Master-Leo توصيات + تحاليل + مضاربات .... 2

[Master-Leo]

الغاااالى
عقااااار شنو سالفتها

ياهلا قنوع سلمك الله عقار الحين مؤشراتها تقول ان في مبالغه في البيع

بشكل مو طبيعي ليش مادري بس لاحظ ان ماكو تداول عليها فباين صانع

السوق شال ايده بالمره عن السهم مخلي الصغار يقطون وبدون لا يدعم

السهم وحاليا أقوى دعم عند 130 والمقاومه عند 140 بسيطه وعند 144 الأقوى

السلام عليكم اخ ليو لو سمحت صكوك انا غاص فيها من قلب وخسارتها كبيره

صكوك اخوي تخوف للمضارب لأن فيها زيادة رأس مال لكن يعتمد على صانع

السوق وقت نزول الاسهم المنحه هل رغبته ينزل السهم أكثر أو يبتدي

يدعمه ويرفعه الله أعلم والسهم حاليا في ادنى مستوياته ومؤشراته في

مناطق المبالغه في البيع والمقاومه 142 والدعم هو القاع 134-136 والله أعلم

 

[Master-Leo]

أخونا ليــــو أولا مشكور على كل المساعدات التى تقدمها للأعضاء و جزاك الله خيرآ
عندى ملاحظه و هى أن كل من يتحاور فى المنتدى خسران
وعندى لك سؤال ترى مين اللى بيكسب من البورصه وكل هادول خسرانين

ياهلا اخوي ماقصرت مشكور على كلامك الطيب

وهذي بورصتنا جذي تغري الناس مدام ان يربحون فيها مره ومرتين يطمعون
ويزيدون رأس المال ويدخلون فلوس

وفي يوم تنزل البورصه بشكل كبير والناس ماتصدق ان راح تنزل أكثر فتحتفظ بالأسهم على أمل الصعود مره ثانيه

وتظل الناس متدبسه بالعالي لاهي قادره تبيع ولا هي قادره تبرد على أسهمها أو تشتري أسهم بالقاع

البورصه كلنا عارفين ان وارد فيها الربح والخساره هذا شي طبيعي لكن اللي

مو طبيعي انك تشتري سهم ب 500 فلس مثلا وينزل عن 460 أو تشتري

سهم بدينار وينزل تحت 950 وماتبيعه وتوقف خسارتك فهذا اسمه انتحار

لرأس المال وليست خساره والله يبعدها عنكم

 

[Master-Leo]

هلا بالمهندس شخبارك طال عمرك
وانا عندى سؤال حق ليو ممكن يعطينى اخبار حلوه عن مواشى وهل له صعده حلوه له الايام الجايه

بوسعود ماشاءالله عليك حتى وأسهمك نازله أحس فيك روح الدعابه ليش مادري أهنيك صراحه على برود أعصابك

سهم المواشي ليما الحين في ترند نازل ومؤشرات سيئة وحاليا في اسوء اقفالاته السنويه والدعم القادم بحدود 315-320

السلام عليكم

شلونك استاذ ليو

عندي سؤال محيرني

شوف هالصفحة
http://www.kse.com.kw/PORTAL/A/Stock/Stock.aspx?stk=417&V=2

وابي تفسير حق المليون و400 الف على 220

شمعنه ... ما ياخذ الا عند السعر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تبي تفسير تحليلي ماعندي

تبي تفسير منطقي وبدون مقدمات ؟ لأن سهم بحري السوق نازل والريال مصعد أسهمه أحد بقول له لأ

يمكن عنده أخبار مشجعه شنو الله أعلم ولا شنو اللي يخليه يشتري بآخر السوق بسعر 220 ماعتقد عبط الذيب مايهرول عبث

 

[Master-Leo]

بوسعود بسألك سؤال شخصي واذا فيها حرج دزلي على الخاص قولي المواشي لما وصل 400-405 ليش ماقطيتها !!

