Master-Leo توصيات + تحاليل + مضاربات .... 2

[Master-Leo]

بس قبل مشاركتي هذي كنت طالب تحليل البنك الوطني

اي اتصدق لما شفت النك مالك قاعد اقول كأنك طلبت الوطني

الدعم 2000-1980 ومقاومه 2080 ومقاومه اخرى 2160 المؤشرات سلبية لكن بدت تظهر تماسك مع تداول اليوم الأخير بالاسبوع الماضي

 

[بورصة نت]

ليو حبيبي

البنك الوطني:d

 

[al-hajri]

ليوووو البنااااااااااخي
كيف الحال؟
ولا عليك أمر
دانه (( أسماك ))
صناعات متحدة
جيزان
وألف مليون شكر يالغالي

 

[Master-Leo]

اخوي ليو تسمحلي بأستفسار انت و الاخوه اللي يحللون الاسهم تعتقد انه التحليل و مستويات الدعم تنفع مع السوق الكويتي خاصه انه احنا ما عندنا افصاح و كبار الملاك يتلاعبون بالسوق مثل ما يبون يعني مثال ... منو كان يقدر يحلل سهم زين سنه 2005 قبل الاعلان عن زياده رأس المال لما كان السهم ينفجر و يرتفع بشكل جنوني و احنا نتفرج عليه و ما ندري شسالفة و الكبار قاعدين يلموون و تقدر تقولي سهم مثل تمويل الخليج شلون ينزل من 1200 الى 485 فلس و اهوا كل سنه ارباحه تنموا و توزيعاته كل سنه تزيد لا و نقدي ... اللي ابي اوصله انه بورصتنا لعبه حق الكبار مثل البحر و ربعه يعني البحر يملك البنك اللي تتسلف منه و شركه الوساطه اللي تستخدمها و الاسهم اللي تشتري فيها مو ناقص الا يشتري السجن المركزي اللي تدشه بعد ما يتفسخ عقد الاجل و ما تقدر تدفع اقساط القرض : )

ياهلا فيك شلون ماتنفع اخوي تنفع ونص بعد وخل اعرض وجهة نظري مع ان هالحديث متشعب لكن الإطالة فيه تصير مملة

نعم سوقنا محتكر من قبل شلة سوء اذا جاز لي التعبير لكن هم شلة السوء
هذي مضطره تشتري وتبيع عشان تربح طبعا مو عشان صغار المستثمرين

يربحون ولاحظ لما الأسعار توصل للدعم غالبا ماترتد لو ارتداد بسيط يفيد
المضاربين وبنسب متفاوته ممكن المضارب يستفيد بربح بسيط أو بربح
فاحش حسب ارتداد السهم للأعلى .

لكن اذا السوق مجملا في نزول فطبيعي الأسهم أغلبها يكسر الدعم وينزل
وبعضها الآخر يحافظ على الدعم لأن صانع السوق ماسك الأسهم وعنده

سيولة كافيه لدعم السهم وواضح أمثله عندنا على بعض الأسهم اللي
تماسكت نوعا ما أو مانزلت بنسبة عاليه مثل بقية الأسهم الأخرى طبعا كل
سهم له أصحابه وله قصه مختلفه عن أسهم اخرى

وبالنهاية راح أذكرك اذا الله جعلنا من الأحياء في سنة 2008 شلون السوق
ماشي مع التحليل

 

[Q8 Stock]

اخوي ليو تسمحلي بأستفسار انت و الاخوه اللي يحللون الاسهم تعتقد انه التحليل و مستويات الدعم تنفع مع السوق الكويتي خاصه انه احنا ما عندنا افصاح و كبار الملاك يتلاعبون بالسوق مثل ما يبون يعني مثال ... منو كان يقدر يحلل سهم زين سنه 2005 قبل الاعلان عن زياده رأس المال لما كان السهم ينفجر و يرتفع بشكل جنوني و احنا نتفرج عليه و ما ندري شسالفة و الكبار قاعدين يلموون و تقدر تقولي سهم مثل تمويل الخليج شلون ينزل من 1200 الى 485 فلس و اهوا كل سنه ارباحه تنموا و توزيعاته كل سنه تزيد لا و نقدي ... اللي ابي اوصله انه بورصتنا لعبه حق الكبار مثل البحر و ربعه يعني البحر يملك البنك اللي تتسلف منه و شركه الوساطه اللي تستخدمها و الاسهم اللي تشتري فيها مو ناقص الا يشتري السجن المركزي اللي تدشه بعد ما يتفسخ عقد الاجل و ما تقدر تدفع اقساط القرض : )

