أخوي العزيز فلس ثق تماما إني أتقبل كلامك بكل رحابة صدر
وانا ذاكر مشاركاتي وحده وحده وراح اذكرك شنو قلت ومتى بالضبط وشنو اللي صار منها واستغرب من كلامك لما قلت ماشفت إلا الحجي!!! واتمنى انك انت اللي تقراها مره ثانيه وتنصفني بالرد
الغبقه اللي قلت عنها كانت يوم اثنين خامس رمضان المبارك وكتبت عقبها صفحه اسمها اخبار الخير من سايق الخير وقلت إن بالغبقه ناس يشتغلون بشركات ومحافظ وانهم يقولون ان بمشيئة الله السوق قوي ومتين وماكو شي يخرع وارباح الشركات ممتازه وراح تقود السوق للإرتفاع وبفضل الله السوق كسر 1300نقطه وتقول ماشفنا شي!!ياسبحان الله.. وفعلا صار هالشي بعد إذن الله عز وجل وسالني واحد من الاعضاء الاخوان بالمنتدى قالي دامك قعدت مع هالناس ماوصوك على سهم معين وانا مع اني كنت بطمن الاخوه الاعضاء انه ماكو شي يخرع وماكان هدفي أوصي إلا اني ذكرت انهم وصوني على بوبيان بتروكيماويات وكان سعرها ذاك اليوم الاثنين 17/9 دينار و40 فلس وسعرها الحين 1180فلس يعني صعود 140 فلس في 3 اسابيع ونص يعني لو واحد شاري على توصيتي ذاك اليوم 50ألف سهم بالآجل وبايع الخميس اللي طاف جان ربحان 6000 دينار خلال 3 اسابيع ونص وتقول ماشفنا شي!!! ياسبحان الله...وانا تعمدت اكتب هالشي لانه قبلها بجم يوم في ناس قالت انه بكون نزول بالسوق برمضان وخرعوا العالم فحبيت اطمن الاخوان فقط لاغير..ولما انهارت اسهم البحر عقبها بجم يوم كتبت انه الارتداد قريب وقبل الارتداد بيوم وتحديدا عقب صلاة التراويح وأقسم بالله العظيم والله يشهد على ما أقول دقوا علي هالناس وقالو زهب نفسك ترى باجر الارتداد وأول السوق بكون نزول وعقبها على طول ارتداد وحرصوني على جيزان لأنه فيها 50 فلس صعود من الحد الادني270 الى الاعلى320 وارجع حق مشاركتي بصفحة جيزان فجر الاثنين ذكرت وبالحرف الواحد انه الارتداد قريب جدا جدا اكثر من ماتتصورون وفعلا ارتدت بنفس اليوم وتقول ماشفت غير الحجي!!!ياسبحان الله...وفي اول مشاركاتي بالمنتدى بأول أيام رمضان كتبت بصفحة اخوي سنايبر توصيته للمنتجعات انه مسألة وصول المنتجعات 460فلس قبل العيد من احلام اليقظه واتمنى انك ترجع حق هالصفحه وكل كلامي هذا موجود بالصفحات وارجو من الاخوان مراجعتها لأنك طعنت وشككت بكلامي..أرجو انك انت ياخوي فلس اللي تدقق على مشاركاتي ومشاركاتك قبل لاتظلمني الله يسامحك وعلى فكره سالفة منع اندماج جيزان مالها علاقه بعدم حدوث توصية المنتجعات ولما بدأ الانهيار يوم الاحد23/9 كان سعر إقفال الخميس اللي قبله 250 فلس يعني باجي على وقت التوصيه 3 اسابيع بالضبط يعني 15 يوم تداول وعشان توصل حق سعر التوصيه 460فلس تحتاج 8 تعليقات+يوم 10 فلوس صعود يعني يبقى 6 أيام على العيد!!! لاتعليق...واتمنى انك تذكرني بمشاركه انا قلتها وماشفت منها إلا الحجي يمكن خانتني الذاكره!! وأرجو من اخوي سنايبر يوسع صدره على هالرد وانا واثق جدا من ان نيته صافيه ولكن اطلب منه التأكد من المصدر ولكم جزيل الشكر.