دورة المؤشرنت للتحليل الفني
50 دينار كويتي
سلطان ارباحه تشغيليه من وين ياحسرتى
اخوى بورش ...الله يعطيك العافيه...يعطيج العافيه على هالتحاليل المنطقية..
مع كامل احترامي لكل الي قلتيه .. أختلف معاج بشي واحد بس .. قلتي ان أسهم البدر تشغيليه؟
شدراج ؟واذا كانت راح تكون بالمستقبل .. هذا اذا مو بعد 5 سنين انا مافهم شي
الريال هذا قاعد يلعب لعب بالمضارب واللم من تحت.. ويصعده 20 فلس والناس تشتري وبعدين يرده 40 فلس تحت .. ويرجع يلم ويبيع 20 فلس فوق ويرجع تحت على نفس الفلم الهندي .. لين وصل سعر القط على سهمه 310 اليوم ! وشوفي التداول فيه جم مليون .. يعني الصغاريه الي قاعدين يشترون ؟؟الصغاريه قاعدين يشوفون السوق قاعد ينزل وكل واحد ماسك حصالته وخاشه بجيبه .. ناطر أول غيث أخضر للمؤشر .. الي قاعد يشتري وهذا شي واضح من زيادة أسهم الخزينه أهوا البدر نفسه. وأهوا قاعد هالمره علني يوري الناس انه قاعد يلم من تحت ( لأنه أخذ موافقة 10% من البنك المركزي ) فعادي عنده الحين يوري الناس انه يلم من تحت . بس الأيام الي فاتت كان يلعب لعب بالسهم .. ولا قوليلي السهم يوم صعد قبل فتره لي 425 .. منو كان البياع
اذا بتقولين الصناديق ؟؟ بقولج هذي من عجائب الدنيا السبع .. لأن الصناديق فقدت الثقه بأسهم البدر .. وماراح تدخل في الوقت الحالي .. الكلام مايخلص على أسهمه ولا سلوك أسهمه ,, ولكن الشي الأكيد ,, ان حتى أرباحه التشغيليه عليها علامة استفهام وأعتقد مافيها مصداقيه مثل صاحبها
هذا السؤال الي أدري محد عنده اجابه عليه .. البدر قاعد يخربط علينا بأنه راعي المشاريع المليارية .. ومشاريعه ليلحين مابلشت .. لا مصنعه بالأردن ولا بالسعوديه ولا ولا ولا. عطيني سبب يقنعني ان ارباحه تشغيليه
جزاج الله خير أختي .. وانا أدري انج قلتي الآن أصبحت تشغيليه .. ولي قلته لج باختصار ( هين )
مشروعه ليلحين يبيله اكتتاب وعوار راس وجمع فلوس من اهني واهناك ( منا احنا 90% ) وتعالي شوفي متى العوائد الماليه له .. صدقيني وبتذكرينها .. يبيلها خمس سنين عشان مشاريعه المليارديريه تحقق ارباح وهذا شي طبيعي .. لأن أي مشروع عملاق بهذا المبلغ يحتاج وقت .. وماقلنا شي .. خل تاخذ وقت !
انزين .. في ناس مستثمره فلوسها بالسهم ولا انا غلطان ؟
هالناس الي قاعده تخسر .. واهوا يطلع ربح من ورى ظهورها شنو ذنبها ؟
الي تكلمت عنه انا .. شوفي أرباح السهم ليلحين .. شوفي نسبة الأرباح التشغيليه ! أخاف مصنع الصابون طلع كل هالأرباح ؟؟ مو هذي أرباح تشغيليه ؟؟ إلا من ورانا إحنا
والمستثمر معاه أكبر خسران .. لأن السهم من نزول لي نزول
انا معاج كنت من أيام 960 شاريه ولا بعته لين خفس فيني .. بعته بخساره .. ورديته خذيته ب 520 والسهم من نزول الا نزول .. لا أرباحه عوضتني .. ولابتعوضني الحين.
المصداقيه معاه معدومه .. مثل السيارات الي باسكراب. مصديه
وعن صعود السهم من 170 لي الدينار .. كان هناك رجل ورى هالصعود هذا, ووبعدين المحافظ كانت تدش عليه وتصعده زياده لأن السهم كان مزاجه أسهم. لكن الحبيب كل يومين طالعله بالجرايد ومتنططلي ومسوي نفسه التاجر الوحيد بالسوق. وبعدها كسر بالصناديق.
الحين الصناديق كاسرته كسر .. مو مخليته يصعد خشمه فوق الا صكوه على راسه ردوه مكانه. والكباريه الي بالسوق قاعدين يعلمونه ان اللعب مع الكبار يا حبيبي مو قدك .. لا تتنقز وتسوي نفسك هامور البورصة .. كل الي عندك جم مليون وأذيتنا عليهم.
والله يرزقنا معاكم من الرزق الحلال ونفتك من هذا السهم
يا جماعه
الي خسران خساره بسيطه
وشاري كاش
ليش مايروح يبيع بدبي
واصل 450
اي يصير ( بس شلون مادري ) .... اسأل المشرف ( زمان اقتصادي )
( كل يوم عرضه بسعر نازل شوي )
وان شاء الله يروح
دورة المؤشرنت للتحليل الفني
50 دينار كويتي