وجهة نظر نحترمها منك اخوي مستثمر
لكن انت تفضلت وطرحت هذا الرد في موضوع بيتك

مساء الخير

ان شاء الله يسمحون لي الاخوان ابدي راي بسعر سهم بيتك , انااشوف انه سعره يمر بمرحله تصحيح يعني لو حسبنا حسبه بسيييطه راح نشوف انه ما وصل سعر نقدر نقول عنه رخيص..

ارباح الربع الثالث = 108 فلس

ارباح سنه 2007 المتوقعه = الربع الرابع + 108

الربع الرابع = 108 ÷ 3 = 36 فلس

ارباح 2007 المتوقعه = 144 تقريبا

مكرر الربحية = 2680 ÷ 144 = 18.6

و اذا عرفنا ان مكرر الربحية لسهم بيتك خلال السنتين اللي فاتوا بين 20 الى 22 بستثناء نزول السهم في شهر 3 سنة 2007 لما وصل مكرر الربحية بشكل غريب الى 14 بعد كل هذا نقدر نقول انه سعره منخفض بس مو بالشكل اللي متصوريينه الشباب : ) يعني مجردتصحييح عادي

اذا كلامك مثل ما تفضلت سليم
شلون تحلل الاسهم تحليل اساسي


اخوي مستثمر
اللي يبي يصرف كمية الاسهم متى يصرفها ؟؟
السهم نازل ولا صاعد ؟
اكيد عند مستوى سعري مرتفع علشان يحقق ارباح
واهني نصيده بالمقاومه او منطقة تشبع البيع

اما اللي يبي يشتري سهم متى يشتريه ؟
هل يشتريه بعد ما يحقق مستويات قياسيه بالارتفاع
ام عند مستويات متدنيه
اكيد عند مستويات متدنيه علشان يكرر الرد السابق ويحقق ارباح
( المثال اقصد فيه كميات اسهم كبيره + سيوله مرتفعه )


لكن الاهم هو
اللي تكسب بوه ,,,, إلعب بوه

 

[Master-Leo]

ليوووو البنااااااااااخي
كيف الحال؟
ولا عليك أمر
دانه (( أسماك ))
صناعات متحدة
جيزان
وألف مليون شكر يالغالي

هلا فيك اخوي

دانه : دعم 335 و دعم ثاني 320-315 ومقاومه 350 و 365 والمؤشرات سلبية

ص متحده : دعم 345-340 مقاومه 380-385 المؤشرات سلبية

جيزان : دعم 260-265 مقاومه 295-300 و مقاومه ثانيه 320 والمؤشرات أغلبها سلبي أيضا

 

[(طموح وقنوع)]

امممممم


اممممممممممممممم



امممممممممممممممممممممممممممم



اممممممممممممممممممممممممممممممممممممممممممممم



4 صافين وياك وماتبيني اجاوب ؟ راح أجاوب وأنا أضحك بعد عسى كفيت ووفيت

انت مكفي وموفي من زمان. قال النبي صلى الله عليه وسلم
: من قال لاخيه جزاك الله خيرا فقد بالغ بالثناء.
فجزاك الله عنا خير الجزاء... وتحياتي لجميع الأخوة.

