دورة المؤشرنت للتحليل الفني
50 دينار كويتي
لوووووول فضييييييع أنت زين ما ماتت الوليه
أحلى شئ في ذكريات الطفولة لما كنا نشتري بطل ببسي بارد من البقالة و ونحشي خبز وجبن بعد من البقالة ونقعد الساعة أربع العصر جدام التلفزيون ننطر"استغفر الله" القرآن الكريم لين يخلص وأول ما يبدء سندباد تصير الكشرة من هنيه لين هنيه وعلطول قرمه من الصمونه مع أغنية المقدمه وطبعا التحليه بكاكاو بونجوم*******
ونجمع صور لممثلين اللي جنهم جنجفه ويا العلج واللي يطلع له صورة أم كلثوم يقطها وييييييع هاذي ما أبيها... تبدل؟؟؟
أيام في الإبتدائي الفرصة الأولى يودونا المقصف ويريقونا بيض مفيوح - جاي حليب - بسكوت المطاحن "واللي في أمه خير ما ياكل أكله".
صج ذكريات حلوه.
الفيلجاوي تذكر!!!!!
هذي قصتي مع (( أخو دنيا ))
في يوم من الايام كنت مقدم على لجنه في وزاره و كانت اللجنه عباره عن ثلاث أشخاص طبعا أنا ما أعرف أساميهم ولا أعرف منو أهمه
و كنت محتاج موافقة هل لجنه ضروري ضروري ضروري ... الخ
المهم رحت حق موعد اللجنه و أنا خايف و مرتبك و ما كان عندي واسطه بعد الله سبحانه و تعالى
و لما دخلت عليهم و سلمت جان يفز واحد فيهم و يطلع من ورى الطاوله و يسلم علي . طلع واحد من زملاء الدراسه من الابتدائي لي الثانويه و بعدين فرقتنا الدنيا و كل واحد راح بحال سبيله
المهم جان يقول حق الي معاه لازم نمشي شغل محمد هذا مو مراجع عادي هذا أخو دنيا
سبحان الله ردت فيني الذاكره لايام قبل الي كان أكبر همنا اللعب و التمشي و الوناسه و الضحك و اليوم تدور الدنيا و ألقى هل شخص و يقولي (( أخو دنيا ))
تأثرت بهذي الكلمتين وايد
و حمدت الله و شكرته على تسخير هل شخص لي في هذي اللجنه
السلاام عليكم ورحمة الله وبركاته ...
اتذكر لما خلصت رابعه ابتدائى وابتدت العطله الصيفيه انتقلنا لمنطقه جديده لان الوالد الله يرحمه
باع البيت القديم واشترى لنا بيت جديد ... المهم يوم انتقلنا للمنطقه الجديده كانت شوى فينى شطانه وكنت استعمل (( النباطه )) لصيد الطيور او اى كائنات اخرى ...!!!
واذا ماحصلت شى اطقه با النباطه كنت اصيد لمبات البيوت ...!! وكنت افتر با الشوارع ومعاى نباطتى وسلطنى الله على لمبة با الشوارع اللى ورانا ... وكل مايصلحونها ويركبون غيرها كنت اتعنى واروح لها واكسرها وارجع ..!!
كان ملحق ماجره مصرى وكل ماركب لمبه اروح اكسرها ... ومرات كان يشوفنى ويدرى انه انا والنباطه معاى ... بس لانى واثق من قدراتى فى الجرى ماكان يقدر يصيدنى ... ومرات كان يلحقنى بس شوى شوى علشان بس يدل بيتنا على الاقل ..!!
المهم خلصت العطله واحنا على ها الحال مثل توم وجيرى ...!!
اول يوم با المدرسه والا الوالد رحمة الله عليه ماخذنى الى مدرسه جديده ورحت اولى متوسط
مدرسه وملل وراحت اول حصه والثانيه والثالثه .... الحصه الرابعه قالوا عليكم حصة عربى ..!!
دق الجرس ودخل مدرس العربى عليناا .....
بصراحه انا لما شفت مدرس العربى صعقت .... بكل ماتحتويه هذه الكلمه ... فعلااا صعقت ...
كان مدرس العربى هو نفسه اللى كنت ماذيه طول عطلة الصيف واكسر لمباتهم ....!!!
والله انى تمنيت الارض تنشق وتبلعنى .... انا كنت قاعد وراا ... واهو سلم علينا وبارك لنا با العام الدراسى الجديد وقال كل واحد يقوم من كرسيه با الدور ويقولى اسمه علشان نتعرف على بعض ..... تصور الموقف ... المهم وصل دورى وانا بسرعه اقول اسمى وانا ملتفت صوب الدريشه علشان مايعرفنى ..!! والا يقولى ... التفت على خلينى اشوفك ... التفت عليه .... قام يدقق ........ ويتذكر .... ويمحص ... وقالى ... انا شايفك فين قبل كده .... قلت ماادرى ....
قال انا درستك اول ... قلت لاااا ... قال انا شايفك بس وين ... وين ..... ابدا انت مو غريب على ..!!
وفجاه صاح بفرحه ... ماادرى هى فرحته انه تذكر ... او فرحته لانه صاادنى ....
انت ... انت بتاع النبيطه ... والله العظيم انت ... !!! وقالى اعترف ... نزلت راسى ...(( يعنى منحرج )) ... وقلت اى انا .... قال هو بفرحه عارمه ها المره .... دورتك با السماا ,, ولقيتك با الارض ..!! ويومها عطانا محاضره طويله عن النباطه واضرارها ... وعن الاخلاق وعن حقوق الجار والوالدين .... والحمدلله اللى انتهت على محااضره ....
ويشهد الله ... الله يرحم ها الاستاذ الفاضل اذا كان ميت او كان من الاحياء .. استفدت منه الكثير من القيم والمبادئ ... ولم يبادل الاساءه با لاساءه ... بل بادلها باحسان ... وعفو عند مقدره ...
وصارت بيننا معزه من نوع خاص وصرت الاول بمادة العربى بفضل الله وفضله ...!!
واللحين اعلم اولادى ماتعلمته منه من علم ومن اخلااق ... !!
الفيلجااااااااااااااوي
لووووووووووووووووووووووووووووووووووووووووووووووووول من وين طلعــــت !!
الحمدلله على سلامــــتك
احلى شي في ايام الطفوله انه ما نفكر بشي كلش غير اللعب والوناسه .
حياك الله ولد عمي
أي والله صاج ما كنا نفكر الا باللعب و الوناسه . ولا الحين ما تدري تفكر بشنو ولا شنو
عطنا من ذكريات أيام الطفوله إذا عندك
الله يعطيك الصحه و العافيه
دورة المؤشرنت للتحليل الفني
50 دينار كويتي