اللي يشتري من المعروض والسهم منهار ,,
واحد من هذولا:
1- احد يبي يدعم السهم ويبي الناس تدش معاه او
واحد عارض ملايين ويشتري علشان تشتري الناس (القطيع) منه !
2- احد يبرد عليه سواء محافظ او صندوق او او ..
3- يعلم ان السهم مو هذا سعره وتعتبر فرصة شراء لأنه اجلا ام عاجلا راح يرجع فوق
الشركة ممتازة جدا ,, ولكن للأسف سلوك السهم سيء جدا والناس فقدت الثقة فيه ,, والغالبية مضاربة ماتنطر الارباح الا المتوهق !
واعرف الكثير ,, ينطرون انهيار او نزوله بقوة علشان يضاربون فيه !
للأسف شركة عملاقة ,, وسهمها وضعه مايستحق ان يكون قيادي بالسوق .. لان الاسهم القيادية لازم تكون في نمو وثبات !
المضاربة انفع مع اسهم على شاكلة اجيليتي
يعني اللي شرى لما كان 1,300 وباعه بــ 1,500 مو احسن من واحد شاريه دهر ونايم عليه ناطر الارباح ؟؟ وشنو عاد الارباح ؟ اخذ من جيبه وعايده !