 

[باش مهندس]

تبي تفسير تحليلي ماعندي

تبي تفسير منطقي وبدون مقدمات ؟ لأن سهم بحري السوق نازل والريال مصعد أسهمه أحد بقول له لأ

يمكن عنده أخبار مشجعه شنو الله أعلم ولا شنو اللي يخليه يشتري بآخر السوق بسعر 220 ماعتقد عبط الذيب مايهرول عبث

المشكلة مو اول مرة يسويها

بعدين شالذكاء الزايد

ليش ما ياخذه بسعر اقل
ليش بالحد الاعلى

اخر مرة سواها واخذ ب 220
بس للأسف السهم ما طاف 226 اذا ماني غلطان

يعني الحبيب ياخذ على 220 ويصرف بين 222 و226

 

[باش مهندس]

انزين سؤال:

تنصح ان ندخل على سهم (اي سهم) اذا شفنا صفقات مليونية؟

يعني هل تعتقد ان الصفقات المليونية وراها صعده ولو كانت خفيفة؟

 

[بوسعود66666]

بوسعود بسألك سؤال شخصي واذا فيها حرج دزلي على الخاص قولي المواشي لما وصل 400-405 ليش ماقطيتها !!

ابصراحه انا مااخذها على 355 وكنت حاط فى بالى ابيعها على 450 ادرى بتقول طماع بس شنو انسوى والصراحه الحين ماعندى ولا سهم الا وانا خسران فيه الله يعوض الجميع وتبى الصراحه انا مااتضايق علشان افلوس انا راح اكون مستثمر طويل الامد ويمكن اكثر

 

[Master-Leo]

انزين سؤال:

تنصح ان ندخل على سهم (اي سهم) اذا شفنا صفقات مليونية؟

يعني هل تعتقد ان الصفقات المليونية وراها صعده ولو كانت خفيفة؟

تفرق لما تقولي مليون منتجعات غير عن مليون بوبيان ب

مليون منتجعات طقتها بيزه عند البحر واللعب وياه وارد جدا ويمكن اليوم طاق

ال 220 وباجر يقط على 218 بتقولي خسران أقولك لأ طبعا عنده من قبل

ملايين الأسهم شاريهم تحت 200 فلس فحبيبنا ربحان ليما الحين حتى

لو ماصعد أسهمه

 

[Master-Leo]

ابصراحه انا مااخذها على 355 وكنت حاط فى بالى ابيعها على 450 ادرى بتقول طماع بس شنو انسوى والصراحه الحين ماعندى ولا سهم الا وانا خسران فيه الله يعوض الجميع وتبى الصراحه انا مااتضايق علشان افلوس انا راح اكون مستثمر طويل الامد ويمكن اكثر

الله يوفقك فيه ان شاءالله تشوفه مره ثانيه بأسعارك وأعلى وإسمحلي

بوسعود أنا سألتك هالسؤال متعمد لأني أتذكر انك شريته رخيص

وكان بإمكانك تبيعه بربح حتى لو 370 أو 380 لكنك طمعت وهذا تأكيد لنفس

جوابي حق الأخ ketoo لما سألني ليش الناس تخسر وهذا أكبر سبب

للخساره برأيي هو الرغبه في الربح المضاعف في فترة وجيزة .

 

[STocK^IndeX]

Master LeO : يعطييييييييفك العافية...ولا علييك أمر الأولى للاستثمار؟

 

[piccadilly]

السلام عليكم :

ماعليك امر اخوى مستر ليو .سهم نور .وجزاك الله خير . وشكرا

 

[Master-Leo]

Master LeO : يعطييييييييفك العافية...ولا علييك أمر الأولى للاستثمار؟

الله يعافيك ياهلا

الأولى للاستثمار : دعم 480 والدعم التالي 450-445 والمقاومه 500 و 540 والمؤشرات اغلبها سلبية