 

[banker14]

ليو...مساك الله بالخير

الصفوة ما عليك أمر .....الدعم والمقاومة والمؤشرات ورأيك فيها علما باني شاريها بـ 166

 

[Master-Leo]

ليو...مساك الله بالخير

الصفوة ما عليك أمر .....الدعم والمقاومة والمؤشرات ورأيك فيها علما باني شاريها بـ 166

ياهلا فيك اخوي

حاليا الدعم للصفوه 146 ومقاومه 156 والمقاومه الأهم 164 والمؤشرات سلبية ومقتربه من مناطق الشراء

 

[Master-Leo]

مجموعة مختاره من الأسهم وتفصيل لحركتها يوم الخميس الماضي

ان شاءالله يكون مفيد

 

[Master-Leo]

لكن الاهم هو
اللي تكسب بوه ,,,, إلعب بوه

هذي المعلومه حقك بس لاتعلم أحد ولاتقول اني انا اللي قايل

مركز سلطان ​

الاسبوع الماضي : تداول 40.750.000 مليون سهم بقيمة 17.455.100 مليون دينار

الاسبوع قبل الماضي : تداول 8.010.000 مليون سهم بقيمة 4.004.100 مليون ديار

لو نحسب معدل سعر التكلفه يطلع بحدود 440 فلس على الناس اللي كانت تشتري بهالاسبوعين اللي فاتوا

ومن ضمنهم طبعا المحفظة أو الشركة اللي قاعده تشتري لأن مو معقوله 48 مليون سهم يتم تداولهم في

اسبوعين واللي يشتري فيهم صغار المستثمرين ماتدش العقل طبعا الا اذا اللي داش تاجر بو 50 مليون

الزبدة اللي بيشتري فأنا أشوف أسعار 385-400 ان شاءالله ماتتطوف وفيها خير وهذي وجهة نظر
قد تصيب وقد تخطأ والله يوفق الجميع والبيع قبل 450 للمضارب

 

[alhilo]

لو سمحت يا مستر ليو الاولى للاستثمار

 

[FOREVER]

مساك الله بالخير ما ستر

منتجعات ما عليك امر

 

[بومشاري]

مستر ليووووو
حبينا نمسي عليك بالخير ​

 

[بوقاسم]

يا اسد المؤشر ما عليك امر
نور + المدينه + الصناعات القابضه
أحسنت

 

[Master-Leo]

لو سمحت يا مستر ليو الاولى للاستثمار

مساك الله بالخير ما ستر

منتجعات ما عليك امر

هلا فيكم تفضلوا

الأولى : دعم حالي 460-455 وعندك دعم 445 و 420 على الشارت الاسبوعي
ومقاومات 480 - 500 - 520 والمؤشرات سلبية

منتجعات : دعم 210 و 200 ومقاومه 226 و 234 والمؤشرات ايضا سلبية

 

[Master-Leo]

مستر ليووووو
حبينا نمسي عليك بالخير ​

هلا بومشاري حياك الله عزيز وغالي

يا اسد المؤشر ما عليك امر
نور + المدينه + الصناعات القابضه
أحسنت

نور : دعم 560 مقاومه 590 و 620-630 والمؤشرات سلبية

المدينه : دعم 670 و دعم ثاني 650 - 640 و مقاومه 720 و 760

والمؤشرات سلبية وقد يكون مرشح للنزول لمستويات 640-650

الصناعات : دعم 1500 مقاومه 1620 والمؤشرات سلبية ماعدا مؤشر واحد
اعطانا دخول والأفضل في حال صعود السهم بيعه عند أو قبل 1620 والله أعلم

 

[Buffett]

مستر مساك الله بالخير حبيب ألبي ..

انشالله تكون قضيت عطلة نهاية اسبوع لطيفة =)

شتقول ابـــ " بيتـــك " ؟؟

ولك جزيل الشكر وعظيم الامتنان =)

 

[Master-Leo]

مستر مساك الله بالخير حبيب ألبي ..

انشالله تكون قضيت عطلة نهاية اسبوع لطيفة =)

شتقول ابـــ " بيتـــك " ؟؟

ولك جزيل الشكر وعظيم الامتنان =)

ياهلا وغلا حمدلله بخير عساك تكون بخير

موجود تحليل بيتك في مشاركه رقم #390

 

[السليطي]

بارك الله فيك يا ماستر ليو​