شركة المخازن العمومية ش.م.ك ( أجيليتي ) .... 5

[Navigator]

شاللي قاعد يصير بالسهم

 

[white soul]

يا جماعة الي يعرف صحفي يقوله نزل خبر سلبي عن المخازن بان الجيش الامريكي يبي يسحب العقود خل السهم يتوقف ونعرف شسالفه مو يدجون السهم دج ويلمون الكميه الي يبونها بعدين يقولون شرينا خزينه والسعهم سعره مظلوم

 

[سهم استثماري]

مع بداية التصحيح كان الهدف الضغط على بعض الأسهم القيادية مثل ( اجيلتي وزين والصناعات ) لتنزيل السوق واعتقد إن صانع السوق المشترك بين الثلاث الشركات هو الاستثمارات الوطنية .

ولكن الشئ الملفت للنظر إن بعد إرتداد السوق يوم 12/11 ثاني يوم تركت الصناعات وزين لتتفاعل مع الارتداد وتركت فقط اجيليتي تحت الضغط !!
ومع آخر أربع جولات تداول تراجعت زين وصناعات متزامنه مع المؤشر العام وكذلك أجيليتي تراحعت معهم !! وهنا مرطب الفرس ليش اجيليتي اللي انحرمت من الصعود تنزل معاهم المفروض تتماسك

اللي ودي اقوله اللي ماسك سهم اجيليتي كل ما شاف صعود وممكن دخول قوه شرائية ضغط السهم بقوه وعند النزول ينسف الطلبات بصورة غير طبيعية !

واضح إنهم يبونه تحت والشغله مو تصريف مستغلين اعلان خروج البنك الاجنبي .

 

[kwt.to.kwt]

يمكن اصحاب امانة للتخزين
يحتولون الانتقام من اجيليتي

كل شيء جائز .....

 

[I LOVE KUWAIT]

السلام عليكم
شباب شنو وضع السهم الحين

 

[knpc]

‏
يعلن سوق الكويت للاوراق المالية بان شركة المخازن العمومية اجيليتي افادت ‏
بانها قد فازت بعقد لدعم قاعدة عمليات القوات الجوية الامريكية فى ماناس فى
كارغستان ،وبموجب هذا العقد سوف تقوم الشركة بامداد القوات الجوية الاميركية ‏
بخدمات الدعم والصيانة بشكل يومى فى ماناس،هذا بالاضافة الى توفير المرافق ‏
الغذائية ،ومراكز اللياقة البدنية ،تصليح الاجهزةوالمعدات.‏
وافادت الشركة بان مدة العقد سنه اساسية واحدة ،واربع سنوات اختيارية والقيمة
الاجمالية المحتملة لهذا العقد حوالي 25,7 مليون دولار امريكي.‏

 

[النجدي2007]

ما اثر عليها بوخمسين مليار يبي ياثر عليها هذا العقد بو25 مليون

 

[UNIX]

HSBC و Franklin Templeton و Citi و Black Stone اهم اللي لاعبين بالسوق. الاستثمارات الوطنية مالها تأثير و البركة بمحافظ الوطني اللي هالبنوك دشوا من خلالها.

 

[AutoCad]

إخذ عندك

آخر سعر 1240 (-60)
الكمية المتداولة اليوم 7,695,000

انتوا متخيلين الكمية ....؟

ترى الكلام عن سهم أجيليتي مو عراق قابضة

اشبقى بعد ما خلو سهم إلا خموه حتى الطياح على قولتهم

شللي قاعد يصير ؟

 

[kwt.to.kwt]

تجميع على نار هاديه

 

[Balool]

يا جماعة تنصحون بالشراء في الوقت الحالي؟
شكرا

 

[kwt.to.kwt]

الانتظار والترقب

 

[البنجره]

بالنسبه لنفسي لن اشتري للمخازن ولا الصناعات الى اذا غيرت زيادوة راس المال لان

الذي دهور السهم هي راس المال الي هي 900 فلس ولا بيت التمويل

لأن الشكل الفني لهم نزوول ويكفي الخساره في بعض الاسهم

وانا قلت عالمخازن عندما كانت 1360 وحذرت من الشراء واليوم انباعت 1200

ولا توجد عندها مقاومات قويه الى عند 1220 و 960


اما بالنسبه لسوق ممكن يرتد اخضر ولكن بالنهايه ينزل اما بالنسبه لصناعات اذا لم تغير

زيادة قيمة راس المال فأنها سوف تصل 1300 وهذي نصيحه لنفسي اولا واخيراً

والشراء والبيع مسئوليه شخصيه واعتبروها هذه وجهة نظر

 

[kwt.to.kwt]

السعر الدفتري لأجيلتي كم يا شباب

 

[kwt.to.kwt]

وين الغيبة يا البنجره
مشترك من 2005 وتوك تشارك يوم السوق نزل!!!

