نصيحة لا احد يشتري بيت

[rikan]

هلا بالشباب

الله الله الله كلام ولا في الاحلام قل قل ياشيخ ما اطولك ياليل

مرني يالصانع ما عندك احد انت والوزير العوضي والكلام ما في اكثر

منه بالكود احلام ورديه انا واحد ابحفظ هالنسخه عندي واتحدى

ان يتم شي من هالكلام ديره اكثر شي فيها الكلام والا الافعال

انسى يا رجل وحسبنا الله ونعم الوكيل فيمن لايطبق ما يقول

ويوعد يعني خلوني بالوزاره تكفون ههههههههههههههههههه​

كلام في الهجايص ​

لا والحركه الدستوريه توها صحت من النوم لتعمل على قانون في مصلحة

الشعب نوم الهنا يا دستوريه تو الناس المشكله على من تضحكون هو

ده السؤال ​

 

[Solid_investor]

سوق العقار السكني خق خقة بعد التصريحات الاخيرة هذا كلام الوسطاء
بعض المناطق نزلت الاسعار من 10 الى 15 الف للقسيمة

 

[ناصر فيصل]

السوق العقاري

اصبح الذي يحرك السوق المضاربين و خروجهم سوف يجر السوق الى اسفل لاسعار الحاليه غير مسبوقة افكر ابيع بيتي و ارجع اشتريه بعد سنة و احط الفرق في جيبي.

 

[Solid_investor]

اصبح الذي يحرك السوق المضاربين و خروجهم سوف يجر السوق الى اسفل لاسعار الحاليه غير مسبوقة افكر ابيع بيتي و ارجع اشتريه بعد سنة و احط الفرق في جيبي.

نصيحة لوجه الله اذا ما عندك غير هالبيت لا تفكر تبيعه لانها مخاطرة كبيرة

 

[CENTRALBANK]

نصيحة لوجه الله اذا ما عندك غير هالبيت لا تفكر تبيعه لانها مخاطرة كبيرة

اشاركك الراي

 

[tnvith]

صحيح الاسعار انزلت انا عندي ارض باشبيليه وصل سعرها الى 220 الف والان جاري نفس ارضي عارضها على 190 الف وما كو شراي والله اعلم

 

[حفار قبور]

الله يسمع منك

 

[حبيب]

الله يسمع منك تنزل الاسعار

 

[التحليل الفني]

سبحان الله البايع يقول العقار صاعد والشاري يقول العقار يبي ينزل والكل يحلم على مايشتهي هو ( وبالاخير انسان )

 

[يوسفاني]

كلام بالهوا

كلام مكرر سمعناه وايد من الحميدي قبلك يا العوضي وما شفنا شي فأذا عندك شي ثاني فيدنا أفادك الله

 

[بوخمسين]

نصيحة لكل من يريد ان يشتري بييت

لا تشترون بيوت بهالاسعار وانشاء الله بشهر 7 / 2008 راح تشوفون شلون
يترجونكم تشترون ولا وفقها هدايا !! وممكن يعطونكم فلوس علشان تشرون


وبقيمة الاسعار الحالية الواحد يشتري ثلاث بيوت ؟!!


الصبر زين


والله يصبرنا ونفتك من هالحسد والجشع في التجار والناس

يعطيك العافية

 

[مضارب عقاري]

كلام مكرر سمعناه وايد من الحميدي قبلك يا العوضي وما شفنا شي فأذا عندك شي ثاني فيدنا أفادك الله

كلامك صحيح عطانا الشمش بايد والقمر بايد واخرتها صار رئيس شركة عقارية الله يسامحة

 

[الأبطح]