 

[Master-Leo]

السلام عليكم :

ماعليك امر اخوى مستر ليو .سهم نور .وجزاك الله خير . وشكرا

دعم أول 590 ودعم ثاني 560 والمقاومه 630 وأغلب المؤشرات سلبية وأرجو الحذر في حال النزول عن 590 فقد يستهدف 560 والله أعلم

 

[FOREVER]

دولية م أ : دعم 246 مقاومه 265-270 المؤشرات بعضها سلبي والآخر ايجابي ووقف الخساره لاسمح الله في حال كسر الدعم

منتجعات : بعض المؤشرات الايجابيه أعطت دخول اليوم والهدف الأول 226 ونحتاج لإغلاق فوق 230 للوصل الى هدف 242-244

أي اغلاق فوق 244 ان شاءالله قد نرى هدف 265-270 بأذن الله

جزاك الله خير ومشكور علي جهودك الطيبه

 

[بوقاسم]

يا اسد المؤشر الله لا يهينك
المدينه + الصناعات الوطنيه القابضة
مأجور انشاء الله

 

[piccadilly]

دعم أول 590 ودعم ثاني 560 والمقاومه 630 وأغلب المؤشرات سلبية وأرجو الحذر في حال النزول عن 590 فقد يستهدف 560 والله أعلم

جزاك الله خير اخوى مستر ليو وعساك على القوه وتسلم.

 

[امبركو]

عليكم السلام هلا اخوي

الدعم 690 ومقاومه 760 وبعد تداول اليوم عندنا بعض المؤشرات الايجابيه لكن أغلب المؤشرات لازالت سلبية فأرجو الحذر وبالتوفيق ان شاءالله

مشكور يااخوى العزيز مستر ماستر ليو ،،
على المجهود وماقصرت وانت ماشاء الله دايما متفضل ...

جزاك الله خير ،،

 

[(طموح وقنوع)]

الاخ مستر ليو المحترم.اولا اود أن اسجل اعجابي وثنائي وشكري وتقديري لجهودك الكبيرة في خدمة اخوانك في المنتدى رغم كثرة الاسئلة. ولتعلم أني احيانا أتعاطف معك لعظم المسئولية الملقاة عليك.وحيث ان هذه مشاركتي الاولى فارجوا أن تجد منك الاهتمام المعهود. لدي كمية من اسهم الدار ،ومتوسط السعر للكمية1,070 فارجو أن ترشدني بدون تحليلات هل ابيع ام احتفظ بها.وانا بانتضار الرد.

 

[shanab]

حبيبي ليو
نبي سهم له موشرات صعود تكه وحده بس شرعي
لازم انسوي كر وفر بوجه النزول القاتل للموشر

 

[ketoo]

أخونا ليـــــو ...... مشكور على ردك و كلامك كله %100
بس فيه مشكله معايا انى باخد السهم عند سعر الدعم و لكن بيكسره بعد و بينزل على دعم جديد مثل الصناعات المتحده نزل من 440 للدعم 405 اخدته و نزل و الحين على الدعم التالى 385/380 .... فى هذه الحاله ماتقدر تبيع لأنها على الدعم فمجبور تنتظر الأرتداد او كسر الدعم فتوقف الخساره
و ايضا جيزان نزلت من 490 الى 440 و أسست عليها وصارت دعم و لكن صارت القصه و نزلت ل 270 و كانت عرض بدون شراء ..... و فى هذه الحاله ماتقدر تبيع لأن ماكان فيه شراء و الخساره كبيره فلابد تضارب 10 او 15 مره تبيع و ترد اقل ب 10 او 5 فلوس لتقليل الخساره ...

السماح على الأطاله و لكن لتوضيح ان هناك حالات لا تستطيع وقف الخسائر و تظل معلق مع السهم لحين الفرج
فهل هناك نصيحه الا المضاربه فى السهم لتقليل الخسائر؟