 

[سهم استثماري]

السهم المحير !

أغلب المضاربين في أجيليتي اصبحوا مستثمرين قصرا , إذن يجب أن نتابع الشارت الإسبوعي لأنه يعطينا صورة أكثر دقه من اليومي طبعا هالكلام للمستثمرين فقط .. وممكن تكون هناك فرصة ذهبية للمضاربين الإسبوع القادم بعد إرتداد السهم من دعمه الحديدي 1200 .

 

[سهم استثماري]

نفس الوضع ينطبق على م سلطان هل تبقى الـ 400 الدعم القوي

 

[انكسرت_بالسوق]

الله يلعن كل ظالم الله يلعن كل ظالم الله يلعن كل ظالم اقولها من كل قلبي اللي اظلمونا بأسهم مثل اجيلتي وسلطان اللي طيحوا حظ السهم تحت والناس ماكله هواء منذ اكثر من سنتين ومطيحين حظ حظه ما اقول الا عليكم اللعنه المتلاعبين بالسوق والطماعين ....

 

[انكسرت_بالسوق]

ادبسنا بقروض وديون الله يلعن هالسهم شاريه ب3.600 دنانير من زمان وعلي أمل بالمستقبل ...والان ب 1.200 ننسي الامل مبين ...... اه يا القهر وما انصح بالتعامل مع اسهم الجناعات وخصوصا المخازن لانه اسلوب ادارتهم اسلوب يهودي بحت (اسلوب صهيوني امريكي ) تكسب ثقه المساهمين ويعمل له اسم ورنه بعدين يطيحون حظه بالتلاعب وشراء شركات من ارباح الشركه الرئيسيه والشركه ناجحه بأرباحها .....لكن اين ارباحها؟؟ انظر الي الثلاث سنوات الاخيره شنو شرت اجيلتي (المخازن سابقا) من شركات بمئات الملايين وبدال ما تتوزع علي المساهمين في هذا السهم يشترون شركات يتوسعون ويكبرون علي حساب صغار المستثمرين وبعد ما يشبعون من نهش اللحم (اقصد التوسعات) اللي علي حساب قيمه السهم وارباحه اللي طبعا تقل للمساهمين والمستثمرين لانه نسبه الارباح الاكبر ذهبت لشراء شركات جديده علي حساب من؟؟ طبعا صغار المستثمرين والفائز الاكبر اعظاء مجلس الادارة بالمستقبل الكبير... والرئيس بالذات النسبه الاكبر (فويلكم من رب العباد يوم تحشرون) ....دمرتونا واشره علي الحكومه (وزارة التجارة ) وادارة البورصه اللي ما تمسك هالشركات من تلاعبتها والله لا يسامحهم.. وياليت احد يوصل هالدعوه الي كمال وجميل سلطان العيسي

 

[الفال الطيب]

الله يكون بعون ضحايا المخازن , وانا واحد منهم شاري والله ب 3740 , ايام الخدعة يوم اضحكوا علينا بعقود المليارات , والسهم متضخم جدا , ومكرر الربحية متخضم جدا , اعتقد كان فوق الخمسين , والله ناسي , بس عالي جدا , لكن مع هذا انغرينا بالسهم بسبب العقود المليارية ..
لكن الحمدلله قعدنا نبرد على السهم ومع المنح خفت الخسارة ..
ملاحظه مهمه جدا !!! : يا اخوان اللي بيعوض والله فرصة تاريخية لن تتكرر اذا نزل اكثر من 1200 , اشتروا قد ما تقدرون , نافسوا مصاصين الدماء اللي ما يبونكم تشترون معاهم بهذه الاسعار , ما يبون احد يدش معاهم ..
السبب : مهم جدا وهي نقطة ناسينها بعض الاخوان وهي ( مكرر الربحية ) الان جدا منخفض مكرر الربحية بعد نزول السهم الى 1200 اصبح = ( 6 ) تقريبا , نزل بحدود النصف , لانه قبل كم شهر بحدود ( 12 ) ..
فاذا ارتد السوق بعد هذا التصحيح , بأذن الله راح تشوفون المخازن حد أعلى , والسبب مكرر الربحية , ورخص السهم المغري ..