر الوتد

موفق خير أن شاءالله