شباب على ما يبدو ان تجار العقار يبيعون على بعض باسعار خياليه واتطيح براس المقرود
ولاحظوا ....... كل فتره يهبون بمنطقه
يعني تكون المنطقه اسعارها عاديه فجأه تصير فيها بيعه ولا بيعتين بسعر مرتفع ومنها
تبقى الاسعار مرتفعه ولأن مجال عملي له علاقه بالعقار وكنت ادور بيت
لاحظت هالشي مع قسايم القرين بشكل عام وبعدها العقيله وبعدها هديه
اتفق مع اللي قالوا انه يفترض ما يتم بيع عقار السكن الخاص مره ثانيه الا بعد سنتين
او اكثر حتى يشوفون لهم شي ثاني التجار ....
بيوت القرين المواقع كانت من سنتين البيت الشيخ مايتجاوز 125 الف
بالاشهر الاخيره وصلت 180 وفيه اكثر من بيت انباعوا اكثر من مره خلال اشهر
بيت انباع 140 بعد شهرين انعرض مسيوم 160 ......... شدعوه
لكن في شي انه سوووووووق العقار واااااااااااقف حاليا وهذا كلام الدلالوه
في احتمال كبير انه بعض المكاتب راح تسكر البيع والشرا قل

ماتضيق الا تنفرج ان شاء الله

 

[من الكويت]

الله يسمع منكم أجمــــــــــــــــــــــــــــــــــين

 

[التحليل الفني]

كلام مكرر سمعناه وايد من الحميدي قبلك يا العوضي وما شفنا شي فأذا عندك شي ثاني فيدنا أفادك الله

تصدق راح نسمع جمله في المستقبل والله اعلم ايام الوزير العوضي بس التجار شالوه والسبب انه يبي ينزل اسعار العقار راح تمر عليكم هذه السالفه

 

[Sky-Q8]

للرفع

 

[المتحذر]

والله يا اخوان انا سمت بيت بغرب الجليب رفض البيع في عيد الاضحى

والحين سمته باقل 10% وانتظر رد خلال اسبوع

 

[BO-MUBARAK]

والنعم فيك يالغالي

بس على أي أساس قلت هالكلام ..... !!!!!!!!!!

لأن الصراحه وايد غريب !!!!!


​

بومحمد انت بشهر سبعه قلت عني كلامي غريب

والحين

 

[market-maker]

كلامكم على راسي السبب

1- زيادة المعروض وقلة الشراء باسعار خيالية وقلة الطلب
2- منع دمج الراتب للزوجين
3- القرض بامر من المركزي 15 % من الراتب يعني جم بيعطونك في هالحالة ماتقدر تشتري لا انت ولا غيرك
4- بسؤال اكثر من مكتب مختص افادو انهم بالموت يلقون شراي بهالاسعار
5- تدخل الحكومة ومنعها للشركات من الامساك بالاراضي
6- توجه الحكومة لمنع المضاربات على الاراضي والبيوت
7- مافي اسقاط للقروض وحتى 50 دينار الحكومة موموافقة عليها !!
8- معارض شركات العقار بارض المعارض شنو قاعدين يعرضون ؟؟؟ ...( عقار خليجي فقط لان ارخص وموت المعروض العقار الكويتي يعني مافي شرايه وما يتعبون نفسهم )
9- الخوف من الحرب ضد ايران والحفاظ على الكاش وهذا اذا في كاش
10 - الحكومة تعطيك 70 الف والقرض البنكي 15 % ومنيه ومناك مو توصل 150 الف والبيت معروض 240 الف ؟!!! يعني مافي شراء

وبعد في ااسباب بس اكمل يوم ثاني

وجزاك الله خير على الصورة صج نادره والله يرحم من لازال فينا حي

كلامك مضبوط والحكومة زين تسوي بوضع قوانين صارمة علشان تحرق التجاروالشركات إلي مافي قلبهم رحمة وهذه يصب في مصلحة المواطنين وترقبو النزول القوي في الايام المقبلة العقار للادنى ان شاء الله
وبالتوفيق للجميع

 

[الراقي]

عندي واحد من ربع سكر مكتب بيع العقار وقاعد يلعب كوت ويقول مافي شغل والله يعين اللي المشتري راح طيح اسعار البيوت بعد