الاخ stockk
الله يمسيك بالنور والسرور
بالنسبة للمميزات فهي كثيرة ولكن تحتاج انك تتعبث شوي و تدخل على اللنكات اللي موجوده وانشاء الله راح تكتشف بنفسك اشياء كثيرة مثلاُ عندهم الماركت كاستر والباور ايتريد برو والماركت تريدر للأسعار و فيهم مميزات جيده بس تحتاج الى سرعة اتصال كويسه على اساس تستفيد منهم بشكل جيد و تقدر تروح لهم من خلال Investing ثم Power E*Trade ثم تختار ما تريد.
ايضاً تقدر تحصل على قائمة ارباح الشركات من خلال Investing ثم Markets ثم Earning Calendar وبجانبها Upgrades/Downgrades
ايضاً من تحت Investing ثم Quotes & Research ثم Today´s Stock Ideas وبجانبها In Play وهذه تحصل منها على اخر الاخبار و معلومات عن الاسهم و لستات بالاسهم اللي عاملة اب ترند او داون ترند او هاي او لو سنوي و ..... الكثير من هذه الاشياء وتستطيع الحصول على شارتات وبعدة اشكال ومعلومات فنية وتحليلية وتستطيع عمل حافظات خاصه بك وتضع الاسهم التي تريد لمتابعتها و غيره .... الكثير و مثل ما ذكرت لك بس تحتاج الى ان تدخل يمين وشمال و تتعبث هنا وهناك وستكتشف الكثير بنفسك .
واذا في اي شيء محدد تحب تعرفه او تستفسر عنه ممكن تقول شنهو بالضبط وممكن ناخذ ونعطي فيه .
وبالنسبة لعدد الاسهم المباعة والمشتراة انا مو فاهم شتقصد بالضبط لانه وبطبيعة الحال طالما فيه عملية شراء فبالتأكيد يوجد بالمقابل عملية بيع والعكس صحيح يعني فيه ناس تبيع و فيه ناس بالمقابل تشتري فعدد الاسهم المباعة والمشتراة يكون واحد وهو نفسه .
الاخ الفرسان
مبررررررروك والله يرزقك ويبارك لك في مالك وحلالك وعيالك ومشكور على هالدعوات الطيبه , والله فرحت لك و لو شايفني يوم شفت ردك وفرحتك كان ضحكت اكثر لأن اللي صار لي يوم شفت ردك مثل اللي صارلك يوم شفت اسمك في الحساب
بس عاد الله الله في الثقل ولا تتسرع في الشراء وحاول تصيد افضل الفرص , وانتبه لا ياكلونك الامريكان خلك حريص وحذر قد ما تقدر ويالله تطلع معهم راس . حاول تستفيد من خبرة وتجارب الاخوان والخبراء الطيبين في المنتدى .
وبخصوص المبلغ هو اقل مبلغ لفتح حساب وتفعيل المارجن 2000 $ يعني من الالفين وفوق , هذا هو المقصود فإذا بتفتح بخمسة الاف او اربعه او ثلاثه ما في مشكله المهم مو اقل من الفين .
وبالتوفيق انشاء الله