ماهو افضل جيب في السوق؟

[Solid_investor]

اخوي حدد غرض الاستعمال والمبلغ ترى اسعار متفاوته
وفي شي كشخه وفي حق بر وبحر وفي مكده شنو تبي
تبي شي يطير جيب مرسيدس
تبي شي بر وبحر سفاري
تبي شي حق شارع الحب رنج سبوت ولا كاين ولا اسكلد الجديد
تبي شي تروح وترد تيوته ولا هوندا
حبيبي قبل لا تشترى روح اي وكاله وقول بجرب السياره يعطونك اجربه يمكن ربع ساعه ولا ثلث ساعه وفكر بسياره الى اذا بغيت اتبيع في ناس تاخذه من مو ادقر ابيعتها والله يوفقك

يعطيك العافية على الشرح المفصل ... انا تركت السؤال مفتوح عشان الكل يدلي بدلوه و يفصل بالموضوع لتعم الفائدة للجميع

وشاكر لكل من تفاعل مع الموضوع وان شاء الله نسمع آراء اكثر من الشباب

 

[السيد الأصلي]

لاند كروزر

وصل لاند كروزر 2009 بالوكالة أمس نفس مواصفات 2008.​

 

[bo_koko]

جيب قراند شيروكي 2008

 

[Solid_investor]

وصل لاند كروزر 2009 بالوكالة أمس نفس مواصفات 2008.​

متوفر بالوكالة ولا لازم طلبية ؟

وشكرا

 

[السيد الأصلي]

متوفر بالوكالة ولا لازم طلبية ؟

وشكرا

متوفر بالوكالة طال عمرك والوان محدوده... للأستفسار 803803.​

 

[kokokaka]

السلام عليكم

وجه نظري البسيطه

بالنسبة الي قالوا لاندكروزر .... صحيح ان اللاندكروزر يسمونه (شيك) يعني

اتحط افلوسك وتستعمل ماتخسر فيه ...... بس لما ادش في سعر 17000

دينار مثل Vxr 2008 مكينته 4800 مثل القديمة..... صار سعره

سعر الجيب كايين وسعر رنج اسبورت وسعر سيارات فخمة جدا

في امريكا مافي لاندكروزر 6 سلندر 2008 في

5.7 مثل الكزس

انا بصراحه ما احب اللاندكروزر الاسباب:

1- الان غالي

2- قطع غيار نار ياحبيبي نار .... اغلى من السيارات الاروبيه

3- الوكيل في الكويت مومضبوط .... ولا تشتري لاندكروزر 2008 من غير

فرش الدواسات ..


-------------------------------------------------------------------

بالنسبه للسفاري من 2002 vtc قوي وسريع ويصلح حق اهل البر

بس موفخم مثل السيارات الباقيه .... مع العلم فيه جلد وفتحه وشاشه

-----------------------------------------------------------------

الكايين سيارة حلوه وفخمة جدا وحق الي يحبون السرعه في لها

تيربو 500 حصان .... حق كشخه مو ستعمال

بس اذا اختربت وين اتروح ..... بتروح حق الوكاله ولا بتروح حق كراج

يصلح موترك اغلى من الوكاله

------------------------------------------------------------------

رنج اسبورت اقوى موتر في الكويت من ناحيه التمشي ...

الحلو الي فيه شكله الخارجي.... بس موفخم مثل الكايين

بس يقعد رنج تشتريه 17000 وتبيعه ثاني يوم نص القيمه

واذا اخترب هم بعد وين بتروح

-------------------------------------------------------------
الطوارق هذا الجيب ماله داعي

لاهو الي سعره ارخيص والعالم تشتريه

ولاهو الفخم .... اقصد بالنسبه للكايين والرنج سبورت

تشتريه غالي على الفاضي ....

ادناه فلكس وييجن ..... اشتريه بي 15000 عسا ماشر

اشتري موتر نفس قيمته واحسن منه

------------------------------------------------------------

جيب الاودي ..... مساكين الشركه امنزلينه على انه جيب طلع بوكس

ياعمي كنه انفوي شكله قبيح وهم بعد غالي على شنو

----------------------------------------------------------------

الزبده :

مثل ماقلت بالبدايه وجه نظر

عليكم بالجمس .... ولا التاهو لي عدة اسباب :

1- سعرة جديد بالوكالة 8000 ..... وتحصله في وكالات السعوديه

ارخص

2- متوفر منه شاصي طويل وشاصي قصير .... يعني حق شباب

ياخذ شاصي قصير .... وحق العائله ياخذ طويل

3- بالنسبه للفخامه : شاشه وجلد وفتحه وتدفئة كشنات وتلفزيون

ورى وكاميرة لما ترجع وسنسر وتحكم بالسكان وتشغيل عن بعد

وليتات زنن وتخشيب ... والخ

4- والي يبي القوة والكشخه والفخامه في فئة DENALI مكينة 6.2

400 حصان ... على طول فوروييل

5- اهم شي القطع غيار السياره .... ارخص من الي موجودين

كلهم .... مر على الاهليه وماتعطل .... والكل يقدر يصلحه حتى بوهناد

يعرفوله ..

انا طبعا احب المواتر السابقه كلهم ماعدى طوارق والاودي

بس سعرهم غالي وبعدين تصليحم غالي واسعارهم اطيح بعد الاستعمال

ماعدى الاندكروز ولكن يبقى الامريكي ارخص وتصليحها بسيط ..

انشاءالله اني ماطولت عليكم


وشكرا

 

[VISION]

انا معاك اخوي

يوكن مناسب للجميع

وسعره معقول

 

[cc555]

الباثفايندر القديم وادعيلي افضل جيب حق البر والطعوس وقطع غياره رخيصة وما تشتكي بس تشرب بنزين شرب

 

[Solid_investor]

متوفر بالوكالة طال عمرك والوان محدوده... للأستفسار 803803.​

فعلا موجود بكميات محدودة بس زايدين سعره

ال 8 سلندر مع ونش و فتحة صار 14225
و ال 8 سلندر فتحة وشاشة 14500
وال 8 سلندر فتحة وشاشة و ونش 14800